Meʻa ke Leaʻaki Fekauʻaki mo e Makasiní

Ko e Taua Leʻo Sanuali-Maʻasi

“Ko e kakai tokolahi ʻoku nau tui ʻoku ʻi ai ʻa e ngaahi meʻa moʻui ʻatamai poto ʻi he nofoʻanga laumālié ʻokú ne tākiekina ʻetau moʻuí. Ko e hā hoʻo fakakaukaú? [Tuku ke ne tali. Lau leva ʻa e Fakahā 12:7-9.] Ko e makasini ko ení ʻokú ne fakahaaʻi ʻa e meʻa ʻoku leaʻaki ʻe he Tohi Tapú fekauʻaki mo e faʻahinga ʻoku nau moʻui ʻi he nofoʻanga laumālié, anga ʻenau uesia kitautolú, mo e, ʻe lava ke tau fetuʻutaki mo kinautolu pe ʻikai.”

ʻĀ Hake! Sanuali-Maʻasi

“Kuó ke fifili nai ko e hā ʻoku kātoangaʻi ai ʻa e Kilisimasí ʻi Tīsema 25 lolotonga ia ʻoku ʻikai tala mai ʻe he Tohi Tapú pe naʻe ʻaloʻi ʻa Sīsū ʻanefē? [Tuku ke ne tali.] Fakatatau ki he veesi ko ení, ko e ʻaloʻi ʻo Sīsuú heʻikai lava ke hoko ia lolotonga ʻa e faʻahitaʻu momokó. [Lau ʻa e Luke 2:8.] Ko e makasini ko ení ʻokú ne fakaeʻa ʻa e tupuʻanga ʻo e ngaahi tōʻonga faka-Kilisimasi manakoa ʻe niʻihi.”

Ko e Taua Leʻo Sanuali-Maʻasi

“Te ke loto tatau ko e ngaahi mātuʻa taʻehoá ʻoku faʻa faingataʻa ange ia ʻi he ngaahi mātuʻa malí? [Tuku ke ne tali.] Ko e Tohi Tapú ʻokú ne fakalototoʻa mai kitautolu ke ngāue mo e tokanga pe tokaʻi ʻa e faʻahinga ʻoku ʻi ai ʻenau ngaahi polé. [Lau ʻa e Sāme 41:1.] Ko e kupu ʻoku kamata ʻi he peesi 10 ʻoku fakamatala ki he founga te tau lava ai ʻo fakahāhā ʻa e tokanga ki he ngaahi mātuʻa taʻehoá.”

ʻĀ Hake! Sanuali-Maʻasi

“Kuo ʻeke tokolahi, ‘Kapau ʻoku ʻi ai ha ʻOtua, ko e hā ʻoku ʻikai te ne fakaʻauha ai ʻa e Tēvoló?’ Kuó ke fifili nai ki ai? [Tuku ke ne tali.] Ko e kupu ko eni ʻi he peesi 10 mo e 11 ʻokú ne tali ʻa e fehuʻi ko iá mei he Tohi Tapú. ʻOkú ne toe tala mai kiate kitautolu pe ʻe fēfē ʻa e māmaní ʻi he taimi ʻe puli atu ai ʻa e Tēvoló.” Lau ʻa e Fakahā 21:3, 4.