Ziyeezyo zya Ciibalusyo

Ikusekelela kwa Ciibalusyo kuyoocitwa mubuzuba bwa Nsondo mu March 23. Baalu beelede kubikkila maanu kutwaambo otu tutobela:

◼ Mukusala ciindi camuswaangano, mukasinizye kuti zikozyanisyo taziinzigwi pe kusikila mane lyabbila zuba.

◼ Boonse, kubikkilizya amwaambi, beelede kuzibisyigwa ciindi cini-cini alimwi abusena mpociyoocitilwa ciyanza eci.

◼ Kuleelede kujanwa musyobo wacinkwa awaini weelede zikabikkwe kazilibambide.—Amubone Ngazi Yamulindizi yamu Chingisi ya February 15, 1985, peeji 19.

◼ Mitiba, nkapu zyamagilazi, atebule lyeelede alimwi akasani kaatebule zyeelede kuletwa kuŋanda eyo akubikkwa amasena azyo kakucili ciindi.

◼ Iŋanda ya Bwami naa busena bumbi bwakuswaanganina bweelede kulomya kusalazya kakucili ciindi.

◼ Bagwasilizi abasikwiinzya beelede kusalwa akulaililwa nzila yeelede alimwi amilimo yabo kakucili ciindi.

◼ Kweelede kucitwa bubambe bwakuti kufwumbwa abo bananike bacisidwe akutakonzya kujanikako bapegwe.

◼ Ciindi nokutali buyo muswaangano omwe uubambilidwe Ŋanda ya Bwami yomwe, kweelede kuba kumvwana akati kambungano kutegwa kutantamukwe kwaatikizyanya kuteelede kumanjililo, kumulyango, kutuzila twabuleya, akubusena busiigwa myootokala.

◼ Izikozyanisyo mutaziciti mbuli kuti zilaa nguzu zyaalubazu. Bamwi bali kunga wakotamina naa kununsya zitondezyo. Eeci taceelede pe.

◼ Takuyandiki kwiimba buya pe ciindi noziinzigwa zitondezyo. (Nkwiinzya buya kutali ‘kweenzya’ zitondezyo.)

◼ Mucenjele kuti mutiikomezyi kwiinda mbwiibede ncobeni myeelwe yabaabo bajanika.

◼ Ibantu bagwisidwe balazumizigwa kujanikako akubalwa. Pesi mutamubalilizyi akati kabasikutola lubazu kufwumbwa muntu uugwisidwe naa uutabbapatizidwe.