Miswaangano Yamulimo ya February
Nsondo Iitalika mu February 1
Lwiimbo 11
10 min: Zyakwaambilizya zyambungano. Zyakwaambilizya Zisalidwe mu Mulimo Wesu Wabwami. Amubayeezye boonse kuleta malipooti aabo aamulimo wamumuunda aamu January.
17 min: “Ibbuku lya Lukkomano Mumukwasyi Amulimwaye Kubantu Baziimo Zyoonse.” Mwaalu wabandika cibalo abasikumwaya bobile naa botatwe basimide. Amusungwaalile kugwasya bamwi kubona kuti nzila yakujana lukkomano mumukwasyi ijatikizya kutobela lulayo lwamu Bbaibbele. (Amubone bbuku lya Lukkomano Mumukwasyi, mapeeji 10-12.) Amupe citondezyo kubelesya nzila imwi yaambidwe yakutalisya makani. Amutondezye mbokutalisigwa lweendo lwakupilukila.
18 min: “Ikulisamika Buntu Bupya.” Makani aabandika Ba-Efeso 4:20-24. (Amubone Ngazi Yamulindizi ya March 1, 1993, mapeeji 14-18, mincali 4-17.) Amupandulule mbotusamununa buntu bwakale akusama bupya.
Lwiimbo 17 amupailo wakujala.
Nsondo Iitalika mu February 8
Lwiimbo 9
10 min: Zyakwaambilizya zyambungano. Lipooti yamaakkaunti.
15 min: “Mulimo Wabupainiya—Sena Inga Mwaucita?” (Mincali 1-14) Mulangizi wamulimo wakanana makani aantalisyo mafwaafwi, wabakulwaizya boonse kuyeeyesya kucita bupainiya bwaciindi coonse. Kwamana waawo ulabandika mubuzyo 1. Basimbungano bobile naa botatwe ibali mubupainiya bamusangana aacibumbili kubandika mubuzyo 2. Babandika zyabapainiya mbobanga bakonzya kujana ziyandika zyakumubili. Mpoonya bamazyali bobile baisangana nkamu kubandika mubuzyo 3. Bapandulula cakukulwaizya kaambo bakubusi ncobeelede kuyeeyesya kumakani aakunjila mulimo waciindi coonse. Amukulwaizye boonse kuyoojanika ku Muswaangano Wamulimo noiyoobandikwa mibuzyo iiceede.
20 min: “Nobakubusi—Intaamu Zyanu Amuzyeenzye Camaanu.” Kubuzya akwiingula. Mwamana kubandika muncali 3, akube citondezyo casikumwaya uucili muniini uulomba mupati kuti babeleke limwi mumulimo wamumuunda. Mupati wazumina, elyo walomba kuti balibambile ntalisyo zyamakani kabatanaunka mumulimo antoomwe.
Lwiimbo 23 amupailo wakujala.
Nsondo Iitalika mu February 15
Lwiimbo 21
10 min: Zyakwaambilizya zyambungano. Makani Aateokrasi.
18 min: Mbuti Mbotugwasigwa Kwiinda Mukulilembya Mucikolo Camulimo Wateokrasi? Mubandi uujatikizya baswiilizi uucitwa amulangizi wacikolo. Ikuyiisya mbokukananwa makani kubuleya tauli ngomuzeezo ulikke buyo wacikolo. Kuli azimbi nzila motugwasigwa. (Amubone Bukhu Lolangiza La Sukulu, mapeeji 11-13.) Twiiya mbokukananwa kabotu abantu. Tuyiisigwa kusalazya makani eesu notukanana, twiiya kukkalikila alimwi akubaa camba. Tulaciziba kapati kwiingula mibuzyo iijatikizya lusyomo lwesu alimwi akupandulula ncotulaa lusyomo luli boobo lwamu Bbaibbele. Iluzibo lwesu lwa Bbaibbele lulavwula, eci citugwasya kuciziba kabotu kukambaukila bantu. Twiiya kulibombya akuzumina notwalubizya alimwi akutobela lulayo, eci cituyiisya kweendelezya bantu caluumuno. Lwiiyo loonse ndotujana mucikolo lutugwasya kuti katuli balanda ba Leza ‘bazulide.’—2 Kor. 3:5, 6.
17 min: “Ibanamukwasyi Mbobabelekela Antoomwe Kutola Lubazu Munzila Iizwide—Muciiyo ca Bbaibbele.” Mubandi aakati kabanamukwasyi. Babandika kujatikizya mbobali mukutobela mizeezo iijatikizya kubala kwa Bbaibbele kwamukwasyi yakapegwa mu Ngazi Yamulindizi ya June 1 1996, mapeeji 13-14, alimwi a Ngazi Yamulindizi ya October 15, 1992, mapeeji 16-17, yamu Chichewa.
Lwiimbo 7 amupailo wakujala.
Nsondo Iitalika mu February 22
Lwiimbo 5
10 min: Zyakwaambilizya zyambungano.
35 min: “Mulimo Wabupainiya—Sena Inga Mwaucita?” (Mincali 15-25) Makani alimwi amubandi weendelezegwaa mwaalu. Amucitile limwi bubambe bwakuti bapainiya abaabo bakacitide bupainiya baingule mibuzyo 4 kusikila ku 5 camoyo woonse. Bakankaizya mbuli mbokuyandika kubaa mulongo uuli kabotu akuutobela, bapa zikozyanyo zyamilongo yamulimo wansondo ansondo iikonzeka. Mwaalu wamanizya amakani aakulwaizya aaingula mubuzyo 6. Mafoomu aakulembela bupainiya alakonzya kujanwa kuli umwi wabamu Kkomitii Yamulimo Yambungano.
Lwiimbo 20 amupailo wakujala.