Miswaangano Yamulimo ya October
Nsondo Iitalika mu October 4
Lwiimbo 16
10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu Wabwami.
17 min: “Ijwi lya Leza Lyabusinsimi Liyoozuzikizigwa!” Imajwi aamatalikilo atasiki kuminiti yomwe elyo amuzumanane amubandi wakubuzya akwiingula. Amwaambe twaambo tusyoonto kuzwa mubbuku lipya itutondezya ncociiminina ciindi cesu.
18 min: Amumwaye Mamagazini! Amuwaambe mweelwe wamamagazini aakamwaigwaa mbungano mwezi wakamana. Ino mweelwe oyo muweezyanisya buti ayooyo uutambulwa kuzwa ku Sosaiti? Ikuti naa lwaandaano ndupati, ncinzi ceelede kucitwa? Amulombe baswiilizi kuti baambe mbobayeeya atwaambo otu tutobela: (1) Sikumwaya omwe-omwe weelede kooda mamagazini manji pele ngakonzya kumwaya. (2) Imijibelo yoonse ibonwe kuti Mazuba Aakumwaya Mamagazini. (3) Imulongo wanu wamulimo amuubambe munzila yakuti kaubikkilizya kumwaya mamagazini mwezi amwezi. (4) Amukanze kucita bumboni bwamukwiizya ikubelesya mamagazini kutegwa mutalisye mibandi. (5) Amutole mamagazini aajisi zibalo zimwi zibandika makani aajatikizya basimakwebo abantu bambi bayiide balo balangilwa kuti inga bazikkomanina. (6) Amube amulongo uulembedwe kabotu wamabbuku ngomumwaya elyo mube amasena momusiya mamagazini lyoonse akupilukila ciindi aciindi kutola mamagazini mapya. (7) Amwaabelesye kabotu mamagazini oonse aakaindi ikutegwa atalundani pe. Amwaabikke antangalala mamagazini mapya elyo amwaambe zibalo zilangilwa kukkomanisya bantu. Amulombe muntu mupati alimwi amukubusi kuti aumwi atondezye mbwanga wamwaya mamagazini munzila mfwaafwi.—Amubone pepa lyamukati lya Mulimo Wesu Wabwami wa September 1995 wamu Chichewa.
Lwiimbo 28 amupailo wakujala.
Nsondo Iitalika mu October 11
Lwiimbo 20
10 min: Zyakwaambilizya zyambungano. Lipooti yamaakkaunti.
15 min: Ziyandika Zyambungano.
20 min: “Mbotunga Twaindila Kukondwa Kwiinda Mukujanika Kumiswaangano.” Kubuzya akwiingula. Amwaambe zikonzyanyo zigaminide kujatikizya mbotunga twatondezya bulemu alimwi akukulwaizya kuli bamwi notuli kumiswaangano. Amulombe baswiilizi kuti baluule izyakabacitikila balo beni.
Lwiimbo 1 amupailo wakujala.
Nsondo Iitalika mu October 18
Lwiimbo 4
10 min: Zyakwaambilizya zyambungano alimwi azyakacitika mumulimo wamumuunda.
13 min: “Sena Mulalonga?” Imakani aakulwaizya abandikwe amulembi. Basikumwaya nobajana kuti bayandika kulongela kumbungano imbi, kulayandika kapati kuti bafwambaane kukkalikila mubusena bwabo bupya ikutegwa batanyonganizigwi kulubazu lwakumuuya. Amukankaizye mbokuyandika kuzibya baalu kujatikizya makanze aali boobu alimwi akubalomba kuti bagwasilizye ikulembelana abaalu bakumbungano mpya.
22 min: “Ncinzi Ncomunga Mwamwaambila mu Juda?” Kubuzya akwiingula. Amupandulule lwaandaano luliko akati kabukombi bwaba Juda bwa Orthodox, Ibupya alimwi Abwakaindi. (Amubone Mankind’s Search for God, peeji 226-7) Amwaambe mbazu motulangilwa kujana kaambo mpotuzuminizyanya amu Juda. Amutondezye nzila yalibambilwa kabotu mbokunga kwacitwa boobu. Ikutegwa mujane makani aambi kujatikizya bukombi bwaba Juda, amubone pepa lyamukati lya Mulimo Wesu Wabwami wa February 1998; ibbuku lya Kukambitsirana apeeji 22-3; alimwi abbuku lya Mankind’s Search for God cibalo 9.
Lwiimbo 12 amupailo wakujala.
Nsondo Iitalika mu October 25
Lwiimbo 11
15 min: Zyakwaambilizya zyambungano. Amubagwasye boonse ikulibambila kumwaya broshuwa lya Ncayanda naa bbuku lya Luzibo mu November. Amupandulule mbokulibambilwa nzila iibandika mubuzyo wakuti “Sena Leza ulaingula mipailo?” Amubelesye twaambo ituli muciiyo 7 mubroshuwa naa cibalo 16 mincali 12-14 mubbuku. Amutondezye mboinga yacitwa nzila yomwe nguba-uba iijatikizya lugwalo lomwe.
15 min: Ikujana Bwiinguzi Kumibuzyo yamu Bbaibbele. Imukutausi waswaigwaa sikumwaya walo wabuzigwa mubuzyo wamu Bbaibbele amuntu uuyanda kwiiya. Muciindi cakwiingula, imukutausi wapandulula mbobujanwa bwiinguzi. Kusaanguna walanga-langa nzila zijanwa mu Bukhu Lolangiza la Sukulu ciiyo 7 mincali 8-9. Mpoonya bavwuntauzya mubuzyo uuvwula kubuzigwa mubusena mobabelekela. Balanga-langa mabbuku aabandika makani ayo akujana twaambo tusinizya twalo tusalazya kaambo kapegwaa bwiinguzi bwa Bbaibbele. Amukulwaizye baswiilizi kuti kabaliyiisya munzila eyi iigwasya ikuvwuntauzya mibuzyo ya Bbaibbele.
15 min: Imbaakani Nzyotukonzya Kulibikkila. Imakani amubandi abaswiilizi. Amulange-lange mbaakani zigwasya izilembedwe mukabbokesi ikali apeeji 11 mu Ngazi Yamulindizi ya March yamu Chichewa . Amukulwaizye baswiilizi ikutola lubazu mumulimo wabupainiya bwakugwasilizya alimwi abwaciindi coonse. Amupadulule mbotunga twagwasigwa kwiinda mukubaa mbaakani zili boobu. Amulombe baswiilizi kuti baluule lukkomano ndobakajana ciindi nobakakonzya kusika ambaakani imwi yateokrasi.
Lwiimbo 18 amupailo wakujala