Basimukoboma Bayandika Kwaamvwa Makani Mabotu
1 Leza ulayandisisya “kuti bantu boonse bafutulwe akuboola kuluzibo lwakuziba lusinizyo.” (1 Tim. 2:4) “Bantu boonse” bajatikizya basimukoboma boonse. Ikubasikila amakani mabotu kuyandika kuti katuli bankutwe kubelesya nzila zisiyene-siyene alimwi akubikkila maanu kapati kuzintu muntu aumwi ngotuswaanganya nzyayanda. (1 Kor. 9:19-23) Imbunga ya Jehova yapa zibelesyo zikonzya kutugwasya kunjila myoyo yabantu “basalidwe [kubaa]buumi butamani.” (Inc. 13:48) Nkooko atubone mbotunga twabelesya mabroshuwa aasiyene-siyene mumwezi wa July a August kutegwa basimukoboma tubatondezye zintu zyakumuuya nzyobayandika.
2 Mabroshuwa Aakubelesya: Mumulongo uulaansi awa mulajana inzila zikonzya kugwasya nomutondezya bantu mabroshuwa aaya amwi. Muzeezo umwi aumwi ujatikizya (1) mubuzyo uukkazika ansi kuyeeya wakutalisya mubandi, (2) citondezyo cankotunga twajanika twaambo twakubelesya mubroshuwa, alimwi (3) alugwalo lweelede lunga lwabalwa nomubandika. Mulakonzya kulibikkila majwi aanu mumakani aamubandi kweelana abwiinguzi bwamuntu. Kujatikizya mabroshuwa manji, Mulimo Wesu Wabwami wamusyule watondezyegwa kwalo nkomunga mulajana mizeezo minji iikonzya kubelesyegwa nomumwaya broshuwa eyo.
Sena Ncobeni Leza Ulatulanganya?
Muyeeya kuti kuli bulangizi nzi bukonzya kugwasya bantu ibali mukupenzyegwa calunya?—Mapeeji 27-8, mincali 23-7: Is. 65:17, 18; km 7/97 p. 8.
Ino Buumi Bujisi Mulimonzi—Mbubuti Mbomunga Mwabujana?
Nkaambo nzi bantu banji mazubaano ncobalibonya kutabukkomanina bukkale bwabo?—Mapeeji 29-30, mincali 2, 25-6; Int. 145:16; km 7/96 p. 8.
Amutangale Abuumi Butamani a-Nyika!
Sena kuli nomwakayeeyede kujatikizya ncali mukucita ono Jesu Kristo?—Zifwanikiso 41-2; Ciy. 11:15; km 8/96 p. 8.
Imfulumende Eeyo Iiyoleta Paradaiso.
Sena inga mwaakkomanina makani aajatikizya Bwami Jesu mbwaakatuyiisya kuti katubupailila?—Peeji 3; Mt. 6:9, 10; km 8/96 p. 8.
Iciindi Muntu Ngomuyanda Nafwa.
Sena kuli nomwakayeeyede mbomunga mwaumbulizya muntu wafwidwa muyandwa wakwe?—Peeji 26, mincali 2-5; Joh. 5:28, 29; km 7/97 p. 8.
Should You Believe in the Trinity?
Sena kuteelela mbwabede cini-cini Leza kulayandika kujatikizya bukkale bwesu bwakumbele?—Peeji 3, mincali 3, 7-8; Joh. 17:3.
3 Imabroshuwa Aambi: Mupepa lyamukati lya Mulimo Wesu Wabwami wamu February 1998, muli mulongo wamabbuku aambi kubikkilizya amabroshuwa aakabambilwa kubelesya ikapati notukambaukila ba Bbuda, ba Hindu, ba Juda alimwi aba Mozilemu. Kufwumbwa nkoceelede, imabroshuwa aaya alakonzya kusiigwa kubantu mbomuswaanganya. Mulakonzya kwiinduluka mizeezo iili amapeeji 4-6 aapepa lyamukati alimwi amapeeji 21-4 mubbuku lya Kukambitsirana akulibambila ntalisyo yamakani mfwaafwi iikonzya kubusya luyandisisyo lwabantu aba.
4 Aimbi broshuwa yabambwa kuti igwasye bantu ibalaa lwiiyo lwaatala pele ibatalizyi kabotu Bbaibbele. Ibambilidwe kukulwaizya bantu aba kubaa luyandisisyo lwakulanga-langa Jwi lya Leza. Naa kwayandika, inga mwasala kusiya yeeyi iitobela:
A Book for All People.
Sena mulazumina kuti ikujana lwiiyo lubotu kujatikizya kubaa luzibo luli mbolubede lujanwa mu Bbaibbele?—Peeji 3, mincali 1-3 alimwi apeeji 30, muncali 2; Muk. 12:9, 10.
5 Ibroshuwa Yakubelesyaa Ciiyo ca Bbaibbele: Makanzeesu aamumuunda lyoonse ayelede kuba aakutalisya ciiyo ca Bbaibbele mpoona-mpoona notuswaya ciindi cakusaanguna naa notupilukila cakufwambaana. Aboobo, tulijisi ibroshuwa eeyi iitobela iitakatazyi kubelesya mukutalisya alimwi amukucitya ziiyo zya Bbaibbele zyaaŋanda:
Ncinzi Leza Ncayanda Kulindiswe?
Sena mulizyi kuti mumaminiti aali 30 naaba masyoonto aliyaaya ansondo, munsondo zili 16, mulakonzya kubaa luzibo lujatikizya makani mapati-pati aamu Bbaibbele?—Ciiyo 2, muncali 6; 2 Tim. 3:16, 17; km 5/97 p. 4.
6 Mucikozyanyo camuna Samariya silubomba, Jesu wakapandulula kabotu-kabotu kuti simukobonyoko mwini-mwini nguulya uutondezya luyando aluse kutegwa agwasye muntu uumbi uuli mumapenzi. (Lk. 10:27-37) Basimukoboma bali mumapenzi munzila yakumuuya. Bayandika kwaamvwa makani mabotu. Atuubweze mukuli wakwaatola kubantu, elyo tuyootondezya kuti tuli basikwiiya ba Jesu Kristo beni-beni.—Mt. 24:14; Gal. 5:14.