Ipulogilamu Impya Yamuswaangano Wabuzuba Bwaalubazu
Ibubambe bwamazuba aamuswaangano aalubazu bwakatalika mu 1987. Imiswaangano eyi yabuzuba bomwe yabayumya-yumya kapati babelesi ba Jehova alimwi abasiluyandisisyo ibajanika. Ikutalikila mu September 1998, ipulogilamu impya yamuswaangano waalubazu iyoocitwa. Imakani aali fwuka alimwi akubuzya-buzya kunji kubikkilizyaa zyakuluula ziyoomugwasya kapati munzila yakumuuya.
“Amutondezye Kuti Mulalilumba Itafwule lya Jehova” ngomutwe wapulogilamu impya. (Is. 65:14; 1 Kor. 10:21) Uyooyumya-yumya makanze eesu aakuti kukomba Jehova kwesu kweelede kuba cintu citaanzi mumaumi eesu. (Int. 27:4) Imakani aamulangizi wabbazu aakuti “Ikulingaula Ziyandisisya Myoyo Yesu” ayoobandika mbotulimvwa kujatikizya kujanika aamiswaangano. Mumakani aakuti “Amuzumanane Ikuyuma Munzila Yakumuuya Kwiinda Mukulidaa Tafwule lya Jehova,” imwaambi mweenzu uyootutondezya inzila mbotunga twacita boobo. Ikukulwaizya kugwasya akwalo kuyoopegwa kubakubusi ibali mumbunga ya Jehova kuti bazumanane kukakatila mukubelekela Leza. Imakani mapati aamwaambi mweenzu aalaa mutwe wakuti “Ibayumizidwe Munzila Yakumuuya Ikupa Bukamboni Cabusicamba,” ayootondezya ibubambe bucitwa mumbungano mbobutugwasya kuba bantu balibambilide kupa bumboni cabusicamba kujatikizya Bwami. Ino nguni uutayandi kuyoogwasigwaa pulogilamu eyi?
Basikulyaaba onoono ibayanda kuyoobbapatizyigwa beelede kumuzyibya mulangizi weendelezya cakufwambaana. Tusyomede kuti mbotutitalikile mwaka wa 12 kuzwa ciindi bubambe bwabuzuba bwaalubazu nobwakatalika, boonse ibayoojanika bayooyumizigwa munzila yakumuuya kujatikizya mulimo uuli kumbele.