Kabbokesi Kamubuzyo

◼ Sena mbungano yeelede kunamatika maapu yacilawo cayo coonse mu Ŋanda ya Bwami?

Inzya, maapu yacilawo coonse yeelede kubikkwa kabotu-kabotu kubwaanda mu Ŋanda ya Bwami. Maapu eeyi tayeelede kubikkwaa bboodi aabikkwa makani aambi pe. Yeelede kutondezya minyinza yoonse yacilawo caabilidwe mbungano alimwi aminyinza yacilawo cimwi acimwi cipegwa kumuntu antoomwe anamba yaco. Minyinza yambungano zyoonse zibelesya Ŋanda ya Bwami yomwe yeelede kutondezyegwa kabotu-kabotu. Eeci ciyoobagwasya basikumwaya alimwi abapya ikuzyiba cilawo mbungano ilaa cilawo mobakkala. Akwalo kutondezya masena mucitilwa Ciiyo Cabbuku Cambungano amaapu kuyoobagwasya boonse ikujana ciiyo cabbuku nkobaabilidwe kakunyina penzi. Maapu yeelede kaili yeeyo iibeleka aciindi eeco.

Ikubikka maapu eeyi kuyoogwasya kuyeezya basikumwaya kuti umwi aumwi weelede kubaa cilawo cimugeme mwanoobelekela ikuti kacikonzyeka. Maapu eeyi ilagwasya kapati kuli baabo ibayanda kusala cilawo cili afwaafwi akuŋanda yabo. Aziindi zimwi cilakonzya kugwasya kutasowa ciindi lyamiswaangano yamulimo, cilakonzya kumuubila-ubila sikweendelezya muswaangano ikwaabila kabunga kamwi akamwi kabasikumwaya kubatondezya cakufwambaana cibaka ncobapedwe kuyoobelekelako.

Alimwi maapu eeyi ncitondezyo cakuti mbungano ilaabubambe buli kabotu bwakukambauka mulumbe wa Bwami mpoceela mucilawo ncoipedwe.—Lk. 9:6.