Nzila Zyikonzya Kubelesyegwa Mukumwaya Bbuku lya Amubaa Cilongwe a Jehova

◼ Kamujisi Bbaibbele mumaanza, amwaambe kuti: “Bunji bwabantu basyoma muli Leza balayanda kuba acilongwe anguwe. Sena mulizyi kuti Leza ulatutamba kuti tube acilongwe cini-cini anguwe? [Amubale Jakobo 4:8.] Ibbuku eeli lyakabambilwa kuti ligwasye bantu kubelesya Bbaibbele lyabo kutegwa babe acilongwe cini-cini a Leza.” Amubale muncali 1 apeeji 16.

◼ Kamujisi Bbaibbele mumaanza, amwaambe kuti: “Mazubaano ikutalulama kwavwula kapati. Cili mbuli mbokupanduludwe aawa. [Amubale Mukambausi 8:9b.] Ibunji bwabantu baladooneka kuti naa Leza ulibikkilide maano. [Amubale mizila yakusaanguna yobilo mumuncali 4 uuli apeeji 119.] Icibalo eeci cilapandulula ikaambo Leza ncaazuminzyila kutalulama kwaciindi cili mbocibede.”