Cikolo Camulimo Wendelezyegwa a Leza
1 Jehova ubelesya bantu buyo ikubeleka mulimo uuyandika kapati. Inzila yomwe njabelesya njakuyiisya ikucitwa ansondo Mucikolo Camulimo Wendelezyegwa a Leza. Sena mulatola lubazu kweelana abukkale bwanu? Mu January kuya kuba kucinca kusyoonto mububambe kutegwa basicikolo bakagwasyigwe.
2 Ikucincana kwa Basikugwasyilizya Mukupa Lulayo: Ibakwesu babandika makani aakunomoona twaambo tupati-pati mu Bbaibbele alimwi abaabo bakanana makani aamalailile kalaukkomanina mulimo uucitwa asikugwasyilizya mukupa lulayo. Ooko nkobali banji ibaalu bajisi luzibo, imulimo ooyu wasikugwasyilizya mukupa lulayo ulakonzya kunoocinca amwaka. Munzila eeyi, imukuli inga waabanwa; pele ciinda kubota ncakuti ibaalu abakutausi bajisi luzibo baya kugwasyigwa kwiinda mubaambi abamayi baindene-indene bajisi luzibo kapati.
3 Ikucinca kwa Mubandi Wakwiinduluka: Ikuti naa mbungano yanu kaijisi muswaangano wabbazu munsondo yamubandi wakwiinduluka, nkokuti mubandi ooyu amulongo oonse wansondo eeyo inga waakucitwa wainda muswaangano, pele mulongo wansondo eeyo ngumwalonzya mubandi wakwiinduluka, inga wabelesyegwa munsondo yamuswaangano. Pele takuyandiki kucincanya mulongo wansondo zyobile ciindi nomwatambula mulangizi wabbazu anomujisi mubandi wakwiinduluka. Muciindi caboobo, ilwiimbo, cibeela cakukanana, kunomoona twaambo tupati-pati kuzwa mu Bbaibbele zyeelede kucitwa mbweena mbuli mumulongo. Imakani aamalailile (aya kupegwa cakumana cibeela cakukanana) alakonzya kubwezegwa kumulongo wamakani aansondo iiboola. Kunomoona twaambo tupati-pati kuya kutobelwa a Muswaangano Wamulimo walo uya kwaapaulwa muzibeela zyotatwe zyamaminiti 10 naa muzibeela zyobile zyamaminiti 15. (Icibeela cakwaambilizya inga mwacisiya.) Waakumana Muswaangano Wamulimo kuya kuba lwiimbo, lwaakumana mulangizi wabbazu uya kukanana makani aakwe mucisela cawoola. Insondo iiya kutobela, Cikolo Camulimo Weendelezyegwa a Leza ciya kutalika amakani aacibeela cakukanana akunomoona twaambo tupati-pati mbubwena mboubede mulongo, aakumana imubandi wakwiinduluka uyootobela.
4 Cilakonzya kumubeda ciindi cibotu cakutola lubazu kutegwa muyaambele munzila yakumuuya. Mbomuyaa bugwasyigwa alwiiyo ndomujana Mucikolo Camulimo Weendelezyegwa a Leza, mukulwaizya mbungano yanu, amutole lubazu mukuzuzikizya businsimi bwa Bbaibbele akutembaula Sikwaanza makani mabotu ngotukambauka.—Is. 32:3, 4; Ciy. 9:19.