Kukambaukila Bantu Boonse

Mbubwenya Jehova mbwaakali kubakamantanya bana Israyeli kaindi, amazuba aano ulabakamantanya bantu bakwe kutegwa bacite kuyanda kwakwe. Munyika yoonse, maofesi aamitabi, mabazu, mbungano, alimwi atubunga twamulimo zyoonse zibelekela aamwi kutegwa makani mabotu akambaukwe. Tulakambauka kubantu boonse, kubikkilizya abaabo baambaula mwaambo uumbi.—Ciy. 14:6, 7.

Sena kuli nomwakayeeyede kwiiya mwaambo uumbi kutegwa mugwasye muntu kwiiya kasimpe? Nokuba kuti tamujisi ciindi cakwiiya mwaambo, mulakonzya kubelesya aapu ya JW Language kwiiya majwi masyoonto buyo aambomukonzya kutalisya mubandi. Mpoonya, mwaabelesya mumulimo majwi aayo, mulakonzya kulimvwa mbuli Banakristo bamumwaanda wamyaka wakusaanguna, ibakakkomana kapati ciindi bantu bakumasena aambi nobakagambwa akumaninwa maano kumvwa “milimo mipati ya Leza” mumwaambo wabo.—Mil. 2:7-11.

AMWEEBELELE KAVIDIYO KAKUTI AMUBE BALONGWE BA JEHOVA​—AMUKAMBAUKE MUMWAAMBO UUTALI WANU, MPOONYA MWIINGULE MIBUZYO IITOBELA:

• 

  Ino ndilili nomukonzya kubelesya aapu ya JW Language?

• 

  Ino aapu eeyi ijisi zibeela nzi?

• 

  Ino mucilawo canu bantu baambaula myaambo nzi?

• Ncinzi ncomweelede kucita ikuti mwajana muntu waambaula mwaambo uumbi iwatondezya luyandisisyo kumulumbe wa Bwami?—od 100-101 ¶39-41