Yu Save?

(Yu inap painim bekim bilong ol dispela askim long Baibel, na tu, bekim bilong ol i stap long pes 20. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)

1. Ol i bin mekim bikpela wok long wanem ol kala taim ol i wokim sampela samting bilong haus sel na klos hetpris i bin pasim? (Kisim Bek 36:35)

2. Hamas hetman bilong Persia i bin mekim wok olsem saveman i givim tingting long King Serksis na ol i bin pasim tok long samting ol bai mekim long Kwin Vasti? (Esta 1:​13-​15)

3. Melkisedek i bin mekim wok king na pris long wanem taun long bipo? (Stat 14:⁠18)

4. Long ol Baibel Latin, ol i bin mekim wok long wanem hap tok bilong makim diwai ol i bin hangamapim Jisas long en? (Lukim sta daunbilo long Matyu 10:​38, NW.)

5. Husat i tambu papa bilong Moses? (Namba 10:⁠29)

6. Jisas i bin tok, i no gat wanpela man Juda em inap tok em i save mekim wanem long Lo Bilong Moses? (Jon 7:​19)

7. Long tok piksa, ol man i stap olsem wanem samting long han bilong Man bilong wokim sospen graun? (Aisaia 64:⁠8)

8. Hamas taim hetpris bilong ol Israel i save go insait long Rum Tambu Tru? (Hibru 9:⁠7)

9. Maski ol man i planim kaikai na givim wara long en, God i gat nem long mekim wanem? (1 Korin 3:⁠7)

10. Jisas i tok, mekim laik bilong Papa bilong em i olsem wanem samting bilong em? (Jon 4:​32, 34)

11. Jisas i bin tok, man i mas “i stap olsem wokboi nating bilong olgeta man” bambai em i ken kisim wanem namba? (Mak 10:⁠44)

12. Husat i bin askim Jisas: “Ating yu wanpela tasol yu no save long ol samting i bin kamap long Jerusalem long dispela taim?” (Luk 24:⁠18)

13. Pol i tok, yumi mas i stap olsem “man i bikpela pinis” long wanem samting, na i stap olsem ol liklik pikinini long ol pasin nogut? (1 Korin 14:⁠20)

14. Long wanem mun bilong ol Juda, Nehemia i bin pinisim wok bilong wokim gen banis bilong Jerusalem? (Nehemia 6:​15)

15. Inap 200 yia samting, wanem taun i bin i stap olsem nambawan biktaun bilong lain Israel long hap bilong not? (2 King 3:⁠1)

16. Husat em i papa bilong profet Joel? (Joel 1:⁠1)

17. Aisaia i stori long wanem kain diwai em ol man i planim na bihain ol i katim sampela hap olsem paiawut bilong kukim kaikai, hatim skin, na wokim piksa bilong god giaman long en? (Aisaia 44:​14-​17)

18. Bihain long Baibel i stori long taua bilong Babel, stori bilong husat i kamap? (Stat 11:⁠10)

19. Tok profet bilong Baibel i makim wanem hap taim bai kamap paslain stret long taim Mesaia i kam? (Daniel 9:​25, long sta daunbilo)

20. Husat em i mama bilong gutpela King Hesekia? (2 King 18:2; 2 Stori 29:⁠1)

21. Sapos wanpela man “i no laikim ol giaman god,” em i no inap mekim wanem samting long ol haus lotu bilong ol haiden? (Rom 2:​22)

22. Taim ol man i dai pinis ol i kirap bek, Jisas bai skelim olgeta wan wan long wanem samting ol i bin mekim? (KTH 20:​12, 13)

23. Olsem Jems i tok, pasin bilong tingim husat em i mak bilong lotu i tru? (Jems 1:​27)

[Blok long pes 20]

Ol Bekim

1. Blu na ret

2. Seven

3. Salem

4. Crux

5. Jetro

6. Bihainim tok bilong en

7. Graun

8. Wanpela taim long olgeta yia

9. Mekim kaikai i kamap

10. Kaikai

11. Namba wan namel long ol disaipel

12. Kliopas

13. Long “tingting”

14. Elul

15. Samaria

16. Petuel

17. Pain

18. Ol lain pikinini bilong Siem

19. “62 taims 7-pela yia”

20. Abiya

21. Stilim samting

22. Pasin ol i bin mekim

23. Ol pikinini em papamama bilong ol i dai pinis, na ol meri em man bilong ol i dai pinis