Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 17. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Pol i bin kisim sip long nambis bilong wanem taun taim em i lusim Esia Maina bilong i go bek long Antiok, Siria, long pinis bilong namba wan raun bilong em long autim gutnius? (Aposel 14:​25, 26)

2. Ol manmeri bilong tenpela lain bilong Israel i bruk, long wanem, ol i laikim wanpela bilong wanem tupela man long kamap namba 6 king bilong Israel? (1 King 16:​21, 22)

3. Wanem namba 3 ples King Balak i kisim profet Balam i go long en, taim em i traim long mekim Balam i tok nogut long ol Israel? (Namba 23:⁠28)

4. Husat long ol 12-pela pikinini man bilong Jekop, em insait bilong nem bilong em i olsem, “Mi win tru”? (Stat 30:⁠11)

5. Pol i askim wanem Sisar long harim kot bilong em, na bihain dispela Sisar i tok Pol i mas i dai? (Lukim sta daunbilo long Aposel 25:​11, 21, NW.)

6. Ol i mas putim wanem samting long ol ofa ol i mekim long Jehova antap long alta? (Wok Pris 2:​13)

7. Olsem tok profet Jisas i bin mekim, wanem bikpela wok i mas kamap pastaim na bihain bai las de i kamap? (Matyu 24:​3, 14)

8. Long wanem mun bilong ol Juda, Nehemia i wok inap 52 de bilong pinisim wok bilong wokim gen banis bilong Jerusalem? (Nehemia 6:​15)

9. Bilong wanem ol meri i go bek long matmat bilong Jisas long namba 2 de bihain long ol i bin planim em na pasim matmat? (Luk 23:55–24:⁠3)

10. Long wanem mun bilong ol Juda, Solomon i pinisim wok bilong wokim tempel? (1 King 6:​38)

11. Devit i mekim wanem taim em i save olsem namba wan pikinini man bilong em long Batseba i dai? (2 Samuel 12:​20-​23)

12. Long taim bilong Jisas, olsem wanem sampela man i gat bikpela strong tumas? (Mak 5:​3, 4, 15)

13. Aposel Pol i tok, wanem gutpela samting bai kamap sapos yumi lain long kisim ol tok bilong stretim yumi? (Hibru 12:⁠11)

14. Wanem pisin em i narapela kain long planti narapela pisin, long wanem, 2-pela ai bilong en i lukluk stret olsem na em inap lukim wanpela samting long 2-pela ai long wankain taim? (Song 102:⁠6, NW )

15. Wanem samting bai helpim yumi long de bilong belhat bilong Jehova na ol samting bilong graun i no inap mekim olsem? (Sindaun 11:⁠4)

16. Jisas i tok, yumi ol wokman bilong God i mas i gat wanem tingting taim yumi mekim wok yumi kisim? (Luk 17:​9, 10)

17. King Asa i strong tru long mekim wanem long “stingpela piksa” tumbuna mama bilong em Maka i bin wokim? (1 King 15:⁠13)

18. Bilong wanem Jisas i tokim ol man i gat hevi long karim plang bilong em long sol bilong ol? (Matyu 11:⁠30)

19. Long wanem ples Moses i sanap na lukim Graun Bilong Promis na bihain em i dai? (Lo 32:​49, 50)

[Blok long pes 17]

Ol Bekim

1. Atalia

2. Tipni na Omri

3. Peor

4. Gat

5. Nero

6. Sol

7. “Bai ol i autim dispela gutnius bilong kingdom bilong God long olgeta hap bilong graun”

8. Elul

9. Bilong putim gen wel na marasin i gat gutpela smel long bodi bilong Jisas na i no ken sting hariap

10. Bul

11. Em i no krai moa na tambu long kaikai, em i kirap long kaikai

12. Ol spirit nogut i bosim ol

13. Bai yumi mekim “stretpela pasin, na bel bilong yumi bai i stap isi”

14. Tarangau bilong nait

15. Stretpela pasin

16. Em wanpela gutpela wok na yumi mekim tasol wok yumi mas mekim

17. Em i katim dispela piksa na kukim, na em i rausim em long wok bilong em olsem mama bilong king

18. Dispela bai givim nupela strong long ol, long wanem, plang bilong em i isi long karim, na samting em i givim bilong karim, em i no hevi

19. Maunten Nebo