Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)

1. Ol i givim wanem biknem long 5-pela bikman bilong ol taun bilong Filistia em ol i wok wantaim long ol samting ol i gat laik long en, olsem ol i traim long daunim Samson? (Hetman 16:⁠5)

2. Ol Israel i tingim bek ol samting ol i bin kaikai long Isip, na ol i laik kisim wanem ol kaikai taim ol i stap long ples drai nating? (Namba 11:⁠5)

3. Jisas i kirapim ol disaipel bilong em long tingim wanem ol samting ol plaua i no gat wok long mekim, tasol ol i gat gutpela bilas? (Luk 12:⁠27)

4. Lo Bilong Moses i tok, ol meri man bilong ol i dai pinis na ol meri i bin katim marit, ol i mas bihainim tok promis bilong ol, tasol man i ken mekim wanem long tok promis em meri bilong em i bin mekim? (Namba 30:⁠13)

5. Long taim bilong ol man i raitim Baibel, ol i mekim wanem bilong kamapim olsem narapela i laikim narapela o tingim em? (1 Samuel 20:​41, 42)

6. Namba 2 lo i tambuim wanem samting? (Kisim Bek 20:⁠4, 5)

7. Olsem wanem ol Israel i kisim Tenpela Lo long namba wan taim, na wanem samting i kamap taim ol i kisim? (Lo 10:⁠4)

8. Husat i baim hap graun Arauna i save mekim wok long en bilong kisim kaikai bilong wit, na bihain ol i wokim wanem samting long dispela hap? (1 Stori 21:24; 2 Stori 3:⁠1)

9. Solomon i gat hamas namba wan kiap, na wanem wok bilong ol? (1 King 4:⁠7)

10. Bilong wanem Pita i tok yumi mas “daunim [yumi] yet na i stap aninit long ol arapela manmeri bilong God”? (1 Pita 5:⁠5)

11. Husat ol i tok pait wantaim Pol long ples maket bilong Atens, na ol i tok ol man i dai pinis bai no ken kirap bek? (Aposel 17:⁠18)

12. Bilong kisim save long laik bilong Jehova long samting ol i laik mekim, hetpris i save mekim wok long wanem samting? (Kisim Bek 28:⁠30)

13. Wanem profet i bin kisim driman long karis bilong Jehova long heven?

14. Wanem nem i stret long Haman na papa bilong em Hamedata, na dispela i makim olsem ol i bilong lain Amalek na inap longtaim pinis ol i birua long ol Juda? (Esta 3:1; 8:⁠3)

15. Lo Bilong Moses i tok, animal i mas i gat wanem ol samting long en i makim olsem em i klin na ol Israel i ken kaikai? (Wok Pris 11:⁠3)

16. Solomon i wokim sia king bilong em long wanem ol samting? (1 King 10:⁠18)

17. Olsem wanem Jisas i kirapim toktok wantaim meri Samaria long hulwara? (Jon 4:⁠7)

18. Kein i kilim i dai Abel long wanem hap? (Stat 4:⁠8)

19. Wanem pisin em i namba wan pisin Baibel i bin kolim stret nem bilong en? (Stat 8:⁠7)

[Blok long pes 27]

Ol Bekim

1. King

2. Pis, kukamba, melen, anian na galik

3. Ol i no save hatwok o wokim laplap

4. Em i ken pasim meri long bihainim

5. Ol i kis

6. Wokim ol piksa na lotu long ol

7. Long maus bilong em, Jehova i givim lo long ol long maunten Sainai, “taim em i stap long paia” na toktok long ol

8. King Devit; haus lotu

9. Twelpela; wan wan i gat wok long lukautim Solomon na lain i stap long haus bilong em long kaikai na ol narapela samting inap wanpela mun long olgeta yia

10. Long wanem, “God i save daunim ol man i apim nem bilong ol yet, tasol em i save marimari na mekim gut long ol man i daunim ol yet”

11. “Sampela saveman bilong ol lain Epikurian na ol lain Stoik”

12. Tupela ston

13. Esekiel (Esekiel, sapta 1)

14. Lain Agak

15. Animal i save kaikai gras olsem bulmakau na kapa bilong hanlek i bruk tuhap

16. Tit bilong elefan ol i karamapim long gol

17. Em i askim meri long givim em wara bilong dring

18. Long ples kunai

19. Kotkot