“Bai Mi Kaunim Aua Olsem Wanem?”

Yu bin mekim kain askim olsem? Yu inap painim sampela stiatok long buk Oganaisesen, pes 86-87. Sampela moa stiatok i save kamap long Wok Kingdom, olsem Askim i stap long Wok Kingdom bilong Septemba 2008. Sindaun bilong yumi i no wankain, olsem na i no gat longpela lista bilong ol lo long pasin bilong kaunim aua. So i no stret long ol elda na ol narapela long putim sampela moa lo.

Sapos yumi gat askim long pasin bilong kaunim aua na ol buk na nius bilong yumi i no kamapim sampela tok long en, orait yumi ken askim yumi yet: Mi bin yusim dispela haptaim long autim tok? O mi bin yusim long mekim narapela wok we i no insait long wok autim tok? Taim yumi raitim ripot long olgeta wan wan mun, yumi mas raitim ripot we bel bilong yumi bai i no gat tok long en. (Apo. 23:⁠1) Hamas aua yumi kisim long autim tok, dispela i no bikpela samting. Bikpela samting em olsem, yumi mas mekim gutpela wok long haptaim yumi yusim bilong autim tok.​—⁠Hib. 6:11.