Skul Bilong Wok Autim Tok Bilong 1998
Dispela tok “skulim” i makim olsem “man i lain long wanpela kain save o wanpela kain pasin.” Long rot bilong Skul Bilong Wok Autim Tok, oltaim yumi lain long save bilong God. Na tu, taim yumi insait long dispela skul, yumi lain gut long pasin bilong toktok na skulim gut ol man. Program bilong skul bilong 1998 bai helpim yumi long kamap strong moa long ol samting bilong spirit.
Taim yu lukim sedyul bilong skul bilong 1998, bai yu lukim olsem planti taim ol i kisim ol tok bilong Tok Namba 1 long nius Wastaua. Bilong mekim Tok Namba 3 ol sumatin bai kamapim tok bilong buk Save o buklet Sampela Tok Bilong Baibel Bilong Toktok Wantaim Man Long En. Bilong mekim Tok Namba 4, ol sumatin bai kisim ol tok long buklet Sampela Tok Bilong Baibel Bilong Toktok Wantaim Man Long En, na sapos wanpela brata i mekim dispela tok, em i mas mekim olsem em i mekim wanpela tok long kongrigesen. Sapos wanpela sista i mekim dispela tok, em i mas mekim long wankain pasin olsem ol i mekim Tok Namba 3. Na tingim: No gat wanpela insait long skul i ken kalapim minit bilong en.
Wanpela Nupela Samting: Bilong helpim yumi, wanpela “Namba Tu Sedyul Bilong Kaunim Baibel” i stap insait long mak olsem [ ] klostu long namba bilong singsing bilong olgeta wan wan wik. Maski i no gat tok insait long skul bilong kamapim ol tok bilong ol dispela sapta bilong Baibel, gutpela sapos yu bihainim dispela sedyul. Dispela bai helpim yu long kaunim Baibel long olgeta wan wan de, sapos yu no bin mekim yet olsem.
Bilong kisim sampela tok moa long ol tok i kamap long skul na ol tok bilong helpim sumatin na rivyu bilong raitim, plis yu kaunim gut ol lo bilong skul olsem ol i raitim long “Sedyul Bilong Skul Bilong Wok Autim Tok Bilong 1998,” na tu long sedyul bilong 1997.
Sapos yu no insait yet long Skul Bilong Wok Autim Tok, mipela i laik kirapim yu long go insait. Dispela gutpela skul i mekim yet bikpela wok long lainim ol wokman bilong Jehova i gat pasin daun na givim bel tru long em bambai wok bilong ol i kamap gutpela moa.—1 Ti 4:13-16.