Askim

◼ Yumi mas bihainim wanem ol tok lukaut taim yumi autim tok long ol kalabusman?

Long olgeta hap bilong graun i gat 8 milion manmeri ol i stap long kalabus, na sampela bilong ol i amamas long harim tok bilong gutnius. (1 Ti. 2:4) Wanpela brens-ofis i save kisim inap 1,400 pas long olgeta mun long ol kalabusman na famili bilong ol em ol i laik kisim ol nius o ol i laik bai wanpela i go lukim ol. Tru, planti kalabus ol i gat laik tru long harim tok bilong gutnius, tasol sampela ol i save giaman olsem ol i laik harim tok, ol i laik kisim ol samting long lain bilong God. Long dispela as, olgeta i mas bihainim ol dispela tok lukaut taim ol i autim tok long ol kalabus.

Planti taim ol brata i save autim tok long ol kalabus long rot bilong pas. Mipela i strong tru long ol sista i no ken salim pas i go long ol kalabusman, maski ol i tingting long helpim ol long ol samting bilong spirit. Ol brata i winim mak, ol tasol i mas mekim dispela wok. Ol sista i winim mak, ol inap salim pas long ol kalabusmeri em ol i gat laik tru long save long tok i tru bilong Baibel. No ken salim mani o presen i go long ol kalabus, maski ol i askim yupela long mekim olsem.

Taim wanpela kalabus i laik kisim save long tok bilong Baibel, givim nem na atres bilong em long kongrigesen i lukautim teritori em haus kalabus i stap long en. Ol brata i winim mak ol i save long ol samting ol bai mekim. Sapos yu no save long wanem kongrigesen i lukautim dispela teritori, orait yu mas salim nem na atres bilong dispela kalabus i go long brens-ofis.

Ol brata i mekim wok bilong helpim ol kalabus, ol i ken mekim miting wantaim ol kalabus na bai planti liklik i ken stadi long wankain taim. Tasol yupela i no ken mekim ol bung long haus kalabus we ol pablisa inap toktok raun nating wantaim ol kalabus. Na tu, ol pablisa i no ken go nating long ol haus kalabus na pas gut wantaim ol kalabus.

Taim yumi autim gutnius long ol kalabus, i gutpela long yumi ‘bihainim pasin bilong ol snek, na tingim gut pastaim ol samting yumi laik mekim. Na yumi mas bihainim pasin bilong ol dispela pisin ol i kolim balus, na yumi no ken tingting long mekim wanpela pasin nogut.’​—Mt. 10:16.