Mekim Wok Long Buk Lotuim God Long Mekim Ol Baibel Stadi
Ol i bin wokim dispela buk Lotuim Dispela Wanpela God Tru bilong helpim ol nupela man long kamap strong long tok i tru na bilong ol i ken save gut na laikim tru Jehova na oganaisesen bilong em. Yu ken yusim dispela buk olsem namba tu buk bilong stadi wantaim ol sumatin bilong Baibel. Wok Kingdom bilong yumi bilong Jun 2000, pes 4 i tok: “Taim yu pinisim stadi long buklet Yumi Mas Mekim Wanem? na buk Save, na sapos yu luksave olsem sumatin i wok long kamap strong long ol samting bilong spirit, maski em i mekim olsem isi isi, na em i pilim ol samting em i lainim, orait stadi wantaim em long namba tu buk. . . . Long olgeta taim yu mas stadi pastaim long buklet Yumi Mas Mekim Wanem? na buk Save. Yu ken raitim long ripot Baibel stadi yu mekim, na ol gobek, na ol aua yu lusim bilong mekim stadi, maski sumatin i kisim baptais taim em i no pinisim yet namba tu buk.”
Husat moa i ken kisim helpim long rot bilong stadi long dispela buk Lotuim God? Dispela Wok Kingdom i tok moa: “Sapos yu save long sampela man em bipo ol i bin stadi long [buklet Yumi Mas Mekim Wanem? na] buk Save tasol ol i no bin kamap strong na dediket na baptais, ating yu inap toktok wantaim ol bilong kisim save sapos ol i laik kirapim gen Baibel stadi bilong ol o nogat.”