Yu Mas Go Lukim Ol

Yu mas go lukim husat? Yu mas i go lukim ol man i laik kisim ol buk na nius o ol i laik kisim ol magasin long olgeta taim o ol i laik bai wanpela Witnes i go lukim ol. Husat i askim long ol dispela samting? Em ol man i salim pas o ol i ring o long rot bilong Web-sait bilong yumi long Intenet ol i toksave long brens-ofis. Taim ol man i salim kain tok olsem, brens-ofis i save salim toksave long kongrigesen i stap klostu long ol dispela man long rot bilong pepa S-70-⁠MP, em i gat het-tok long en olsem, “Plis Stretim Rot Bilong Wanpela Strongpela Pablisa i Go Lukim Dispela Man.” Taim ol elda i kisim dispela pepa, kwiktaim ol i mas givim long wanpela pablisa na em bai i go helpim dispela man i laik harim tok. Sapos pablisa i hatwok long painim dispela man long haus, orait em i ken traim long ringim em o raitim liklik toksave na lusim long haus bilong dispela man. Pablisa i mas bihainim savepasin taim em i lusim toksave olsem. Sapos ol i askim yu long go lukim kain man olsem, plis wok strong long go kwik na lukim em.