Gutpela Rot Bilong Amamas Long Harim Ol Singsing Bilong Kingdom

Ol wokman bilong God i tingim musik i olsem gutpela presen i kam long Jehova. (Jems 1:17) Planti kongrigesen i save amamas long pilaim ol singsing bilong Kingdom paslain na bihain long ol miting bilong kongrigesen. Pasin bilong pilaim ol singsing bilong Kingdom em i gutpela rot bilong mekim bel bilong yumi i stap isi na redim tingting bilong yumi long miting. Na tu, taim yumi harim musik bilong ol nupela singsing, dispela bai helpim yumi long mekim gut ol singsing. Musik ol i pilaim bihain long miting i mekim yumi amamas taim yumi bung na toktok wantaim ol bratasista. Olsem na lain elda i mas stretim rot bambai ol i pilaim musik bilong Sing to Jehovah—Piano Accompaniment, paslain na bihain long ol miting. Volium bilong musik i no ken antap tumas, nogut em i mekim na taim ol bratasista i toktok ol i no inap harim gut tok bilong narapela narapela.