Wastaua INTENET LAIBRERI

INTENET LAIBRERI

mwb16 Epril p. 3
Mekim Ol Gutpela Tok Bilong Strongim na Helpim Man

Kristen Laip na Wok Autim Tok—Miting Wok Buk (2016)

mwb16 Epril p. 3

GUTPELA SAVE I KAM LONG BAIBEL | JOP 16-20

Mekim Ol Gutpela Tok Bilong Strongim na Helpim Man

Man bilong givim skultok i mas mekim tok i strongim narapela

Jop i bel hevi tru, olsem na em i nidim ol narapela long sambai long em na strongim em
Tripela pren bilong Jop i no mekim wanpela tok bilong mekim isi bel bilong em. Ol i sutim tok long em na mekim em i bel hevi moa yet

Ol tok bilong Bildat i bagarapim tru bel bilong Jop

Jop i askim God long sambai long em na helpim em, na tu, em i askim God long larim em i dai
Jop i putim tingting i go long taim bilong kirap bek, olsem na em i sanap strong na karim hevi na stap gut yet long God

Elifas i toktok long Jop na Bildat na Sofar i lukluk long tupela

OL MAN I SUTIM TOK LONG JOP

Elifas:

Ating Elifas em bilong taun Teman long kantri Idom. Jeremaia 49:7 i tok ol manmeri bilong taun Teman i gat gutpela tingting na save
Elifas em fes man long toktok—ating em i gat bikpela krismas na gutnem winim ol narapela pren bilong Jop. Em i mekim tok inap 3-pela taim na em i toktok longpela taim moa winim narapela 2-pela pren

Ol tok giaman:

Em i tok bilas long pasin bilong Jop long i stap gut long God na tok olsem God i no trastim ol wokman bilong em (Jop 4, 5)
Em i tok Jop i hambak na em i no soim rispek long God (Jop 15)
Em i sutim tok olsem Jop i gat gridi pasin na em i no bihainim stretpela pasin, olsem na God i sakim em (Jop 22)

Bildat:

Tumbuna pikinini bilong Sua. Ating em i stap arere long wara Yufretis
Bildat em namba 2 man long toktok. Em i mekim tok inap 3-pela taim, na ol tok bilong em i nogut moa winim tok bilong Elifas na i bagarapim tru bel bilong Jop

Ol tok giaman:

Em i tok ol pikinini man bilong Jop i mekim sin, olsem na i stret long hevi i painim ol, na tu, em i tok Jop yet i no tingim God (Jop 8)
Em i sutim tok olsem Jop em man bilong mekim sin (Jop 18)
Em i tok maski man i stap gut long God, em i no inap kamap stretpela man long ai bilong God (Jop 25)

Sofar:

Em i bilong kantri Nama, ating long not-wes bilong Arebia
Em i namba 3 man long toktok, na em i sutim ol tok i strongpela moa winim ol tok bilong narapela 2-pela pren. Em i mekim tok inap 2-pela taim

Ol tok giaman:

Em i sutim tok olsem Jop i mekim ol tok kranki, na em i tokim Jop long lusim ol pasin nogut bilong em (Jop 11)
Em i tok Jop em i man nogut na em i save bihainim pasin i no stret (Jop 20)