YEREMIYA

1 Lawa i marito ya Yeremiya* n’wana wa Hilkiya, un’wana wa vaprista va le Anathoti+ etikweni ra Benjamini. 2 Yehovha u vulavule na yena enkarhini wa Yosiya+ n’wana wa Amoni,+ hosi ya Yuda, hi lembe ra vu-13 ra ku fuma ka yena. 3 A tlhela a vulavula na yena hi nkarhi wa ku fuma ka Yoyakimi+ n’wana wa Yosiya hosi ya Yuda, ku fikela loko ku hela lembe ra vu-11 ra ku fuma ka Sedekiyasi+ n’wana wa Yosiya, hosi ya Yuda, ku ya fikela loko Yerusalema a ya evuhlongeni hi n’hweti ya vuntlhanu.+

4 Yehovha a vulavula na mina a ku:

Ndzi ku endle muprofeta eka matiko.”

 6 Kambe ndzi te: “Yehovha Hosi Leyi Tlakukeke!

A ndzi swi koti ku vulavula+ hikuva ndza ha ri mufana.”+

 7 Yehovha a ku eka mina:

“U nga vuli u ku, ‘Ndza ha ri mufana.’

9 Hiloko Yehovha a ndzi khumba nomu hi voko.+ Kutani Yehovha a ku eka mina: “Ndzi veke marito ya mina enon’wini wa wena.+ 10 Waswivo, ku sukela namuntlha ndzi ku nyika matimba yo lawula matiko ni mifumo, yo simula ni ku wisetela, yo lovisa ni ku hirimuxa, yo aka ni ku byala.”+

11 Yehovha a tlhela a vulavula na mina a ku: “U vona yini Yeremiya?” Hiloko ndzi ku: “Ndzi vona rhavi ra murhi wa almondi.”

12 Yehovha a ku eka mina: “U vone swona hikuva ndzi tshama ndzi xalamukele ku endla leswi ndzi swi vuleke.”

13 Yehovha a vulavula na mina ra vumbirhi, a ku: “U vona yini?” Hiloko ndzi ku: “Ndzi vona poto leri nga eku vileni naswona nomu wa rona wu voyamele edzongeni.” 14 Yehovha a ku eka mina:

2 Yehovha a vulavula na mina a ku: 2 “Famba u ya vulavula etindleveni ta Yerusalema u ku, ‘Yehovha u ri:

 3 Israyele a a kwetsima eka Yehovha,+ a ri ntshovelo wakwe wo sungula.”’

‘Lava n’wi lovisaka a va ta va ni nandzu.

A va ta weriwa hi khombo,’ ku vula Yehovha.”+

 5 Yehovha u ri:

Ni leri ku nga tshamiki vanhu?’

 8 Vaprista a va vutisanga va ku, ‘Yehovha u kwihi?’+

10 ‘Kambe tsemakanyani mi ya eswihlaleni* swa Kitimi+ kutani mi vona.

11 Xana tiko ri tshame ri cinca swikwembu swa rona ri teka swilo leswi nga riki swikwembu?

Kambe vanhu va mina va vangamise swilo leswi nga pfuniki nchumu ku ri ni ku vangamisa mina.+

14 ‘Xana Israyele i nandza kumbe i hlonga leri tswariweke endyangwini?

Kutani hikwalaho ka yini a phangeriwe swilo swakwe?

Swi endla tiko ra yena ri va nchumu lowu chavisaka.

Miti ya yena yi hisiwile leswaku ku nga vi na muaki.

16 Vanhu va le Nofu*+ ni va le Tahapenese+ va dyela ethavathaveni ya nhloko ya wena.

23 U nga vurisa ku yini u ku, ‘A ndzi tithyakisanga.

A ndzi va landzelanga Vabali’?

Vona ndlela ya wena enkoveni.

Lemuka leswi u swi endleke.

I mani loyi a nga yi sivelaka loko yi ri eku tshweni?

Leti ti yi lavaka a ti nge tikarhati.

Ti ta yi kuma hi nguva* ya yona.

Kambe u te, ‘A swi pfuni nchumu!+

Kambe mina va ndzi komba xikosi ku nga ri xikandza.+

28 Sweswi swi kwihi swikwembu swa wena leswi u tiendleleke swona?+

29 ‘Hikwalaho ka yini mi tshamela ku ndzi hehla?

Hikwalaho ka yini mi ndzi xandzukerile hinkwenu ka n’wina?’+ ku vula Yehovha.

30 Vana va n’wina ndzi va bile kambe a swi pfunanga nchumu.+

31 N’wina vanhu, anakanyisisani hi rito ra Yehovha.

Hikwalaho ka yini vanhu va mina va te, ‘Hi fambafamba hi tshunxekile.

A hi nge he ti eka wena’?+

Kambe vanhu va mina va ndzi rivarile ku ringana masiku yo tala.+

33 U ni vuswikoti byo lava vavanuna lava nga ta ku rhandza wena wansati!

U tiletele ku endla swilo swo biha.+

35 Kambe u ri, ‘A ndzi na nandzu.

Entiyisweni a nga ha ndzi hlundzukelanga.’

36 Hikwalaho ka yini u byi teka byi nga ri nchumu vubihi lebyi u byi endlaka?

3 Vanhu va vutisa: “Loko munhu o fambisa nsati wakwe, kutani a ya va nsati wa wanuna un’wana, xana wanuna loyi u fanele a tlhelela eka yena?”

Xana tiko rero a ri thyakisiwanga hi ku helela?+

 2 “Languta eswintshabyanini, u vona.

Xana hi kwihi laha u nga pfinyiwangiki kona?

U tshamela ku thyakisa tiko

Hi vunghwavava bya wena ni vubihi bya wena.+

6 Hi nkarhi wa ku fuma ka Hosi Yosiya,+ Yehovha u vulavule na mina a ku: “Xana u swi vonile leswi Israyele la nga tshembekiki a swi endleke? U fambe ehenhla ka ntshava yin’wana ni yin’wana leyi tlakukeke ni le hansi ka murhi wun’wana ni wun’wana lowukulu, a endla vunghwavava.+ 7 Hambiloko a endle swilo leswi hinkwaswo, a ndzi tshamela ku n’wi byela leswaku a tlhelela eka mina+ kambe a nga tlhelelanga; naswona Yuda a a tshamela ku languta makwavo wakwe wa xisati loyi a kanganyisaka.+ 8 Loko ndzi vona sweswo, ndzi fambise Israyele la nga tshembekiki, ndzi n’wi nyika papila ro dlaya vukati+ hikwalaho ka leswi a endleke vuoswi.+ Kambe makwavo wa xisati, Yuda loyi a kanganyisaka a nga chavanga; na yena u fambe a ya endla vunghwavava.+ 9 Vunghwavava byakwe u byi teke ku nga ri nchumu lowukulu, u ye emahlweni a endla vuoswi ni maribye ni mirhi.+ 10 Hambileswi ku endlekeke swilo leswi hinkwaswo, Yuda makwavo wa xisati loyi a kanganyisaka a nga tlhelelanga eka mina hi mbilu hinkwayo kambe u lo endla onge u tlhelela eka mina,’ ku vula Yehovha.”

11 Kutani Yehovha a ku eka mina: “Israyele loyi a nga tshembekiki u tikombise a ri loyi a lulameke ku tlula Yuda loyi a kanganyisaka.+ 12 Famba u ya vula marito lawa en’walungwini:+

“‘“Vuya, wena Israyele wo xandzuka,” ku vula Yehovha.’+ ‘“A ndzi nge ku hlundzukeli,+ hikuva ndza tshembeka,” ku vula Yehovha.’ ‘“A ndzi nge karihi hilaha ku nga heriki. 13 Ntsena xiya xihoxo xa wena hikuva u xandzukele Yehovha Xikwembu xa wena. U ye emahlweni u endla vunghwavava ni vafambi* ehansi ka murhi wun’wana ni wun’wana lowukulu, kambe a wu ri yingisanga rito ra mina,” ku vula Yehovha.’”

14 “Vuyani, n’wina vana lava xandzukeke,” ku vula Yehovha. “Hikuva ndzi n’wini* wa n’wina wa xiviri; ndzi ta mi teka, un’we emutini na vambirhi endyangwini naswona ndzi ta mi tisa eSiyoni.+ 15 Ndzi ta mi nyika varisi lava tsakisaka mbilu ya mina+ naswona va ta mi wundla hi vutivi ni ku twisisa. 16 Mi ta tala naswona mi ta tswala mihandzu etikweni emasikwini wolawo,” ku vula Yehovha.+ “A va nge he vuli va ku, ‘Areka ya ntwanano wa Yehovha!’ A va nge he yi ehleketi, a va nge he yi tsundzuki kumbe ku yi navela naswona a yi nge he tlheli yi endliwa. 17 Hi nkarhi wolowo va ta vitana Yerusalema va ku i xiluvelo xa Yehovha;+ matiko hinkwawo ma ta hlengeletiwa leswaku ma dzunisa vito ra Yehovha eYerusalema+ naswona a ma nge he tlheli ma landzela timbilu ta wona to biha.”

18 “Emasikwini wolawo vanhu va Yuda ni va Israyele+ va ta famba swin’we, hinkwavo va ta huma etikweni ra le n’walungwini va ya etikweni leri ndzi ri nyikeke vakokwa wa vona ri va ndzhaka.+ 19 A ndzi ku, ‘Ndzi ku veke exikarhi ka vana, ndzi ku nyika tiko ro saseka, ndzhaka yo saseka ngopfu exikarhi ka matiko!’*+ Nakambe a ndzi anakanya leswaku u ta ndzi vitana u ku, ‘Tatana,’ ni leswaku u nge he tshiki ku ndzi landzela. 20 ‘Entiyisweni ku fana ni wansati loyi a tirhisaka vukanganyisi leswaku a tshika nuna* wakwe, na n’wina Vaisrayele mi ndzi kanganyisile,’+ ku vula Yehovha.”

22 “Vuyani, n’wina vana lava xandzukeke.

Ndzi ta mi horisa naswona a mi nge he vi lava xandzukeke.”+

23 Entiyisweni swintshabyana ni ku pfilunganyeka loku nga kona etintshaveni i mavunwa.+

Entiyisweni ku ponisiwa ka Israyele ku le ka Yehovha Xikwembu xa hina.+

3 Hikuva Yehovha u byela vanhu va Yuda na Yerusalema a ku:

 5 Swi vuleni eYuda, mi swi twarisa ni le Yerusalema.

Huwelelani mi ba nanga etikweni hinkwaro.+

 6 Yimisani mhandzi leyi kombisaka ndlela yo ya eSiyoni.

U humile endhawini yakwe leswaku a endla tiko ra n’wina ri va nchumu lowu chavisaka.

Miti ya n’wina yi ta va marhumbi, a ku nge tshami munhu.+

10 Kutani ndzi ku: “Yehovha Hosi Leyi Tlakukeke! Entiyisweni u va xise hi ku helela vanhu lava+ swin’we na Yerusalema u ku, ‘Mi ta va ni ku rhula,’+ kasi banga ri le mikolweni ya hina.”

11 Hi nkarhi wolowo ku ta vuriwa leswi eka vanhu lava swin’we na Yerusalema:

12 Ndzi ta lerisa moya wa matimba wu huma etindhawini leti.

Sweswi ndzi ta avanyisa vanhu va mina.

Tihanci takwe ti ni rivilo swinene ku tlula magama.+

Khombo eka hina hikuva hi lovisiwile!

14 Wena Yerusalema, hlantswa mbilu ya wena u susa vubihi leswaku u ponisiwa.+

Xana u ta tshama u ri ni miehleketo yo biha ku fikela rini?

16 Byelani matiko rungula leri;

Ri twariseni ku lwa na Yerusalema.”

18 “U ta riha hikwalaho ka tindlela ta wena ni swiendlo swa wena.+

19 Ndzi tshikilelekile,* ndzi tshikilelekile!

Ndzi twa ku vava ngopfu embilwini ya mina.

Mbilu ya mina yi bela ehenhla swinene.

I vana lava nga tlharihangiki, a va twisisi.

23 Ndzi vone tiko, waswivo, a ri nga ri na nchumu, a ri ri rhumbi.+

Ndzi languta ematilweni naswona ku vonakala ka wona a ku nga ha ri kona.+

30 Leswi sweswi u nga lovisiwa, xana u ta endla yini?

Sweswi va lava ku ku dlaya.+

Loko a pfula mavoko yakwe u ri:+

“Khombo eka mina, hikuva ndzi karhele hikwalaho ka vadlayi!”

5 Rhendzelekani eswitarateni swa Yerusalema.

Lavisisani mi xiyisisa.

 2 Hambiloko va ku: “Leswi Yehovha a hanyaka!”

Va ha ta va va hlambanya mavunwa.+

 3 Yehovha Xikwembu xanga, xana matihlo ya wena a ma languti lava tshembekaka?+

U va bile kambe a swi pfunanga nchumu.*

U va lovisile kambe va arile ku yingisa ndzayo.+

 4 Kambe mina ndzi te: “Hakunene vanhu lava i va xiyimo xa le hansi.

Un’wana ni un’wana loyi a humaka eka yona wa phatluleriwa.

 7 Xana ndzi nga mi rivalela njhani eka leswi?

 9 “Xana a ndzi fanelanga ndzi lava leswaku va tihlamulela eka mina hikwalaho ka swilo leswi?” ku vula Yehovha.

“Xana a ndzi fanelanga ndzi tirihisela eka tiko ro tano?”+

Va ta herisiwa ku fana ni marito ya vona.”

14 Hikwalaho Yehovha Xikwembu xa mavuthu u ri:

15 “Sweswi ndzi mi tisela tiko leri humaka ekule, n’wina Vaisrayele,”+ ku vula Yehovha.

“I tiko leri nga ta tshama nkarhi wo leha.

17 Va ta dya ntshovelo wa n’wina ni xinkwa xa n’wina.+

Va ta dlaya vana va n’wina va majaha ni vanhwanyana.

Va ta dya mitlhambi ya n’wina ya tinyimpfu ni ya tihomu.

Va ta dya mirhi ya n’wina ya madiriva ni ya mikuwa.

Va ta yi lovisa hi banga miti ya n’wina leyi biyeleriweke leyi mi yi tshembaka.”

18 “Kambe emasikwini wolawo,” ku vula Yehovha, “a ndzi nge mi herisi hi ku helela.+ 19 Loko va vutisa va ku, ‘Hikwalaho ka yini Yehovha Xikwembu xa hina a endle swilo leswi eka hina?’ u fanele u ku, ‘Hilaha mi ndzi fularheleke hakona mi ya tirhela xikwembu xin’wana etikweni ra n’wina, kutani mi ta tirhela vafambi etikweni leri nga riki ra n’wina.’”+

21 “Twanani leswi n’wina vanhu lava nga swiphukuphuku:*+

24 A va vuli embilwini ya vona va ku:

26 Hikuva exikarhi ka vanhu va mina ku ni vanhu vo homboloka.

Va tshamela ku langutisisa, ku fana ni loko vaphasi va swinyenyana va nyandlamela.

Va rhiya xirimbana lexi dlayaka.

Va phasa vanhu.

Hi yona mhaka leyi va veke ni matimba va tlhela va fuwa.

29 “Xana a ndzi fanelanga ndzi lava leswaku va tihlamulela eka mina hikwalaho ka swilo leswi?” ku vula Yehovha.

“Xana a ndzi fanelanga ndzi tirihisela eka tiko ro tano?

30 Etikweni ku humelele nchumu wo chavisa ni lowu tsemaka nhlana:

Naswona vanhu va mina va rhandza sweswo.+

Kambe mi ta endla yini loko makumu ma fika?”

6 N’wina vana va Benjamini, balekani eYerusalema mi ya tumbela.

Hikuva khombo ri le ku teni hi le n’walungwini, khombo lerikulu.+

 2 Nhwanyana wa Siyoni u fana ni wansati wo saseka loyi a a nyikiwa xin’wana ni xin’wana lexi a xi lavaka.+

 3 Varisi va ta ta ni mitlhambi ya vona.

 4 “Lunghekelani ku lwa ni muti wa Yerusalema!

Pfukani, a hi wu hlaseleni ninhlikanhi!”

 5 “Pfukani, a hi hlaseleni nivusiku

Hi lovisa swihondzo swa wona leswi biyeleriweke.”+

 6 Yehovha wa mavuthu u ri:

“Tsemani mirhi mi aka khumbi leri nga ta mi pfuna ku hlasela Yerusalema.+

 9 Yehovha wa mavuthu u ri:

“Va ta ma khwaja hi ku helela masalela ya Israyele ku fana ni madiriva yo hetelela emurhini wa madiriva.

Tlhela u hundzisa voko ra wena ku fana ni loyi a hlengeletaka madiriva emirhini ya madiriva.”

10 “Xana ndzi fanele ndzi vulavula na vamani ndzi tlhela ndzi va lemukisa?

I vamani va nga ta yingisa?

Waswivo! Tindleve ta vona ti pfalekile,* lerova a va swi koti ku yingisela.+

Hikuva ndzi ta lwa ni vaakatiko,” ku vula Yehovha.

Kasi a ku na ku rhula.+

15 Xana va khomiwa hi tingana hikwalaho ka swilo swo nyenyetsa leswi va swi endleke?

A va khomiwi hi tingana nikatsongo!

A va swi tivi leswaku swi njhani ku khomiwa hi tingana!+

Hikwalaho va ta wa exikarhi ka lava weke.

Va ta khunguvanyeka loko ndzi va xupula,” ku vula Yehovha.

16 Yehovha u ri:

“Yimani laha tindlela ti hlanganaka kona kutani mi vona.

Kambe va ri: “A hi nge fambi eka yona.”+

Kambe va te: “A hi nge wu yingisi.”+

18 “Hikwalaho yingisani n’wina matiko!

19 Yingisa wena misava!

21 Hikwalaho Yehovha u ri:

22 Yehovha u ri:

23 Va ta khoma vurha* ni tlhari.

Va ni tihanyi naswona a va nge vi na ntwelavusiwana.

Va lunghekele ku lwa ku fana ni wanuna wa nyimpi loyi a lwaka na wena, Wena nhwanyana wa Siyoni.”

24 Hi xi twile xiviko xa vona.

29 Swilo swo pfurhetela ndzilo swi vavuriwile.

Endzilweni wa vona ku ni ntsopfu.

7 Yehovha a vulavula na Yeremiya a ku: 2 “Yima egedeni ya yindlu ya Yehovha u huwelela rungula leri, u ku, ‘Yingisani rito ra Yehovha n’wina vanhu hinkwavo va Yuda, lava nghenaka hi tigede leti mi ya khinsamela Yehovha. 3 Yehovha wa mavuthu, Xikwembu xa Israyele, u ri: “Cincani tindlela ta n’wina ni swiendlo swa n’wina, kutani ndzi ta mi pfumelela leswaku mi ya emahlweni mi tshama endhawini leyi.+ 4 Mi nga tshembi marito ya vukanganyisi kutani mi ku, ‘Leyi i* tempele ya Yehovha, i tempele ya Yehovha, i tempele ya Yehovha!’+ 5 Hikuva loko hakunene mo cinca tindlela ta n’wina ni swiendlo swa n’wina; loko hakunene mo avanyisa hi ndlela yo lulama exikarhi ka munhu ni munhukulobye;+ 6 loko mo ka mi nga tshikileli vanhu lava humaka ematikweni man’wana, vana lava nga riki na vatswari* ni tinoni;+ loko mi nga halati ngati leyi nga riki na nandzu endhawini leyi; niloko mi nga gandzeli swikwembu swin’wana leswaku mi nga weriwi hi khombo;+ 7 kutani ndzi ta mi pfumelela leswaku mi ya emahlweni mi tshama endhawini leyi, etikweni leri ndzi ri nyikeke vakokwa wa n’wina hilaha ku nga heriki.”’”

8 “Kambe mi tshemba marito ya vukanganyisi,+ a ma nge mi pfuni nchumu nikatsongo. 9 Xana mi nga yiva,+ mi dlaya, mi endla vuoswi, mi hlambanya hi vunwa,+ mi endlela Bali magandzelo+ ni ku gandzela swikwembu leswi mi nga swi tivangiki, 10 kutani mi fika mi yima emahlweni ka mina endlwini leyi, leyi vitaniwaka hi vito ra mina mi ku, ‘Hi ta ponisiwa,’ hambileswi mi endlaka swilo leswi hinkwaswo swo nyenyetsa? 11 Xana yindlu leyi, leyi vitaniwaka hi vito ra mina mi yi hundzule bako ra swigevenga?+ Ndzi swi vonile leswi mi swi endlaka,” ku vula Yehovha.

12 “‘Hambiswiritano, sweswi fambani mi ya endhawini ya mina eXilo,+ laha ndzi nga rhanga ndzi endla leswaku vito ra mina ri dzunisiwa kona,+ mi vona leswi ndzi yi endleke swona hikwalaho ka vubihi bya Vaisrayele lava nga vanhu va mina.+ 13 Kambe mi ye emahlweni mi endla swilo leswi hinkwaswo,’ ku vula Yehovha, ‘hambileswi ndzi vulavuleke na n’wina hi ku phindhaphindha,* a mi yingisanga.+ Ndzi ye emahlweni ndzi mi vitana kambe a mi hlamulanga.+ 14 Kutani leswi ndzi swi endleke eXilo+ ndzi ta swi endla eka yindlu leyi vitaniwaka hi vito ra mina,+ leyi mi tshembelaka eka yona+ ni le ndhawini leyi, leyi ndzi yi nyikeke n’wina ni vakokwa wa n’wina. 15 Ndzi ta mi cukumeta mi suka emahlweni ka mina, hilaha ndzi va cukumeteke hakona vamakwenu hinkwavo, vatukulu hinkwavo va Efrayimi.’+

16 “Loko ku ri wena, u nga va khongeleli vanhu lava. U nga huweleli kumbe u khongela kumbe u va kombelela eka mina,+ hikuva a ndzi nge ku yingisi.+ 17 Xana a wu swi voni leswi va swi endlaka emitini ya Yuda ni le switarateni swa Yerusalema? 18 Vana va majaha va rhotela tihunyi, vatatana va tshivela ndzilo, vavasati va pfuva mbila yo endla makhekhe ya magandzelo ya Hosi ya Xisati ya Tilo,*+ naswona va chululela swikwembu swin’wana magandzelo ya swakunwa leswaku va ndzi hlundzukisa.+ 19 ‘Xana va twisa mina ku vava?’* ku vula Yehovha. ‘Xana a va titwisi ku vava vona vini kutani va khomiwa hi tingana?’+ 20 Hikwalaho Yehovha Hosi Leyi Tlakukeke u ri, ‘Waswivo! Ku hlundzuka ka mina ni vukarhi bya mina swi ta chululeriwa endhawini leyi,+ ehenhla ka munhu ni le henhla ka xiharhi, ehenhla ka mirhi ya tiko ni le henhla ka mihandzu; byi ta pfurha naswona a byi nge timiwi.’+

21 “Yehovha wa mavuthu, Xikwembu xa Israyele u ri, ‘Yanani emahlweni, engetelani magandzelo ya n’wina yo hisiwa eka magandzelo ya n’wina laman’wana kutani mi ma dya.+ 22 Hikuva hi siku leri ndzi humeseke vakokwa wa n’wina etikweni ra Egipta, a ndzi vulavulanga na vona kumbe ndzi va lerisa ku endla magandzelo yo hisiwa ni magandzelo man’wana.+ 23 Kambe ndzi va nyike xileriso lexi nge: “Yingisani rito ra mina kutani ndzi ta va Xikwembu xa n’wina naswona n’wina mi ta va vanhu va mina.+ Mi fanele mi famba endleleni leyi ndzi mi lerisaka yona, leswaku swilo swi ta mi fambela kahle.”’+ 24 Kambe a va yingisanga kumbe ku rhiya ndleve;+ ku ri na sweswo va landzele makungu* ya vona, va tiomisa tinhloko va landzela mbilu ya vona yo biha+ naswona va ye endzhaku, a va yanga mahlweni, 25 ku sukela esikwini leri vakokwa wa n’wina va humeke ha rona etikweni ra Egipta ku ta fikela namuntlha.+ Hikwalaho a ndzi tshamela ku rhumela malandza ya mina hinkwawo ku nga vaprofeta, ndzi va rhuma siku ni siku, hi ku phindhaphindha.*+ 26 Kambe va ale ku ndzi yingisa naswona a va yi rhiyanga ndleve.+ Ku ri na sweswo, va tiomise tinhloko* naswona va endle swilo swo biha ku tlula vakokwa wa vona!

27 “U ta va byela marito lawa hinkwawo,+ kambe a va nge ku yingisi; u ta va vitana kambe a va nge ku hlamuli. 28 Kutani u ta va byela u ku, ‘Leri i tiko leri nga ri yingisangiki rito ra Yehovha Xikwembu xa rona naswona ri ale ku yingisa ndzayo. Ku tshembeka a ku kona naswona a va vulavuli hi kona.’+

29 “Tsemeta misisi ya wena yo leha u yi cukumeta, u suma risimu ra xirilo ehenhla ka swintshabyana hikuva Yehovha u fularhele xitukulwana lexi, lexi n’wi hlundzukiseke naswona u xi tshikile. 30 ‘Hikuva vanhu va le Yuda va ndzi dyoherile,’ ku vula Yehovha. ‘Va veke swifaniso swa vona swo nyenyetsa leswi va swi gandzelaka endlwini leyi vitaniwaka hi vito ra mina leswaku va yi thyakisa.+ 31 Va ake tindhawu leti tlakukeke ta Tofete, leyi nga eNkoveni wa N’wana wa Hinomu,*+ leswaku va hisa vana va vona va majaha ni va vanhwanyana hi ndzilo,+ ku nga nchumu lowu ndzi nga va lerisangiki wona, lowu ni le mbilwini ya mina wu nga si tshamaka wu ta.’*+

32 “‘Hikwalaho waswivo, masiku ma ta,’ ku vula Yehovha, ‘lawa ndhawu leyi yi nga ta ka yi nga ha vitaniwi Tofete kumbe Nkova wa N’wana wa Hinomu* kambe yi ta vitaniwa Nkova wa ku Dlaya. Va ta lahla vanhu eTofete kukondza ku nga ha vi na ndhawu yo lahla.+ 33 Kutani mitsumbu ya vanhu lava yi ta va swakudya swa swinyenyana ni swiharhi naswona a ku na munhu loyi a nga ta swi hlongola.+ 34 Ndzi ta herisa mpfumawulo wa ku khana ni wa ku tsaka, rito ra muteki ni ra mutekiwa+ emitini ya Yuda ni le switarateni swa Yerusalema, hikuva tiko leri ri ta va rhumbi.’”+

8 “Hi nkarhi wolowo,” ku vula Yehovha, “marhambu ya tihosi ta Yuda, marhambu ya tihosana ta kona, marhambu ya vaprista, marhambu ya vaprofeta ni marhambu ya vaaki va Yerusalema ma ta humesiwa emasirheni. 2 Ma ta hangalasiwa edyambyini ni le n’wetini ni le tinyeletini hinkwato ta le matilweni* ku nga swilo leswi va nga rhandza swona, leswi va swi tirheleke, leswi va swi landzeleke, leswi va swi lavisiseke ni leswi va swi khinsameleke.+ A ma nge hlengeletiwi kumbe ku lahliwa. Ma ta fana ni manyoro ehenhla ka misava.”+

3 “Kutani vanhu lava poneke vandyangu lowu wo homboloka va ta hlawula rifu ematshan’weni ya vutomi etindhawini hinkwato leti ndzi nga ta va hangalasela eka tona,” ku vula Yehovha wa mavuthu.

4 “U fanele u va byela u ku, ‘Yehovha u ri:

“Xana va ta wa va nga ha pfuki?

Loko un’wana a hundzuka, xana un’wanyana na yena u ta hundzuka?

 5 Hikwalaho ka yini vanhu lava, ku nga Yerusalema, va tshamela ku ka va nga tshembeki eka mina?

 6 Ndzi rhiye ndleve, ndzi ya emahlweni ndzi yingisela kambe ndlela leyi a va vulavula ha yona a yi nga lulamanga.

A ku na munhu loyi a hundzukeke evubihini byakwe kumbe a vutiseke a ku, ‘Ndzi endle yini?’+

Un’wana ni un’wana u tshamela ku tlhelela endleleni leyi landzeriwaka hi vanhu vo tala, ku fana ni hanci leyi tsutsumelaka enyimpini.

Kambe vanhu va mina a va ku twisisi ku avanyisa ka Yehovha.”’+

 8 ‘Mi nga vurisa ku yini mi ku: “Hi tlharihile naswona hi na nawu* wa Yehovha”?

Hikuva entiyisweni xitsalo xa mavunwa+ xa vatsari xi tirhisiwe ku tsala mavunwa.

 9 Lavo tlhariha va khomiwe hi tingana.+

Va chuhile naswona va ta phasiwa.

Kasi a ku na ku rhula.+

12 Xana va khomiwa hi tingana hikwalaho ka swilo swo nyenyetsa leswi va swi endleke?

A va khomiwi hi tingana nikatsongo!

A va swi tivi leswaku swi njhani ku khomiwa hi tingana!+

Hikwalaho va ta wa exikarhi ka lava weke.

Va ta khunguvanyeka loko ndzi va xupula,’+ ku vula Yehovha.

13 ‘Loko ndzi va hlengeleta, ndzi ta va herisa,’ ku vula Yehovha.

‘A ku nge sali madiriva emudiriveni, a ku nge sali makuwa enkuweni naswona matluka ma ta vuna.

Leswi ndzi va nyikeke swona swi ta va lahlekela.’”

14 “Hikwalaho ka yini hi tshame laha?

A hi hlengeletaneni hi nghena emitini leyi biyeleriweke+ hi fela kona.

16 Ku twiwe mpfumawulo wa ku hefemuteka ka tihanci takwe eDani.

“Xana Yehovha a nga le Siyoni?

Kumbe xana hosi yakwe a yi le ka yena?”

Ndza chava.

22 Xana a ku na balsama* eGiliyadi?+

Kumbe xana a nga kona loyi a horisaka* kwale?+

Hikwalaho ka yini nhwanyana wa vanhu va mina a nga holanga?+

A ndzi ta rila vusiku ninhlikanhi

Ndzi rilela vanhu va mina lava dlayiweke.

 2 Loko a ndzi ri ni yindlu ya vaendzi emananga!

Va dyondzise ririmi ra vona ku vulavula mavunwa.+

Va tikarharisa hi ku endla leswo biha.

 6 U tshama exikarhi ka vuxisi.

Va vulavula mavunwa naswona va ala ku ndzi tiva,” ku vula Yehovha.

 7 Hikwalaho Yehovha wa mavuthu u ri:

 8 Ririmi ra vona leri vulavulaka mavunwa i nseve lowu dlayaka.

 9 “Xana a ndzi fanelanga ndzi lava leswaku va tihlamulela eka mina hikwalaho ka swilo leswi?” ku vula Yehovha.

“Xana a ndzi fanelanga ndzi tirihisela eka tiko ro tano?+

Swinyenyana ni swiharhi swi balekile; a swa ha ri kona.+

12 I mani loyi a tlhariheke swinene leswaku a kota ku twisisa leswi?

I mani loyi Yehovha a vulavuleke na yena, leswaku a swi vula?

Hikwalaho ka yini tiko ri lovisiwile?

13 Yehovha a hlamula a ku: “Hikwalaho ka leswi va tshikeke nawu* wa mina lowu ndzi va nyikeke wona ni hikwalaho ka leswi va nga wu yingisangiki nileswi va nga ri yingisangiki rito ra mina. 14 Ku ri na sweswo, va tiomise tinhloko va landzelela timbilu ta vona+ naswona va gandzele swifaniso swa Bali hilaha vatata wa vona va va dyondziseke hakona.+ 15 Hikwalaho Yehovha wa mavuthu, Xikwembu xa Israyele u ri, ‘Ndzi dyisa vanhu lava xibaha naswona ndzi ta endla leswaku va nwa mati lama nga ni chefu.+ 16 Ndzi ta va hangalasa ematikweni lawa vona ni vatata wa vona va nga ma tivangiki+ naswona ndzi ta va rhumela banga kukondza ndzi va herisa.’+

19 Hikuva ku twakala ku kalakala eSiyoni:+

“Vonani ndlela leyi hi lovisiweke ha yona!

Vonani ndlela leyi hi khomiweke hi tingana ha yona!

Hikuva hi siye tiko ra hina naswona va onhe makaya ya hina.”+

20 N’wina vavasati, twanani rito ra Yehovha.

Onge ndleve ya n’wina yi nga twa rito leri humaka enon’wini wakwe.

22 Vula u ku, ‘Yehovha u ri:

23 Yehovha u ri:

24 “Kambe loyi a tibumaka a tibume hi leswi:

25 “Maswivo! Masiku ma ta,” ku vula Yehovha, “ndzi ta endla leswaku un’wana ni un’wana loyi a yimbeke kambe a nga yimbangiki hi ku helela a tihlamulela eka mina,+ 26 Egipta,+ Yuda,+ Edomu,+ Vaamoni,+ Mowabu+ ni hinkwavo lava tsemeteke misisi leyi nga ematlhelo ka mombo lava tshamaka emananga;+ hikuva matiko hinkwawo a ma yimbanga naswona tiko hinkwaro ra Israyele a ri yimbanga embilwini.”+

10 Twanani rito leri Yehovha a ri vuleke ku lwa na n’wina, n’wina Vaisrayele. 2 Yehovha u ri:

 3 Hikuva leswi vanhu va toloveleke ku swi endla a swi pfuni nchumu.

 6 Yehovha Xikwembu xanga, a nga kona loyi a fanaka na wena.+

U nkulu, vito ra wena i rikulu naswona ri ni matimba.

 8 Hinkwavo ka vona a va ehleketi, i swiphukuphuku.+

Xiletelo lexi humaka emurhini a xi pfuni nchumu.+

Swiambalo swa vona swi endliwe hi harhani ya wasi ni voya bya phephulu.*

Hinkwaswo swi endliwe hi vanhu lava nga ni vuswikoti.

10 Kambe Yehovha i Xikwembu hakunene.

I Xikwembu lexi hanyaka+ ni Hosi leyi nga riki na makumu.+

11 * Mi ta va byela mi ku:

14 Vanhu hinkwavo va endle swilo handle ko anakanya ni ku pfumala vutivi.

15 A swi pfuni nchumu, i ntirho lowu faneleke wu hlekuriwa.+

Loko siku ra ku avanyisiwa ka swona ri fika, swi ta lovisiwa.

Vito rakwe i Yehovha wa mavuthu.+

18 Hikuva Yehovha u ri:

19 Khombo eka mina hikwalaho ka ku tshoveka ka mina!+

Mbanga ya mina a yi tshunguleki.

Kutani ndzi te: “Hakunene lebyi i vuvabyi bya mina naswona ndzi fanele ndzi byi tiyisela.

20 Tende ra mina ri onhiwile naswona tintambu ta tende ra mina ti tsemiwile.+

Vana va mina va majaha va ndzi siyile a va ha ri kona.+

A ka ha ri na loyi a nga ta ri vamba kumbe ku ri yimisa.

22 Yingisa! Xiviko xi le ku teni!

23 Yehovha Xikwembu xanga, ndzi swi tiva kahle leswaku munhu a nge tikongomisi.

Munhu la fambaka a nga ka a nga ma kongomisi magoza yakwe.+

11 Yehovha a vulavula na Yeremiya a ku: 2 “Twanani marito ya ntwanano lowu, n’wina vanhu!

“Ma byele* vanhu va le Yuda ni vaaki va le Yerusalema 3 u ku eka vona, ‘Yehovha Xikwembu xa Israyele u ri: “A ku rhukaniwe munhu loyi a nga ma yingisiki marito ya ntwanano lowu,+ 4 lawa ndzi ma leriseke vakokwa wa n’wina hi siku leri ndzi va humeseke ha rona etikweni ra Egipta,+ exitikweni xo n’okisa nsimbhi+ ndzi ku, ‘Yingisani rito ra mina mi endla swilo hinkwaswo leswi ndzi mi lerisaka swona; kutani mi ta va vanhu va mina naswona mina ndzi ta va Xikwembu xa n’wina,+ 5 leswaku ndzi endla leswi ndzi nga hlambanyela vakokwa wa n’wina, ku nga ku va nyika tiko leri khulukaka ntswamba ni vulombe,+ ku fana ni le sikwini leri.’”’”

Hiloko ndzi ku: “Amen,* Yehovha.”

6 Kutani Yehovha a ku eka mina: “Vula marito lawa hinkwawo emitini ya Yuda ni le switarateni swa Yerusalema u ku: ‘Twanani marito ya ntwanano lowu, mi ma endla. 7 Hikuva ndzi tshinye vakokwa wa n’wina hi siku leri ndzi va humeseke ha rona etikweni ra Egipta ku ta fikela esikwini leri, ndzi va tshinye hi ku phindhaphindha* ndzi ku: “Yingisani rito ra mina.”+ 8 Kambe a va yingisanga kumbe ku rhiya ndleve; ku ri na sweswo, un’wana ni un’wana u ye emahlweni a tiomisa nhloko a landzela mbilu yakwe yo homboloka.+ Kutani ndzi va xupule hi ku ya hi leswi ntwanano wu vulaka swona. Ndzi va lerise leswaku va wu yingisa naswona va arile ku wu yingisa.’”

9 Yehovha a ku eka mina: “Vanhu va le Yuda ni va le Yerusalema va bohe makungu yo biha. 10 Va tlhelele eka swihoxo swa vakokwa wa vona, lava aleke ku yingisa marito ya mina.+ Na vona va landzelele swikwembu swin’wana va tlhela va swi tirhela.+ Vanhu va tiko ra Israyele ni ra Yuda ma tlule ntwanano wa mina lowu ndzi wu endleke ni vakokwa wa wona.+ 11 Hikwalaho Yehovha u ri, ‘Ndzi va tisela khombo+ leri va nga ta ka va nga swi koti ku ri balekela. Loko va kombela mpfuno eka mina, a ndzi nge va yingisi.+ 12 Kutani vanhu va miti ya Yuda ni vaaki va le Yerusalema va ta ya eka swikwembu leswi va swi endlelaka magandzelo va kombela leswaku swi va pfuna,+ kambe a swi nge swi koti ku va ponisa loko va weriwa hi khombo. 13 Hikuva swikwembu swa wena swi tele ku fana ni miti ya wena, wena Yuda, naswona u endlele nchumu lowu nyumisaka* tialtari to tala ku fana ni switarata swa Yerusalema, tialtari to endlela Bali magandzelo.’+

14 “Loko ku ri wena,* u nga va khongeleli vanhu lava. U nga huweleli hikwalaho ka vona kumbe u va khongelela+ hikuva a ndzi nge va yingisi loko va huwelela eka mina hikwalaho ka khombo ra vona.

Xana va nga sivela khombo hi nyama yo kwetsima* loko ri va tela?

Xana u ta tsaka hi nkarhi wolowo?

17 “Yehovha wa mavuthu, Mubyari wa wena,+ u vule leswaku u ta weriwa hi khombo hikwalaho ka vubihi lebyi endliweke hi tiko ra Israyele ni ra Yuda, lama ndzi hlundzukiseke hi ku endlela Bali magandzelo.”+

19 A ndzi fana ni xinyimpfana xo rhula lexi yisiwaka eku tlhaviweni.

A ndzi nga ma tivi makungu lawa a va ndzi bohela wona va ku:+

21 Hikwalaho Yehovha u vula leswi eka vavanuna va le Anathoti+ lava lavaka ku ku dlaya ni lava va nge: “U nga tshuki u profeta hi vito ra Yehovha,+ handle ka sweswo hi ta ku dlaya”; 22 hikwalaho Yehovha wa mavuthu u ri: “Ndzi ta lava leswaku va tihlamulela. Majaha ma ta dlayiwa hi banga+ naswona vana va vona va ta dlayiwa hi ndlala.+ 23 A ku nge poni munhu hikuva ndzi ta tisa khombo eka vavanuna va le Anathoti,+ hi lembe leri va nga ta tihlamulela ha rona.”

 2 U va byarile naswona va dzime timitsu.

Va kurile va humesa mihandzu.

Va tshamela ku vulavula hi wena kambe etimbilwini* ta vona a va na mhaka na wena.+

Hikuva va te: “A nga swi voni leswi nga ta hi endlekela.”

Va ku huwelerile.

 7 “Yindlu ya mina ndzi yi tshikile;+ ndzi tshike ndzhaka ya mina.+

Ndzi nyikete murhandziwa wa mina eka valala va yena.+

 8 Eka mina ndzhaka ya mina yi fana ni nghala ekhwatini.

Yi ndzi mpfhumpfherile.

Hikwalaho ndza yi venga.

Tiko ra mina ro saseka va ri hundzule mananga lama nga rhumbi.

11 Ri hundzuke rhumbi.

Vanhu hinkwavo a va na ku rhula.

13 Va byale koroni, kambe va tshovele mitwa.+

Va tirhe hi matimba, kambe a swi pfuni nchumu.

14 Yehovha u byela vaakelani va mina hinkwavo vo homboloka, lava khumbaka ndzhaka leyi ndzi yi nyikeke vanhu va mina, ku nga Israyele,+ a ku: “Ndza va simula etikweni ra vona+ naswona ndzi ta simula tiko ra Yuda exikarhi ka vona. 15 Kambe endzhaku ka loko ndzi va simurile, ndzi ta tlhela ndzi va komba tintswalo ndzi vuyisa un’wana ni un’wana endzhakeni ya yena ni le tikweni ra yena.”

16 “Kutani loko vo tiyiseka leswaku va dyondza tindlela ta vanhu va mina va tlhela va hlambanya hi vito ra mina, va ku, ‘Leswi Yehovha a hanyaka,’ hilaha va dyondziseke vanhu va mina hakona leswaku va hlambanya hi Bali, va ta simekiwa exikarhi ka vanhu va mina. 17 Kambe loko va ala ku yingisa, ndzi ta simula tiko rero, ndzi ri simula ndzi tlhela ndzi ri lovisa,” ku vula Yehovha.+

13 Yehovha a ndzi byela a ku: “Famba u ya tixavela bandhi leri endliweke hi lapi u ri boha emasengeni kambe u nga ri nghenisi ematini.” 2 Kutani ndzi xava bandhi hilaha Yehovha a ndzi leriseke hakona, ndzi ri boha emasengeni. 3 Yehovha a tlhela a vulavula na mina a ku: 4 “Teka bandhi leri u nga ri xava, leri u ri boheke u ya eYufrata, kutani u fika u ri fihla ebakweni leri nga eribyeni.” 5 Hiloko ndzi famba ndzi ya ri fihla eYufrata, hilaha Yehovha a ndzi leriseke hakona.

6 Kambe endzhaku ka masiku yo tala Yehovha a ku eka mina: “Pfuka u ya eYufrata u fika u teka bandhi leri ndzi ku leriseke leswaku u ri fihla kona.” 7 Hiloko ndzi ya eYufrata ndzi fika ndzi cela laha ku nga ni bandhi kutani ndzi ri teka laha a ndzi ri fihle kona kambe a ri onhakile; a ri nga ha pfuni nchumu.

8 Yehovha a vulavula na mina a ku: 9 “Yehovha u ri, ‘Ndzi ta herisa ku tikukumuxa ka Yuda ni ku tikukumuxa lokukulu ka Yerusalema hi ndlela yoleyo.+ 10 Vanhu lava vo homboloka lava alaka ku yingisa marito ya mina,+ lava tiomisaka tinhloko va endla leswi timbilu ta vona ti va byelaka swona+ naswona va landzelelaka swikwembu swin’wana, va swi tirhela va tlhela va swi khinsamela, va ta fana ni bandhi leri, leri nga pfuniki nchumu.’ 11 ‘Hikuva tanihi leswi bandhi ri namarhelaka masenge ya munhu, ndzi endle leswaku vanhu hinkwavo vandyangu wa Israyele ni vanhu hinkwavo vandyangu wa Yuda va ndzi namarhela,’ ku vula Yehovha, ‘leswaku va va vanhu va mina,+ ndhuma ya mina,+ ku dzuneka ka mina ni nchumu wo saseka. Kambe a va yingisanga.’+

12 “U fanele u tlhela u va byela marito lawa, ‘Yehovha Xikwembu xa Israyele u ri: “Khuwana rin’wana ni rin’wana ri fanele ri tatiwa hi vhinyo.”’ Kutani va ta ku hlamula va ku, ‘Xana a hi swi tivi leswaku khuwana rin’wana ni rin’wana ri fanele ri tatiwa hi vhinyo?’ 13 Kutani va byele u ku, ‘Yehovha u ri: “Ndzi nyika vaaki hinkwavo va tiko leri,+ tihosi leti tshameke exiluvelweni xa Davhida, vaprista ni vaprofeta ni vaaki hinkwavo va Yerusalema vhinyo kukondza va dakwa. 14 Ndzi ta va fayetela ndzi va bananisa, vatatana ni vana,” ku vula Yehovha.+ “A ndzi nge va tsetseleli kumbe ndzi va twela vusiwana kumbe ndzi va ni tintswalo eka vona; a xi kona lexi nga ta ndzi sivela ku va lovisa.”’+

15 Rhiyani ndleve mi yingisa.

Mi nga titlakusi, hikuva Yehovha u vurile.

19 Miti ya le dzongeni yi pfariwile,* a ku na munhu loyi a yi pfulaka.

Vanhu hinkwavo va le Yuda va yisiwe evuhlongeni, a ku salanga ni un’we.+

20 Languta u vona lava humaka en’walungwini.+

Wu kwihi ntlhambi lowu u nyikiweke wona, tinyimpfu ta wena to saseka?+

Xana a wu nge vi ni switlhavi swa ku veleka, swo fana ni swa wansati loyi a velekaka?+

22 Loko embilwini ya wena u ku, ‘Hikwalaho ka yini ndzi weriwa hi swilo leswi?’+

23 Xana Mukuxi* a nga yi hundzula nhlonge yakwe kumbe yingwe yi hundzula mavala ya yona?+

24 Kutani ndzi ta va hangalasa ku fana ni mahlanga lama hungiwaka hi moya wa le mananga.+

Khombo eka wena Yerusalema!

Xana u ta tshama u thyakile ku fikela rini?”+

14 Yehovha u vule leswi eka Yeremiya mayelana ni dyandza:+

 2 Yuda wa rila+ naswona tigede takwe ti wile.

 3 Tindhuna ta vona ti rhuma malandza ya tona ematini.

Ma ya eswihlobyeni kambe a ma kumanga mati.

Ma tlhela ni swibya swa wona swi nga ri na nchumu.

 6 Timbhongolo ta nhova ti yima ehenhla ka swintshabyana.

U nga hi tshiki.

10 Mayelana ni vanhu lava Yehovha u ri: “Va rhandza ku tsendzeleka;+ a va yi sivelanga milenge ya vona.+ Kutani Yehovha a nga va tsakeli.+ U ta tsundzuka xihoxo xa vona, kutani u ta lava leswaku va tihlamulela hikwalaho ka swidyoho swa vona.”+

11 Yehovha a ku eka mina: “U nga va khongeleli leswaku va kuma swilo leswinene vanhu lava.+ 12 Hambiloko va titsona swakudya, a ndzi swi yingisi swikombelo swa vona,+ niloko va humesa magandzelo yo hisiwa ni magandzelo ya mavele, a ndzi ma tsakeli,+ hikuva ndzi ta va herisa hi banga, hi ndlala ni hi ntungu.”*+

13 Hiloko ndzi ku: “Yehovha Hosi Leyi Tlakukeke! Vaprofeta va va byela va ku, ‘A mi nge voni banga naswona a mi nge weriwi hi ndlala kambe ndzi ta mi nyika ku rhula ka ntiyiso endhawini leyi.’”+

14 Hiloko Yehovha a ku eka mina: “Vaprofeta va profeta mavunwa hi vito ra mina.+ A ndzi va rhumanga kumbe ku va lerisa kumbe ku vulavula na vona.+ Va mi profetela xivono xa mavunwa ni ku mi hlahluvela swilo leswi nga pfuniki nchumu ni vukanganyisi lebyi nga etimbilwini ta vona.+ 15 Hikwalaho Yehovha u vula leswi mayelana ni vaprofeta lava profetaka hi vito ra mina hambileswi ndzi nga va rhumangiki, lava vulaka leswaku a ku nge vi na banga kumbe ndlala etikweni leri: ‘Vaprofeta volavo va ta herisiwa hi banga ni hi ndlala.+ 16 Kutani vanhu lava ku profeteriwaka vona va ta cukumetiwa eswitarateni swa le Yerusalema hikwalaho ka ndlala ni banga, ku ri hava munhu loyi a nga ta va lahla,+ vona, vasati va vona, vana va vona va majaha kumbe va vanhwanyana hikuva ndzi ta va chululela khombo leri va faneleke.’+

Hikuva muprofeta ni muprista va rhendzeleke etikweni leri va nga ri tiviki.’”+

19 Xana Yuda u n’wi tshike hi ku helela kumbe xana u nyenye Siyoni?+

Hikwalaho ka yini u hi bile lerova hi nga horisiwi?+

Tsundzuka ntwanano lowu u wu endleke na hina naswona u nga wu tshovi.+

Xana a hi Wena ntsena Yehovha Xikwembu xa hina loyi a kotaka ku endla swilo leswi?+

15 Yehovha a ku eka mina: “Hambiloko Muxe na Samuwele a va yime emahlweni ka mina,+ vanhu lava a ndzi nga ta va tsetselela. Va hlongole emahlweni ka mina. A va suke. 2 Loko va ku eka wena, ‘Hi fanele hi ya kwihi?’ u fanele u va byela u ku, ‘Yehovha u ri:

“Loyi a faneriwaka hi vuvabyi lebyi dlayaka, a a byi n’wi dlaye!

Loyi a faneriwaka hi banga, a a dlayiwe hi banga!+

Loyi a faneriwaka hi ndlala, a a dlayiwe hi ndlala!

Kasi loyi a faneriwaka hi vuhlonga, a a ye evuhlongeni!”’+

3 “‘Kutani ndzi ta lerisa makhombo ya mune* leswaku ma va wela,’+ ku vula Yehovha, ‘banga leswaku ri dlaya, timbyana leswaku ti kokakoka, swinyenyana ni swivandzana leswaku swi dya swi tlhela swi lovisa.+ 4 Ndzi ta endla leswaku mifumo hinkwayo ya misava+ yi chava hikwalaho ka leswi nga ta va humelela hikwalaho ka Manase n’wana wa Hezekiya, hosi ya Yuda, hikwalaho ka leswi a swi endleke eYerusalema.+

 6 ‘U ndzi tshikile,’ ku vula Yehovha.+

‘U tshamela ku ndzi fularhela.*+

Kutani ndzi ta tlakusa voko ra mina ndzi lwa na wena ndzi ku lovisa.+

Ndzi karhele ku ku twela vusiwana.*

 7 Kutani ndzi ta va hambanisa hi foroko etigedeni ta tiko.

Ndzi ta endla leswaku va sala va nga ri na vana.+

 8 Ndzi ta endla tinoni ta vona ti tala swinene ku tlula sava ra malwandle.

Ndzi ta tisa mulovisi a ta va lovisa ninhlikanhi, u ta lovisa vamanana ni majaha.

Ndzi ta va tisela ku pfilunganyeka ni ku chava lokukulu hi xitshuketa.

Ndzi rihiselele eka vaxanisi va mina.+

U nga va lehiseli mbilu kutani u ndzi tshika ndzi lovisiwa.

Swi tive leswaku ndza rhukaniwa hikwalaho ka wena.+

17 A ndzi dzumbi ni vanhu lava endlaka mafenya kutani ndzi tsaka na vona.+

18 Hikwalaho ka yini xitlhavi xa mina xi nga holi ni mbanga ya mina yi nga tshunguleki?

Yi ala ku horisiwa.

19 Hikwalaho Yehovha u ri:

20 “Ndzi ku endla khumbi ro tiya ra koporo eka vanhu lava.+

16 Yehovha a tlhela a vulavula na mina a ku: 2 “U nga tshuki u teka nsati naswona u nga tshuki u va ni vana va majaha ni va vanhwanyana endhawini leyi. 3 Mayelana ni vana va majaha ni va vanhwanyana lava velekiwaka laha ni vamana wa vona lava va va velekaka ni vatata wa vona lava endlaka leswaku va velekiwa etikweni leri, Yehovha u ri: 4 ‘Va ta dlayiwa hi mavabyi+ lama dlayaka, kambe a va nge rileriwi kumbe ku lahliwa; va ta fana ni manyoro ehenhla ka misava.+ Va ta dlayiwa hi banga ni hi ndlala+ naswona mitsumbu ya vona yi ta dyiwa hi swinyenyana ni hi swivandzana.’

 6 Lavakulu ni lavatsongo va ta fela etikweni leri.

9 “Hikuva Yehovha wa mavuthu, Xikwembu xa Israyele u ri, ‘Ndzi ta herisa mpfumawulo wa ku khana ni ku tsaka, rito ra muteki ni ra mutekiwa endhawini leyi, enkarhini wa n’wina ni le mahlweni ka matihlo ya n’wina.’+

10 “Loko u byela vanhu lava marito lawa hinkwawo, va ta ku vutisa va ku, ‘Hikwalaho ka yini Yehovha a vule leswaku u ta hi tisela khombo leri lerikulu? Hi n’wi dyohele yini Yehovha Xikwembu xa hina?’+ 11 U fanele u va hlamula u ku, ‘“Hikwalaho ka leswi vakokwa wa n’wina va ndzi fularheleke,”+ ku vula Yehovha, “nileswi va nga ya emahlweni va landzela swikwembu swin’wana, va swi tirhela ni ku swi khinsamela.+ Kambe mina va ndzi fularherile ni nawu wa mina a va wu hlayisanga.+ 12 N’wina mi dyohe ku tlula vakokwa wa n’wina,+ un’wana ni un’wana wa n’wina u famba hi ku sihalala ka mbilu yakwe yo homboloka ematshan’weni yo yingisa mina.+ 13 Hikwalaho ndzi ta mi hlongola etikweni leri mi ya etikweni leri n’wina kumbe vakokwa wa n’wina va nga ri tivangiki,+ kutani kona mi ta boheka ku tirhela swikwembu swin’wana vusiku ni nhlikanhi,+ hikuva a ndzi nge vi na tintswalo eka n’wina.”’

14 “‘Hambiswiritano, masiku ma ta,’ ku vula Yehovha, ‘lawa va nga ta ka va nga ha vuli va ku: “Leswi Yehovha a hanyaka, loyi a humeseke Vaisrayele etikweni ra Egipta,”+ 15 kambe va ta ku: “Leswi Yehovha a hanyaka, loyi a humeseke Vaisrayele etikweni ra le n’walungwini ni le matikweni hinkwawo lawa a va hangalaseleke eka wona,” kutani ndzi ta va tlherisela etikweni ra vona leri ndzi ri nyikeke vakokwa wa vona.’+

17 Hikuva matihlo ya mina ma vona swilo hinkwaswo leswi va swi endlaka.*

20 Xana munhu a nga tiendlela swikwembu?

Leswi a swi endlaka a hi swikwembu swa xiviri.+

17 “Xidyoho xa Yuda xi tsariwe ehansi hi xitsalo xa nsimbhi.

 4 U ta tshika ndzhaka leyi ndzi ku nyikeke yona hi ku swi rhandza.+

Ku ta pfurha hilaha ku nga heriki.”

 5 Yehovha u ri:

 6 U ta fana ni murhi lowu nga woxe ekwandzasini.

 9 Mbilu yi kanganyisa ngopfu ku tlula swilo hinkwaswo naswona yi ni khombo.*+

I mani loyi a nga yi tivaka?

14 Yehovha Xikwembu xanga, ndzi horise kutani ndzi ta hola.

15 Ku ni lava va ndzi byelaka va ku:

“Ri kwihi rito ra Yehovha?+

Hi kombela ri ta!”

17 U nga ndzi vangeli ku chava.

U vutumbelo bya mina hi siku ra khombo.

19 Yehovha u ndzi byele leswi: “Famba u ya yima egedeni ya vana va vanhu leyi tihosi ta Yuda ti nghenaka ti tlhela ti huma ha yona, ni le tigedeni hinkwato ta Yerusalema.+ 20 U fanele u ti byela u ku, ‘Twanani rito ra Yehovha n’wina tihosi ta Yuda, vanhu hinkwavo va Yuda ni vaaki hinkwavo va le Yerusalema, lava nghenaka hi tigede leti. 21 Yehovha u ri: “Tivoneleni naswona mi nga rhwali ndzhwalo hi siku ra Savata kumbe mi wu nghenisa hi tigede ta Yerusalema.+ 22 A mi fanelanga mi humesa ndzhwalo emakaya ya n’wina hi siku ra Savata; naswona a mi fanelanga mi tirha.+ Xiximani siku ra Savata, hilaha ndzi leriseke vakokwa wa n’wina hakona.+ 23 Kambe a va yingisanga hambi ku ri ku rhiya ndleve, va nonon’hwise timbilu ta vona va ala* ku yingisa kumbe ku amukela ndzayo.”’+

24 “‘“Hambiswiritano, loko mo ndzi yingisa,” ku vula Yehovha, “kutani mi nga wu tisi ndzhwalo hi tigede ta muti lowu hi siku ra Savata naswona mi xixima siku ra Savata hi ku ka mi nga tirhi hi siku rero,+ 25 kutani tihosi ni tindhuna leti tshamaka exiluvelweni xa Davhida+ na tona ti ta nghena hi tigede ta muti lowu ti khandziye kalichi ni tihanci, tona ni tindhuna ta tona, vanhu va Yuda ni vaaki va Yerusalema;+ muti lowu wu ta va ni vaaki hilaha ku nga heriki. 26 Vanhu va ta ta va huma emitini ya Yuda, etindhawini leti nga ekusuhi na Yerusalema, etikweni ra Benjamini,+ endhawini leyi nga rivala,+ endhawini leyi nga ni tintshava ni le Negebu,* va tisa magandzelo yo hisiwa,+ magandzelo man’wana,+ magandzelo ya mavele,+ murhi wa risuna ni magandzelo yo khensa endlwini ya Yehovha.+

27 “‘“Kambe loko mi nga ndzi yingisi hi ku xixima siku ra Savata ni hi ku rhwala mindzhwalo mi nghena na yona hi tigede ta muti wa Yerusalema hi siku ra Savata, ndzi ta hisa tigede ta wona hi ndzilo, wu ta hisa swihondzo swa Yerusalema+ naswona a wu nge timiwi.”’”+

18 Yehovha a vulavula na Yeremiya a ku: 2 “Suka u yima u ya endlwini ya muvumbi,+ loko u fika kona ndzi ta vulavula na wena.”

3 Hiloko ndzi ya endlwini ya muvumbi, a a ri karhi a endla xibya ehenhla ka mavhilwa ya muvumbi. 4 Kambe xibya lexi muvumbi a a ri karhi a xi endla hi vumba, xi onhakile xi ri evokweni ra yena. Hiloko muvumbi a tlhela a sungula ku endla xibya xin’wana hi ku tirhisa xona, hilaha a swi tsakela hakona.*

5 Kutani Yehovha a vulavula na mina a ku: 6 “‘Xana ndzi nga tsandzeka ku mi endla hilaha muvumbi a endlaka hakona eka vumba lebyi nga evokweni ra yena, n’wina Vaisrayele?’ ku vula Yehovha. ‘Maswivo! Evokweni ra mina mi fana ni vumba lebyi nga evokweni ra muvumbi, n’wina Vaisrayele.+ 7 Nkarhi wun’wana ni wun’wana loko ndzi vulavula hi ku tsuvula, ku hirimuxa ni ku lovisa tiko kumbe mfumo,+ 8 kutani tiko rero ri tshika vubihi bya rona lebyi ndzi vulavuleke ha byona, ndzi ta cinca miehleketo* hikwalaho ka khombo leri a ndzi ehleketa ku ri tisa eka rona.+ 9 Kambe loko nkarhi wun’wana ni wun’wana ndzi vulavula hi ku aka ni ku simeka tiko kumbe mfumo, 10 kutani loko ri ndzi dyohela naswona ri nga yingisi rito ra mina, swilo leswinene leswi a ndzi tiyimisele ku ri endlela swona a ndzi nge he swi endli.’

11 “Sweswi ndzi kombela u byela vanhu va le Yuda ni vaaki va le Yerusalema u ku, ‘Yehovha u ri: “Ndzi ehleketa ku mi tisela khombo, ndzi mi lukela mano. Ndzi kombela mi tshika tindlela ta n’wina leto biha, mi endla tindlela ta n’wina ni swiendlo swa n’wina swi va swinene.”’”+

12 Kambe va te: “A swi pfuni nchumu!+ Hikuva hi ta endla swilo hilaha hi anakanyaka hakona naswona un’wana ni un’wana wa hina u ta endla swilo hi ku ya hi ku sihalala ka mbilu yakwe yo homboloka.”+

13 Hikwalaho Yehovha u ri:

“Ndzi kombela mi vutisa exikarhi ka matiko.

I mani loyi a nga tshama a twa swilo swo fana ni leswi?

Nhwana wa Israyele u endle nchumu wo chavisa ngopfu.+

14 Xana gamboko ya le Lebanoni ya nyamalala emaribyeni lawa ma nga ematlhelo ka yona?

Kumbe xana mati yo titimela lama khulukaka ma huma ekule ma ta phya?

15 Kambe vanhu va mina va ndzi rivele.+

Un’wana ni un’wana loyi a hundzaka kwalaho u ta ri languta kutani a chava a tlhela a hlakahla nhloko.+

17 Ndzi ta va hangalasa emahlweni ka nala ku fana ni moya wa le vuxeni.

Hi siku ra vona ra khombo ndzi ta va komba nhlana, ku nga ri xikandza.”+

18 Kutani va te: “Tanani, a hi boheleni Yeremiya+ kungu hikuva nawu* a wu nge heli eka vaprista va hina kumbe xitsundzuxo eka vavanuna lavo tlhariha kumbe rito eka vaprofeta. Tanani a hi n’wi hlaseleni hi marito* naswona hi nga swi tekeli enhlokweni leswi a swi vulaka.”

20 Xana swilo leswinene swi fanele swi tlheriseriwa hi swilo swo biha?

Hikuva va cele mugodi leswaku va ndzi dlaya.+

19 Yehovha u te: “Famba u ya xava gula ra vumba eka muvumbi.+ Teka van’wana va vakulukumba va vanhu ni van’wana va vakulukumba va vaprista, 2 u ya eNkoveni wa N’wana wa Hinomu,+ endhawini yo nghena ha yona eGedeni ya Swirhengele. U fika u vula leswi ndzi nga ta ku byela swona. 3 U ta ku, ‘Twanani rito ra Yehovha, n’wina tihosi ta Yuda na n’wina vaaki va Yerusalema. Yehovha wa mavuthu, Xikwembu xa Israyele u ri:

“‘“Ndzi ta tisa khombo ku nga ri khale endhawini leyi naswona un’wana ni un’wana loyi a nga ta twa ha rona tindleve takwe ti ta hlohlonya. 4 Hikwalaho ka leswi va ndzi fularheleke+ ni hileswi va endleke leswaku ndzi nga ha swi koti ku yi tiva ndhawu leyi.+ Eka yona va endlela swikwembu swin’wana magandzelo, leswi vona ni vakokwa wa vona ni tihosi ta Yuda va nga swi tivangiki naswona va tate ndhawu leyi hi ngati ya vanhu lava nga riki na nandzu.+ 5 Va ake tindhawu leti tlakukeke ta Bali, leswaku va hisa vana va vona endzilweni va va magandzelo yo hisiwa eka Bali,+ ku nga nchumu lowu ndzi nga wu lerisangiki kumbe ku vulavula ha wona ni lowu wu nga si tshamaka wu ta embilwini ya mina.”’*+

6 “‘“Hikwalaho waswivo, masiku ma ta,” ku vula Yehovha, “lawa ndhawu leyi yi nga ta ka yi nga ha vitaniwi Tofete kumbe Nkova wa N’wana wa Hinomu kambe yi ta vitaniwa Nkova wa ku Dlaya.+ 7 Ndzi ta herisa makungu ya Yuda na Yerusalema endhawini leyi, ndzi ta va herisa hi banga emahlweni ka valala va vona ni hi voko ra lava lavaka ku va dlaya. Mitsumbu ya vona ndzi ta yi nyika swinyenyana ni swivandzana leswaku yi va swakudya swa swona.+ 8 Ndzi ta endla muti lowu wu va nchumu lowu chavisaka ni nchumu wo beriwa noti. Un’wana ni un’wana loyi a hundzaka hi le ka wona u ta wu languta a chava kutani a ba noti hikwalaho ka makhombo ya wona hinkwawo.+ 9 Ndzi ta endla leswaku va dya nyama ya vana va vona va majaha ni vanhwanyana naswona un’wana ni un’wana u ta dya nyama ya munhukulobye, hikwalaho ka ku rhendzeriwa ka muti ni ku xaniseka ka vona loko va rhendzeriwe hi valala va vona ni lava lavaka ku va dlaya.”’+

10 “Kutani faya gula emahlweni ka vanhu lava fambaka na wena, 11 u va byela u ku, ‘Yehovha wa mavuthu u ri: “Leyi i ndlela leyi ndzi nga ta va faya ha yona vanhu lava ni muti lowu, ku fana ni munhu loyi a fayaka xibya xa muvumbi lerova xi nga ha lunghiseki; naswona va ta lahla vafi eTofete ku fikela loko ndhawu yo va lahla yi nga ha ri kona.”’+

12 “‘Sweswo hi leswi ndzi nga ta swi endla endhawini leyi,’ ku vula Yehovha, ‘ni le ka vaaki va yona, ndzi ta endla muti lowu wu fana na Tofete. 13 Tiyindlu ta Yerusalema ni tiyindlu ta tihosi ta Yuda ti ta va leti nga basangiki ku fana ni ndhawu leyi ya Tofete,+ tiyindlu hinkwato leti ku endleriweke magandzelo eka tona emalwangwini ya tona, ma endleriwa vuthu hinkwaro ra le matilweni+ ni laha va chululeleke swikwembu swin’wana magandzelo ya swakunwa.’”+

14 Loko Yeremiya a vuya hi le Tofete laha Yehovha a a n’wi rhume kona leswaku a ya profeta, u yime exivaveni* xa yindlu ya Yehovha kutani a byela vanhu hinkwavo a ku: 15 “Yehovha wa mavuthu, Xikwembu xa Israyele u ri, ‘Emutini lowu ni le swimitanini swa wona hinkwaswo ndzi tisa khombo leri ndzi vulavuleke ha rona, hikuva va tiomise tinhloko va ala* ku yingisa marito ya mina.’”+

20 Kutani Paxahuru n’wana wa muprista Imere, loyi nakambe a a ri mulanguteri lonkulu loyi a rhangelaka endlwini ya Yehovha, a a yingiserile loko Yeremiya a profeta swilo leswi. 2 Hiloko Paxahuru a ba muprofeta Yeremiya a n’wi nghenisa etingoleni*+ leti a ti ri eGedeni ya le Henhla ya Benjamini, leyi a yi ri endlwini ya Yehovha. 3 Kambe hi siku leri landzelaka loko Paxahuru a tshunxa Yeremiya etingoleni, Yeremiya u n’wi byele leswi:

“Yehovha a nga ku thyanga vito ra Paxahuru, kambe u ku thye leri nge, Ku Chava Matlhelo Hinkwawo.+ 4 Hikuva Yehovha u ri, ‘Ndzi ta endla leswaku wena ni vanghana va wena hinkwavo mi chava, va ta dlayiwa hi banga ra valala va vona emahlweni ka wena;+ kutani tiko hinkwaro ra Yuda ndzi ta ri nyiketa evokweni ra hosi ya le Babilona, yi ta va yisa evuhlongeni eBabilona yi fika yi va dlaya hi banga.+ 5 Rifuwo hinkwaro ra muti lowu, xuma xa wona hinkwaxo, swilo swa wona hinkwaswo swa nkoka ni xuma hinkwaxo xa tihosi ta Yuda ndzi ta swi nyika valala va tona.+ Va ta swi phanga, va swi teka, va swi yisa eBabilona.+ 6 Loko ku ri wena Paxahuru ni vanhu hinkwavo lava tshamaka endlwini ya wena, mi ta ya evuhlongeni. U ta ya eBabilona u ya fela kona naswona u ta lahliwa kona ni vanghana va wena hinkwavo, hikuva u va profetele mavunwa.’”+

 7 Yehovha, u ndzi khorwisile naswona ndzi khorwile.

U tikombise u ri ni matimba ku ndzi tlula naswona u ndzi hlurile.+

Hikuva rito ra Yehovha ri ndzi vangele ku rhukaniwa ni ku sandziwa siku hinkwaro.+

“N’wi soleni; a hi n’wi soleni!”

Munhu un’wana ni un’wana loyi a endlaka onge wa ndzi tsakela a a lava ku ndzi endla swo biha:+

11 Kambe Yehovha a a ri na mina ku fana ni nhenha leyi nga chaviki nchumu.+

Hi yona mhaka leyi lava ndzi xanisaka va nga ta khunguvanyeka naswona a va nge ndzi hluli.+

Va ta khomisiwa tingana swinene, hikuva a va nge humeleli.

Ku tsongahatiwa ka vona hilaha ku nga heriki a ku nge rivariwi.+

12 Kambe wena Yehovha wa mavuthu, u kambela loyi a lulameke;

U vona mianakanyo leyi dzikeke* ni mbilu.+

13 Yimbelelelani Yehovha! Dzunisani Yehovha!

Hikuva u ponise xisiwana evokweni ra lava endlaka swilo swo biha.

14 A ku rhukaniwe siku leri ndzi velekiweke ha rona!

Onge siku leri manana a ndzi velekeke ha rona ri nga ka ri nga katekisiwi!+

15 A ku rhukaniwe munhu loyi a tiseke mahungu lamanene eka tatana, a ku:

“U velekeriwe n’wana wa jaha!”

A n’wi endla a tsaka ngopfu.

16 Onge munhu yoloye a nga fana ni miti leyi Yehovha a yi heriseke a tlhela a nga tisoli.

Onge a nga twa xirilo nimixo kasi ninhlikanhi a twa mpfumawulo wa nyimpi.

21 Yehovha u vulavule na Yeremiya, loko Hosi Sedekiyasi+ a rhume Paxahuru+ n’wana wa Malikiya leswaku a ya eka yena swin’we na Sofaniya+ n’wana wa muprista Maseya, va ta n’wi kombela va ku: 2 “Hi kombela u hi vutisela eka Yehovha hikuva Hosi Nebukadnetsara* wa le Babilona u lava ku lwa na hina.+ Kumbexana Yehovha u ta hi endlela wun’wana wa mitirho yakwe yo hlamarisa leswaku a hi tshika.”+

3 Yeremiya a va hlamula a ku: “Mi fanele mi byela Sedekiyasi mi ku, 4 ‘Yehovha Xikwembu xa Israyele u ri: “Matlhari lawa mi ma khomeke lawa mi lwaka ni hosi ya Babilona+ ha wona ni Vakalidiya lava nga le handle ka khumbi lava mi rhendzeleke, ndzi ta endla leswaku ma mi hlasela. Ndzi ta ma hlengeleta exikarhi ka muti lowu. 5 Mina ndzi ta lwa na n’wina+ hi voko leri tshambulutiweke leri nga ni matimba, hi ku hlundzuka lokukulu ni vukarhi.+ 6 Ndzi ta ba vaaki va muti lowu, vanhu ni swiharhi. Va ta dlayiwa hi ntungu* lowukulu.”’+

7 “‘“Endzhaku ka sweswo,” ku vula Yehovha, “ndzi ta nyiketa Hosi Sedekiyasi wa le Yuda ni malandza yakwe ni vanhu va muti lowu lava poneke ntungu, banga ni ndlala, eka Hosi Nebukadnetsara* wa le Babilona, eka valala va vona ni le ka lava lavaka ku va dlaya.+ Yi ta va dlaya hi banga. A yi nge va tweli vusiwana kumbe ku va komba tintswalo.”’+

8 “U fanele u byela vanhu lava u ku, ‘Yehovha u ri: “Ndzi veka ndlela ya vutomi ni ndlela ya rifu emahlweni ka n’wina. 9 Lava nga ta sala emutini lowu va ta dlayiwa hi banga, hi ndlala ni hi ntungu. Kambe un’wana ni un’wana loyi a tinyiketaka eka Vakalidiya lava mi rhendzeleke u ta ya emahlweni a hanya naswona u ta ponisa vutomi byakwe.”’+

10 “‘“Muti lowu wu ta weriwa hi khombo ku nga ri leswinene, hikwalaho ka leswi ndzi wu fularheleke,”+ ku vula Yehovha. “Wu ta nyiketiwa eka hosi ya le Babilona+ kutani yona yi ta wu hisa hi ndzilo.”+

11 “‘Eka n’wina vandyangu wa hosi ya Yuda: Yingisani leswi Yehovha a swi vulaka. 12 Wena yindlu ya Davhida, Yehovha u ri:

‘Loko ku ri n’wina lava nge: “I mani loyi a nga ta rhelela a lwa na hina?

I mani loyi a nga ta hlasela laha hi tshamaka kona?”

22 Yehovha u ri: “Rhelela u ya endlwini ya hosi ya Yuda, u fika u vula rungula leri. 2 U fanele u ku, ‘Twana rito ra Yehovha, wena hosi ya Yuda loyi a tshameke exiluvelweni xa Davhida, wena ni malandza ya wena ni vanhu va wena lava nghenaka hi tigede leti. 3 Yehovha u ri: “Kombisani vululami mi endla leswinene. Ponisani loyi a kanganyisiwaka hi mukanganyisi. Mi nga n’wi khomi hi ndlela yo biha muluveri naswona mi nga vavisi n’wana loyi a nga riki na tatana* kumbe noni.+ Mi nga halati ngati leyi nga riki na nandzu endhawini leyi.+ 4 Hikuva loko mo tikarhatela ku endla leswi, tihosi leti tshamaka exiluvelweni xa Davhida+ ti ta nghena hi tinyangwa ta yindlu leyi, ti gade makalichi ni tihanci, tona ni malandza ya tona ni vanhu va tona.”’+

5 “‘Kambe loko mo ka mi nga ma yingisi marito lawa, ndzi hlambanya hi mina,’ ku vula Yehovha, ‘leswaku yindlu leyi yi ta va rhumbi.’+

Va ta tsema mikedari ya wena leyinene ngopfu

Va yi wisela endzilweni.+

8 “‘Matiko yo tala ma ta hundza hi le mutini lowu kutani ma vutisana ma ku: “Hikwalaho ka yini Yehovha a endle swilo leswi eka muti lowu lowukulu?”+ 9 Kutani vanhu va ta hlamula va ku: “Hikwalaho ka leswi va tshikeke ntwanano wa Yehovha Xikwembu xa vona kutani va khinsamela swikwembu swin’wana ni ku swi tirhela.”’+

11 “Hikuva Yehovha u vula leswi hi Xalumu*+ n’wana wa Yosiya, hosi ya Yuda loyi a fumaka ematshan’weni ya Yosiya+ tata wakwe, loyi a sukeke endhawini leyi: ‘A nge he tlheleli kwalaho. 12 Hikuva u ta fela endhawini leyi va n’wi yiseke evuhlongeni eka yona naswona a nge he ri voni tiko leri.’+

Leyi nga ni makamara ya le henhla lama pfulekeke.

15 Xana u ta ya emahlweni u fuma hileswi u tlulaka van’wana hi ndlela leyi u wu tirhisaka ha yona mukedari?

‘Xana sweswo a hi swona leswi swi vulaka swona ku ndzi tiva?’ ku vula Yehovha.

“Yoo, buti wa mina! Yoo, sesi wa mina!”

A va nge n’wi rileli va ku:

“Yoo, n’wini wanga! Yoo, xindzhuti xakwe xi fambile!”

21 Ndzi vulavule na wena loko wa ha sirhelelekile.

Kambe u te, ‘A ndzi nge yingisi.’+

Kutani u ta khomisiwa tingana hikwalaho ka khombo ra wena.

24 “‘Leswi ndzi hanyaka,’ ku vula Yehovha, ‘hambiloko Koniya*+ n’wana wa Yoyakimi+ hosi ya Yuda, a ri xingwavila xo fungha evokweni ra mina ra xinene, a ndzi ta ku susa kwalaho! 25 Ndzi ta ku nyiketa eka lava va lavaka ku ku dlaya, eka lava u va chavaka, eka Hosi Nebukadnetsara* wa le Babilona ni le ka Vakalidiya.+ 26 Ndzi ta ku cukumeta etikweni leri u nga velekiwangiki eka rona wena ni mana wa wena loyi a ku velekeke naswona mi ta fela kona. 27 A va nge pfuki va tlhelele etikweni leri va ri navelaka.+

29 Wena misava,* misava, misava, twana rito ra Yehovha.

30 Yehovha u ri:

23 “Khombo eka varisi lava lovisaka ni ku hangalasa tinyimpfu ta madyelo ya mina,” ku vula Yehovha.+

2 Hikwalaho mina Yehovha Xikwembu xa Israyele ndzi vula leswi hi varisi lava risaka vanhu va mina: “Mi hangalase tinyimpfu ta mina; mi ye emahlweni mi ti hangalasa naswona a mi ti hlayisanga.”+

“Ndzi ta mi xupula hikwalaho ka swiendlo swa n’wina swo biha,” ku vula Yehovha.

3 “Ndzi ta hlengeleta tinyimpfu ta mina leti saleke ematikweni hinkwawo lawa ndzi ti hangalaseleke eka wona,+ ndzi ta ti tlherisela emadyelweni ya tona,+ ti ta tswalana ti andza.+ 4 Ndzi ta ti vekela varisi lava nga ta ti risa.+ A ti nge he chavi kumbe ku chavisiwa naswona a ku nge lahleki na yin’we,” ku vula Yehovha.

5 “Maswivo! Masiku ma ta,” ku vula Yehovha, “lawa ndzi nga ta humesela Davhida xihluke* xo lulama.+ Hosi yi ta fuma+ yi kombisa ku twisisa ni vululami naswona yi ta endla leswinene etikweni.+ 6 Emasikwini ya yona Yuda u ta ponisiwa+ naswona Israyele u ta tshama a sirhelelekile.+ Yi ta vitaniwa hi vito leri: Yehovha I Ku Lulama Ka Hina.”+

7 “Hambiswiritano, masiku ma ta,” ku vula Yehovha, “lawa va nga ta ka va nga ha vuli va ku, ‘Leswi Yehovha a hanyaka, loyi a humeseke Vaisrayele etikweni ra Egipta,’+ 8 kambe va ta ku, ‘Leswi Yehovha a hanyaka, loyi a humeseke a tlhela a tlherisela vatukulu va Israyele etikweni ra le n’walungwini ni le matikweni hinkwawo lawa ndzi va hangalaseleke eka wona,’ naswona va ta tshama etikweni ra vona.”+

9 Mayelana ni vaprofeta:

Mbilu ya mina yi tshovekile endzeni ka mina.

Marhambu ya mina hinkwawo ma rhurhumela.

Ndlela ya vona yi bihile naswona va tirhisa matimba ya vona hi ndlela yo biha.

11 “Muprofeta ni muprista i vagwinehi.+

Ndzi kume vubihi bya vona ni le ndlwini ya mina,”+ ku vula Yehovha.

13 “Eka vaprofeta va le Samariya+ ndzi vone nchumu lowu nyenyetsaka.

14 Eka vaprofeta va le Yerusalema ndzi vone swilo swo chavisa.

15 Hikwalaho Yehovha wa mavuthu u vula leswi hi vaprofeta:

Hikuva vaprofeta va le Yerusalema va endle leswaku vugwinehi byi hangalaka etikweni hinkwaro.”

16 Yehovha wa mavuthu u ri:

“Mi nga ma yingisi marito ya vaprofeta lava va mi profetelaka.+

Va mi kanganyisa.*

I mani loyi a yingiserisiseke rito rakwe leswaku a ri twa?

Exiphen’wini xo hetelela xa masiku mi ta swi twisisa kahle leswi.

21 A ndzi va rhumanga vaprofeta kambe va tsutsumile.

A ndzi vulavulanga na vona kambe va profetile.+

23 “Xana ndzi Xikwembu loko ndzi ri ekusuhi ntsena,” ku vula Yehovha, “xana a ndzi Xikwembu ni loko ndzi ri ekule?”

24 “Xana u kona munhu loyi a nga tumbelaka endhawini leyi tumbeleke leyi ndzi nga taka ndzi nga swi koti ku n’wi vona?”+ ku vula Yehovha.

“Xana a ndzi ma tati matilo ni misava?”+ ku vula Yehovha.

25 “Ndzi va twile vaprofeta lava profetaka mavunwa hi vito ra mina, va ku, ‘Ndzi lorhile! Ndzi lorhile!’+ 26 Vaprofeta va ta ya emahlweni ku fikela rini va profeta mavunwa? I vaprofeta lava vulavulaka vukanganyisi lebyi humaka etimbilwini ta vona.+ 27 Va tiyimisele ku rivarisa vanhu va mina vito ra mina hi milorho leyi va byelanaka yona, hilaha vatata wa vona va ri rivaleke hakona vito ra mina hikwalaho ka Bali.+ 28 Muprofeta loyi a nga ni norho a a wu vule kambe loyi a nga ni rito ra mina u fanele a vula rito ra mina hi ntiyiso.”

“Xana byanyi bya fana ni mavele?” ku vula Yehovha.

29 “Xana rito ra mina a ri fani ni ndzilo,”+ ku vula Yehovha, “naswona xana a ri fani ni hamula leyi fayaka ribye?”+

30 “Hikwalaho ndzi lwa ni vaprofeta,” ku vula Yehovha, “lava tekaka marito ya mina eka vaprofeta van’wana kutani va ma soholota.”+

31 “Ndzi lwa ni vaprofeta,” ku vula Yehovha, “lava tirhisaka ririmi ra vona va ku, ‘U vula leswi!’”+

32 “Ndzi lwa ni vaprofeta va milorho ya mavunwa,” ku vula Yehovha, “lava va yi byelaka vanhu va mina ni ku va hambukisa hikwalaho ka mavunwa ya vona ni ku tikukumuxa ka vona.”+

“Kambe a ndzi va rhumanga kumbe ku va lerisa. A va nge va pfuni nchumu vanhu lava,”+ ku vula Yehovha.

33 “Loko vanhu lava kumbe muprofeta kumbe muprista, va ku vutisa va ku, ‘I yini ndzhwalo* wa Yehovha?’ u fanele u va hlamula u ku, ‘“N’wina mi ndzhwalo! Ndzi ta mi cukumeta,”+ ku vula Yehovha.’ 34 Loko ku ri muprofeta kumbe muprista kumbe vanhu lava nge, ‘Lowu i ndzhwalo* wa Yehovha,’ ndzi ta xupula munhu yoloye ni ndyangu wakwe. 35 Un’wana ni un’wana wa n’wina u vutisa munghana wakwe ni makwavo a ku, ‘Yehovha u hlamule a ku yini? Yehovha u te yini?’ 36 Kambe mi nga ha vulavuli hi ndzhwalo* wa Yehovha, hikuva ndzhwalo i rito ra un’wana ni un’wana, naswona mi hundzule marito ya Xikwembu lexi hanyaka, Yehovha wa mavuthu, Xikwembu xa hina.

37 “U ta byela muprofeta u ku, ‘Yehovha u ku hlamule a ku yini? Yehovha u te yini? 38 Loko mi ya emahlweni mi ku, “Ndzhwalo* wa Yehovha,” Yehovha u ri: “Hikwalaho ka leswi mi nge, ‘Rito leri i ndzhwalo wa Yehovha,’ endzhaku ka loko ndzi mi byele ndzi ku, ‘A mi fanelanga mi ku: “Ndzhwalo wa Yehovha,”’ 39 maswivo! Ndzi ta mi tlakula ndzi mi cukumeta ekule ni laha ndzi nga kona, n’wina ni muti lowu ndzi wu nyikeke n’wina ni vakokwa wa n’wina. 40 Ndzi ta endla leswaku mi sandziwa hilaha ku nga heriki naswona ku khomisiwa ka n’wina tingana a ku nge rivariwi.”’”+

24 Kutani Yehovha a ndzi komba tibasikiti timbirhi ta makuwa ti vekiwe emahlweni ka tempele ya Yehovha, endzhaku ka loko Hosi Nebukadnetsara* wa le Babilona a teke Yekoniya*+ n’wana wa Yoyakimi,+ hosi ya le Yuda a n’wi yisa evuhlongeni swin’we ni tihosana ta le Yuda, lava tivaka ntirho wa mavoko ni lava kotaka ku endla swilo hi nsimbhi; u va teke eYerusalema a va yisa eBabilona.+ 2 Basikiti yin’wana a yi ri ni makuwa lamanene ngopfu, ku fana ni makuwa lama wupfaka ku sungula, kambe basikiti leyin’wana a yi ri ni makuwa yo bola, lerova a ma nga dyeki hikuva ma borile.

3 Yehovha a ndzi vutisa a ku: “U vona yini Yeremiya?” Hiloko ndzi ku: “Makuwa; makuwa lamanene i manene ngopfu, kambe laman’wana ma borile lerova a ma dyeki.”+

4 Yehovha a vulavula na mina a ku: 5 “Yehovha Xikwembu xa Israyele u ri, ‘Ku fana ni makuwa lawa lamanene, ndzi ta va teka hi ndlela leyinene vanhu va le Yuda lava yeke evuhlongeni, lava ndzi nga va susa endhawini leyi ndzi va yisa etikweni ra Vakalidiya. 6 Ndzi ta tshama ndzi va langutile leswaku ndzi va endlela leswinene naswona ndzi ta endla leswaku va tlhelela etikweni leri.+ Ndzi ta va aka, a ndzi nge va hirimuxi; ndzi ta va byala, a ndzi nge va tsuvuli.+ 7 Ndzi ta va nyika mbilu ya ku ndzi tiva, leswaku hi mina Yehovha.+ Va ta va vanhu va mina kutani mina ndzi ta va Xikwembu xa vona,+ hikuva va ta tlhelela eka mina hi mbilu ya vona hinkwayo.+

8 “‘Kambe mayelana ni makuwa yo bola lama nga dyekiki hikuva ma borile,+ Yehovha u ri: “Ndzi ta xupula Hosi Sedekiyasi+ wa le Yuda, tihosana ta yena, vanhu va le Yerusalema lava saleke etikweni leri ni lava tshamaka etikweni ra Egipta.+ 9 Ndzi ta endla leswaku mifumo hinkwayo ya misava yi chava hikwalaho ka leswi nga ta va humelela.+ Vanhu va ta va sandza; va ta va tirhisa tanihi xikombiso xa vanhu lava weriweke hi khombo; vanhu va ta va hlekula va tlhela va va rhukana+ etindhawini hinkwato leti ndzi nga ta va hangalasela eka tona.+ 10 Ndzi ta va rhumela banga,+ ndlala ni ntungu,*+ ku fikela loko va hela etikweni leri ndzi va nyikeke rona swin’we ni vakokwa wa vona.”’”

25 Rito leri fikeke eka Yeremiya mayelana ni vanhu hinkwavo va le Yuda hi lembe ra vumune ra ku fuma ka Yoyakimi+ n’wana wa Yosiya, hosi ya le Yuda, ku nga lembe ro sungula ra Hosi Nebukadnetsara* wa le Babilona. 2 Muprofeta Yeremiya u vule leswi mayelana* ni vanhu hinkwavo va le Yuda ni vaaki hinkwavo va le Yerusalema, a ku:

3 “Ku sukela hi lembe ra vu-13 ra ku fuma ka Yosiya+ n’wana wa Amoni, hosi ya Yuda, ku ta fikela namuntlha, emalembeni lawa ya 23, Yehovha u vulavule na mina naswona a ndzi tshamela ku vulavula na n’wina hi ku phindhaphindha* kambe a mi yingisanga.+ 4 Kutani Yehovha u mi rhumele malandza yakwe hinkwawo lama nga vaprofeta, u ma rhume hi ku phindhaphindha,* kambe a mi yingisanga kumbe ku rhiya ndleve leswaku mi yingisa.+ 5 Vona a va ku, ‘Ha mi kombela, hundzukani, un’wana ni un’wana wa n’wina etindleleni ta n’wina to homboloka ni le ka swiendlo swa n’wina swo homboloka;+ kutani mi ta ya emahlweni mi tshama nkarhi wo leha etikweni leri Yehovha a ri nyikeke n’wina ni vakokwa wa n’wina khale. 6 Mi nga landzeleli swikwembu swin’wana mi swi tirhela ni ku swi khinsamela, mi ndzi hlundzukisa hi swifaniso leswi mi swi endleke; handle ka sweswo ndzi ta mi tisela khombo.’

7 “‘Kambe a mi ndzi yingisanga,’ ku vula Yehovha. ‘Ku ri na sweswo mi ndzi hlundzukisile hi swifaniso leswi mi nga swi endla, mi tivangela khombo.’+

8 “Hikwalaho Yehovha wa mavuthu u ri, ‘“Leswi mi nga ma yingisangiki marito ya mina, 9 ndzi vitana mindyangu hinkwayo ya le n’walungwini,”+ ku vula Yehovha, “ndzi ta vitana na Hosi Nebukadnetsara* wa le Babilona, nandza wa mina,+ naswona ndzi ta va tisa leswaku va lwa ni tiko leri+ ni vaaki va rona ni matiko lawa hinkwawo ma nga ekusuhi na rona.+ Ndzi ta mi herisa n’wina ni matiko lawa naswona ndzi ta mi endla nchumu lowu chavisaka ni lowu beriwaka noti naswona mi ta va rhumbi hilaha ku nga heriki. 10 Ndzi ta herisa mpfumawulo wa vona wa ku khana ni wa ku tsaka,+ rito ra muteki ni ra mutekiwa,+ mpfumawulo wa ribye ro sila ni ku vonakala ka rivoni. 11 Tiko leri hinkwaro ri ta va rhumbi ni nchumu lowu chavisaka naswona matiko lawa ma ta tirhela hosi ya le Babilona malembe ya 70.”’+

12 “‘Kambe loko malembe ya 70 ma herile+ ndzi ta xupula hosi ya le Babilona ni tiko rero hikwalaho ka xihoxo xa vona,’+ ku vula Yehovha, ‘ndzi ta endla tiko ra Vakalidiya ri va rhumbi hilaha ku nga heriki.+ 13 Etikweni rero ndzi ta tisa marito ya mina hinkwawo lawa ndzi ma vuleke ku lwisana na rona, hinkwaswo leswi tsariweke ebukwini leyi leswi Yeremiya a swi profeteke ku lwisana ni matiko hinkwawo. 14 Hikuva matiko yo tala ni tihosi letikulu+ ti ta va endla mahlonga,+ naswona ndzi ta va hakela hi ku ya hi swiendlo ni ntirho wa mavoko ya vona.’”+

15 Yehovha Xikwembu xa Israyele u ndzi byele a ku: “Teka xinwelo lexi xa vhinyo ya vukarhi evokweni ra mina, u ya nwisa matiko hinkwawo lawa ndzi ku rhumaka eka wona. 16 Ma ta nwa kutani ma dedeleka, ma endla ku fana ni vanhu lava hlanganeke tinhloko hikwalaho ka banga leri ndzi ri rhumelaka exikarhi ka wona.”+

17 Hiloko ndzi teka xinwelo evokweni ra Yehovha kutani ndzi nwisa matiko hinkwawo lawa Yehovha a ndzi rhumeke eka wona:+ 18 ku sungule Yerusalema ni miti ya Yuda,+ tihosi ta yena ni tihosana ta yena, yi endliwa rhumbi, nchumu wo chavisa, nchumu lowu beriwaka noti ni ndzhukano,+ hilaha yi nga hakona namuntlha; 19 ku landzela Faro hosi ya Egipta ni malandza ya yena, tihosana ta yena ni vanhu va yena hinkwavo,+ 20 ni lava humaka ematikweni man’wana lava tshamaka exikarhi ka vona; tihosi hinkwato ta tiko ra Uza; tihosi hinkwato ta tiko ra Vafilista,+ Axikeloni,+ Gaza, Ekroni ni lava saleke va le Axidodo; 21 Edomu,+ Mowabu+ ni Vaamoni;+ 22 tihosi hinkwato ta Tiri, tihosi hinkwato ta Sidoni+ ni tihosi ta xihlala xa le lwandle; 23 Dedani,+ Thema, Buzu ni vanhu hinkwavo lava tsemeteke misisi leyi nga ematlhelo ka mombo;+ 24 tihosi hinkwato ta Maarabu+ ni tihosi hinkwato ta vanhu lava humaka ematikweni man’wana lava tshamaka emananga; 25 tihosi hinkwato ta Zimri, tihosi hinkwato ta Elami+ ni tihosi hinkwato ta Vameda;+ 26 ni tihosi hinkwato ta le n’walungwini leti nga ekusuhi ni leti nga ekule, hi ku landzelelana ka tona, ni mifumo leyin’wana hinkwayo ya misava; ni hosi ya Xixaki*+ yi ta nwa endzhaku ka vona.

27 “U fanele u va byela u ku, ‘Yehovha wa mavuthu, Xikwembu xa Israyele, u ri: “Nwanani mi dakwa mi tlhela mi hlanta, mi wa lerova mi nga swi koti ni ku pfuka+ hikwalaho ka banga leri ndzi ri rhumelaka exikarhi ka n’wina.”’ 28 Loko va ala ku teka xinwelo evokweni ra wena va nwa, va byele u ku, ‘Yehovha wa mavuthu u ri: “Mi fanele mi nwa! 29 Hikuva, maswivo, loko ndzi tisa khombo ku sungula emutini lowu vitaniwaka hi vito ra mina,+ xana mi fanele mi tshikiwa mi nga xupuriwi?”’+

“‘A mi nge tshikiwi mi nga xupuriwi, hikuva vaaki hinkwavo va misava ndzi va vitanela banga,’ ku vula Yehovha wa mavuthu.

U ta vomba swinene a vombela ndhawu yakwe yo tshama eka yona.

U ta avanyisa vanhu hinkwavo.+

U ta nyiketa lavo homboloka leswaku va dlayiwa hi banga,’ ku vula Yehovha.

32 Yehovha wa mavuthu u ri:

33 “‘Lava dlayiweke hi Yehovha hi siku rero va ta sukela emakun’wini man’wana ya misava ku ya fikela emakun’wini man’wana ya misava. A va nge rileriwi hambi ku ri ku hlengeletiwa kumbe ku lahliwa. Va ta fana ni manyoro ehenhla ka misava.’

34 Rilani n’wina varisi, mi huwelela!

26 Eku sunguleni ka ku fuma ka Yoyakimi+ n’wana wa Yosiya, hosi ya Yuda, ku fike rito leri, leri humaka eka Yehovha, ri ku: 2 “Yehovha u ri, ‘Yima exivaveni* xa yindlu ya Yehovha kutani u vulavula ni vanhu hinkwavo va le mitini ya Yuda lava taka va ta gandzela* endlwini ya Yehovha. Va byele hinkwaswo leswi ndzi ku lerisaka swona; u nga siyi nchumu. 3 Kumbexana va ta yingisa kutani un’wana ni un’wana wa vona a tshika ndlela yakwe yo homboloka, kutani ndzi ta cinca miehleketo* mayelana ni khombo leri ndzi tiyimiseleke ku va tisela rona hikwalaho ka swiendlo swa vona swo homboloka.+ 4 Va byele u ku: “Yehovha u ri, ‘Loko mi nga ndzi yingisi hi ku ka mi nga landzeli nawu* wa mina lowu ndzi wu vekeke emahlweni ka n’wina, 5 hi ku ka mi nga yingisi marito ya malandza ya mina lama nga vaprofeta, lawa ndzi ma rhumaka eka n’wina hi ku phindhaphindha,* lawa mi nga ma yingisangiki,+ 6 kutani ndzi ta endla yindlu leyi yi fana na Xilo+ naswona muti lowu ndzi ta wu endla wu rhukaniwa ematikweni hinkwawo ya misava.’”’”+

7 Vaprista ni vaprofeta ni vanhu hinkwavo va n’wi twile Yeremiya loko a vulavula marito lawa endlwini ya Yehovha.+ 8 Loko Yeremiya a heta ku vulavula hinkwaswo leswi Yehovha a n’wi leriseke ku swi byela vanhu hinkwavo, hiloko vaprista, vaprofeta ni vanhu hinkwavo va n’wi khoma, va ku: “Wena u ta fa hakunene. 9 Hikwalaho ka yini u profete hi vito ra Yehovha, u ku, ‘Yindlu leyi yi ta fana na Xilo, naswona muti lowu wu ta va rhumbi wu sala wu nga ha ri na vaaki’?” Hiloko vanhu hinkwavo va ta eka Yeremiya va n’wi rhendzela endlwini ya Yehovha.

10 Loko tihosana ta le Yuda ti twa marito lawa, ti huma endlwini ya hosi ti ya endlwini ya Yehovha ti fika ti tshama egedeni leyintshwa ya Yehovha.+ 11 Vaprista ni vaprofeta va byela tihosana ni vanhu hinkwavo va ku: “Munhu loyi u faneriwa hi xigwevo xa rifu,+ hikuva u profete leswi lwisanaka ni muti lowu hilaha mi swi tweke hakona hi tindleve ta n’wina.”+

12 Kutani Yeremiya a byela tihosana hinkwato ni vanhu hinkwavo a ku: “Ndzi rhumiwe hi Yehovha leswaku ndzi profeta marito hinkwawo lawa mi ma tweke, lama lwisanaka ni yindlu leyi ni muti lowu.+ 13 Sweswi hundzulani tindlela ta n’wina ni swiendlo swa n’wina mi yingisa rito ra Yehovha Xikwembu xa n’wina, kutani Yehovha u ta cinca miehleketo* mayelana ni khombo leri a vuleke leswaku u ta mi tisela rona.+ 14 Kambe loko ku ri mina ndzi le vokweni ra n’wina. Ndzi endleni swin’wana ni swin’wana leswi mi vonaka swi ri swinene ni leswi lulameke ematihlweni ya n’wina. 15 Kambe swi tiveni leswaku loko mi ndzi dlaya, n’wina ni muti lowu ni vaaki va wona mi ta va ni nandzu wa ku halata ngati leyi nga riki na nandzu, hikuva entiyisweni Yehovha u ndzi rhume eka n’wina leswaku ndzi ta mi byela marito lawa mi ma twaka hinkwawo.”

16 Hiloko tihosana ni vanhu hinkwavo va byela vaprista ni vaprofeta va ku: “Munhu loyi a nga faneriwi hi xigwevo xa rifu, hikuva u vulavule na hina hi vito ra Yehovha Xikwembu xa hina.”

17 Ku engetela kwalaho, vakulukumba van’wana va tiko va suka va yima va sungula ku byela vanhu hinkwavo lava hlengeletaneke va ku: 18 “Mikiya+ wa le Morexeti a a profeta hi nkarhi wa Hosi Hezekiya+ wa le Yuda, kutani u byele vanhu hinkwavo va le Yuda a ku, ‘Yehovha wa mavuthu u ri:

19 “Xana Hosi Hezekiya wa le Yuda ni vanhu hinkwavo va le Yuda va n’wi dlayile? Xana hosi a yi n’wi chavanga Yehovha kutani yi kombela Yehovha hi ku titsongahata leswaku a yi komba tintswalo lerova Yehovha a cinca miehleketo* a nga ha ri tisi khombo leri a vuleke leswaku u ta va tisela rona?+ Hikwalaho hi le kusuhi ni ku tivangela khombo lerikulu.

20 “A ku ri ni munhu un’wana loyi a a profeta hi vito ra Yehovha, Yuriya n’wana wa Xemaya wa le Kiriyati-yeyarimi+ loyi a profeteke leswi lwisanaka ni muti lowu ni tiko leri hi marito yo fana ni ya Yeremiya. 21 Hosi Yoyakimi+ ni vavanuna vakwe hinkwavo va matimba ni tihosana hinkwato va twe marito yakwe, hiloko hosi yi lava ku n’wi dlaya.+ Loko Yuriya a swi twa, a namba a sungula ku chava kutani a balekela eEgipta. 22 Kutani Hosi Yoyakimi a rhuma Elinathani+ n’wana wa Akibora ni vavanuna van’wana va ya eEgipta. 23 Va teke Yuriya eEgipta va n’wi yisa eka Hosi Yoyakimi, loyi a nga fika a n’wi dlaya hi banga+ kutani a lahla ntsumbu wakwe emasirheni lawa ku lahliwaka mani na mani.”

24 Kambe Ahikama+ n’wana wa Xafani+ u seketele Yeremiya, lerova a nga nyiketiwanga eka vanhu leswaku va n’wi dlaya.+

27 Eku sunguleni ka ku fuma ka Yoyakimi n’wana wa Yosiya hosi ya le Yuda, rito leri ri fike eka Yeremiya ri huma eka Yehovha: 2 “Yehovha u ndzi byele a ku, ‘Tiendlele tintambu ni majoko, u swi veka enhan’wini ya wena. 3 U swi rhumela eka hosi ya le Edomu,+ hosi ya le Mowabu,+ hosi ya Vaamoni,+ hosi ya le Tiri+ ni hosi ya le Sidoni+ hi ku tirhisa varhumiwa lava teke eYerusalema eka Hosi Sedekiyasi wa le Yuda. 4 Va nyike xileriso lexi, lexi yaka eka tihosi ta vona, u ku:

“‘“Yehovha wa mavuthu, Xikwembu xa Israyele, u ri; mi fanele mi byela tihosi ta n’wina mi ku, 5 ‘Hi mina loyi a endleke misava, vanhu ni swiharhi leswi nga ehenhla ka misava hi matimba ya mina lamakulu ni hi voko ra mina leri tshambulutekeke; naswona ndzi swi nyike un’wana ni un’wana loyi ndzi n’wi tsakelaka.*+ 6 Kutani sweswi matiko lawa hinkwawo ndzi ma nyikete eka Hosi Nebukadnetsara+ wa le Babilona, nandza wa mina; ndzi n’wi nyike hambi ku ri swiharhi leswaku swi n’wi tirhela. 7 Matiko hinkwawo ma ta tirhela yena, n’wana wakwe ni ntukulu wakwe ku fikela loko mfumo wakwe wu herisiwa,+ loko matiko yo tala ni tihosi letikulu ti n’wi endla hlonga ra tona.’+

8 “‘“‘Loko mfumo wihi ni wihi kumbe tiko rihi ni rihi ri ala ku tirhela Hosi Nebukadnetsara wa le Babilona naswona ri ala ku tlhandleka joko ra hosi ya le Babilona enhan’wini ya rona, ndzi ta ri xupula hi banga,+ hi ndlala ni hi ntungu,’* ku vula Yehovha, ‘ku fikela loko ndzi va heta hi voko rakwe.’

9 “‘“‘Hikwalaho, mi nga va yingisi vaprofeta va n’wina, vanhu lava hlahluvaka, vanhu lava mi byelaka milorho ya vona, vanhu lava endlaka masalamusi ni valoyi, lava mi byelaka va ku: “A mi nge yi tirheli hosi ya le Babilona.” 10 Hikuva va mi profetela mavunwa, leswaku mi ta susiwa etikweni ra n’wina mi yisiwa ekule naswona ndzi ta mi hangalasa kutani mi ta lova.

11 “‘“‘Kambe tiko leri nga ta tlhandleka joko ra hosi ya le Babilona enhan’wini ya rona ri tlhela ri yi tirhela, a ndzi nge ri susi etikweni ra rona,’ ku vula Yehovha, ‘leswaku ri ri rima ri tlhela ri tshama eka rona.’”’”

12 Hambi ku ri Hosi Sedekiyasi+ wa le Yuda ndzi n’wi byele leswi fanaka, ndzi ku: “Tlhandlekani joko ra hosi ya le Babilona etinhan’wini ta n’wina, mi yi tirhela swin’we ni vanhu va yona kutani mi ta ya emahlweni mi hanya.+ 13 Hikwalaho ka yini wena ni vanhu va wena mi fanele mi dlayiwa hi banga,+ hi ndlala+ ni hi ntungu+ hilaha Yehovha a vuleke hakona mayelana ni tiko leri nga taka ri nga yi tirheli hosi ya le Babilona? 14 Mi nga ma yingisi marito ya vaprofeta lava mi byelaka va ku, ‘A mi nge yi tirheli hosi ya le Babilona,’+ hikuva va mi profetela mavunwa.+

15 “‘Hikuva a ndzi va rhumanga,’ ku vula Yehovha, ‘kambe va profeta mavunwa hi vito ra mina, hikwalaho ndzi ta mi hangalasa naswona mi ta lova, n’wina ni vaprofeta lava mi profetelaka.’”+

16 Eka vaprista ni vanhu lava hinkwavo ndzi te: “Yehovha u ri, ‘Mi nga ma yingisi marito ya vaprofeta va n’wina lava mi profetelaka va ku: “Maswivo! Swibya swa yindlu ya Yehovha swi ta vuyisiwa swi suka eBabilona ku nga ri khale,”+ hikuva va mi profetela mavunwa.+ 17 Mi nga va yingisi. Tirhelani hosi ya Babilona kutani mi ta ya emahlweni mi hanya.+ Hikwalaho ka yini muti lowu wu fanele wu va rhumbi? 18 Kambe loko va ri vaprofeta niloko Yehovha a vulavula na vona hakunene, ndzi kombela leswaku va kombela Yehovha wa mavuthu leswaku swibya leswi saleke endlwini ya Yehovha, endlwini ya hosi ya le Yuda ni le Yerusalema swi nga tekiwi swi yisiwa eBabilona.’

19 “Hikuva Yehovha wa mavuthu u vula leswi mayelana ni tiphuphu,+ thangi ra mati,*+ swigolonyana+ ni swibya leswi saleke emutini lowu, 20 leswi Hosi Nebukadnetsara wa le Babilona a nga swi tekangiki loko a teka Yekoniya n’wana wa Yoyakimi, hosi ya le Yuda, a n’wi yisa evuhlongeni eBabilona ku suka eYerusalema swin’we ni tindhuna hinkwato ta le Yuda ni ta le Yerusalema;+ 21 Yehovha wa mavuthu, Xikwembu xa Israyele, u vula leswi mayelana ni swibya leswi saleke endlwini ya Yehovha, endlwini ya hosi ya le Yuda ni le Yerusalema: 22 ‘“Swi ta yisiwa eBabilona+ naswona swi ta tshama kona ku fikela siku leri ndzi nga ta swi tsundzuka ha rona,” ku vula Yehovha. “Kutani ndzi ta swi tlherisela endhawini leyi.”’”+

28 Hi lembe rero, eku sunguleni ka ku fuma ka Hosi Sedekiyasi+ wa le Yuda, hi lembe ra vumune, hi n’hweti ya vuntlhanu, muprofeta Hananiya n’wana wa Azuri loyi a humaka eGibiyoni,+ u vulavule na mina endlwini ya Yehovha emahlweni ka vaprista ni vanhu hinkwavo a ku: 2 “Yehovha wa mavuthu, Xikwembu xa Israyele u ri, ‘Ndzi ta tshova joko ra hosi ya Babilona.+ 3 Ku nga si hela malembe mambirhi ndzi ta tlherisela swibya hinkwaswo swa yindlu ya Yehovha endhawini leyi, leswi Hosi Nebukadnetsara wa le Babilona a swi tekeke endhawini leyi a swi yisa eBabilona.’”+ 4 “‘Ndzi ta tlherisela Yekoniya+ n’wana wa Yoyakimi+ hosi ya le Yuda endhawini leyi ni mahlonga hinkwawo ya le Yuda lama yeke eBabilona,’+ ku vula Yehovha, ‘hikuva ndzi ta tshova joko ra hosi ya le Babilona.’”

5 Kutani muprofeta Yeremiya a vulavula na muprofeta Hananiya emahlweni ka vaprista ni vanhu hinkwavo lava a va yime endlwini ya Yehovha. 6 Muprofeta Yeremiya a ku: “Amen!* Onge Yehovha a nga endla tano! Onge Yehovha a nga endla leswi u swi profeteke hi ku va a tlherisela swibya swa yindlu ya Yehovha endhawini leyi ni vanhu hinkwavo lava nga mahlonga eBabilona! 7 Hambiswiritano, ndzi kombela u yingisa rungula leri ndzi ku byelaka rona wena ni vanhu hinkwavo. 8 Vaprofeta lava a va ri kona emahlweni ka mina na wena khale swinene, a va profeta mayelana ni matiko yo tala ni mifumo leyikulu, hi nyimpi, hi khombo ni hi ntungu.* 9 Loko muprofeta a vula leswaku ku ta va ni ku rhula ivi rito ra muprofeta yoloye ri hetiseka, swi ta tiviwa leswaku Yehovha hi yena la rhumeke muprofeta loyi hakunene.”

10 Hiloko muprofeta Hananiya a susa joko enhan’wini ya muprofeta Yeremiya a ri tshova.+ 11 Kutani Hananiya a vula leswi emahlweni ka vanhu hinkwavo: “Yehovha u ri, ‘Ndzi ta ri tshova hi ndlela leyi joko ra Hosi Nebukadnetsara wa le Babilona etinhan’wini ta matiko hinkwawo ku nga si hela malembe mambirhi.’”+ Hiloko muprofeta Yeremiya a famba.

12 Endzhaku ka loko muprofeta Hananiya a tshove joko enhan’wini ya muprofeta Yeremiya, rungula leri humaka eka Yehovha ri fika eka Yeremiya ri ku: 13 “Famba u ya byela Hananiya u ku, ‘Yehovha u ri: “U tshove majoko ya timhandzi+ kambe ematshan’weni ya wona u ta endla majoko ya nsimbhi.” 14 Hikuva Yehovha wa mavuthu, Xikwembu xa Israyele u ri: “Ndzi ta veka joko ra nsimbhi enhan’wini ya matiko lawa hinkwawo leswaku ma tirhela Hosi Nebukadnetsara wa le Babilona, ma fanele ma n’wi tirhela.+ Ndzi ta n’wi nyika hambi ku ri swiharhi.”’”+

15 Kutani muprofeta Yeremiya a byela muprofeta Hananiya+ a ku: “Ndzi kombela u yingisa, wena Hananiya! Yehovha a nga ku rhumanga kambe wena u endle leswaku vanhu lava va tshemba mavunwa.+ 16 Hikwalaho Yehovha u ri, ‘Waswivo! Ndza ku susa emisaveni. Lembe leri u ta fa hikuva u dyondzise vanhu ku xandzukela Yehovha.’”+

17 Hiloko muprofeta Hananiya a fa hi lembe rero hi n’hweti ya vunkombo.

29 Lawa i marito ya papila leri muprofeta Yeremiya a ri rhumeleke a ri eYerusalema ri ya eka vakulukumba hinkwavo lava nga exikarhi ka vanhu lava nga evuhlongeni, vaprista, vaprofeta ni vanhu hinkwavo lava Nebukadnetsara a va tekeke eYerusalema a va yisa evuhlongeni le Babilona, 2 endzhaku ka loko Hosi Yekoniya,+ mana wa hosi,+ vatirhi va le hubyeni, tihosana ta le Yuda ni ta le Yerusalema, lava tivaka ntirho wa mavoko ni lava kotaka ku endla swilo hi nsimbhi va humile eYerusalema.+ 3 Papila ra kona u ri fambise na Elasa n’wana wa Xafani+ na Gemariya n’wana wa Hilkiya, loyi Hosi Sedekiyasi+ wa le Yuda a n’wi rhumeke eBabilona eka Hosi Nebukadnetsara wa le Babilona. Ri ku:

4 “Yehovha wa mavuthu, Xikwembu xa Israyele, u byela vanhu hinkwavo lava nga evuhlongeni, lava a va yiseke evuhlongeni va suka eYerusalema va ya eBabilona a ku, 5 ‘Akani tiyindlu mi tshama eka tona. Byalani mirhi leyi vekaka mihandzu mi dya mihandzu ya yona. 6 Titekeleni vasati mi tswala vana va majaha ni va vanhwanyana; tekelani vana va n’wina va majaha vasati mi catisa vana va n’wina va vanhwanyana, leswaku na vona va ta va ni vana va majaha ni va vanhwanyana. Mi tala kwalaho mi nga hunguteki. 7 Wu laveleni ku rhula muti lowu ndzi mi yiseke evuhlongeni eka wona, mi wu khongelela eka Yehovha, hikuva loko wu va ni ku rhula na n’wina mi ta va ni ku rhula.+ 8 Hikuva Yehovha wa mavuthu, Xikwembu xa Israyele u ri: “Mi nga pfumeli ku xisiwa hi vaprofeta va n’wina ni vanhu va n’wina lava hlahluvaka lava nga exikarhi ka n’wina+ naswona mi nga yi yingiseli milorho ya vona leyi va yi lorhaka. 9 Hikuva ‘va mi profetela mavunwa hi vito ra mina. A ndzi va rhumanga,’+ ku vula Yehovha.”’”

10 “Hikuva Yehovha u ri, ‘Loko ku hela malembe ya 70 mi ri eBabilona ndzi ta ta ndzi ta mi pfuna+ naswona ndzi ta endla leswi ndzi mi tshembiseke swona hi ku mi tlherisela endhawini leyi.’+

11 “‘Hikuva ndzi swi tiva kahle leswi ndzi swi ehleketaka hi n’wina,’ ku vula Yehovha, ‘ndzi lava mi va ni ku rhula ku nga ri khombo,+ ndzi lava ku mi nyika vumundzuku lebyi mi byi languteleke.+ 12 Mi ta ndzi vitana, mi ta, mi tlhela mi khongela eka mina naswona ndzi ta mi yingisa.’+

13 “‘Mi ta ndzi lava mi ndzi kuma,+ hikuva mi ta ndzi lavisisa hi mbilu ya n’wina hinkwayo.+ 14 Kutani ndzi ta endla leswaku mi ndzi kuma,’+ ku vula Yehovha. ‘Ndzi ta mi vuyisa evuhlongeni, ndzi mi hlengeleta mi huma ematikweni hinkwawo ni le tindhawini hinkwato leti ndzi mi hangalaseleke eka tona,’+ ku vula Yehovha. ‘Ndzi ta mi tlherisela endhawini leyi a mi ri eka yona loko ndzi mi yisa evuhlongeni.’+

15 “Kambe mi te, ‘Yehovha u hi vekele vaprofeta eBabilona.’

16 “Hikuva Yehovha u byele hosi leyi tshameke exiluvelweni xa Davhida+ ni vanhu hinkwavo lava tshamaka emutini lowu, vamakwenu lava nga fambangiki na n’wina evuhlongeni a ku, 17 ‘Yehovha wa mavuthu u ri: “Ndzi va rhumela banga, ndlala ni ntungu*+ naswona ndzi ta va endla va fana ni makuwa yo bola* lama nga dyekiki hikwalaho ko biha.”’+

18 “‘Ndzi ta va hlongorisa hi banga,+ hi ndlala ni hi ntungu, ndzi ta endla leswaku mifumo hinkwayo ya misava yi chava+ hikwalaho ka leswi nga ta va humelela, va ta rhukaniwa, va hlamariwa, va va nchumu wo beriwa noti+ ni ku sandziwa exikarhi ka matiko hinkwawo lawa ndzi nga ta va hangalasela eka wona,+ 19 hikuva a va ma yingisanga marito ya mina lawa ndzi ma rhumeleke eka vona hi ku tirhisa malandza ya mina ku nga vaprofeta,’ ku vula Yehovha, ‘ndzi va rhume hi ku phindhaphindha.’*+

“‘Kambe a mi yingisanga,’+ ku vula Yehovha.

20 “Hikwalaho, yingisani rito ra Yehovha n’wina hinkwenu lava nga evuhlongeni, lava ndzi mi suseke eYerusalema ndzi mi yisa eBabilona. 21 Yehovha wa mavuthu, Xikwembu xa Israyele u vula leswi mayelana na Akabu n’wana wa Kolaya na Sedekiyasi n’wana wa Maseya, lava mi profetelaka mavunwa hi vito ra mina+ u ri, ‘Ndzi va nyiketa evokweni ra Hosi Nebukadnetsara* wa le Babilona, u ta va dlaya emahlweni ka n’wina. 22 Leswi nga ta endleka eka vona, swi ta tirhisiwa hi mahlonga hinkwawo ya le Yuda lama nga le Babilona loko ma rhukana van’wana, ma ku: “Onge Yehovha a nga endla eka n’wina hilaha a endleke hakona eka Sedekiyasi na Akabu, lava hosi ya le Babilona yi va hiseke hi ndzilo,” 23 hikuva va endle swilo leswi khomisaka tingana eIsrayele,+ va endla vuoswi ni vasati va vanuna van’wana naswona va vulavula mavunwa hi vito ra mina, ku nga nchumu lowu ndzi nga va lerisangiki wona.+

“‘“Hi mina Loyi a swi tivaka naswona ndzi mbhoni ya swona,”+ ku vula Yehovha.’”

24 “Kutani u ta byela Xemaya+ wa le Nehelamu u ku, 25 ‘Yehovha wa mavuthu, Xikwembu xa Israyele u ri: “Hikwalaho ka leswi u rhumeleke mapapila hi vito ra wena ma ya eka vanhu hinkwavo lava nga eYerusalema, eka Sofaniya+ n’wana wa muprista Maseya ni le ka vaprista hinkwavo u ku, 26 ‘Yehovha u ku endle muprista ematshan’weni ya muprista Yoyada leswaku u va mulanguteri wa yindlu ya Yehovha, u rindza munhu un’wana ni un’wana la pengaka loyi a tiendlaka muprofeta u n’wi boha mavoko, nhamu ni nhloko hi tingole* ni hi tinketana;+ 27 kutani hikwalaho ka yini u nga n’wi tshinyanga Yeremiya wa le Anathoti,+ loyi a tiendlaka muprofeta eka n’wina?+ 28 Hikuva u hi rhumele papila eBabilona, a ku: “Ma ha ta tshama nkarhi wo leha! Akani tiyindlu mi tshama eka tona. Byalani mirhi ya mihandzu mi dya mihandzu ya yona,+—”’”’”

29 Loko muprista Sofaniya+ a hlaya papila leri emahlweni ka muprofeta Yeremiya, 30 Yehovha a vulavula na Yeremiya, a ku: 31 “Rhumela rungula eka vanhu hinkwavo lava nga evuhlongeni u ku, ‘Yehovha u vula leswi mayelana na Xemaya wa le Nehelamu: “Hikwalaho ka leswi Xemaya a mi profeteleke, hambileswi ndzi nga n’wi rhumangiki naswona a ringeteke ku endla leswaku mi tshemba mavunwa,+ 32 Yehovha u ri, ‘Ndzi xupula Xemaya wa le Nehelamu ni vana va yena. A ku nge poni munhu ni un’we endyangwini wa yena exikarhi ka vanhu lava naswona a nge swi voni swilo leswinene leswi ndzi nga ta swi endlela vanhu va mina,’ ku vula Yehovha, ‘hikuva u khutaze vanhu ku xandzukela Yehovha.’”’”

30 Rito leri fikeke eka Yeremiya ri huma eka Yehovha ri te: 2 “Yehovha Xikwembu xa Israyele u ri, ‘Tsala marito hinkwawo lawa ndzi ku byelaka wona ebukwini. 3 Hikuva “waswivo, masiku ma ta,” ku vula Yehovha, “laha ndzi nga ta hlengeleta vanhu va mina lava nga le vuhlongeni, ku nga Vaisrayele ni Vayuda”+ ku vula Yehovha, “ndzi ta va tlherisela etikweni leri ndzi ri nyikeke vakokwa wa vona kutani ri ta tlhela ri va ra vona.”’”+

4 Lawa i marito lawa Yehovha a ma byeleke Israyele na Yuda.

 5 Yehovha u ri:

 6 Ndzi kombela mi vutisa loko wanuna a nga swi kota ku veleka.

Hikwalaho ka yini swikandza hinkwaswo swi kwalarile?

 7 Yoo! Hikuva siku rero ra chavisa.*+

Kambe u ta ponisiwa eka wona.”

8 “Kutani hi siku rero,” ku vula Yehovha wa mavuthu, “ndzi ta tshova joko enhan’wini ya wena ni tintambu ta wena ndzi ta ti tsema hi le xikarhi; naswona vafambi* a va nge he n’wi* endli hlonga ra vona. 9 Va ta tirhela Yehovha Xikwembu xa vona na Davhida hosi ya vona, loyi ndzi nga ta va vekela yena.”+

11 “Hikuva ndzi na wena,” ku vula Yehovha, “leswaku ndzi ku ponisa.

12 Hikuva Yehovha u ri:

“Ku tshoveka ka wena a ku tshunguleki.+

Mbanga ya wena a yi tshunguleki.

A ku na murhi wo ku tshungula.

14 Hinkwavo lava a wu rhandzana na vona va ku rivele.+

A va ha ku lavi.

15 Hikwalaho ka yini u rila hileswi u tshovekeke?

Xitlhavi xa wena a xi tshunguleki!

‘Siyoni loyi a nga laviwiki hi munhu.’”+

18 Yehovha u ri:

19 Va ta yimbelela tinsimu to khensa naswona ku ta twala mpfumawulo wa ku hleka.+

Ndzi ta xupula hinkwavo lava n’wi xanisaka.+

Ndzi ta n’wi tshineta ekusuhi na mina naswona u ta tshinela.”

“Hikuva handle ka sweswo i mani loyi a nga kanyaka mbilu a tshinela eka mina?” ku vula Yehovha.

22 “Mi ta va vanhu va mina+ kutani mina ndzi ta va Xikwembu xa n’wina.”+

Leswi mi ta swi twisisa exiphen’wini xo hetelela xa masiku.+

31 “Hi nkarhi wolowo,” ku vula Yehovha, “ndzi ta va Xikwembu eka mindyangu hinkwayo ya Israyele, kutani yona yi ta va vanhu va mina.”+

 2 Yehovha u ri:

 3 Yehovha u humelele eka mina a ri ekule a ku:

“Ndzi ku rhandze hi rirhandzu leri nga heriki.

Hi yona mhaka leyi ndzi ku kokeleke eka mina hi rirhandzu.*+

 4 Nakambe ndzi ta tlhela ndzi ku aka naswona u ta tlhela u akiwa.+

 6 Hikuva siku ra ta leri varindzi lava nga etintshaveni ta Efrayimi va nga ta huwelela va ku:

‘Pfukani, a hi tlhandlukeleni eSiyoni eka Yehovha Xikwembu xa hina.’”+

 7 Hikuva Yehovha u ri:

“Yimbelelelani Yakobo hi ku tsaka.

Huwelelani hi ntsako hikwalaho ka leswi mi rhangelaka matiko.+

 8 Ndzi va vuyisa ku suka etikweni ra le n’walungwini.+

Ndzi ta va hlengeleta ku suka etindhawini ta le kule swinene ta misava.+

Va ta vuya laha va ri nhlengeletano leyikulu.+

 9 Va ta ta va ri karhi va rila.+

Ndzi ta va rhangela loko va ri karhi va kombela ku kombiwa tintswalo.

Hikuva ndzi Tatana eka Israyele kasi Efrayimi i mativula ya mina.”+

“Loyi a hangalaseke Israyele u ta n’wi hlengeleta.

U ta n’wi rindza hilaha murisi a wu rindzaka hakona ntlhambi wakwe.+

12 Va ta ta va huwelela hi ku tsaka entshaveni ya Siyoni+

Ndzi ta hundzula ku rila ka vona ku va ntsako.+

Ndzi ta va chavelela ndzi va endla va tsaka ematshan’weni yo va ni gome.+

15 “Yehovha u ri:

‘Ku twakala rito eRhama,+ ku rila ni ku kalakala:

Rahele u rilela vana vakwe.+

16 Yehovha u ri:

‘Va ta vuya va huma etikweni ra nala.’+

17 ‘Ku ni ntshembo hi vumundzuku bya wena,’+ ku vula Yehovha.

‘Vana va wena va ta tlhelela endhawini ya vona.’”+

20 “Xana Efrayimi a hi n’wana wa risima loyi a rhandzekaka eka mina?+

Hikuva hambiloko ndzi tshamela ku n’wi tshinya ndza n’wi tsundzuka.

Hi yona mhaka leyi ndzi twaka ku vava hikwalaho ka yena.+

Hakunene ndzi ta n’wi twela vusiwana,” ku vula Yehovha.+

Xiyisisa gondzo lerikulu, gondzo leri u faneleke u famba hi rona.+

Tlhela wena nhwana wa Israyele, tlhelela emitini leyi ya wena.

22 Xana u ta kanakana ku fikela rini, wena nhwanyana loyi a nga tshembekiki?

Hikuva Yehovha u tumbuluxe nchumu lowuntshwa emisaveni:

Wansati u ta lavana ni wanuna.”

23 Yehovha wa mavuthu, Xikwembu xa Israyele u ri: “Va ta tlhela va vula marito lawa etikweni ra Yuda ni le mitini ya yena, loko ndzi hlengeleta mahlonga ya vona, va ku: ‘Onge Yehovha a nga ku katekisa, wena ndhawu yo tshama eka yona yo lulama,+ wena ntshava yo kwetsima.’+ 24 EYuda ni le mitini ya yena hinkwayo ku ta tshama vanhu, varimi ni varisi va mitlhambi.+ 25 Hikuva ndzi ta enerisa loyi a karhaleke ni ku xurhisa loyi a khomiweke hi ndlala.”+

26 Hiloko ndzi pfuka ndzi pfula matihlo naswona vurhongo bya mina a byi ndzi nandzihela.

27 “Waswivo! Masiku ma ta,” ku vula Yehovha, “laha ndzi nga ta andzisa tiko ra Israyele ni tiko ra Yuda. Ndzi ta tlhela ndzi andzisa ni swifuwo swa wona.”+

28 “Hilaha ndzi va rindzeke hakona leswaku ndzi va tsuvula, ndzi va hirimuxa, ndzi va mbundzumuxa, ndzi va lovisa ni ku va onhetela,+ ndzi ta va rindza leswaku ndzi va aka ni ku va byala,”+ ku vula Yehovha. 29 “Emasikwini wolawo a va nge he vuli va ku, ‘Vatatana va dye madiriva yo dzunga, kambe ku zazamele matino ya vana.’+ 30 Kambe munhu un’wana ni un’wana u ta fela xihoxo xakwe. Munhu un’wana ni un’wana loyi a dyaka madiriva yo dzunga ku ta zazamela matino yakwe.”

31 “Vonani! Masiku ma ta,” ku vula Yehovha, “laha ndzi nga ta endla ntwanano lowuntshwa ni vanhu va Israyele ni vanhu va Yuda.+ 32 A wu nge fani ni ntwanano lowu ndzi wu endleke ni vakokwa wa vona hi siku leri ndzi khomeke voko ra vona ndzi va humesa etikweni ra Egipta,+ ‘ntwanano wa mina lowu va wu tluleke,+ hambileswi a ndzi ri n’wini wa vona wa ntiyiso,’* ku vula Yehovha.”

33 “Hikuva lowu i ntwanano lowu ndzi nga ta wu endla ni vanhu va Israyele endzhaku ka masiku wolawo,” ku vula Yehovha. “Ndzi ta nghenisa nawu wa mina endzeni ka vona+ naswona ndzi ta wu tsala embilwini ya vona.+ Ndzi ta va Xikwembu xa vona naswona vona va ta va vanhu va mina.”+

34 “A nge he vi kona loyi a nga ta dyondzisa muakelani wakwe ni makwavo a ku, ‘Tiva Yehovha,’+ hikuva hinkwavo va ta ndzi tiva, ku sukela eka lontsongo ku ya eka lonkulu,”+ ku vula Yehovha. “Ndzi ta va rivalela xihoxo xa vona naswona a ndzi nge he xi tsundzuki xidyoho xa vona.”+

37 Yehovha u ri: “‘Loko matilo mo pimiwa ni masungulo ya misava yo lavisisiwa, hi kona ndzi nga ta fularhela vana hinkwavo va Israyele hikwalaho ka swilo hinkwaswo leswi va swi endleke,’ ku vula Yehovha.”+

38 “Waswivo! Masiku ma ta,” ku vula Yehovha, “laha muti wu nga ta akeriwa+ Yehovha ku suka eXihondzweni xa Hananele+ ku ya fika eGedeni ya le Khonweni.+ 39 Ntambhu yo pima+ yi ta famba yi kongoma exintshabyanini xa Garebe naswona yi ta jika yi kongoma etlhelweni ra le Gowa. 40 Ndhawu hinkwayo ya nkova wa mitsumbu ni wa nkuma* ni masimu hinkwawo ku ya fika eNkoveni wa Kedroni,+ ni ku ya fika ekhonweni ya Gede ya Tihanci+ etlhelweni ra le vuxeni swi ta va nchumu wo kwetsima eka Yehovha.+ A swi nge he tlheli swi tsuvuriwa kumbe ku hirimuxiwa.”     

32 Rito leri fikeke eka Yeremiya ri huma eka Yehovha hi lembe ra vukhume ra ku fuma ka Hosi Sedekiyasi wa le Yuda, ku nga lembe ra vu-18 ra ku fuma ka Nebukadnetsara.*+ 2 Hi nkarhi wolowo mavuthu ya hosi ya le Babilona a ma rhendzela Yerusalema naswona muprofeta Yeremiya a a pfaleriwe eXivaveni* xa Murindzi+ endlwini ya hosi ya le Yuda. 3 Hikuva Hosi Sedekiyasi wa le Yuda u n’wi pfalerile+ a ku, “Hikwalaho ka yini u profeta hi ndlela leyi? U ku, ‘Yehovha u ri: “Ndzi ta nyiketa muti lowu eka hosi ya le Babilona naswona yi ta wu teka,+ 4 kutani Hosi Sedekiyasi wa le Yuda a nge va balekeli Vakalidiya, hikuva entiyisweni u ta nyiketiwa eka hosi ya le Babilona, u ta vulavula na yona va langutanile naswona u ta yi languta ematihlweni.”’+ 5 ‘Yi ta teka Sedekiyasi yi n’wi yisa eBabilona, u ta tshama kona ku fikela loko ndzi endla xiboho hi leswi ndzi nga ta yi endla swona,’ ku vula Yehovha. ‘Hambileswi mi tshamelaka ku lwa ni Vakalidiya, a mi nge hluli.’”+

6 Yeremiya a ku: “Rito ra Yehovha ri fike eka mina ri ku, 7 ‘Hanamele n’wana wa Xalumu bavankulu* wa wena, a ku: “Tixavele nsimu ya mina leyi nga eAnathoti,+ hikuva hi wena u nga ni mfanelo yo sungula yo yi xava.”’”+

8 Hanamele n’wana wa bavankulu u te eka mina, hilaha Yehovha a vuleke hakona eXivaveni xa Murindzi, kutani a ku eka mina: “Ndzi kombela u xava nsimu ya mina leyi nga eAnathoti, etikweni ra Benjamini hikuva u ni mfanelo yo yi teka ni yo yi xava. Tixavele yona.” Hiloko ndzi swi twisisa leswaku a ku ri Yehovha loyi a a lava leswaku swi va tano.

9 Hiloko ndzi xava nsimu leyi a yi ri eAnathoti eka Hanamele n’wana wa makwavo wa tatana. Ndzi n’wi pimela mali,+ silivhere leyi tikaka 80 wa tigiramu* ni swiphemu swa khume swa silivhere. 10 Hiloko ndzi tsala papila ra vun’wini+ ndzi ri fungha, ndzi vitana timbhoni,+ kutani ndzi pima mali eswikalweni. 11 Ndzi teka papila ra vun’wini leri funghiweke hi ku ya hi xileriso ni leswi nawu a wu lava swona, ku katsa ni papila leri a ri nga funghiwanga, 12 kutani ndzi nyika Baruku+ n’wana wa Neriya+ n’wana wa Mahaseya papila ra vun’wini emahlweni ka Hanamele n’wana wa bavankulu, timbhoni leti sayineke papila ra vun’wini ni Vayuda hinkwavo lava a va tshame eXivaveni xa Murindzi.+

13 Hiloko ndzi lerisa Baruku emahlweni ka vona ndzi ku: 14 “Yehovha wa mavuthu, Xikwembu xa Israyele u ri, ‘Teka mapapila lawa ya vun’wini, papila leri ra vun’wini leri funghiweke ni papila lerin’wana ra vun’wini leri nga funghiwangiki, u ma veka endzeni ka xibya xa vumba leswaku ma ta tshama nkarhi wo leha.’ 15 Hikuva Yehovha wa mavuthu, Xikwembu xa Israyele u ri, ‘Tiyindlu, masimu ni masimu ya madiriva swi ta tlhela swi xaviwa etikweni leri.’”+

16 Endzhaku ka loko ndzi nyike Baruku n’wana wa Neriya papila ra vun’wini ndzi khongele eka Yehovha ndzi ku: 17 “Yehovha Hosi Leyi Tlakukeke! U endle matilo ni misava hi matimba ya wena lamakulu+ ni hi voko ra wena leri tshambulutiweke. A xi kona lexi nga kotekiki eka wena, 18 Loyi a kombisaka vanhu va magidi rirhandzu, kambe a xupulaka vana hikwalaho ka xihoxo xa vatata wa vona,+ Xikwembu xa ntiyiso, lonkulu ni Lowa matimba hinkwawo, loyi vito ra yena a nga Yehovha wa mavuthu. 19 U ni swikongomelo leswikulu naswona swiendlo swa wena i swa matimba,+ wena loyi matihlo ya wena ma xiyaka tindlela hinkwato ta vanhu+ leswaku u ta hakela un’wana ni un’wana hi ku ya hi tindlela takwe ni leswi a swi endlaka.+ 20 U endle swikombiso ni masingita etikweni ra Egipta, leswi tivekaka ninamuntlha naswona u tiendlele vito eIsrayele ni le xikarhi ka vanhu+ hilaha ri tivekaka hakona namuntlha. 21 U humesa vanhu va wena ku nga Vaisrayele etikweni ra Egipta, hi swikombiso, hi masingita, hi voko ra matimba, hi voko leri tshambulutiweke ni hi swiendlo leswi chavisaka.+

22 “Hi ku famba ka nkarhi u va nyike tiko leri, leri u hlambanyeke leswaku u ta ri nyika vakokwa wa vona,+ tiko leri khulukaka ntswamba ni vulombe.+ 23 Va tile va fika va ri teka kambe a va ri yingisanga rito ra wena kumbe nawu wa wena. A va swi endlanga leswi u va leriseke swona lerova u endle leswaku va weriwa hi khombo leri hinkwaro.+ 24 Waswivo! Vanhu va fike va aka makhumbi yo va pfuna ku hlasela muti+ va wu teka naswona muti wu ta tekiwa hi Vakalidiya lava lwaka na wona hikwalaho ka banga,+ ndlala ni ntungu;*+ leswi u swi vuleke swi endlekile hilaha sweswi u swi vonaka hakona. 25 Kambe Yehovha Hosi Leyi Tlakukeke u ndzi byerile u ku, ‘Tixavele nsimu hi mali kutani u vitana timbhoni,’ hambileswi entiyisweni muti wu nga ta nyiketiwa eka Vakalidiya.”

26 Hiloko Yehovha a vulavula na Yeremiya a ku: 27 “Hi mina Yehovha, Xikwembu xa vanhu hinkwavo. Xana xi kona lexi nga kotekiki eka mina? 28 Kutani Yehovha u te, ‘Ndzi nyiketa muti lowu eka Vakalidiya ni le ka Hosi Nebukadnetsara* wa le Babilona, u ta wu teka.+ 29 Vakalidiya lava lwaka ni muti lowu va ta ta va fika va lumeka muti lowu va wu hisa+ ku katsa ni tiyindlu leti emalwangwini ya tona vanhu va endlelaka Bali magandzelo ni ku chululela swikwembu swin’wana magandzelo ya swakunwa leswaku va ndzi hlundzukisa.’+

30 “‘Hikuva vanhu va le Israyele ni va le Yuda va ndzi dyoherile, ku sukela loko va ha ri vantshwa;+ vanhu va le Israyele va ya emahlweni va ndzi hlundzukisa hi swiendlo swa vona,’ ku vula Yehovha. 31 ‘Hikuva muti lowu wu ve nchumu lowu ndzi hlundzukisaka ni lowu ndzi karihisaka,+ ku sukela esikwini leri wu akiweke ha rona ku ta fikela namuntlha, kutani wu fanele wu susiwa emahlweni ka xikandza xa mina,+ 32 hikwalaho ka vubihi hinkwabyo lebyi endliweke hi vanhu va le Israyele ni va le Yuda leswaku va ndzi hlundzukisa, vona, tihosi ta vona,+ tihosana ta vona,+ vaprista va vona, vaprofeta va vona+ ni vanhu va le Yuda ni vaaki va le Yerusalema. 33 Va ye emahlweni va ndzi komba mihlana ku nga ri swikandza swa vona;+ hambileswi ndzi ringeteke ku va dyondzisa hi ku phindhaphindha,* a nga kona ni un’we wa vona loyi a nga yingisa, a amukela ndzayo.+ 34 Va veke swikwembu swa vona leswi nyenyetsaka endlwini leyi vitaniwaka hi vito ra mina, va yi thyakisa.+ 35 Ku engetela kwalaho, va ake tindhawu leti tlakukeke ta Bali eNkoveni wa N’wana wa Hinomu,*+ leswaku va hisa vana va vona va majaha ni va vanhwanyana hi ndzilo va va magandzelo ya Moleke,+ ku nga nchumu lowu ndzi nga va lerisangiki wona+ ni lowu nga si tshamaka wu ta embilwini* ya mina leswaku ndzi va kombela va endla nchumu wo tano wo nyenyetsa, lowu endlaka Yuda a dyoha.’

36 “Hikwalaho Yehovha Xikwembu xa Israyele u vula leswi hi muti lowu, lowu mi vulaka leswaku wu ta nyiketiwa eka hosi ya le Babilona hi banga, ndlala ni ntungu, 37 ‘Ndzi ta va hlengeleta ku suka ematikweni hinkwawo lawa ndzi va hangalaseke eka wona ndzi hlundzukile ni ku kariha swinene+ naswona ndzi ta va tlherisela endhawini leyi, ndzi va tshika va tshama va sirhelelekile.+ 38 Va ta va vanhu va mina kutani mina ndzi ta va Xikwembu xa vona.+ 39 Ndzi ta va nyika mbilu yin’we+ ni ndlela yin’we leswaku va ndzi chava mikarhi hinkwayo, leswaku swilo swi va fambela kahle vona ni vana va vona lava nga ta velekiwa endzhaku ka vona.+ 40 Kutani ndzi ta endla ntwanano wa hilaha ku nga heriki na vona,+ wa leswaku a ndzi nge tshiki ku va endlela swilo leswinene;+ naswona ndzi ta endla leswaku va ndzi chava etimbilwini ta vona leswaku va nga ndzi fularheli.+ 41 Ndzi ta tsakela ku va endlela swilo leswinene+ naswona ndzi ta endla leswaku va tshama etikweni leri hilaha ku nga heriki,+ hi mbilu ya mina hinkwayo ni hi matimba ya mina hinkwawo.’”

42 “Hikuva Yehovha u ri, ‘Hilaha ndzi tiseleke vanhu lava khombo leri lerikulu, ndzi ta va tisela swilo hinkwaswo leswinene leswi ndzi va tshembisaka swona.+ 43 Ku ta tlhela ku xaviwa masimu etikweni leri,+ hambileswi mi nge: “Tiko leri i rhumbi, a ku tshami munhu kumbe xiharhi naswona ri nyiketiwe eka Vakalidiya.”’

44 “‘Ku ta xaviwa masimu hi mali, ku ta tsariwa mapapila ya vun’wini ma tlhela ma funghiwa, ku ta vitaniwa timbhoni to huma etikweni ra Benjamini,+ etindhawini leti rhendzeleke Yerusalema, emitini ya Yuda,+ emitini leyi nga endhawini ya tintshava, emitini leyi nga enkoveni+ ni le mitini leyi nga le dzongeni, hikuva ndzi ta vuyisa mahlonga ya vona,’+ ku vula Yehovha.”

33 Yehovha a tlhela a vulavula na Yeremiya ra vumbirhi, loko a ha pfaleriwe eXivaveni* xa Murindzi+ a ku: 2 “Yehovha Muendli wa misava, Yehovha loyi a yi vumbeke a tlhela a yi simeka yi tiya; Yehovha i vito ra yena, u ri, 3 ‘Ndzi vitane ndzi ta ku hlamula, ndzi ku byela swilo leswikulu ni leswi nga twisisekiki, leswi u nga swi tivangiki.’”+

4 “Hikuva Yehovha Xikwembu xa Israyele u vula leswi mayelana ni tiyindlu ta muti lowu ni tiyindlu ta tihosi ta Yuda leti hirimuxiwaka hikwalaho ka makhumbi yo pfuna ku hlasela muti ni hikwalaho ka banga,+ 5 ni mayelana ni lava taka ku ta lwa ni Vakalidiya, va tata tindhawu leti hi mitsumbu ya vanhu lava ndzi va dlayeke hi ku hlundzuka ka mina ni hi vukarhi bya mina, lava vubihi bya vona byi nga endla leswaku ndzi tumbetela muti lowu xikandza xa mina: 6 ‘Ndzi endla leswaku a hola nileswaku a va ni rihanyo lerinene,+ ndzi ta va tshungula ni ku va paluxela ku rhula lokukulu ni ntiyiso.+ 7 Ndzi ta vuyisa mahlonga ya Yuda ni mahlonga ya Israyele,+ naswona ndzi ta va katekisa hilaha ndzi endleke hakona eku sunguleni.+ 8 Ndzi ta va basisa ndzi va rivalela swidyoho swa vona+ hinkwaswo ni ku tlula ka vona nawu wa mina.+ 9 Muti lowu wu ta ndzi endla ndzi tsaka loko ndzi twa vito ra wona, wu ta endla leswaku matiko hinkwawo ya misava lama twaka hi ta swilo hinkwaswo leswinene leswi ndzi swi endleleke vanhu va mina ma ndzi dzunisa ni ku ndzi vangamisa.+ Ma ta chava naswona ma ta rhurhumela+ hikwalaho ka vunene hinkwabyo ni ku rhula loku ndzi nga ta ku nyika muti lowu.’”+   

10 “Yehovha u ri: ‘Endhawini leyi, leyi mi nga ta vula leswaku i rhumbi a yi na munhu kumbe xifuwo, emitini ya Yuda ni le switarateni swa Yerusalema leswi nga rhumbi, leswi nga riki na munhu kumbe muaki kumbe xifuwo, ku ta tlhela ku twiwa 11 mpfumawulo wa ku khana ni wa ku tsaka,+ rito ra muteki ni ra mutekiwa, rito ra lava va nge: “Khensani Yehovha wa mavuthu, hikuva Yehovha hi lonene;+ rirhandzu rakwe lerikulu a ri heli!”’+

“‘Va ta tisa magandzelo yo khensa endlwini ya Yehovha,+ hikuva ndzi ta vuyisa mahlonga ya tiko leri ku fana ni le ku sunguleni,’ ku vula Yehovha.”

12 “Yehovha wa mavuthu u ri: ‘Etikweni leri, leri nga rhumbi, leri nga riki na munhu kumbe xifuwo ni le mitini hinkwayo ya rona, ku ta tlhela ku va ni madyelo lawa varisi va nga ta vundzisa mitlhambi ya vona.’+

13 “‘Emitini leyi nga endhawini ya tintshava, emitini leyi nga endhawini leyi nga rivala, emitini leyi nga edzongeni, etikweni ra Benjamini, etindhawini leti nga ekusuhi na Yerusalema+ ni le mitini ya Yuda,+ mitlhambi yi ta tlhela yi hundza ehansi ka mavoko ya loyi a yi hlayelaka,’ ku vula Yehovha.”

14 “‘Waswivo! Masiku ma ta,’ ku vula Yehovha, ‘lawa ndzi nga ta endla leswinene leswi ndzi swi tshembiseke mayelana ni tiko ra Israyele ni tiko ra Yuda.+ 15 Emasikwini wolawo ni le nkarhini wolowo ndzi ta hlukisela Davhida xihluke*+ xo lulama, xi ta kombisa vululami ni ku tshembeka etikweni.+ 16 Emasikwini wolawo Yuda u ta ponisiwa+ naswona Yerusalema u ta tshama a sirhelelekile.+ U ta vitaniwa hi ndlela leyi: Yehovha I Ku Lulama Ka Hina.’”+

17 “Hikuva Yehovha u ri: ‘Ku ta tshama ku ri ni munhu loyi a humaka endyangwini wa Davhida loyi a nga ta tshama exiluvelweni xa Israyele,+ 18 naswona eka vaprista lava nga Valevhi ku ta tshama ku ri ni munhu loyi a nga ta yima emahlweni ka mina a ndzi humesela magandzelo yo hisiwa, a hisa magandzelo ya mavele ni ku humesa magandzelo man’wana.’”

19 Yehovha a tlhela a vulavula na Yeremiya a ku: 20 “Yehovha u ri, ‘Loko mo tlula ntwanano wa mina mayelana ni nhlikanhi ni ntwanano wa mina mayelana ni vusiku, leswaku mi sivela nhlikanhi ni vusiku ku ta hi nkarhi lowu faneleke,+ 21 hi kona ntwanano wa mina lowu ndzi wu endleke na Davhida nandza wa mina wu nga ta tluriwa,+ leswaku a nga ha vi na n’wana loyi a nga hosi exiluvelweni xakwe,+ ni ntwanano lowu ndzi wu endleke ni vaprista lava nga Valevhi, vatirheli va mina wu ta tluriwa.+ 22 Tanihi leswi vuthu ra le matilweni ri nga hlayekiki ni sava ra lwandle ri nga pimekiki, hikwalaho ndzi ta andzisa vana* va Davhida nandza wa mina ni Valevhi lava ndzi tirhelaka.’”

23 Yehovha a tlhela a vulavula na Yeremiya a ku: 24 “Xana a wu swi twanga leswi vuriwaka hi vanhu lava va ku, ‘Yehovha u ta fularhela mindyangu leyimbirhi leyi a yi hlawuleke’? Va khoma vanhu va mina hi ndlela leyi nga kombisiki xichavo naswona a va ha va teki va ri tiko.

25 “Yehovha u ri: ‘Tanihi leswi ndzi simekeke ntwanano wa mina mayelana ni nhlikanhi ni vusiku,+ milawu ya tilo ni misava,+ 26 hikwalaho a ndzi nge va tshiki vana* va Yakobo ni va Davhida nandza wa mina naswona eka vana va yena ndzi ta teka vanhu lava nga ta fuma vana va Abrahama, Isaka na Yakobo. Hikuva ndzi ta hlengeleta mahlonga ya vona+ ndzi ma twela vusiwana.’”+

34 Rito leri fikeke eka Yeremiya ri huma eka Yehovha, loko Hosi Nebukadnetsara* wa le Babilona ni masocha ya yena hinkwawo ni mifumo hinkwayo ya misava leyi lawuriwaka hi yena ni vanhu hinkwavo va lwa na Yerusalema ni miti hinkwayo ya yena, ri te:+

2 “Yehovha Xikwembu xa Israyele u ri, ‘Famba u ya vulavula na Hosi Sedekiyasi+ wa le Yuda u ku eka yena: “Yehovha u ri, ‘Ndzi nyiketa muti lowu eka hosi ya le Babilona naswona yi ta wu hisa hi ndzilo.+ 3 Wena a wu nge baleki evokweni ra yona hikuva u ta khomiwa kutani u nyiketiwa eka yona.+ U ta vona hosi ya le Babilona naswona yi ta vulavula na wena mi langutanile kutani u ta ya eBabilona.’+ 4 Kambe, twana leswi Yehovha a swi vulaka wena Hosi Sedekiyasi wa le Yuda, ‘Yehovha u vula leswi hi wena: “A wu nge dlayiwi hi banga. 5 U ta fa hi ku rhula+ naswona va ta ku hisela murhi wa risuna hilaha va endleke hakona eka vatata wa wena, tihosi to sungula leti veke kona emahlweni ka wena, va ta ku rilela va ku, ‘Yoo, n’wini wa hina,’ hikuva ‘ndzi swi vurile,’ ku vula Yehovha.”’”’”

6 Endzhaku ka sweswo, muprofeta Yeremiya a byela Hosi Sedekiyasi wa le Yuda marito lawa hinkwawo eYerusalema, 7 loko masocha ya hosi ya le Babilona ma lwa na Yerusalema ni miti hinkwayo ya Yuda leyi a yi sele,+ ma lwa na Lakixi+ na Azeka;+ hikuva miti yoleyo a ku ri yona ntsena leyi biyeleriweke leyi a yi sele emitini ya Yuda.

8 Rito leri fikeke eka Yeremiya ri huma eka Yehovha endzhaku ka loko Hosi Sedekiyasi a endle ntwanano ni vanhu hinkwavo lava a va ri eYerusalema leswaku a huwelela ntshunxeko eka vona,+ 9 leswaku un’wana ni un’wana u fanele a tshunxa mahlonga yakwe ya Vaheveru, ya xinuna ni ya xisati leswaku ku nga vi na munhu loyi a tshamaka ni Muyudakulobye a ri hlonga rakwe. 10 Hiloko tihosana hinkwato ni vanhu hinkwavo va yingisa. A va endle ntwanano wa leswaku un’wana ni un’wana u fanele a tshunxa mahlonga yakwe ya xinuna ni ya xisati a nga ha ma endli mahlonga. Va yingisile kutani va ma tshika ma famba. 11 Hambiswiritano, endzhaku ka nkarhi va landze mahlonga ya xinuna ni ya xisati lawa a va ma tshunxile kutani va tlhela va ma sindzisa ku va mahlonga. 12 Kutani rito ra Yehovha ri fika eka Yeremiya ri huma eka Yehovha ri ku:

13 “Yehovha Xikwembu xa Israyele u ri, ‘Ndzi endle ntwanano ni vakokwa wa n’wina+ hi siku leri ndzi va humeseke ha rona etikweni ra Egipta, endlwini ya vuhlonga,+ ndzi ku: 14 “Loko ku hela malembe ya nkombo, un’wana ni un’wana wa n’wina u fanele a tshunxa makwavo wa Muheveru loyi a xaviseriweke yena, loyi a tirheke malembe ya tsevu; u fanele u n’wi tshika a famba.”+ Kambe vakokwa wa n’wina va arile ku rhiya ndleve va ndzi yingisa. 15 Kutani n’wina ma ha ku cinca tindlela ta n’wina mi endla leswi lulameke ematihlweni ya mina hi ku tshunxa vamakwenu naswona mi endle ntwanano emahlweni ka mina endlwini leyi vitaniwaka hi vito ra mina. 16 Kambe mi tlhele mi cinca tindlela ta n’wina mi thyakisa vito ra mina+ hi ku landza mahlonga ya n’wina ya xinuna ni ya xisati lawa a mi ma tshunxile leswaku ma ya laha ma tsakelaka ku ya kona naswona mi tlhele mi ma sindzisa ku va mahlonga.’

17 “Hikwalaho Yehovha u ri: ‘N’wina a mi ndzi yingisanga hikuva a mi va tshunxanga vamakwenu ni vanhu van’wana.+ Kutani ndzi ta mi tshunxa,’ ku vula Yehovha, ‘loko banga, ntungu* ni ndlala+ swi mi dlaya naswona ndzi ta endla leswaku mifumo hinkwayo ya misava yi chava hikwalaho ka leswi nga ta mi humelela.+ 18 Leswi hi leswi swi nga ta endleka eka vanhu lava tluleke ntwanano wa mina hi ku ka va nga ma hlayisi marito ya ntwanano lowu va wu endleke emahlweni ka mina, loko va tsema rhole ri va swiphemu swimbirhi kutani va hundza exikarhi ka swiphemu swa rona,+ 19 ku nga, tihosana ta le Yuda, tihosana ta le Yerusalema, vatirhi va le hubyeni, vaprista ni vanhu hinkwavo va tiko lava hundzeke exikarhi ka swiphemu swa rhole: 20 Ndzi ta va nyiketa eka valala va vona ni le ka lava lavaka ku va dlaya naswona mitsumbu ya vona yi ta va swakudya swa swinyenyana ni swa swiharhi.+ 21 Ndzi ta nyiketa Hosi Sedekiyasi wa le Yuda ni tihosana ta yena eka valala va vona ni le ka lava lavaka ku va dlaya ni le ka masocha ya hosi ya le Babilona,+ lawa ma tshikaka ku mi hlasela.’+

22 “‘Ndzi humesa xileriso,’ ku vula Yehovha, ‘ndzi ta va tlherisela emutini lowu, va ta lwa na wona, va wu teka kutani va wu hisa hi ndzilo;+ miti ya Yuda ndzi ta yi endla rhumbi, ku nga ha tshami munhu eka yona.’”+

35 Rito leri fikeke eka Yeremiya ri huma eka Yehovha emasikwini ya Yoyakimi+ n’wana wa Yosiya, hosi ya le Yuda ri te: 2 “Yana endyangwini wa Varekabi,+ u ya vulavula na vona kutani u va tisa endlwini ya Yehovha eka rin’wana ra makamara yo dyela eka wona; u fika u va nyika vhinyo va nwa.”

3 Hiloko ndzi teka Yazaniya n’wana wa Yeremiya n’wana wa Habaziniya, vamakwavo, vana vakwe hinkwavo va majaha ni ndyangu hinkwawo wa Varekabi, 4 ndzi va tisa endlwini ya Yehovha. Ndzi va nghenisa ekamareni ro dyela eka rona ra vana va Hanani n’wana wa Igidaliya, nandza wa Xikwembu xa ntiyiso, leri a ri ri etlhelo ka kamara ro dyela eka rona ra tihosana, leri a ri ri ehenhla ka kamara ro dyela eka rona ra Maseya n’wana wa Xalumu murindzi wa nyangwa. 5 Hiloko ndzi veka swinwelo leswi teleke vhinyo emahlweni ka vavanuna vandyangu wa Varekabi kutani ndzi ku eka vona: “Nwanani vhinyo.”

6 Kambe va ku: “A hi nge yi nwi vhinyo hikuva Yehonadabu*+ n’wana wa Rekabi, kokwa wa hina u hi lerisile a ku, ‘Mi nga tshuki mi nwa vhinyo, n’wina kumbe vana va n’wina. 7 A mi fanelanga mi aka tiyindlu, mi byala mbewu kumbe mi rima kumbe mi va ni nsimu ya madiriva. Kambe mi fanele mi tshama ematendeni mikarhi hinkwayo leswaku mi ta hanya nkarhi wo leha etikweni leri mi tshamaka eka rona tanihi vafambi.’ 8 Hikwalaho hi ya emahlweni hi yingisa rito ra Yehonadabu n’wana wa Rekabi kokwa wa hina eka hinkwaswo leswi a hi leriseke swona, hi ku ka hi nga nwi vhinyo, hina, vasati va hina, vana va hina va majaha ni va vanhwanyana. 9 A hi aki tiyindlu leswaku hi tshama eka tona naswona a hi na masimu ya madiriva kumbe masimu kumbe mbewu. 10 Hi ya emahlweni hi tshama ematendeni naswona hi yingisa hinkwaswo leswi Yehonadabu* kokwa wa hina a hi leriseke swona. 11 Kambe loko Hosi Nebukadnetsara* wa le Babilona a tile ku ta lwa ni tiko,+ hi te, ‘Tanani, a hi ngheneni eYerusalema leswaku hi balekela masocha ya Vakalidiya ni ya Vasiriya,’ kutani sweswi hi tshama eYerusalema.”

12 Yehovha a vulavula na Yeremiya a ku: 13 “Yehovha wa mavuthu, Xikwembu xa Israyele u ri, ‘Famba u ya byela vanhu va le Yuda ni vaaki va le Yerusalema u ku: “Xana nkarhi ni nkarhi a mi nga khutaziwi ku yingisa marito ya mina?”+ ku vula Yehovha. 14 “Yehonadabu n’wana wa Rekabi u lerise vatukulu va yena leswaku va nga nwi vhinyo, kutani va ma yingisile marito ya yena hi ku ka va nga yi nwi ku ta fikela namuntlha, xisweswo va landzela xileriso xa kokwa wa vona.+ Hambiswiritano, ndzi vulavule na n’wina hi ku phindhaphindha* kambe a mi ndzi yingisanga.+ 15 A ndzi tshamela ku rhuma malandza ya mina eka n’wina ku nga vaprofeta, ndzi va rhuma hi ku phindhaphindha,*+ ndzi ku, ‘Ndzi kombela mi tshika tindlela ta n’wina to homboloka+ mi endla leswinene! Mi nga landzeli swikwembu swin’wana mi ya swi tirhela. Kutani mi ta ya emahlweni mi tshama etikweni leri ndzi ri nyikeke n’wina ni vakokwa wa n’wina.’+ Kambe a mi ndzi yingisanga. 16 Vatukulu va Yehonadabu n’wana wa Rekabi va yingise xileriso lexi kokwa wa vona a va nyikeke xona,+ kambe vanhu lava a va ndzi yingisanga.”’”

17 “Hikwalaho Yehovha Xikwembu xa mavuthu, Xikwembu xa Israyele u ri: ‘Ndzi tisela Yuda ni vaaki hinkwavo va le Yerusalema khombo leri ndzi va lemukiseke ha rona,+ hikuva ndzi vulavule na vona kambe a va yingisanga, a ndzi tshamela ku va vitana kambe a va hlamulanga.’”+

18 Yeremiya a byela ndyangu wa Varekabi a ku: “Yehovha wa mavuthu, Xikwembu xa Israyele u ri, ‘Leswi mi yingiseke xileriso xa Yehonadabu kokwa wa n’wina naswona mi yaka emahlweni mi yingisa swileriso swa yena hinkwaswo, mi endla leswi a mi leriseke swona, 19 Yehovha wa mavuthu, Xikwembu xa Israyele u ri: “Ku ta tshama ku ri ni ntukulu wa Yehonadabu* n’wana wa Rekabi loyi a ndzi tirhelaka.”’”

36 Hi lembe ra vumune ra ku fuma ka Yoyakimi+ n’wana wa Yosiya hosi ya le Yuda, ku fike rito leri eka Yeremiya ri huma eka Yehovha ri ku: 2 “Teka buku* u tsala eka yona marito hinkwawo lawa ndzi ku byeleke wona mayelana ni ku avanyisiwa ka Israyele na Yuda+ ni matiko hinkwawo,+ ku sukela hi siku ro sungula leri ndzi vulavuleke na wena emasikwini ya Yosiya ku ta fikela namuntlha.+ 3 Kumbexana loko vanhu va yindlu ya Yuda va twa hi khombo leri ndzi tiyimiseleke ku va tisela rona, va nga ha tshika tindlela ta vona to homboloka leswaku ndzi ta va rivalela xihoxo xa vona ni xidyoho xa vona.”+

4 Kutani Yeremiya a vitana Baruku+ n’wana wa Neriya, a n’wi byela marito hinkwawo lawa Yehovha a n’wi byeleke wona, kutani Baruku a ma tsala ebukwini leyi songiwaka.+ 5 Hiloko Yeremiya a lerisa Baruku a ku: “Ndzi pfaleriwile, a ndzi swi koti ku nghena endlwini ya Yehovha. 6 Kutani hi wena u faneleke u nghena u ma hlayela ehenhla marito ya Yehovha lawa ndzi ku byeleke wona lama nga ebukwini leyi u yi tsaleke. Ma hlaye ma twiwa hi vanhu lava nga endlwini ya Yehovha hi siku ra ku titsona swakudya; hikwalaho u ta ma hlayela vanhu hinkwavo va Yuda lava humaka emitini ya vona. 7 Kumbexana Yehovha u ta twa xikombelo xa vona xo kombela ku kombiwa tintswalo kutani un’wana ni un’wana a tshika tindlela takwe to homboloka, hikuva Yehovha u vule leswaku u va hlundzukele ngopfu vanhu lava.”

8 Hiloko Baruku n’wana wa Neriya a endla hinkwaswo leswi muprofeta Yeremiya a n’wi leriseke swona; a ma hlayela ehenhla marito ya Yehovha lawa a ma ri ebukwini a ri endlwini ya Yehovha.+

9 Hi lembe ra vuntlhanu ra ku fuma ka Yoyakimi+ n’wana wa Yosiya hosi ya le Yuda, hi n’hweti ya vukaye, vanhu hinkwavo eYerusalema ni vanhu hinkwavo lava teke eYerusalema va huma emitini ya le Yuda va sungule ku titsona swakudya emahlweni ka Yehovha.+ 10 Hiloko Baruku a ma hlayela ehenhla marito ya Yeremiya lawa a ma ri ebukwini a ri endlwini ya Yehovha, a ri karhi a twiwa hi vanhu hinkwavo, ekamareni ro dyela eka rona ra Gemariya+ n’wana wa Xafani+ matsalana, exivaveni* xa le henhla, enyangweni ya gede leyintshwa ya yindlu ya Yehovha.+

11 Loko Mikaya n’wana wa Gemariya n’wana wa Xafani a twa marito hinkwawo ya Yehovha lawa a ma ri ebukwini, 12 a ya endlwini ya hosi ekamareni ra matsalana. Tihosana* hinkwato a ti tshame kwalaho: Elixama+ matsalana, Delaya n’wana wa Xemaya, Elinathani+ n’wana wa Akibora,+ Gemariya n’wana wa Xafani, Sedekiyasi n’wana wa Hananiya ni tihosana letin’wana hinkwato. 13 Mikaya a va byela marito hinkwawo lawa a ma tweke loko Baruku a hlaya ebukwini, a ri karhi a twiwa hi vanhu.

14 Kutani tihosana hinkwato ti rhuma Yehudi n’wana wa Nethaniya n’wana wa Xelemiya n’wana wa Khuxi leswaku a ya eka Baruku, ti ku: “Tana ni buku leyi u yi hlayeke u ri karhi u twiwa hi vanhu.” Hiloko Baruku n’wana wa Neriya a teka buku a ya eka tona. 15 Ti n’wi byela ti ku: “Hi kombela u tshama ehansi, u yi hlayela ehenhla hi ri karhi hi ku twa.” Hiloko Baruku a yi hlayela ehenhla ti ri karhi ti swi twa.

16 Loko ti heta ku twa marito wolawo hinkwawo, ti langutana hi ku chava kutani ti byela Baruku ti ku: “Hi fanele hi byela hosi marito lawa hinkwawo.” 17 Hiloko ti vutisa Baruku ti ku: “Hi kombela u hi byela ndlela leyi u ma tsaleke ha yona marito lawa hinkwawo. Xana u lo ku byela wona?” 18 Baruku a ti hlamula a ku: “U ndzi byele marito lawa hinkwawo kutani mina ndzi ma tsala ehansi hi inki ebukwini leyi songiwaka.” 19 Tihosana ti byela Baruku ti ku: “Famba u ya tumbela wena na Yeremiya naswona mi nga byeli munhu leswaku mi tumbele kwihi.”+

20 Kutani ti fika ti nghena eka hosi exivaveni, ti veka buku ekamareni ra Elixama lowa matsalana, kutani ti byela hosi swilo hinkwaswo leswi ti swi tweke.

21 Hiloko hosi yi rhuma Yehudi+ leswaku a ya teka buku ekamareni ra matsalana Elixama a vuya na yona. Yehudi a sungula ku yi hlaya a ri karhi a twiwa hi hosi ni hi tihosana hinkwato leti yimeke ekusuhi na yona. 22 Hosi a yi tshame endlwini ya vuxika hi n’hweti ya vukaye,* emahlweni ka yona a ku ri ni ndhawu leyi a ku tshiveriwa ndzilo leswaku yi tikufumeta. 23 Loko Yehudi a hlaye swiphemu swinharhu kumbe swa mune, hosi yi handzula xiphemu xexo hi mukwana wa matsalana yi xi hoxa endzilweni lowu a wu pfurha endhawini leyi a ku tshiveriwe ndzilo eka yona, kukondza buku leyi songiwaka yi helela endzilweni. 24 A va chavanga; hambi ku ri hosi kumbe malandza ya yona hinkwawo lama tweke marito lawa hinkwawo a va swi handzulanga swiambalo swa vona hi le xikarhi. 25 Hambileswi Elinathani,+ Delaya+ na Gemariya+ va kombeleke hosi leswaku yi nga yi hisi buku, a yi va yingisanga. 26 Ku tlula kwalaho, hosi yi lerise Yeramiyele n’wana wa hosi, Seraya n’wana wa Aziriyele na Xelemiya n’wana wa Abideli leswaku va ya khoma Baruku lowa matsalana na muprofeta Yeremiya, kambe Yehovha u va tumbetile.+

27 Kutani Yehovha a tlhela a vulavula na Yeremiya endzhaku ka loko hosi yi hise buku leyi nga ni marito lawa Baruku a ma tsaleke a byeriwa hi Yeremiya,+ a ku: 28 “Teka buku yin’wana u tsala marito hinkwawo lawa a ma ri eka buku yo sungula leyi hisiweke hi Hosi Yoyakimi wa le Yuda.+ 29 U fanele u byela Hosi Yoyakimi wa le Yuda u ku, ‘Yehovha u ri: “U hise buku leyi u ku, ‘Hikwalaho ka yini u tsale u ku: “Hosi ya le Babilona yi ta ta kutani yi lovisa tiko leri yi ri siya ri nga ha ri na munhu kumbe xiharhi”?’+ 30 Hikwalaho Yehovha u vula leswi hi Hosi Yoyakimi wa le Yuda, ‘A nge vi na munhu loyi a nga ta tshama exiluvelweni xa Davhida+ naswona ntsumbu wa yena wu ta hisiwa hi dyambu ninhlikanhi wu biwa hi xirhami nivusiku.+ 31 Ndzi ta n’wi xupula yena ni vatukulu va yena ni malandza yakwe hikwalaho ka xihoxo xa vona naswona vona ni vaaki va Yerusalema ni vanhu va le Yuda ndzi ta va tisela khombo leri ndzi vuleke leswaku ndzi ta va tisela rona,+ kambe a va yingisanga.’”’”+

32 Kutani Yeremiya a teka buku yin’wana a yi nyika Baruku n’wana wa Neriya, lowa matsalana,+ kutani a tsala eka yona leswi Yeremiya a n’wi byeleke swona, ku nga marito hinkwawo lawa a ma ri ebukwini leyi Hosi Yoyakimi wa le Yuda a yi hiseke hi ndzilo.+ Ku engeteriwe marito man’wana yo tala yo fana na wona.

37 Hosi Sedekiyasi+ n’wana wa Yosiya a sungula ku fuma ematshan’weni ya Koniya*+ n’wana wa Yoyakimi, hikuva Hosi Nebukadnetsara* wa le Babilona u n’wi endle hosi etikweni ra Yuda.+ 2 Kambe Sedekiyasi ni malandza yakwe ni vanhu va tiko a va ma yingisanga marito ya Yehovha lawa a va byeleke wona hi ku tirhisa muprofeta Yeremiya.

3 Hosi Sedekiyasi a rhuma Yehukali+ n’wana wa Xelemiya na Sofaniya+ n’wana wa muprista Maseya va ya eka muprofeta Yeremiya, va fika va ku: “Hi kombela u hi khongelela eka Yehovha Xikwembu xa hina.” 4 Yeremiya a ha swi kota ku fambafamba exikarhi ka vanhu, hikuva a va nga si n’wi pfalela ekhotsweni.+ 5 Masocha ya Faro a ma ri eku teni ma huma eEgipta+ kutani Vakalidiya lava a va rhendzele Yerusalema va swi twa. Hiloko va tshika ku hlasela Yerusalema.+ 6 Rito ra Yehovha ri fika eka muprofeta Yeremiya ri ku: 7 “Yehovha Xikwembu xa Israyele u ri, ‘Mi fanele mi byela hosi ya le Yuda leyi mi rhumeke eka mina leswaku mi ta ndzi vutisa mi ku: “Vona! Masocha ya Faro lama telaka ku ku pfuna, ma ta boheka ku tlhelela etikweni ra wona eEgipta.+ 8 Vakalidiya va ta vuya va ta lwa ni muti lowu va wu hlula va tlhela va wu hisa hi ndzilo.”+ 9 Yehovha u ri, “Mi nga tixisi mi ku, ‘Vakalidiya a va nge he vuyi va ta lwa na hina,’ hikuva va ta tlhela va vuya. 10 Hambiloko mo dlaya masocha hinkwawo ya Vakalidiya lama lwaka na n’wina ku sala masocha lama vavisekeke ntsena, ma ta suka ematendeni ya wona ma ta hisa muti lowu hi ndzilo.”’”+

11 Loko masocha ya Vakalidiya ma tshike ku hlasela Yerusalema hikwalaho ka masocha ya Faro,+ 12 Yeremiya a suka eYerusalema a ya etikweni ra Benjamini+ leswaku a ya kuma ndhawu yakwe exikarhi ka vanhu va ka vona. 13 Kambe loko a fika eGedeni ya Benjamini, mulanguteri wa varindzi, loyi vito ra yena a ku ri Iraya n’wana wa Xelemiya n’wana wa Hananiya, a khoma muprofeta Yeremiya a ku: “U balekela eka Vakalidiya!” 14 Kambe Yeremiya a ku: “A hi ntiyiso! A ndzi balekeli eka Vakalidiya.” Kambe a nga n’wi yingisanga. Hiloko Iraya a khoma Yeremiya a n’wi yisa eka tihosana. 15 Kutani tihosana ti hlundzukela Yeremiya,+ hiloko ti n’wi ba ti n’wi pfalela*+ endlwini ya Yonatani lowa matsalana, leyi a yi endliwe khotso. 16 Yeremiya a hoxiwa ekhotsweni leri nga munyama,* emakamareni lama nga ehansi ka misava, a tshama kona masiku yo tala.

17 Hosi Sedekiyasi a rhumela rito leswaku a ya vitaniwa, hiloko hosi yi n’wi vutisa swivutiso yi ri yoxe endlwini ya yona.+ Yi ku, “Xana ri kona rito leri humaka eka Yehovha?” Yeremiya a ku, “Ri kona,” a ya emahlweni a ku, “Hosi ya le Babilona yi ta ku hlula!”+

18 Yeremiya a tlhela a vutisa Hosi Sedekiyasi a ku: “Xana ndzi ku dyohele yini, wena ni malandza ya wena ni vanhu lava, lerova mi ndzi pfalela ekhotsweni? 19 Va kwihi vaprofeta va wena lava ku profeteleke va ku, ‘Hosi ya le Babilona a yi nge ti ku ta lwa na wena ni tiko leri’?+ 20 Ndzi kombela u ndzi yingisa wena hosi yanga. Ndzi kombela leswaku u ndzi twela vusiwana. U nga ha ndzi tlheriseli endlwini ya matsalana Yonatani,+ handle ka swona ndzi ta fela kona.”+ 21 Hiloko Hosi Sedekiyasi a lerisa leswaku Yeremiya a pfaleriwa ekhotsweni leri nga eXivaveni* xa Murindzi+ naswona siku ni siku a a nyikiwa xinkwa xa xirhendzevutana lexi humaka exitarateni xa vabaki,+ ku fikela loko xinkwa xi hela emutini.+ Yeremiya u ye emahlweni a tshama eXivaveni xa Murindzi.

38 Xefatiya n’wana wa Matani, Gedaliya n’wana wa Paxahuru, Yukala+ n’wana wa Xelemiya na Paxahuru+ n’wana wa Malikiya va twa marito lawa Yeremiya a a ma byela vanhu hinkwavo a ku: 2 “Yehovha u ri, ‘Loyi a salaka emutini lowu u ta dlayiwa hi banga, ndlala ni ntungu.*+ Kambe loyi a tinyiketaka* eka Vakalidiya u ta ya emahlweni a hanya naswona u ta ponisa vutomi byakwe.’+ 3 Yehovha u ri, ‘Entiyisweni muti lowu wu ta nyiketiwa eka masocha ya hosi ya le Babilona, yi ta wu teka.’”+

4 Tihosana ti byela hosi ti ku: “Hi kombela leswaku wanuna loyi a dlayiwa+ hikuva u heta masocha lama saleke emutini lowu matimba, ku katsa ni vanhu hinkwavo hi ku va byela marito lawa. Hikuva wanuna loyi u lava leswaku vanhu va nga vi na ku rhula kambe va weriwa hi khombo.” 5 Hosi Sedekiyasi a ku: “U le mavokweni ya n’wina hikuva a xi kona lexi hosi yi nga xi endlaka leswaku yi mi sivela.”

6 Hiloko tihosana ti teka Yeremiya ti n’wi hoxa exihlobyeni xa Malikiya n’wana wa hosi, lexi a xi ri eXivaveni* xa Murindzi.+ Ti rhelerisa Yeremiya hi tintambhu. Kambe a ku nga ri na mati exihlobyeni, a ku ri ni ndzhope kutani Yeremiya a mbombomela endzhopeni.

7 Ebedi-meleke+ loyi a a ri Muetiyopiya, mutirhi wa le hubyeni endlwini ya hosi, u twe leswaku Yeremiya u hoxiwe exihlobyeni. Hosi a yi tshame eGedeni ya Benjamini,+ 8 hiloko Ebedi-meleke a huma endlwini ya hosi, a fika a vulavula ni hosi a ku: 9 “Hosi yanga, leswi vavanuna lava va swi endleke eka muprofeta Yeremiya swi bihe ngopfu! Va n’wi lahlele exihlobyeni naswona u ta fela kwalaho hikwalaho ka ndlala, hikuva a ka ha ri na xinkwa emutini.”+

10 Hosi yi lerisa Ebedi-meleke loyi a a ri Muetiyopiya yi ku: “Teka vavanuna va 30 laha mi ya humesa muprofeta Yeremiya exihlobyeni a nga si fa.” 11 Ebedi-meleke a teka vavanuna kutani a nghena endlwini ya hosi ekamareni leri nga le hansi ka ndhawu leyi ku vekiwaka xuma eka yona,+ va teka switlakati va swi rhelerisa eka Yeremiya exihlobyeni hi tintambhu. 12 Ebedi-meleke loyi a a ri Muetiyopiya a byela Yeremiya a ku: “Ndzi kombela u nghenisa switlakati emakeheleni* ya wena leswaku tintambhu ti nga ku tsemi.” Yeremiya a endla tano, 13 hiloko va koka Yeremiya hi tintambhu va n’wi humesa exihlobyeni. Kutani Yeremiya a ya emahlweni a tshama eXivaveni xa Murindzi.+

14 Hosi Sedekiyasi a rhumela vanhu leswaku va ya vitana muprofeta Yeremiya leswaku a ta eka yena enyangweni ya vunharhu, leyi nga endlwini ya Yehovha, kutani hosi yi byela Yeremiya yi ku: “Ndzi lava ku ku vutisa swin’wana. U nga ndzi fihleli nchumu.” 15 Yeremiya a hlamula Sedekiyasi a ku: “Loko ndzo ku byela, u ta ndzi dlaya. Kasi loko ndzo ku tsundzuxa, a wu nge ndzi yingisi.” 16 Hosi Sedekiyasi a hlambanyela Yeremiya va ri vambirhi a ku: “Leswi Yehovha a hanyaka, ku nga loyi a hi nyikeke vutomi lebyi, a ndzi nge ku dlayi naswona a ndzi nge ku nyiketi eka vanhu lava, lava lavaka ku ku dlaya.”

17 Yeremiya a byela Sedekiyasi a ku: “Yehovha Xikwembu xa mavuthu, Xikwembu xa Israyele u ri, ‘Loko wo tinyiketa* eka tihosana ta hosi ya le Babilona, u ta ponisa vutomi bya wena naswona muti lowu a wu nge hisiwi hi ndzilo ni ndyangu wa wena a wu nge dlayiwi.+ 18 Kambe loko wo ka u nga tinyiketi* eka tihosana ta hosi ya le Babilona, muti lowu wu ta nyiketiwa eka Vakalidiya naswona va ta wu hisa hi ndzilo,+ a wu nge va balekeli.’”+

Va mbombomerise nenge wa wena endzhopeni.

Sweswi va tlherile.’

23 Vasati va wena hinkwavo ni vana va wena va majaha va va yisa eka Vakalidiya naswona wena a wu nge va balekeli kambe hosi ya le Babilona+ yi ta ku khoma naswona muti lowu wu ta hisiwa hi ndzilo hikwalaho ka wena.”+

24 Sedekiyasi a byela Yeremiya a ku: “U nga byeli munhu hi mhaka leyi leswaku u nga fi. 25 Loko tihosana to swi twa leswaku ndzi vulavule na wena ivi ti ta eka wena ti ku, ‘Hi kombela u hi byela leswi u swi byeleke hosi. U nga hi tumbeteli nchumu, a hi nge ku dlayi.+ Xana hosi yi ku byele yini?’ 26 u fanele u ti hlamula u ku, ‘A ndzi kombela hosi leswaku yi nga ndzi tlheriseli endlwini ya Yonatani leswaku ndzi ya fela kona.’”+

27 Hi ku famba ka nkarhi tihosana hinkwato ti ta eka Yeremiya ti n’wi vutisa. U ti byele hinkwaswo leswi hosi yi n’wi leriseke leswaku a swi vula. Hiloko ti nga ha vuli swin’wana hikuva a nga kona loyi a tweke bulo ra vona. 28 Yeremiya u tshame eXivaveni xa Murindzi+ ku fikela siku leri muti wa Yerusalema wu tekiweke ha rona; a ha ri kwalaho loko muti wa Yerusalema wu tekiwa.+

39 Hi lembe ra vukaye ra ku fuma ka Hosi Sedekiyasi wa Yuda, hi n’hweti ya vukhume, Hosi Nebukadnetsara* wa le Babilona a ta ni masocha yakwe hinkwawo eYerusalema va fika va wu rhendzela.+

2 Hi lembe ra vu-11 ra ku fuma ka Sedekiyasi, hi n’hweti ya vumune hi siku ra vukaye, va boxe khumbi ra muti.+ 3 Kutani tihosana hinkwato ta hosi ya le Babilona ti fika ti nghena ti tshama eGedeni ya le Xikarhi,+ ku nga Negala-xarezere Samigara, Nebo-sasekimi Rabusarisi,* Negala-xarezere Rabumaga* ni tihosana letin’wana hinkwato ta hosi ya le Babilona.

4 Loko Hosi Sedekiyasi wa le Yuda ni masocha hinkwawo va va vona, va baleka+ emutini nivusiku hi ndlela leyi hundzaka hi le ntangeni wa hosi, va huma hi gede leyi nga le xikarhi ka makhumbi mambirhi, va famba hi ndlela leyi yaka eAraba.+ 5 Kambe masocha ya Vakalidiya ma va hlongorisa, ma kuma Sedekiyasi emananga ya le Yeriko.+ Ma n’wi khoma ma n’wi tisa eka Hosi Nebukadnetsara* wa le Babilona eRibla+ etikweni ra Hamati+ laha a nga fika a n’wi gweva. 6 Hosi ya le Babilona yi teke vana va Sedekiyasi yi va dlaya eRibla a langutile, yi tlhela yi dlaya ni tindhuna hinkwato ta le Yuda.+ 7 Hiloko yi dlaya Sedekiyasi matihlo, endzhaku ka sweswo yi n’wi boha hi tinketana ta koporo yi n’wi yisa eBabilona.+

8 Kutani Vakalidiya va hisa yindlu ya hosi ni tiyindlu ta vanhu,+ va mbundzumuxa ni makhumbi ya Yerusalema.+ 9 Nebuzaradani+ ndhuna ya varindzi a teka vanhu hinkwavo lava a va sele emutini, lava tinyiketeke eka yena ni lava saleke a va yisa evuhlongeni eBabilona.

10 Kambe Nebuzaradani ndhuna ya varindzi a siya swisiwana, leswi a swi nga ri na nchumu etikweni ra Yuda. Hi siku rero a swi nyika ntirho wo rima masimu ya madiriva ni masimu man’wana.+

11 Hosi Nebukadnetsara* wa le Babilona a nyika Nebuzaradani ndhuna ya varindzi swileriso leswi, leswi khumbaka Yeremiya a ku: 12 “N’wi teke u n’wi hlayisa; u nga n’wi vavisi, n’wi nyike xin’wana ni xin’wana lexi a xi kombelaka.”+

13 Hiloko Nebuzaradani ndhuna ya varindzi, Nebuxazibani Rabusarisi,* Negala-xarezere Rabumaga* ni vakulukumba hinkwavo va hosi ya le Babilona va rhumela vanhu 14 leswaku va ya teka Yeremiya eXivaveni* xa Murindzi+ kutani a nyiketiwa eka Gedaliya+ n’wana wa Ahikama+ n’wana wa Xafani,+ leswaku a tisiwa endlwini yakwe. Kutani a tshama ni vanhu lavan’wana.

15 Loko Yeremiya a ha pfaleriwe eXivaveni xa Murindzi,+ Yehovha a vulavula na yena a ku: 16 “Famba u ya byela Ebedi-meleke+ wa Muetiyopiya u ku, ‘Yehovha wa mavuthu, Xikwembu xa Israyele u ri: “Ndzi endla leswi ndzi swi vuleke hi muti lowu loko ndzi ku ndzi tisa khombo ku nga ri leswinene naswona u ta swi vona swi endleka hi siku rero.”’

17 “‘Kambe ndzi ta ku ponisa hi siku rero, a wu nge nyiketiwi eka vanhu lava u va chavaka,’ ku vula Yehovha.

18 “‘Hikuva ndzi ta ku sirhelela naswona a wu nge dlayiwi hi banga. A wu nge dlayiwi hikwalaho+ ka leswi u ndzi tshembeke,’+ ku vula Yehovha.”

40 Rito leri fikeke eka Yeremiya ri huma eka Yehovha endzhaku ka loko Nebuzaradani+ ndhuna ya varindzi a n’wi tshunxile eRhama.+ U n’wi yise kwalaho a bohiwe hi tinketana naswona a a ri ni mahlonga hinkwawo ya le Yerusalema ni ya le Yuda, lawa a ma yisiwa eBabilona. 2 Kutani ndhuna ya varindzi yi teka Yeremiya yi ku eka yena: “Yehovha Xikwembu xa wena u swi vule khale leswaku ndhawu leyi yi ta weriwa hi khombo leri, 3 Yehovha u ri tisile hilaha a vuleke hakona hikwalaho ka leswi n’wina mi dyoheleke Yehovha naswona mi nga ri yingisangiki rito ra yena. Hi yona mhaka leyi mi weriweke hi khombo leri.+ 4 Namuntlha ndzi tshunxa tinketana leti nga emavokweni ya wena. Loko u swi tsakela ku famba na mina eBabilona, a hi fambe, ndzi ta ku hlayisa. Kambe loko u nga swi lavi ku famba na mina eBabilona sala. Tiko hinkwaro ri le mahlweni ka wena. Yana kun’wana ni kun’wana laha u tsakelaka ku ya kona.”+

5 Loko Yeremiya a ha kanakana ku tlhela, Nebuzaradani a ku: “Tlhelela eka Gedaliya+ n’wana wa Ahikama+ n’wana wa Xafani,+ loyi hosi ya le Babilona yi n’wi hlawuleke leswaku a langutela miti ya Yuda, u tshama na yena ni vanhu lavan’wana; kumbe u ya laha u tsakelaka ku ya kona.”

Kutani ndhuna ya varindzi yi n’wi nyika swakudya ni nyiko, yi n’wi tshika a famba. 6 Hiloko Yeremiya a ya eka Gedaliya n’wana wa Ahikama eMizpa+ kutani a tshama na yena ni vanhu lava a va sele etikweni.

7 Hi ku famba ka nkarhi tindhuna hinkwato ta masocha leti a ti ri enhoveni ni vavanuna lava a va ri na tona, va twa leswaku hosi ya le Babilona yi hlawule Gedaliya n’wana wa Ahikama leswaku a langutela tiko, vavanuna, vavasati ni vana ku nga vanhu hinkwavo va tiko lava nga swisiwana lava nga yisiwangiki eBabilona.+ 8 Hiloko va ya eka Gedaliya eMizpa.+ Lava nga ya a ku ri Iximayele+ n’wana wa Nethaniya, Yohanani+ na Yonathani vana va Kariya, Seraya n’wana wa Tanahumeti, vana va Efayi wa le Netofa na Yezaniya+ n’wana wa Mukati swin’we ni vavanuna lava a va ri na vona. 9 Gedaliya n’wana wa Ahikama n’wana wa Xafani a hlambanyela tindhuna ni vanhu va tona a ku: “Mi nga chavi ku tirhela Vakalidiya. Tshamani etikweni, mi tirhela hosi ya Babilona, kutani swi ta mi fambela kahle.+ 10 Mina ndzi ta tshama eMizpa leswaku ndzi va muyimeri wa n’wina eka* Vakalidiya lava taka eka hina. Kambe n’wina mi fanele mi hlengeleta mihandzu ya ximumu ni mafurha mi endla ni vhinyo, mi swi veka eswibyeni swa n’wina, mi tshama emitini leyi mi yi tekeke.”+

11 Vayuda hinkwavo lava a va ri eMowabu, eAmoni ni le Edomu swin’we ni lava a va ri ematikweni laman’wana hinkwawo, na vona va twe leswaku hosi ya le Babilona yi pfumelele leswaku vanhu van’wana va sala eYuda ni leswaku yi hlawule Gedaliya n’wana wa Ahikama n’wana wa Xafani leswaku a va murhangeri wa vona. 12 Hiloko Vayuda hinkwavo va sungula ku vuya hi le tindhawini hinkwato leti a va hangalakele eka tona, va te etikweni ra Yuda eka Gedaliya eMizpa. Va hlengeleta mihandzu yo tala ngopfu ya ximumu va endla ni vhinyo yo tala.

13 Yohanani n’wana wa Kariya ni tindhuna hinkwato ta masocha leti a ti ri enhoveni, va ta eka Gedaliya eMizpa. 14 Va fika va ku eka yena: “Xana a wu swi tivi leswaku Balisi hosi ya Vaamoni,+ u rhume Iximayele n’wana wa Nethaniya leswaku a ta ku dlaya?”+ Kambe Gedaliya n’wana wa Ahikama a nga va tshembanga.

15 Kutani Yohanani n’wana wa Kariya a byela Gedaliya exihundleni eMizpa a ku: “Ndzi lava ku ya dlaya Iximayele n’wana wa Nethaniya naswona a ku na munhu loyi a nga ta swi tiva. Hikwalaho ka yini a fanele a ku dlaya naswona hikwalaho ka yini vanhu hinkwavo va le Yuda lava hlengeletiweke va fanele va hangalasiwa ni vanhu lava saleke va le Yuda va lovisiwa?” 16 Kambe Gedaliya+ n’wana wa Ahikama a byela Yohanani n’wana wa Kariya a ku: “U nga swi endli sweswo hikuva leswi u swi vulaka hi Iximayele a hi ntiyiso.”

41 Hi n’hweti ya vunkombo, Iximayele+ n’wana wa Nethaniya n’wana wa Elixama loyi a a ri n’wana wa le vuhosini naswona a a ri un’wana wa vakulukumba lava a va tshembiwa hi hosi, a ta ni vavanuna va khume eka Gedaliya n’wana wa Ahikama eMizpa.+ Loko va ha ri eku dyeni swin’we eMizpa, 2 Iximayele n’wana wa Nethaniya ni vavanuna va khume lava a va ri na yena va suka va yima va dlaya Gedaliya n’wana wa Ahikama n’wana wa Xafani hi banga. A dlaya loyi hosi ya le Babilona yi n’wi hlawuleke leswaku a va mulanguteri wa tiko. 3 Iximayele u tlhele a dlaya ni Vayuda hinkwavo lava a va ri na Gedaliya eMizpa ni masocha ya Vakalidiya lawa a ma ri kwalaho.

4 Hi siku ra vumbirhi endzhaku ka ku dlayiwa ka Gedaliya, loko mhaka leyi yi nga si tiviwa hi munhu, 5 ku te vavanuna va 80 lava humaka eXikeme,+ eXilo+ ni le Samariya.+ A va tsemete malepfu, va handzule swiambalo swa vona hi le xikarhi, va tixekelerile+ naswona va khome magandzelo ya mavele ni murhi wa risuna+ leswaku va swi tisa endlwini ya Yehovha. 6 Kutani Iximayele n’wana wa Nethaniya a suka eMizpa a ya va hlanganisa, a famba a ri karhi a rila. Loko a hlangana na vona a ku: “Tanani eka Gedaliya n’wana wa Ahikama.” 7 Kambe loko va fika emutini, Iximayele n’wana wa Nethaniya ni vavanuna lava a va ri na yena va va dlayile, va va lahlela exihlobyeni.

8 Kambe a ku ri ni vavanuna va khume exikarhi ka vona lava nga byela Iximayele va ku: “U nga hi dlayi hikuva hi ni ndhawu leyi hi fihleke eka yona koroni, maxalana, mafurha ni vulombe enhoveni.” Hiloko a nga va dlayi swin’we ni vamakwavo. 9 Iximayele a lahlela mitsumbu hinkwayo ya vavanuna lava a va dlayeke exihlobyeni lexikulu lexi endliweke hi Hosi Asa hikwalaho ka Hosi Baxa wa le Israyele.+ Xihlovo lexi hi xona lexi Iximayele n’wana wa Nethaniya a nga xi tata hi vavanuna lava dlayiweke.

10 Iximayele a teka vanhu hinkwavo lava saleke eMizpa+ a va endla mahlonga, ku katsa ni vana va vanhwanyana va hosi ni vanhu hinkwavo lava a va sale eMizpa, lava Nebuzaradani ndhuna ya varindzi a va pfaleleke ekhotsweni ra Gedaliya+ n’wana wa Ahikama. Iximayele n’wana wa Nethaniya u va endle mahlonga kutani a tsemakanya a ya eka Vaamoni.+

11 Loko Yohanani+ n’wana wa Kariya ni tindhuna hinkwato ta masocha leti a ti ri na yena va twa vubihi hinkwabyo lebyi endliweke hi Iximayele n’wana wa Nethaniya, 12 va teka vavanuna hinkwavo va famba va ya lwa na Iximayele n’wana wa Nethaniya kutani va n’wi kuma ekusuhi ni mati yo tala* eGibiyoni.

13 Vanhu hinkwavo lava a va ri na Iximayele va tsakile loko va vona Yohanani n’wana wa Kariya ni tindhuna hinkwato ta masocha leti a ti ri na yena. 14 Kutani vanhu hinkwavo lava Iximayele a va endleke mahlonga ku sukela eMizpa+ va ya eka Yohanani n’wana wa Kariya. 15 Kambe Iximayele n’wana wa Nethaniya ni vavanuna vakwe va nhungu va balekela Yohanani va ya eka Vaamoni.

16 Yohanani n’wana wa Kariya ni tindhuna hinkwato ta masocha leti a ti ri na yena va teka vanhu hinkwavo lava humaka eMizpa lava nga va tshunxa eka Iximayele n’wana wa Nethaniya, endzhaku ka loko a dlaye Gedaliya+ n’wana wa Ahikama. Va tisa vavanuna, masocha, vavasati, vana ni vatirhi va le hubyeni ku suka eGibiyoni. 17 Hiloko va famba va ya tshama endhawini ya vaendzi ya Kimihama ekusuhi na Betlehema,+ hi xikongomelo xo ya nghena eEgipta+ 18 hikwalaho ka Vakalidiya. Hikuva a va va chava, tanihi leswi Iximayele n’wana wa Nethaniya a dlayeke Gedaliya n’wana wa Ahikama, loyi hosi ya le Babilona a yi n’wi hlawule leswaku a langutela tiko.+

42 Kutani tindhuna hinkwato ta masocha, Yohanani+ n’wana wa Kariya, Yezaniya n’wana wa Hoxaya ni vanhu hinkwavo, ku sukela eka lontsongo ku ya eka lonkulu, va tshinela 2 va byela muprofeta Yeremiya va ku: “Hi kombela leswaku u yingisa xikombelo xa hina xo kombiwa tintswalo, u hi khongelela eka Yehovha Xikwembu xa wena hikwalaho ka vanhu lava hinkwavo lava saleke, hikuva ku sale vanhu vatsongo+ hilaha u swi vonaka hakona. 3 Onge Yehovha Xikwembu xa wena a nga hi byela ndlela leyi hi faneleke hi famba ha yona ni leswi hi faneleke hi swi endla.”

4 Muprofeta Yeremiya a va hlamula a ku: “Ndzi mi twile, ndzi ta khongela eka Yehovha Xikwembu xa n’wina hilaha mi ndzi kombeleke hakona; kutani leswi Yehovha a nga ta swi vula ndzi ta mi byela swona. A ndzi nge mi fihleli nchumu.”

5 Va hlamula Yeremiya va ku: “Onge Yehovha a nga va mbhoni ya ntiyiso ni yo tshembeka naswona onge Yehovha Xikwembu xa wena a nga hi xupula loko hi nga endli leswi a swi vulaka hi ku tirhisa wena. 6 Hambi swa hi tsakisa kumbe a swi hi tsakisi, hi ta yingisa leswi Yehovha Xikwembu xa hina loyi hi ku rhumaka eka yena a nga ta swi vula, leswaku swilo swi hi fambela kahle hikwalaho ka leswi hi yingisaka rito ra Yehovha Xikwembu xa hina.”

7 Endzhaku ka masiku ya khume Yehovha a vulavula na Yeremiya. 8 Hiloko a vitana Yohanani n’wana wa Kariya ni tindhuna hinkwato ta masocha leti a ti ri na yena swin’we ni vanhu hinkwavo, ku sukela eka lontsongo ku ya eka lonkulu.+ 9 A ku eka vona: “Yehovha Xikwembu xa Israyele loyi mi ndzi rhumeke eka yena leswaku ndzi kombela leswaku a mi komba tintswalo u ri: 10 ‘Loko hakunene mo tshama etikweni leri, ndzi ta mi aka a ndzi nge mi hirimuxi, ndzi ta mi byala a ndzi nge mi simuli, ndzi ta tisola* hikwalaho ka khombo leri ndzi mi tiseleke rona.+ 11 Mi nga yi chavi hosi ya le Babilona leyi mi yi chavaka.’+

“‘Mi nga yi chavi,’ ku vula Yehovha, ‘hikuva ndzi na n’wina leswaku ndzi mi ponisa ni ku mi kutsula eka yona. 12 Ndzi ta mi komba tintswalo+ naswona yona yi ta va ni tintswalo eka n’wina, yi mi tlherisela etikweni ra n’wina.

13 “‘Kambe loko mi ku, “E-e, a hi nge tshami etikweni leri,” naswona mi nga ri yingisi rito ra Yehovha Xikwembu xa n’wina 14 hi ku vula mi ku, “E-e, hi ta ya etikweni ra Egipta,+ laha hi nga ta ka hi nga yi voni nyimpi kumbe hi twa nanga kumbe hi khomiwa hi ndlala hikwalaho ko pfumala xinkwa; kwalaho hi kona laha hi nga ta tshama kona,” 15 hikwalaho yingisani rito ra Yehovha, n’wina masalela ya Yuda. Yehovha wa mavuthu, Xikwembu xa Israyele u ri: “Loko mi tiyimisele ku ya eEgipta leswaku mi ya tshama* kona, 16 kutani banga leri mi ri chavaka ri ta mi kuma etikweni ra Egipta ni ndlala leyi mi yi chavaka yi ta mi landzelela eEgipta, mi ta fela kona.+ 17 Vanhu hinkwavo lava tiyimiseleke ku ya eEgipta leswaku va ya tshama kona, va ta dlayiwa hi banga, hi ndlala ni hi ntungu.* A nga kona loyi a nga ta pona kumbe ku balekela khombo leri ndzi nga ta va tisela rona.”’

18 “Hikuva Yehovha wa mavuthu, Xikwembu xa Israyele u ri: ‘Hilaha ku hlundzuka ka mina ni vukarhi bya mina swi chuluriweke hakona ehenhla ka vanhu va le Yerusalema,+ ndzi ta chululela vukarhi bya mina ehenhla ka n’wina loko mo ya eEgipta, kutani vanhu va ta mi rhukana, va mi nyenya ni ku mi sandza+ naswona a mi nge he tlheli mi yi vona ndhawu leyi.’

19 “Yehovha u vulavule na n’wina, n’wina vanhu va le Yuda lava saleke. Mi nga yi eEgipta. Mi fanele mi swi tiva leswaku namuntlha ndzi mi lemukisile 20 leswaku xihoxo xa n’wina xi ta endla leswaku mi fa. Hikuva mi ndzi rhume eka Yehovha Xikwembu xa n’wina mi ku, ‘Hi khongelele eka Yehovha Xikwembu xa hina, u hi byela hinkwaswo leswi Yehovha Xikwembu xa hina a swi vulaka kutani hi ta swi endla.’+ 21 Namuntlha ndzi mi byerile kambe a mi nge ri yingisi rito ra Yehovha Xikwembu xa n’wina kumbe mi endla xin’wana ni xin’wana lexi a ndzi rhumeke leswaku ndzi mi byela xona.+ 22 Hikwalaho tivani leswaku mi ta dlayiwa hi banga, hi ndlala ni hi ntungu endhawini leyi mi lavaka ku ya eka yona mi ya tshama eka yona.”+

43 Loko Yeremiya a heta ku byela vanhu hinkwavo marito lawa hinkwawo lama humaka eka Yehovha Xikwembu xa vona, ku nga rito rin’wana ni rin’wana leri Yehovha Xikwembu xa vona a n’wi rhumeke leswaku a va byela rona, 2 Azariya n’wana Hoxaya, Yohanani+ n’wana Kariya ni vavanuna hinkwavo lava tikukumuxaka va byela Yeremiya va ku: “Leswi u swi vulaka i mavunwa! Yehovha Xikwembu xa hina a nga ku rhumanga leswaku u ku, ‘Mi nga yi eEgipta mi ya tshama kona.’ 3 Kambe u kuceteriwa hi Baruku+ n’wana wa Neriya leswaku hi nyiketiwa eka Vakalidiya, leswaku va hi dlaya kumbe va hi yisa evuhlongeni eBabilona.”+

4 Yohanani n’wana wa Kariya ni tindhuna hinkwato ta masocha ni vanhu hinkwavo a va ri yingisanga rito ra Yehovha ra leswaku va tshama etikweni ra Yuda. 5 Kambe Yohanani n’wana wa Kariya ni tindhuna hinkwato ta masocha va teke vanhu hinkwavo lava saleke va le Yuda lava vuyeke leswaku va ta tshama etikweni va huma ematikweni hinkwawo lawa a va hangalakele eka wona va famba na vona.+ 6 Va teke vavanuna, vavasati, vana, vana va vanhwanyana va hosi ni vanhu hinkwavo lava Nebuzaradani+ ndhuna ya varindzi a va siyeke na Gedaliya+ n’wana wa Ahikama+ n’wana wa Xafani,+ swin’we na muprofeta Yeremiya na Baruku n’wana wa Neriya. 7 Va ya etikweni ra Egipta hikuva a va ri yingisanga rito ra Yehovha, kutani va fika eTahapenese.+

8 Hiloko Yehovha a vulavula na Yeremiya eTahapenese a ku: 9 “Teka maribye lamakulu, u ma fihla endhawini leyi andlariweke hi switina u ma funengeta hi ridaka ro aka ha rona enyangweni ya yindlu ya Faro eTahapenese, vavanuna va Vayuda va ri karhi va ku langutile. 10 Kutani u ku eka vona, ‘Yehovha wa mavuthu, Xikwembu xa Israyele u ri: “Ndzi vitana Nebukadnetsara* hosi ya le Babilona, nandza wa mina+ naswona ndzi ta veka xiluvelo xakwe ehenhla ka maribye lawa, lawa ndzi ma fihleke, kutani u ta ndlandlamuxa tende rakwe ra vuhosi ehenhla ka wona.+ 11 U ta fika a hlasela tiko ra Egipta.+ Loyi a faneriwaka hi ntungu u ta dlayiwa hi ntungu, loyi a faneriwaka hi vuhlonga u ta yisiwa evuhlongeni kasi loyi a faneriwaka hi banga u ta dlayiwa hi banga.+ 12 Ndzi ta hisa tiyindlu* ta swikwembu swa le Egipta hi ndzilo,+ hosi yoleyo yi ta hisa tiyindlu ta swikwembu sweswo kutani yi swi yisa evuhlongeni. Yi ta titsondzela hi tiko ra Egipta hilaha murisi a titsondzelaka nguvu yakwe hakona, kutani yi ta suka kwalaho hi ku rhula.* 13 Yi ta faya tiphuphu ta Beta-xemexe* etikweni ra Egipta naswona yi ta hisa tiyindlu* ta swikwembu swa le Egipta hi ndzilo.”’”

44 Rito leri fikeke eka Yeremiya ri ya eka Vayuda hinkwavo lava tshamaka etikweni ra Egipta,+ lava tshamaka eMigidoli,+ eTahapenese,+ eNofu*+ ni le tikweni ra Patirosi+ ri ku: 2 “Yehovha wa mavuthu, Xikwembu xa Israyele u ri, ‘Mi ri vonile khombo leri ndzi ri tiseke eYerusalema+ ni le mitini hinkwayo ya Yuda, namuntlha i marhumbi naswona a ku tshami munhu kona.+ 3 Sweswo swi vangiwe hikwalaho ka swilo swo biha leswi va swi endleke leswaku va ndzi hlundzukisa hi ku famba va ya endla magandzelo+ va tlhela va tirhela swikwembu swin’wana leswi a va nga swi tivi, hambi ku ri n’wina kumbe vakokwa wa n’wina.+ 4 A ndzi tshamela ku rhuma malandza ya mina hinkwawo ku nga vaprofeta eka n’wina, ndzi ma rhuma hi ku phindhaphinha* ndzi ku: “Ndzi kombela mi nga wu endli nchumu lowu, lowu nyenyetsaka lowu ndzi wu vengaka.”+ 5 Kambe a va yingisanga leswaku va tshika ku endla swilo swo biha hi ku ka va nga endleli swikwembu swin’wana magandzelo.+ 6 Hiloko vukarhi bya mina ni ku hlundzuka ka mina swi chuluriwa kutani swi hisa miti ya Yuda ni switarata swa Yerusalema, swi va marhumbi hilaha swi nga hakona namuntlha.’+

7 “Yehovha, Xikwembu xa mavuthu, Xikwembu xa Israyele u ri, ‘Hikwalaho ka yini mi tivangela khombo lerikulu, lerova ku ta dlayiwa vavanuna hinkwavo, vavasati, vana ni swihlangi eYuda, ku nga sali munhu? 8 Hikwalaho ka yini mi fanele mi ndzi hlundzukisa hi mitirho ya mavoko ya n’wina hi ku endlela swikwembu swin’wana magandzelo etikweni ra Egipta laha mi yeke mi ya tshama kona? Mi ta lovisiwa mi tlhela mi rhukaniwa ni ku sandziwa exikarhi ka matiko hinkwawo ya misava.+ 9 Xana mi swi rivele swiendlo swo biha swa vakokwa wa n’wina ni swa tihosi ta Yuda+ ni swa vasati va tona,+ swin’we ni swiendlo swa n’wina swo biha ni swa vasati va n’wina,+ leswi endliweke etikweni ra Yuda ni le switarateni swa Yerusalema? 10 A va titsongahatanga ku ta fikela namuntlha, a va kombisanga ku chava+ kumbe ku yingisa milawu ya mina leyi ndzi mi nyikeke yona n’wina ni vakokwa wa n’wina.’+

11 “Hikwalaho Yehovha wa mavuthu, Xikwembu xa Israyele u ri, ‘Ndzi tiyimisele ku mi tisela khombo, ku lovisa tiko ra Yuda hinkwaro. 12 Ndzi ta teka vanhu lava saleke va le Yuda lava a va tiyimisele ku ya etikweni ra Egipta leswaku va ya tshama kona, hinkwavo va ta dlayiwa etikweni ra Egipta.+ Va ta dlayiwa hi banga ni hi ndlala; ku sukela eka lontsongo ku ya eka lonkulu, va ta dlayiwa hi banga ni hi ndlala. Vanhu va ta va rhukana, va va nyenya va tlhela va va sandza.+ 13 Ndzi ta xupula lava tshamaka etikweni ra Egipta hilaha ndzi va xupuleke hakona lava tshamaka eYerusalema, hi banga, hi ndlala ni hi ntungu.*+ 14 Vanhu va le Yuda lava saleke lava yeke va ya tshama etikweni ra Egipta a va nge baleki kumbe ku pona leswaku va tlhelela etikweni ra Yuda. Va ta swi navela ku tlhelela va ya tshama kona kambe a va nge tlheleli, handle ka vanhu va nga ri vangani lava balekeke.’”

15 Vavanuna hinkwavo lava a va swi tiva leswaku vasati va vona a va endlela swikwembu swin’wana magandzelo ni vavasati hinkwavo lava a va yime kwalaho, lava a va ri ntlawa lowukulu ni vanhu hinkwavo lava a va tshama etikweni ra Egipta,+ ePatirosi+ va hlamula Yeremiya va ku: 16 “A hi nge swi yingisi swilo leswi u hi byeleke swona hi vito ra Yehovha. 17 Kambe hi ta endla leswi hi swi vuleke, hi ta endlela Hosi ya Xisati ya Tilo* magandzelo hi tlhela hi yi chululela magandzelo ya swakunwa,+ hilaha hina, vakokwa wa hina, tihosi ta hina ni tihosana ta hina a hi endla hakona emitini ya Yuda ni le switarateni swa Yerusalema loko hi dya xinkwa hi xurha naswona swilo swi hi fambela kahle, hi nga weriwi hi khombo. 18 Ku sukela loko hi tshike ku endlela Hosi ya Xisati ya Tilo* magandzelo ni ku yi chululela magandzelo ya swakunwa, hi pfumale swilo hinkwaswo naswona hi dlayiwe hi banga ni ndlala.”

19 Vavasati va tlhele va ku: “Vanuna va hina va hi pfumelele ku endlela Hosi ya Xisati ya Tilo* magandzelo ni ku yi chululela magandzelo ya swakunwa, ni ku yi endlela makhekhe lama nga ni xivumbeko xa yona.”

20 Hiloko Yeremiya a byela vanhu hinkwavo, vavanuna ni vasati va vona ni vanhu hinkwavo lava a va vulavula na yena a ku: 21 “Magandzelo lawa n’wina, vakokwa wa n’wina, tihosi ta n’wina, tihosana ta n’wina ni vanhu va tiko a va ma endla emitini ya Yuda ni le switarateni swa Yerusalema,+ Yehovha wa ma tsundzuka a nga ma rivalanga.* 22 Eku heteleleni Yehovha a a nga ha swi koti ku yi lehisela mbilu mikhuva ya n’wina yo biha ni swilo swo nyenyetsa leswi mi swi endleke, kutani tiko ra n’wina ri hundzuke rhumbi, nchumu lowu chavisaka ni lowu rhuketeriwaka, tiko leri nga riki na vaaki hilaha ri nga hakona namuntlha.+ 23 Mi weriwe hi khombo leri, hilaha swi nga hakona namuntlha, hikwalaho ka leswi mi endleke magandzelo lawa ni hi leswi mi dyoheleke Yehovha hi ku nga yingisi rito ra Yehovha ni nawu wakwe ni switsundzuxo swa yena.”+

24 Yeremiya a ya emahlweni a byela vanhu hinkwavo ni vavasati hinkwavo a ku: “Twanani rito ra Yehovha n’wina vanhu va le Yuda hinkwenu lava nga etikweni ra Egipta. 25 Yehovha wa mavuthu, Xikwembu xa Israyele u ri, ‘Leswi n’wina ni vasati va n’wina mi swi vuleke mi swi endlile hi mavoko ya n’wina, hikuva mi te: “Hi ta endlela Hosi ya Xisati ya Tilo* magandzelo ni ku yi chululela magandzelo ya swakunwa hilaha hi hlambanyeke hakona.”+ N’wina vavasati mi ta endla leswi mi swi hlambanyeke.’

26 “Hikwalaho twanani rito ra Yehovha, n’wina vanhu va le Yuda, hinkwenu lava tshamaka etikweni ra Egipta: ‘“Ndza hlambanya hi vito ra mina lerikulu,” ku vula Yehovha, “leswaku munhu un’wana ni un’wana wa le Yuda+ a nge he vitani vito ra mina loko a hlambanya etikweni hinkwaro ra Egipta a ku, ‘Leswi Yehovha Hosi Leyi Tlakukeke a hanyaka!’+ 27 Ndzi va veke tihlo leswaku ndzi va tisela khombo ku nga ri swilo leswinene;+ vavanuna hinkwavo va le Yuda lava nga etikweni ra Egipta va ta dlayiwa hi banga ni hi ndlala, va kala va hela.+ 28 I vanhu vatsongo ntsena lava nga ta pona banga kutani va suka etikweni ra Egipta va tlhelela etikweni ra Yuda.+ Kutani vanhu hinkwavo lava saleke va le Yuda lava yeke etikweni ra Egipta va ya tshama kona va ta swi tiva leswaku ku hetiseke rito ra mani, ra mina kumbe ra vona!”’”

29 “‘Xikombiso xa n’wina hi lexi,’ ku vula Yehovha, ‘xa leswaku ndzi ta mi xupula endhawini leyi, leswaku mi ta swi tiva leswaku leswi ndzi mi tshembiseke khombo, ndzi ta ri tisa hakunene. 30 Yehovha u ri: “Ndzi nyiketa Faro Hofira, hosi ya Egipta eka valala vakwe ni le ka lava lavaka ku n’wi dlaya, hilaha ndzi nyiketeke Hosi Sedekiyasi wa le Yuda eka Hosi Nebukadnetsara* wa le Babilona, loyi a a ri nala wakwe naswona a a lava ku n’wi dlaya.”’”+

45 Leri i rito leri muprofeta Yeremiya a ri byeleke Baruku+ n’wana wa Neriya loko a tsala ebukwini marito lawa, lawa a byeriweke wona hi Yeremiya+ hi lembe ra vumune ra ku fuma ka Yoyakimi+ n’wana wa Yosiya, hosi ya le Yuda ri ku:

2 “Yehovha Xikwembu xa Israyele u vula leswi mayelana na wena Baruku, 3 ‘U te: “Khombo eka mina hikuva Yehovha u engetele gome eka xitlhavi xa mina! Ndzi karhele hikwalaho ka ku konya naswona a ndzi yi kumanga ndhawu yo wisela eka yona.”’

4 “U fanele u n’wi byela u ku, ‘Yehovha u ri: “Waswivo! Leswi ndzi swi akeke ndza swi hirimuxa, nileswi ndzi swi byaleke ndza swi tsuvula, ndzi ta endla leswi etikweni hinkwaro.+ 5 Kambe wena u tilavela* swilo leswikulu. Tshika ku lava swilo sweswo.”’

“‘Hikuva ndzi le kusuhi ni ku tisela vanhu hinkwavo khombo,’+ ku vula Yehovha, ‘naswona kun’wana ni kun’wana laha u nga ta ya kona ndzi ta ponisa vutomi bya wena.’”+

46 Leri i rito leri Yehovha a ri byeleke muprofeta Yeremiya mayelana ni matiko:+ 2 Rito leri yaka eEgipta,+ mayelana ni masocha ya Faro Neko+ hosi ya Egipta, loyi a a ri etlhelo ka Nambu wa Yufrata naswona a hluriweke eKarikemixi hi Hosi Nebukadnetsara* wa le Babilona hi lembe ra vumune ra ku fuma ka Yoyakimi+ n’wana wa Yosiya, hosi ya Yuda hi leri:

 4 Bohani tihanci mi ti gada n’wina vagadi va tihanci.

Lunghekani mi ambala magondolo* ya n’wina ya nyimpi.

Hatimisani matlhari mi ambala swo sirhelela xifuva leswi endliweke hi swinsimbana.

 5 ‘Hikwalaho ka yini ndzi va vona va khomiwe hi ku chava?

Va tlhelela endzhaku, tinhenha ta vona ti hluriwile.

Va balekile hikwalaho ko chava, tinhenha ta vona a ti langutanga ni le ndzhaku.

Vanhu hinkwavo va chuhile,’ ku vula Yehovha.

 6 ‘Lowa rivilo a nge baleki ni tinhenha a ti nge baleki.

Ndzi ta lovisa muti ni lava tshamaka eka wona.’

 9 Tlhandlukani, n’wina tihanci!

Fambani mi nga lawuleki, n’wina makalichi!

10 “Siku rero i ra Hosi Leyi Tlakukeke, Yehovha wa mavuthu, i siku ra ku rihisela, a tirihisela eka valala va yena. Banga ri ta lovisa, ri eneriseka naswona ri ta timula torha hi ngati ya vona, hikuva Hosi Leyi Tlakukeke, Yehovha wa mavuthu, u ni gandzelo etikweni ra le n’walungwini ekusuhi ni Nambu wa Yufrata.+

13 Leri i rito leri Yehovha a ri byeleke muprofeta Yeremiya mayelana ni ku ta ka Hosi Nebukadnetsara* wa le Babilona a ta hlasela tiko ra Egipta:+

14 “Swi twariseni eEgipta, mi swi huwelela eMigidoli.+

Swi huweleleni eNofu* ni le Tahapenese.+

15 Hikwalaho ka yini vanhu va wena va matimba va khukhuriwile?

16 Va khuguleka va tele kutani va wa.

Va byelana va ku:

U tshike nkarhi* wu hundza.’+

23 Va ta tsema khwati ra yena,’ ku vula Yehovha, ‘hambileswi a ri vonaka ri nga ngheneki.

Hikuva va tele ku tlula tinjiya, a va hlayeki.

24 Nhwanyana wa Egipta u ta khomisiwa tingana.

U ta nyiketiwa eka vanhu va le n’walungwini.’+

25 “Yehovha wa mavuthu, Xikwembu xa Israyele u ri: ‘Ndzi xupula Amoni+ wa le No*+ na Faro, Egipta, swikwembu swa yena+ ni tihosi ta yena, ina Faro ni hinkwavo lava va n’wi tshembaka.’+

26 “‘Ndzi ta va nyiketa eka lava lavaka ku va dlaya, eka Hosi Nebukadnetsara* wa le Babilona+ ni le ka malandza yakwe. Kambe endzhaku ka sweswo ku ta tlhela ku tshamiwa eka yena ku fana ni le nkarhini lowu hundzeke,’ ku vula Yehovha.+

28 Wena nandza wa mina Yakobo u nga chavi hikuva ndzi na wena,’ ku vula Yehovha.

47 Leri i rito ra Yehovha leri yaka eka muprofeta Yeremiya mayelana ni Vafilista,+ Faro a nga si hlula Gaza. 2 Yehovha u ri:

“Waswivo! Mati ma ta ma huma en’walungwini.

Ma ta hundzuka nambu lowu teleke.

 5 Ku ta va ni mpandlha* eGaza.

Axikeloni u miyetiwile.+

 6 Aha! Banga ra Yehovha!+

Xana u ta tshama u nga miyeli ku fikela rini?

Tlhelela enkotlotweni wa wena.

Wisa u miyela.

48 Eka Mowabu,+ Yehovha wa mavuthu, Xikwembu xa Israyele u ri:

“Khombo eka Nebo+ hikuva u herisiwile!

Kiriyatayimi+ u khomisiwe tingana, a khomiwa.

Vutumbelo* lebyi sirhelelekeke byi khomisiwe tingana byi hirimuxiwa.+

 2 A va ha n’wi dzunisi Mowabu.

Va n’wi bohele makungu ya ku n’wi wisa eHexiboni+ va ku:

‘Tanani, a hi n’wi heriseni a nga ha vi tiko.’

 4 Mowabu u lovisiwile.

Vana vakwe va rila.

 5 Va rila va ri karhi va tlhandluka endleleni leyi yaka eLuhiti.

Kasi endleleni yo rhelela eHoronayima va twa vanhu va rila hikwalaho ka khombo.+

 6 Balekani mi ponisa vutomi bya n’wina!

Mi fanele mi fana ni murhi wa yunipa emananga.

10 A ku rhukaniwe loyi a endlaka ntirho wa Yehovha leswaku a hetisa nawu!

A ku rhukaniwe loyi a sivelaka banga rakwe leswaku ri nga dlayi!

12 “‘Hikwalaho, masiku ma ta,’ ku vula Yehovha, ‘lawa ndzi nga ta rhuma vanhu leswaku va ya va halata. Va ta va halata va gungundza swibya swa vona naswona va ta fayetela makhuwana ya vona. 13 Vamowabu va ta khomiwa hi tingana hikwalaho ka Kemoxi, hilaha Vaisrayele va khomiweke hi tingana hakona hikwalaho ka Bethele leyi a va yi tshembile.+

14 Mi vurisa ku yini mi ku: “Hi tinhenha ta matimba leti lunghekeleke nyimpi”?’+

Va byeleni mi ku: ‘Vona ndlela leyi nhonga ya matimba yi tshoviweke ha yona, nhonga ya ku saseka!’

19 Yima etlhelo ka patu u languta, wena muaki wa le Arowere.+

Vutisa wanuna ni wansati lava balekaka u ku, ‘Ku endleke yini?’

20 Mowabu u khomisiwe tingana naswona u khomiwe hi ku chava.

Rilani mi huwelela.

Vulani mi ri eArinoni+ leswaku Mowabu u lovisiwile.

21 “Ku avanyisiwe tiko leri nga rivala,+ Holoni, Yahasa+ na Mefati;+ 22 Diboni,+ Nebo+ na Beta-diblatayimi; 23 Kiriyatayimi,+ Beta-gamulu na Beta-meyoni;+ 24 Keriyoti+ na Bosira; ni miti hinkwayo ya tiko ra Mowabu, leyi nga le kule ni leyi nga ekusuhi.

26 ‘N’wi dakwiseni,+ hikuva u tikurisile eka Yehovha.+

27 Xana a wu nga n’wi hleki Israyele?+

29 “Hi twile hi ta manyunyu ya Mowabu—u titlakusa ngopfu—

Hi ku tinyungubyisa kakwe, manyunyu yakwe, ku titlakusa kakwe ni ku tikurisa ka mbilu yakwe.”+

A va nge endli nchumu.

Ndzi rilela vavanuna va le Kiri-heresi.+

Swihluke swa wena leswi kulaka swi tsemakanye lwandle.

Swi hundze lwandle swi fika eYazere.

33 Ku tsaka ku susiwile entangeni wa mihandzu

Ni le tikweni ra Mowabu.+

Ndzi endle leswaku vhinyo yi nga ha khuluki endhawini leyi yi kameriwaka eka yona.

A nga kona loyi a nga ta pyanya a ri karhi a huwelela hi ku tsaka.

Ku ta va ni ku huwelela ka xirilo.’”+

34 “‘Ku ni xirilo ku sukela eHexiboni+ ku ya fika eEliyale.+

Hambi ku ri mati ya Nimirimi ma ta phya.+

Hikuva rifuwo leri a ri kumeke ri ta nyamalala.

Ni le tindhawini ta yena hinkwato leti nga exikarhi ka muti.

Hikuva ndzi faye Mowabu

Ku fana ni khuwana leri nga ha laviwiki,’ ku vula Yehovha.

39 ‘Vonani ndlela leyi a nga chuha ha yona! Rilani!

Vonani ndlela leyi Mowabu a hundzulukeke ha yona a khomiwe hi tingana!

40 “Hikuva Yehovha u ri:

Hi siku rero mbilu ya tinhenha ta Mowabu

Yi ta fana ni mbilu ya wansati loyi a velekaka.’”

‘Ndzi ta xupula Mowabu hi lembe leri ndzi ri hlawuleke,’ ku vula Yehovha.

45 ‘Lava balekaka va yime va hele matimba endzhutini wa Hexiboni.

Wu ta hisa mombo wa Mowabu

Ni xipalapala xa tinhenha leti nga ni madzolonga.’+

46 ‘Khombo eka wena Mowabu!

Vanhu va le Kemoxi+ va lovisiwile.

47 Kambe ndzi ta hlengeleta mahlonga ya Mowabu exiphen’wini xo hetelela xa masiku,’ ku vula Yehovha.

‘Ri hela kwala rungula ra ku avanyisiwa ka Mowabu.’”+

49 Eka Vaamoni+ Yehovha u ri:

“Xana Israyele a nga na vana va majaha?

Xana a nga na mudyandzhaka?

Hikwalaho ka yini Malikomo+ a teke tiko ra Gadi?+

Hikwalaho ka yini vanhu vakwe va tshama emitini ya Israyele?”

‘Kutani Israyele u ta teka tiko ra lava tekeke tiko ra yena,’+ ku vula Yehovha.

 3 ‘Rila wena Hexiboni hikuva Ayi u lovisiwile!

Huwelelani n’wina swimitana leswi nga ekusuhi na Rhaba.

Ambalani xiambalo* xo khwaxa.

 6 “‘Kambe endzhaku ka sweswo ndzi ta hlengeleta mahlonga ya Vaamoni,’ ku vula Yehovha.”

7 Yehovha wa mavuthu u vula leswi eka Edomu:

“Xana a ka ha ri na vutlhari eTemani?+

Xana xitsundzuxo lexinene xi herile eka lava nga ni ku twisisa?

Xana vutlhari bya vona byi borile?

 8 Balekani mi tlhela!

Fambani mi ya tshama emabakweni, n’wina vaaki va Dedani!+

10 Kambe ndzi ta hluvula Esawu a sala a nga ambalanga nchumu.

12 Hikuva Yehovha u ri: “Waswivo! Loko lava nga gweviwangiki ku nwa xinwelo va fanele va xi nwa, xana u fanele u tshikiwa u nga xupuriwi? A wu nge tshikiwi u nga xupuriwi hikuva u fanele u xi nwa.”+

13 “Hikuva ndzi hlambanye hi mina,” ku vula Yehovha, “leswaku Bosira u ta chavisa,+ a hlekuriwa, a va rhumbi ni ndzhukano; naswona miti ya yena hinkwayo yi ta va marhumbi hilaha ku nga heriki.”+

17 “Edomu u ta chavisa.+ Un’wana ni un’wana la hundzaka ekusuhi na yena u ta languta a chuhile ni ku ba noti hikwalaho ka makhombo ya yena hinkwawo. 18 Hilaha Sodoma na Gomora ni miti leyi nga ekusuhi na yona yi lovisiweke hakona,”+ ku vula Yehovha, “a ku na munhu loyi a nga ta tshama kona.+

19 “Waswivo! Ku fana ni nghala+ leyi taka yi huma emakhwatini lama tlhumeke ekusuhi na Yordani, ku ta ta un’wana a fika a hlasela madyelo lama sirhelelekeke, kambe hi ku copeta ka tihlo ndzi ta n’wi endla a n’wi balekela. Ndzi ta n’wi vekela murhangeri loyi ndzi n’wi hlawuleke. Hikuva i mani la fanaka na mina naswona i mani loyi a nga ndzi sivelaka? Hi wihi murisi loyi a nga yimaka emahlweni ka mina?+ 20 Hikwalaho twanani xiboho lexi Yehovha a xi endleke hi Edomu ni leswi a swi ehleketeke hi vaaki va le Temani:+

Entiyisweni swinyimpfana swi ta kokakokiwa.

U ta endla ndhawu ya swona yi va rhumbi hikwalaho ka vona.+

21 Mpfumawulo wa ku wa ka vona wu ta tsekatsekisa misava.

Ku ni xirilo!

Xi twakale ni le Lwandle ro Tshwuka.+

Hi siku rero mbilu ya tinhenha ta Edomu

Yi ta fana ni mbilu ya wansati la velekaka.”

23 Eka Damaska:+

Va hela matimba hikwalaho ko chava.

Lwandle ri karihile, a ri miyeteki.

24 Damaska a nga ha ri na xivindzi.

U hundzulukile a baleka, kambe u khomiwe hi ku chava.

28 Eka Kedari+ ni mifumo ya Hasora, leyi Hosi Nebukadnetsara* wa le Babilona a yi hluleke, Yehovha u ri:

30 “Balekani mi ya ekule!

Fambani mi ya tshama emabakweni, n’wina vaaki va le Hasora,” ku vula Yehovha.

“A ri na tinyangwa kumbe swo goga ha swona; va tshama va ri voxe.

A ku na munhu la nga ta tshama eka yena.”

34 Leri i rito ra Yehovha leri fikeke eka muprofeta Yeremiya mayelana na Elami+ eku sunguleni ka ku fuma ka Hosi Sedekiyasi+ wa le Yuda, ri ku: 35 “Yehovha wa mavuthu u ri, ‘Ndzi tshova vurha bya Elami,+ xihlovo* xa matimba ya vona. 36 Ndzi ta tisela Elami mimoya ya mune ku suka eka tikhona ta mune ta matilo naswona ndzi ta va hangalasela eka mimoya leyi. A ri nge vi kona tiko leri Vaelami lava hangalasiweke va nga ta ka va nga yi eka rona.’”

37 “Ndzi ta endla Vaelami va chava valala va vona ni lava lavaka ku va dlaya; ndzi ta va tisela khombo ndzi hlundzukile swinene,” ku vula Yehovha. “Ndzi ta va rhumela banga ku fikela loko ndzi va lovisa.”

38 “Kutani ndzi ta veka xiluvelo xa mina eElami+ naswona ndzi ta lovisa hosi ni tihosana ta kona,” ku vula Yehovha.

39 “Kambe exiphen’wini xo hetelela xa masiku, ndzi ta hlengeleta mahlonga ya Elami,” ku vula Yehovha.

50 Rito leri Yehovha a ri vuleke mayelana na Babilona,+ tiko ra Vakalidiya, hi ku tirhisa muprofeta Yeremiya ri ri:

 2 “Swi vuleni exikarhi ka matiko, mi swi huwelela.

Yimisani mhandzi ya mfungho mi swi huwelela.

Mi nga tumbeti nchumu!

Vulani mi ku, ‘Babilona u khomiwile.+

Bele* u khomisiwe tingana.+

Merodaki u chuhile.

Swifaniso swakwe swi khomisiwe tingana.

Swikwembu swakwe leswi nyenyetsaka* swi chuhile.’

 3 Hikuva tiko leri humaka en’walungwini ri n’wi terile.+

4 “Emasikwini wolawo ni le nkarhini wolowo,” ku vula Yehovha, “vanhu va le Israyele ni va le Yuda va ta hlengeletana.+ Va ta famba va ri karhi va rila+ naswona va ta lava Yehovha Xikwembu xa vona.+ 5 Va ta vutisa ndlela yo ya eSiyoni, swikandza swa vona swi langute etlhelo rero,+ va ku, ‘Tanani hi endla ntwanano wa hilaha ku nga heriki na Yehovha lowu nga taka wu nga rivariwi.’+ 6 Vanhu va mina va hundzuke ntlhambi wa tinyimpfu leti lahlekeke.+ Varisi va vona va va tsendzelekisile.+ Va va lahlekise etintshaveni, va tsendzeleka etintshaveni ni le swintshabyanini. Va rivale ndhawu ya vona yo wisela eka yona. 7 Hinkwavo lava va kumaka va va dlayile+ naswona valala va vona va te, ‘A hi na nandzu hikuva va dyohele Yehovha, ndhawu yo tshama eka yona yo lulama ni ntshembo wa vakokwa wa vona, Yehovha.’”

10 Kalidiya u ta phangiwa.+

Hinkwavo lava phangaka eka yena va ta eneriseka hilaha ku heleleke,”+ ku vula Yehovha.

12 Mana wa n’wina u khomisiwe tingana.+

Yena loyi a mi velekeke u hele matimba.

15 N’wi beleni hungwe ra nyimpi matlhelo hinkwawo.

U tinyiketile.

Tirihiseleni eka yena.

Endlani eka yena hilaha a endleke hakona.+

17 “Vaisrayele i tinyimpfu leti hangalakeke.+ Tinghala ti va hangalasile.+ Ku sungule hosi ya le Asiriya yi va lovisa;+ ku landzela Hosi Nebukadnetsara* wa le Babilona loyi a nga phorha marhambu ya vona.+ 18 Hikwalaho Yehovha wa mavuthu, Xikwembu xa Israyele u ri: ‘Ndzi ta xupula hosi ya le Babilona ni tiko ra yona hilaha ndzi yi xupuleke hakona hosi ya le Asiriya.+ 19 Ndzi ta vuyisela Israyele emadyelweni yakwe,+ u ta dya byanyi eKarimeli ni le Baxani+ naswona u ta xurha etintshaveni ta Efrayimi+ ni ta Giliyadi.’”+

21 “Famba u ya lwa ni tiko ra Meratayimi ni vaaki va le Pekodi.+

A va dlayeteriwe va lovisiwa hi ku helela,” ku vula Yehovha.

“Endla hinkwaswo leswi ndzi ku leriseke swona.

23 Vona ndlela leyi hamula ya misava hinkwayo yi tsemiweke ni ku tshoviwa ha yona!+

Vona ndlela leyi Babilona a hundzukeke nchumu wo chavisa ha yona exikarhi ka matiko!+

Hikuva Hosi Leyi Tlakukeke, Yehovha wa mavuthu u ni ntirho

Etikweni ra Vakalidiya.

26 Tanani mi ta lwa na yena ku suka etindhawini ta le kule.+

Pfulani madulu ya yena.+

N’wi fumbeni ku fana ni tinhulu ta mavele.

N’wi loviseni hi ku helela.+

Ku nga sali munhu eka yena.

Dzimani matende mi n’wi rhendzela hinkwako; ku nga baleki munhu.

N’wi tlheriseleni hi ku ya hi ntirho wa yena.+

Endlani eka yena hilaha a endleke hakona.+

33 Yehovha wa mavuthu u ri:

Va ala ku va tshika va famba.+

34 Kambe Mukutsuri wa vona u ni matimba.+

Vito ra yena i Yehovha wa mavuthu.+

36 Ku ni banga leri lwaka ni vaprofeta va mavunwa naswona va ta endla swilo hi ndlela ya vuphukuphuku.

Ku ni banga leri lwaka ni tinhenha takwe naswona ti ta khomiwa hi ku chava.+

Ku ni banga leri lwaka ni xuma xakwe naswona xi ta phangiwa.+

38 Mati ya yena ma onhiwa naswona ma ta phya.+

40 “Hilaha Xikwembu xi loviseke Sodoma na Gomora+ ni miti leyi nga le kusuhi,”+ ku vula Yehovha, “a ku na munhu loyi a nga ta tshama kona.+

Leti humaka etindhawini ta le kule swinene ta misava.+

42 Va khome vurha ni tlhari.+

Va ni tihanyi naswona a va nge vi na tintswalo.+

Va tilunghiselela tanihi munhu un’we ku lwa na wena, wena nhwanyana wa Babilona.+

44 “Waswivo! Ku fana ni nghala leyi taka yi huma emakhwatini lama tlhumeke ekusuhi na Yordani, ku ta ta un’wana a fika a hlasela madyelo lama sirhelelekeke, kambe hi ku copeta ka tihlo ndzi ta endla leswaku va n’wi balekela. Ndzi ta n’wi vekela murhangeri loyi ndzi n’wi hlawuleke.+ Hikuva i mani la fanaka na mina naswona i mani loyi a nga ndzi sivelaka? Hi wihi murisi loyi a nga yimaka emahlweni ka mina?+ 45 Hikwalaho twanani xiboho lexi Yehovha a xi endleke hi Babilona+ ni leswi a swi ehleketaka hi tiko ra Vakalidiya.

Entiyisweni swinyimpfana swi ta kokakokiwa.

U ta endla ndhawu ya swona yi va rhumbi hikwalaho ka vona.+

51 Yehovha u ri:

 3 Loyi a kungaka vurha a nga byi kungi.

Ku nga vi ni loyi a yimaka a ambale xiambalo xa nyimpi lexi endliweke hi swinsimbana.

Mi nga ma tweli vusiwana majaha yakwe.+

Dlayani masocha yakwe hinkwawo.

 5 Hikuva Israyele na Yuda a va tshikiwanga* hi Xikwembu xa vona ku nga Yehovha wa mavuthu.+

Kambe tiko* ra vona ri tele nandzu hi ku ya hi Mukwetsimi wa Israyele.

Mi nga lovisiwi hikwalaho ka xihoxo xakwe.

Hikuva i nkarhi wa Yehovha wa ku rihisela.

U n’wi khoma hi ku ya hi leswi a swi endleke.+

 8 Hi xitshuketa Babilona u wile, a tshoveka.+

N’wi rileleni!+

N’wi toteni balsama laha a twaka ku vava kona; kumbexana a nga hola.”

 9 “Hi ringetile ku horisa Babilona kambe a nga holanga.

N’wi tshikeni, a hi fambeni un’wana ni un’wana a ye etikweni rakwe.+

10 Yehovha u hi kombise vululami.+

Tanani, a hi byeleni van’wana ntirho wa Yehovha Xikwembu xa hina eSiyoni.”+

11 “Lotani miseve;+ tekani switlhangu swa xirhendzevutana.

Hikuva loku i ku rihisela ka Yehovha, u rihisela hikwalaho ka tempele yakwe.

12 Yimisani mfungho+ emakhumbini ya Babilona.

Hlomisani murindzi, vekani varindzi.

Lunghisani lava tumbelelaka.

17 Vanhu hinkwavo va endle swilo handle ko anakanya ni ku pfumala vutivi.

18 A swi pfuni nchumu,+ i ntirho lowu faneleke wu hlekuriwa.

Loko siku ra ku avanyisiwa ka swona ri fika, swi ta lovisiwa.

Vito ra yena i Yehovha wa mavuthu.”+

Ndzi ta tirhisa wena ku lovisa mifumo.

21 Ndzi ta tirhisa wena ku fayetela hanci ni mugadi wa yona.

Ndzi ta tirhisa wena ku fayetela kalichi ya nyimpi ni mugadi wa yona.

22 Ndzi ta tirhisa wena ku fayetela wanuna ni wansati.

Ndzi ta tirhisa wena ku fayetela mukhalabye ni mufana.

Ndzi ta tirhisa wena ku fayetela jaha ni nhwanyana.

23 Ndzi ta tirhisa wena ku fayetela murisi ni ntlhambi wakwe.

Ndzi ta tirhisa wena ku fayetela murimi ni swifuwo swakwe swo rima ha swona.

Ndzi ta tirhisa wena ku fayetela tindhuna ni vapfuni va tona.

27 “Yimisani mfungho etikweni.+

Banani nanga exikarhi ka matiko.

Hlawulani matiko lama nga ta lwa na yena.

N’wi vitaneleni mfumo wa Ararati,+ wa Mini ni wa Axikenazi.+

N’wi vekeleni socha leri nga ta lwa na yena.

N’wi vitaneleni tihanci to tala ku fana ni swinjiyana.

30 Tinhenha ta le Babilona ti tshike ku lwa.

Ti tshama etindhawini ta tona leti sirheleriweke.

A ta ha ri na matimba.+

Ti fana ni vavasati.+

Makaya yakwe ma hisiwe hi ndzilo.

Swo goga swakwe swi tshoveleriwile.+

33 Hikuva Yehovha wa mavuthu, Xikwembu xa Israyele u ri:

“Nhwanyana wa Babilona u fana ni xivuya.*

I nkarhi wa ku n’wi kandziyela.

Ku nga ri khale u ta fikeriwa hi nkarhi wa ntshovelo.”

U ndzi veke ehansi ku fana ni xibya lexi nga riki na nchumu.

U ndzi hlantswile.

35 ‘Onge timbanga leti nga emirini wa mina ti nga va ehenhla ka Babilona,’ ku vula muaki wa le Siyoni.+

‘Ni ngati ya mina a yi ve ehenhla ka vaaki va le Kalidiya,’ ku vula Yerusalema.”

36 Hikwalaho Yehovha u ri:

Ndzi ta omisa lwandle rakwe ni swihlovo swakwe.+

38 Hinkwavo va ta vomba ku fana ni swinghalana.

Va ta bonga ku fana ni swinghalana.”

Vona ndlela leyi Babilona a veke nchumu wo chavisa exikarhi ka matiko ha yona!

42 Lwandle ri te ehenhla ka Babilona.

U funengetiwe hi magandlati ya rona yo tala.

43 Miti yakwe yi hundzuke nchumu lowu chavisaka, tiko leri nga riki na mati ni mananga.

Tiko leri ku nga riki na munhu loyi a nga ta tshama eka rona ni munhu loyi a nga ta tsemakanya eka rona.+

45 Humani eka yena n’wina vanhu va mina!+

Tiponiseni+ eka ku hlundzuka lokukulu ka Yehovha!+

46 Mi nga tsemeki nhlana kumbe ku chavisiwa hi xiviko lexi nga ta twiwa etikweni.

50 N’wina lava balekeleke banga, yanani emahlweni, mi nga yimi!+

51 “Hi khomisiwe tingana, hikuva hi twe swisandzu.

Mpfumawulo wa rito ra vona wu ta twiwa.

U ta rihisela hakunene.+

58 Yehovha wa mavuthu u ri:

59 Leri i rito leri muprofeta Yeremiya a ri leriseke Seraya n’wana wa Neriya+ n’wana wa Mahaseya loko a fambe na Hosi Sedekiyasi wa le Yuda eBabilona hi lembe ra vumune ra ku fuma kakwe; Seraya a a ri murindzi wa yindlu. 60 Yeremiya u tsale ebukwini yin’we khombo hinkwaro leri a ri ta wela Babilona, marito lawa hinkwawo ma tsariwile ku lwisana na Babilona. 61 Yeremiya a tlhela a byela Seraya, a ku: “Loko u fika eBabilona, u fanele u ma hlayela ehenhla marito lawa hinkwawo. 62 Kutani u ku, ‘Yehovha Xikwembu xanga, u vule leswaku ndhawu leyi yi ta lovisiwa yi nga ha vi na muaki, munhu kumbe xifuwo nileswaku yi ta va rhumbi hilaha ku nga heriki.’+ 63 Loko u heta ku hlaya buku leyi, tsimbelela ribye u yi hoxa exikarhi ka Yufrata. 64 Kutani u ku, ‘Leyi i ndlela leyi Babilona a nga ta mbombomela ha yona, a nga ha pfuki+ hikwalaho ka khombo leri ndzi n’wi tiselaka rona; kutani va ta karhala.’”+

Marito ya Yeremiya ma hela kwala.

52 Sedekiyasi+ a a ri ni malembe ya 21 loko a va hosi naswona u fume malembe ya 11 eYerusalema. Vito ra mana wakwe a ku ri Hamutala+ n’wana wa Yeremiya wa le Libna. 2 U ye emahlweni a endla swo biha emahlweni ka Yehovha, hi ku landza hinkwaswo leswi Yoyakimi a swi endleke.+ 3 Swilo leswi swi endleke eYerusalema ni le Yuda hikwalaho ka ku hlundzuka ka Yehovha, kukondza a va susa emahlweni ka yena.+ Hiloko Sedekiyasi a xandzukela hosi ya Babilona.+ 4 Hi lembe ra vukaye ra ku fuma ka Sedekiyasi, hi siku ra vukhume ra n’hweti ya vukhume, Hosi Nebukadnetsara* wa le Babilona u te ni masocha yakwe hinkwawo a ta hlasela Yerusalema. Va fike va dzima mixaxa kutani va sungula ku aka khumbi ri rhendzela muti hinkwawo.+ 5 Muti wu rhendzeriwe ku fikela hi lembe ra vu-11 ra ku fuma ka Hosi Sedekiyasi.

6 Hi n’hweti ya vumune hi siku ra vukaye,+ ndlala yi ve yikulu swinene emutini lerova vanhu a va nga ha ri na swakudya etikweni.+ 7 Eku heteleleni ku boxiwa khumbi ra muti, kutani masocha hinkwawo ma baleka emutini nivusiku ma huma hi gede leyi nga exikarhi ka makhumbi mambirhi ekusuhi ni ntanga wa hosi, hi nkarhi lowu Vakalidiya a va ha rhendzele muti; kutani ma famba hi ndlela leyi yaka eAraba.+ 8 Kambe masocha ya Vakalidiya ma hlongorisa Sedekiyasi,+ ma ya n’wi kuma emananga ya le Yeriko, kutani masocha yakwe ma baleka ma n’wi siya. 9 Hiloko ma khoma hosi ma yi yisa eka hosi ya le Babilona eRibla etikweni ra Hamati, kutani hosi yi yi gweva. 10 Hiloko hosi ya le Babilona yi dlaya vana va Sedekiyasi a ri karhi a swi vona, yi dlaya ni tihosana hinkwato ta Yuda eRibla. 11 Hosi ya le Babilona yi dlaya Sedekiyasi matihlo,+ endzhaku ka sweswo yi n’wi boha hi tinketana ta koporo, yi n’wi yisa eBabilona kutani yi n’wi pfalela ekhotsweni kukondza a fa.

12 Hi siku ra vukhume ra n’hweti ya vuntlhanu, ku nga lembe ra vu-19 ra ku fuma ka Hosi Nebukadnetsara* wa le Babilona, Nebuzaradani ndhuna ya varindzi, loyi a a ri nandza wa hosi ya le Babilona a ya eYerusalema.+ 13 A fika a hisa yindlu ya Yehovha,+ yindlu ya hosi ni tiyindlu hinkwato leti a ti ri eYerusalema; u tlhele a hisa yindlu yin’wana ni yin’wana leyikulu. 14 Masocha hinkwawo ya Vakalidiya lawa a ma ri ni ndhuna ya varindzi ma hirimuxe makhumbi lawa a ma rhendzele muti wa Yerusalema.+

15 Nebuzaradani ndhuna ya varindzi a teka swisiwana swin’wana ni vanhu hinkwavo lava a va sele emutini a va yisa evuhlongeni. A tlhela a teka ni vanhu hinkwavo lava tinyiketeke eka hosi ya Babilona swin’we ni vanhu hinkwavo lava tivaka ntirho wa mavoko.+ 16 Kambe Nebuzaradani ndhuna ya varindzi a siya swisiwana swin’wana etikweni leswaku swi ta rima masimu ya madiriva ni ku va mahlonga.+

17 Hiloko Vakalidiya va fayetela tiphuphu ta koporo+ ta yindlu ya Yehovha, swigolonyana+ swa koporo ni thangi* ra koporo+ leswi a swi ri endlwini ya Yehovha, kutani va rhwala koporo ya swona hinkwayo va yi yisa eBabilona.+ 18 Va tlhela va teka swo olela nkuma, mafoxolo, swo tima timboni, mikambana,+ swinwelo+ ni swibya hinkwaswo swa koporo leswi a swi tirhisiwa etempeleni. 19 Ndhuna ya varindzi yi teka swo hlambela,+ swo khoma ndzilo, mikambana, swo olela nkuma, swo tlhoma timboni,+ swinwelo ni mikambana leswi a swi endliwe hi nsuku ni silivhere ya xiyimo xa le henhla.+ 20 Loko ku ri tiphuphu timbirhi, thangi ra mati,* tinkuzi ta koporo ta 12+ leti thangi* a ri vekiwe ehenhla ka tona ni swigolonyana leswi Hosi Solomoni a a swi endlele yindlu ya Yehovha, koporo ya swona hinkwaswo a yi tele lerova a yi nga pimeki.

21 Phuphu yin’wana ni yin’wana a yi lehe timitara ta nhungu,* yi anama timitara ta ntlhanu;*+ a yi bumbule kwalomu ka nkombo wa tisentimitara* naswona a ti nga ri na nchumu endzeni. 22 Xidlodlo lexi a xi ri ehenhla ka phuphu na xona a xi endliwe hi koporo; naswona a xi lehe 2,2 wa timitara;*+ tinketana ni magrenada leswi a swi khavise xidlodlo na swona a swi endliwe hi koporo. Phuphu ya vumbirhi na yona a yi fana ni leyo sungula a yi ri ni magrenada. 23 A ku ri ni magrenada ya 96 ematlhelweni; magrenada hinkwawo a ma ri 100 naswona a ma rhendzele nete.+

24 Ndhuna ya varindzi yi tlhela yi teka Seraya+ muprista lonkulu, Sofaniya+ muprista wa vumbirhi ku katsa ni varindzi vanharhu va tinyangwa.+ 25 Yi teka ni mutirhi un’we wa le hubyeni loyi a a ri murhangeri wa masocha, vavanuna va nkombo lava a va ri vanghana va hosi lava kumiweke emutini swin’we ni matsalana wa ndhuna ya masocha loyi a hlengeletaka vanhu va tiko ni vavanuna va 60 lava kumiweke emutini. 26 Nebuzaradani ndhuna ya varindzi a va teka a va yisa eka hosi ya Babilona eRibla. 27 Hosi ya le Babilona yi va dlaya eRibla+ etikweni ra Hamati. Kavaloko Vayuda va ya evuhlongeni.+

28 Lava i vanhu lava Nebukadnetsara* a va yiseke evuhlongeni: hi lembe ra vunkombo ra ku fuma ka yena, Vayuda va 3 023.+

29 Hi lembe ra vu-18 ra ku fuma ka Nebukadnetsara,*+ ku tekiwe vanhu va 832 eYerusalema.

30 Hi lembe ra vu-23 ra ku fuma ka Nebukadnetsara,* Nebuzaradani ndhuna ya varindzi a yisa Vayuda va 745 evuhlongeni.+

Vanhu hinkwavo lava yisiweke evuhlongeni a va ri 4 600.

31 Hi lembe ra vu-37 Hosi Yoyakini+ wa le Yuda a ri evuhlongeni, hi n’hweti ya vu-12 hi siku ra vu-25 ra n’hweti, lembe leri Hosi Evhili-merodaka wa Babilona a vekiweke ku va hosi ha rona u humese* Hosi Yoyakini wa le Yuda ekhotsweni.+ 32 U n’wi kombe tintswalo kutani a n’wi tlakusa eka tihosi letin’wana leti a ti ri na yena eBabilona. 33 Kutani Yoyakini a hluvula swiambalo swakwe swa le khotsweni naswona a a hamba a dya etafuleni ra hosi kukondza a fa. 34 A a kuma swakudya leswi humaka eka hosi ya le Babilona siku ni siku, vutomi bya yena hinkwabyo kukondza a fa.