Minhlangano Ya Ntirho Ya March

Vhiki Leri Sungulaka Hi March 2

Risimu 139

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa ndlela leyi swihloko swo karhi leswi nga eka timagazini ta sweswinyana swi nga tirhisiwaka ha yona entirhweni wa timagazini hi Mugqivela.

20 min: “Nhlavutelo—Ku Paluxiwa Ka Swihundla.” Ku hlanganisiwa ka xihloko hi swivutiso ni tinhlamulo. Kandziyisa rungula leri tirhaka endhawini ya ka n’wina loko mi fambisa buku leyi nge Ku Chaputa Ka Nhlavutelo. Katsa minkombiso yo koma, yi kombisa leswaku ku kaneta loku tolovelekeke ku nga hlurisiwa ku yini. Loko n’wini wa muti a ku: “Hi ni vukhongeri bya hina,” n’wi vutise hi vutlhari u ku: “Xana mi vile ni mabulo yo karhi ekerekeni ku nga ri khale hi buku ya Bibele ya Nhlavutelo?” Yisa bulo eku hlayiweni ka Nhlavutelo 1:3. Xivutiso xin’wana lexi nga ha vutisiwaka hi lexi: “Hi rihi langutelo ra kereke ya wena hi buku ya Nhlavutelo?”

15 min: “Marungula Lama Hlamuriwaka.” Bulo hi nkulu la nga ni ntokoto ni maphayona mambirhi kumbe manharhu kumbe vahuweleri. Kambisisa ku tshinelela ko hambana-hambana loku nga tirhaka ensin’wini ya ka n’wina.

Risimu 15 ni xikhongelo xo pfala.

Vhiki Leri Sungulaka Hi March 9

Risimu 101

10 min: Switiviso swa bandlha. Khutaza lava kunguhataka ku phayona nkarhinyana hi April leswaku va kuma fomo ya xikombelo kutani va yi tata hi ku hatlisa.

15 min: “Landzela Ku Tsakela Handle Ko Hlwela.” Bulo ra swivutiso ni tinhlamulo.

20 min: “I Yini Lexi Ndzi Nga Xi Vulaka Leswaku Ndzi Pfuxa Ku Tsakela Loku Engetelekeke?” Nyikela minkombiso yimbirhi kumbe yinharhu leyi lunghiseleriweke kahle. Endzhaku ka wun’wana ni wun’wana, vutisa vayingiseri leswaku hikwalaho ka yini va anakanya leswaku rungula rero ri nga humelela eku kuriseni ka ku tsakela ka n’wini wa muti.

Risimu 19 ni xikhongelo xo pfala.

Vhiki Leri Sungulaka Hi March 16

Risimu 197

10 min: Switiviso swa bandlha. Xiviko xa timali. Katsa ni ku tlangela ka Sosayiti ka minyikelo. Bumabumela vamakwerhu hikwalaho ko landzela nsinya wa nawu lowu nga eka Deuteronoma 16:17.

15 min: “Twarisa Mintirho Ya Yehova.” Bulo ra swivutiso ni tinhlamulo. Khutaza hinkwavo leswaku va hlanganyela eku endleni ka leswaku April yi va n’hweti yo hlawuleka ya ntirho.

20 min: Nkulu u fambisa bulo ni vahuweleri vanharhu kumbe mune lava nga ta phayona nkarhinyana hi April kumbe lava phayoneke enkarhini lowu hundzeke. Vutisa leswaku i yini lexi xi va susumeteleke ku phayona, i makungu wahi lawa va ma endleleke n’hweti ya April, ni mintokoto yihi na yihi leyi va nga ha vaka va ve na yona enkarhini lowu hundzeke loko va phayona nkarhinyana. Tivisa mavito ya lava sweswi se va amukeriweke tanihi maphayona ya nkarhinyana ya April.

Risimu 123 ni xikhongelo xo pfala.

Vhiki Leri Sungulaka Hi March 23

Risimu 193

15 min: Switiviso swa bandlha. Marungula Ya Swa Mfumo. Xikhutazo xo anakanyisisa hi ntirho wa vuphayona bya nkarhinyana hi April. Boxa malunghiselelo yo rhamba vanhu va ta eka nkulumo yo hlawuleka hi April 5 ni ku lunghekela ntirho lowu engetelekeke hi April.

15 min: Mulanguteri wa ntirho u bula hi mintirho yo hlawuleka ya April leyi lunghiseleriweke bandlha. Languta papila leri tsariweke February 25, 1992, leri yaka eka vakulu hinkwavo. Xana vahuweleri va hetile ku endla makungu ya vona ya ku phayona nkarhinyana hi April? Nkulumo yo hlawuleka yi ta va hi April 5 kasi Xitsundzuxo xi ta va hi April 17. Hi lava ku fambisa timagazini to tala hi laha swi kotekaka ha kona hi April, ngopfu-ngopfu hi suku ro hlawuleka ra timagazini hi April 11. Hi wahi malunghiselelo lama endliweke ebandlheni ra ka n’wina? Khutaza hinkwavo leswaku va sekela malunghiselelo lawa naswona va hlanganyela entirhweni wa timagazini eka mahelo-vhiki man’wana ni man’wana hi April. Vafambisi va dyondzo ya buku ya bandlha va fanele va khutaza ni ku pfuna muhuweleri un’wana ni un’wana entlaweni wa vona leswaku a hlanganyela hi xitalo entirhweni ni ku vika hi xihatla eku heleni ka April.

15 min: Nkulu u bula hi Bokisi Ra Swivutiso leri humaka eka Vutirheli Bya Hina Bya Mfumo bya August 1990. Tanihi leswi mhaka yoleyo yi humesiweke ni ku hlamuseriwa, ku xiyiwe leswaku vanhu vo tala ni sweswi a va ambali hi laha ku faneleke loko va endzela hofisi ya rhavi. Leswi nga laha henhla swa tirha ni loko ku endzeriwa Tihofisi to Hundzuluxela eWindhoek le Namibia, tanihi leswi ti tekiwaka ti ri xiphemu xa rhavi ra Afrika Dzonga. Hlela nkombiso laha muhuweleri a hlamuselaka rungula leri eka xichudeni xa Bibele, emahlweni ka riendzo ra vona leri hleriweke ro ya eBethele. (2-3 min.)

Risimu 213 ni xikhongelo xo pfala.

Vhiki Leri Sungulaka Hi March 30

Risimu 209

8 min: Switiviso swa bandlha. Tsundzuxa hinkwavo hi ta tsima ra xikhokhelo xa Xihondzo xo Rindza hi April na May. Loko xikhokhelo xi nga kumiwi, timagazini timbirhi kun’we ni kopi ya broxara yin’wana ni yin’wana (handle ka broxara leyi nge School) swi nga fambisiwa.

12 min: “Hambetani Mi Endla Leswi Hi Ku Ndzi Tsundzuka.” Nkulumo hi mulanguteri la ungamelaka, ni ku hlanganyela ka vayingiseri. Katsa ni mhaka leyi nga ebokisini.

15 min: Swilaveko swa bandlha kumbe nkulumo leyi hisaka leyi sekeriweke eka rungula leri nga eka xihloko xa Xihondzo xo Rindza xa September 15, 1991, lexi nge “Swikombiso—Xilotlelo Xo Fikelela Timbilu.” Ringanyeta swikombiso leswi nga fanelaka ensin’wini ya ka n’wina hi marungula ya sweswinyana.

10 min: Mintokoto ya ku tirhisa buku leyi nge Ku Chaputa Ka Nhlavutelo hi March. Rhamba vayingiseri leswaku va vula mintokoto leyinene leyi hlawuriweke, loko nkarhi wu pfumela.

Risimu 72 ni xikhongelo xo pfala.