Minhlangano Ya Ntirho Ya May

Vhiki Leri Sungulaka Hi May 4

Risimu 72

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Khutaza vahuweleri leswaku va huma nsimu mahelo-vhiki lawa. Muhuweleri un’wana ni un’wana u fanele ku swi endla pakani leswaku a hlanganyela nkarhi na nkarhi evutirhelini vhiki na vhiki ni ku yisa xiviko hi ku hatlisa eku heleni ka n’hweti.

20 min: “Ku Nyikela Xikhokhelo Xa Xihondzo xo Rindza Hi May.” Ku hlanganisiwa ka xihloko hi swivutiso ni tinhlamulo. Katsa bulo ra xikongomelo xa Xihondzo xo Rindza hi laha xi vekiweke ha kona ehenhla ka tluka 2 ra nkandziyiso wun’wana ni wun’wana. Marungula lama engetelekeke ma nga ringanyetiwa, ma sekeriwa eka timagazini leti nga ta tirhisiwa entirhweni wa nsimu vhiki leri. Ku fambisiwa ka timagazini ku vohlile, kutani muhuweleri un’wana ni un’wana u khutaziwa leswaku a anakanyisisa hi ku fambisa timagazini nkarhi wun’wana ni wun’wana, hambi loko nyiko ya xikhokhelo yi ariwa.

15 min: “Marito Yo Sungula Ha Wona Ma Nga Va Ya Nkoka.” Bula hi xihloko ni vayingiseri. Xana va swi ringetile swingheniso swin’wana leswi ringanyetiwaka eminkandziyisweni ya sweswinyana ya Vutirheli Bya Hina Bya Mfumo, leswi swo tala swa swona swi tekiweke ebukwini leyi nge Reasoning? Hi swihi swingheniso leswi va swi kumeke swi humelela swinene ensin’wini ya ka n’wina? Vahuweleri va swi lunghiselela ni ku titoloveta hi nkarhi muni swingheniso swa vona swa ntirho wa nsimu? Vana ni minkombiso yimbirhi kumbe yinharhu yo koma ya swingheniso leswi humeleleke endhawini ya ka n’wina.

Risimu 32 ni xikhongelo xo pfala.

Vhiki Leri Sungulaka Hi May 11

Risimu 9

5 min: Switiviso swa bandlha.

20 min: “Endla Maendzo Yo Vuyela Lama Humelelaka.” Bula ni vayingiseri hi tinhla-nkulu leti nga exihlokweni, kumbexana u katsa ntokoto wo koma wa sweswinyana laha riendzo ro vuyela ri pfuxeke ku tsakela loku engetelekeke. Tirhisa timinete to hetelela ta tsevu ku ya ka nhungu, u kombisa ndlela leyi mufambisi wa Dyondzo ya Buku ya Bandlha a pfunaka vahuweleri vambirhi kumbe vanharhu ha yona leswaku va lunghiselela ku vuyela eka vanhu lava tsakelaka lava ha ku kumiwaka ensin’wini ya ka n’wina. Loko swi koteka, tirhisa maendzo yo vuyela ya xiviri lawa vahuweleri va nga ta ma endla endzhaku ka nkarhi.

20 min: Bulo ra “Ancestor Worship” leri humaka ebukwini leyi nge Reasoning, matluka 29-32. Hambi loko vo tala va vula leswaku vakokwana a va gandzeriwi hi vanhu vo tala eVupela-dyambu, vanhu va namuntlha va endla swilo swo tala swa ku xixima vafi. Vanhu van’wana va ha xiximiwa ni ku gandzeriwa onge va hanya. Swifaniso, ntivo-vuxongi ni marungula ya vutomi bya munhu swi tsundzuxa hi ta munhu la xiyekaka. Kombisa tatana a ri karhi a vulavula ni n’wana wa kondlo-a-ndzi-dyi. Mutswari u tirhisa rungula leri humaka ebukwini leyi nge Reasoning, tluka 30. Kandziyisa mhaka ku sukela eka swihlokwana swimbirhi swo sungula ku komba n’wana khombo ra ku hlalela tifilimi to chavisa leti hlohlotelaka vungoma kumbe mianakanyo ya leswaku vafi va vuya va ta endzela lava hanyaka. Hlamusela xiyimo xa vafi ni ntshembo wa ku pfuxiwa, ivi u komba leswaku leswi swi fanele swi ma khumbisa ku yini mavonele ya hina hi vafi. N’wana u phofula leswaku u lava ku papalata vutihungasi lebyi hlohlotelaka vungoma.

Risimu 65 ni xikhongelo xo pfala.

Vhiki Leri Sungulaka Hi May 18

Risimu 202

10 min: Switiviso swa bandlha, ku katsa ni xiviko xa timali ni ku tlangela minyikelo. Bumabumela bandlha hi nseketelo wa timali wa bandlha ra ka n’wina kun’we ni ntirho wa misava hinkwayo wa Sosayiti. Bandlha ri fanele ri endla malunghiselelo lama heleleke yo hlanganyela entirhweni wa timagazini emasikwini yo wisa ya May. Un’wana ni un’wana u khutaziwa ku seketela malunghiselelo lawa, hambi ku ri hafu ya siku ntsena.

20 min: “Khutaza Ku Landzelela Tipakani Ta Moya.” Bulo ra vayingiseri leri faneleke ku tameriwa hi nkulu. Endzhaku ko hlanganisa ndzimana 6, vulavurisana ni muhuweleri la nga xikombiso loyi tanihi muntshwa a amukeleke xikhutazo xa ku fanelekela tipakani ta moya. U khutaziwe njhani? Loko mi hlanganisa ndzimana 7, boxa mimpfuno leyi tirhaka leyi nga ta khutaza vatswari ni vantshwa ku pfuxeta tindzima 22, 38 na 39 ta buku leyi nge Vantshwa.

15 min: Lunghiselelani Tsima Ra Nsimu Leyi Nga Aviwangiki Ra 1992. Mulanguteri wa ntirho u hlamusela papila ra Sosayiti ra April 1, 1992, leri vulavulaka hi tsima ra nsimu leyi nga aviwangiki ra 1992. Mintokoto leyi humaka eka Xihondzo xo Rindza xa February 1, 1992, tluka 24 na April 1, 1992, tluka 15, yi nga ha tirhisiwa.

Risimu 213 ni xikhongelo xo pfala.

Vhiki Leri Sungulaka Hi May 25

Risimu 220

10 min: Switiviso swa bandlha ni Marungula Ya Swa Mfumo. Mintokoto leyi humaka eka tsima ra swikhokhelo (yi fanele ku hleriwa ka ha ri emahlweni hi ku pfuniwa hi makwerhu la tamelaka swikhokhelo ebandlheni).

15 min: Tilangutele Eka Vugwinehi. Bulo exikarhi ka nkulu ni muhuweleri va tshame etafuleni. Muhuweleri u hlamusela leswaku u hlangane ni un’wana ensin’wini loyi a a hlaya tibuku ta vugwinehi. Muhuweleri u byela nkulu leswaku u vona onge swivutiso leswi tlakusiweke hi n’wini wa muti a swi ri leswinene. Muhuweleri u yi arile nyiko ya n’wini wa muti ya buku ya vugwinehi kambe u ta lava ku ringeta ku hlamula swivutiso swa n’wini wa muti. Nkulu u bumabumela muhuweleri hi langutelo ni swiendlo swakwe leswinene. Ematshan’wini yo bula hi leswi vagwinehi va swi tsaleke kumbe leswi va swi vuleke, i swinene ku languta mavonele ya Matsalwa ya mhaka ya kona hi laha ya andlariweke ha kona ebukwini leyi nge Reasoning. Nkulu u kombela muhuweleri leswaku a pfula buku yakwe leyi nge Reasoning, kutani va kambisisa swin’we matluka 34-7. Bulo ri fanele ri kufumela ni ku khutaza loko va kambisisa nhlamuselo ya vugwinehi, xihlokwana xin’wana ni xin’wana, ni tindzimana-nkulu leti hlawuriweke loko nkarhi wu pfumela. Heta bulo hi tinhlamuselo letinene emhakeni hinkwayo leyi akaka ni leyi khutazaka, leyi hi nga na yona leswaku hi yi dyondza. Avelana ni n’wini wa muti rungula leri akaka. Loko swivutiso swa yena swi ri leswinene u ta vona ku hambana exikarhi ka ku tshinelela ntiyiso hi ndlela leyinene ni ku tshinelela loku hoxeke, loku xopaxopaka ka vagwinehi. Loko hi papalata mianakanyo ni mhaka ya vugwinehi, hi kombisa vutshembeki bya hina eka Yehova ni le ka nhlengeletano yakwe leyi vonakaka.

20 min: “Swakudya Swa Moya Swa Siku Na Siku—I Swa Nkoka eNdyangwini Wa Vukriste.” Bulo ra mhaka leyi hi swivutiso ni tinhlamulo.

Risimu 108 ni xikhongelo xo pfala.