Minhlangano Ya Ntirho Ya August

Vhiki Leri Sungulaka Hi August 3

Risimu 162

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Bula hi tinhla to vulavurisana leti humaka eka timagazini ta sweswinyana. Khutaza hinkwavo ku hlanganyela entirhweni wa nsimu mahelo-vhiki lawa, ku katsa ni ku hangalasa timagazini. August i n’hweti yo hetelela ya lembe ra ntirho. Khutaza vahuweleri hinkwavo ku hlanganyela evutirhelini vhiki rin’wana ni rin’wana naswona va hatla va vika ntirho wa vona eku heleni ka August. Xana hinkwerhu hi nga tirhela ku va ni nhlohlorhi leyintshwa ya vahuweleri hi August?

15 min: “Swingheniso Swo Pfuxa Ku Tsakela.” Ku kambisisa hi swivutiso ni tinhlamulo. Kombisa tinhla leti xaxametiweke eka ndzimana 5.

20 min: “Goza Lerinene Ro Endla Nhluvuko Lowu Engetelekeke.” Ndlandlamuxa tindzimana timbirhi to rhanga ta xiengetelo tanihi nkulumo. Hlanganisa xiphemu lexi saleke hi swivutiso ni tinhlamulo. Kandziyisa tinhla to ti tirhisa kwalaho. Gimeta hi nkatsakanyo wo koma.

Risimu 155 ni xikhongelo xo pfala.

Vhiki Leri Sungulaka Hi August 10

Risimu 133

10 min: Switiviso swa vandlha, ku katsa ni xiviko xa timali ni ku nkhensa minyikelo. Bumabumela vandlha hi nseketelo wa timali wa vandlha, kun’we ni ntirho wa Sosayiti wa misava hinkwayo.

20 min: Ku Kurisa Ku Tsakela Eka Maendzo Yo Vuyela. Bulo hi mulanguteri wa ntirho. Vo tala swa va tsakisa ku vulavula ni vanhu ivi va va siyela tibuku. (om matl. 87-8) Vutihlamuleri bya hina byi katsa ku hlakulela ku tsakela etimbilwini ta lava hi vulavulaka na vona. Nyikela nkombiso wo koma wa ndlela leyi xiphephana xi nga tirhisiwaka ha yona ku kurisa ku tsakela eka riendzo ro vuyela laha ku nga fambisiwangiki buku eku sunguleni. Kandziyisa yinhla yin’we kumbe timbirhi. Nyikela nkombiso wo koma lowu kombaka ndlela leyi rungula leri kumekaka eka xikombo xa buku leyi nge Reasoning ri nga tirhisisiwa ha yona. Kandziyisa tinhla to koma ni leti kongomeke ta le bukwini leti nga tirhisiwaka ku kurisa ku tsakela Bibele. Komba ndlela yo hlela maendzo man’wana.

15 min: “Babilona Lonkulu.” Bulo ra le bukwini leyi nge Reasoning, matluka 49-53. Nkombiso: Muhuweleri u bula ni xichudeni xa Bibele hi nhluvuko wa xona. A kandziyisa xilaveko xo langutiwa hi Yehovha tanihi la kwetsimaka, a va la faneriwaka hi ku pfuniwa ni ku katekisiwa hi Yena. (1 Pet. 1:15, 16) Kandziyisa nkoka wa ku baleka eBabilona sweswi, a hlanganyela ni nhlengeletano ya Yehovha leyo kwetsima. Mutshama-xitulu u gimeta hi ku khutaza vamakwerhu ku tirhisa tibuku leswaku va tisa swichudeni enhlengeletanweni ni ku wu tirhisa kahle mpfuno lowu vakulu va wu nyikaka.

Risimu 129 ni xikhongelo xo pfala.

Vhiki Leri Sungulaka Hi August 17

Risimu 113

15 min: Switiviso swa vandlha. Marungula Ya Swa Mfumo. Bulo ra xihloko lexi nge “Ku Hanya Hi Mianakanyo Leyinene Ni Ku Lulama.” Khutaza vamakwerhu ku endla malunghiselelo ka ha ri sweswi leswaku va va kona eka nongonoko wa siku ra nhlengeletano leyi hlawulekeke eka lembe ra ntirho ra 1993. Tivisa siku ni ndhawu loko mi yi tiva. Nakambe, khutaza ku hlanganyela eka ntirho wa nsimu wa mahelo-vhiki.

20 min: “Ntlhontlho Wa Ku Endla Maendzo Yo Vuyela.” Swivutiso ni tinhlamulo. Vana ni minkombiso mimbirhi endzhaku ko hlanganisa tindzimana 5 na 6. (1) Kombisa ndlela leyi xiphephana xi nga tirhisiwaka ha yona ku sungula dyondzo ya Bibele. (2) Hlawula nhloko-mhaka ebukwini leyi nge Reasoning kutani u komba ndlela leyi yi nga tirhisiwaka ha yona ku hlamula xivutiso eka riendzo ro vuyela. Kandziyisa nkoka wa nongonoko wo titoloveta. Khutaza ku landzelela ku tsakela hinkwako.

10 min: Bulo ra xihloko lexi nge “Wa Tsundzuka Xana?” eka Xihondzo xo Rindza xa April 15, 1992. Khutaza hinkwavo ku va ni xiyimiso lexinene xa ku hlaya timagazini. Nyika swiringanyeto leswi tirhaka.

Risimu 130 ni xikhongelo xo pfala.

Vhiki Leri Sungulaka Hi August 24

Risimu 72

5 min: Switiviso swa vandlha.

15 min: “Ku Tirha Hi Yindlu Na Yindlu Hi Laha Ku Humelelaka.” Bulo ra swivutiso ni tinhlamulo. Khutaza ku phayona nkarhinyana hi September. Boxa leswaku lava va phayonaka nkarhinyana hakanyingi va va ni ntirho wa le henhla eka tin’hweti leti landzelaka.

15 min: Hlamusela mhaka leyi nge “Antichrist” ebukwini leyi nge Reasoning, matluka 32-3. Hi yihi nhlamuselo ya “antichrist”? Xana ku na un’we kumbe va tele? Nala wa Kreste u humelele rini, naswona i vamani lava nga vitaniwaka hi ndlela yoleyo? Nkombiso wo koma wa muhuweleri a endzela mungheni wa kereke loyi a tsundzuxiweke ku tivonela ehenhleni ka Timbhoni ta Yehovha.

10 min: “Ku Tirhisa Buku Leyi Nge Nghwazi Eka Maendzo Yo Vuyela.” Hlamusela tinhla leti nga eka tindzimana timbirhi to sungula hi ku komisa. Kutani u kombisa riendzo ro vuyela hi ku tirhisa ku tshinelela loku kongomeke ku sungula dyondzo ya Bibele.

Risimu 126 ni xikhongelo xo pfala.

Vhiki Leri Sungulaka Hi August 31

Risimu 30

5 min: Switiviso swa vandlha.

15 min: Xana Wa Wu Endla Nhluvuko Wa Moya? Bulo hi nkulu. Xana lava nga evandlheni va ti fikelerile tipakani to karhi eka lembe ra ntirho leri hundzeke? Loko swi nga ri tano, ha yini? Ringanyeta tipakani leti kotekaka. Ku endla nhluvuko ka laveka leswaku hi hlayisa vumoya. (Flp. 3:16) Nkombiso wo koma wa ndyangu, eka dyondzo ya ndyangu, va kambisisa vutirheli bya vona ku vona loko va ta endla nhluvuko wa moya.

10 min: Nkulu la fanelekaka u ta endla xiviko xa ntirho lowu endliweke ensin’wini leyi nga aviwangiki. Vulavurisana ni vahuweleri van’wana, va hlamusela mintokoto yo karhi leyi va veke na yona eka n’hweti yo rhanga ya tsima leri. Tivisa vandlha hi malunghiselelo ya September ivi u khutaza hinkwavo leswaku va hlanganyela hambi ku ri kan’we hi n’hweti. Vakulu va khutaziwa ku hlela nkulumo ya le rivaleni eka nsimu leyi nga aviwangiki laha swi kotekaka kona. Ringetani ku famba ni xivulavuri xa le rivaleni lexi kotaka ku vulavula ririmi leri twiwaka hi vayingiseri. Swilaveko swa vandlha swi nga ha kambiwa loko vandlha ri nga tirhi nsimu leyi nga aviwangiki.

15 min: Fambisani buku leyi nge Hanya Hi Masiku hi September. Nkulumo ni nkombiso. Bula hi tinhla to vulavurisana ni swifaniso leswi swi nga kombisiwaka loko ku fambisiwa buku leyi nge Hanya Hi Masiku. Tinhla leti nga ebukwini leyi nge Reasoning ehansi ka xihloko lexi nge “Wickedness” ti nga ha tirhisiwa laha ti tirhaka kona. Kumbexana mhaka leyi nga eka tindzima 11 na 19 “Why Has God Permitted Wickedness?” na “After Armageddon, a Paradise Earth” yi nga ha tsakisa n’wini wa muti. Vana ni muhuweleri la fanelekaka a kombisa nyiko, a tirhisa Swivuriso 2:21, 22 ni swifaniso leswi nga eka matluka 156-8, 161 na 162, a kandziyisa leswaku kungu ro sungula ra Xikwembu ra ku vumba misava ri ta hetiseka ku nga ri khale.

Risimu 109 ni xikhongelo xo pfala.