Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 9/92 tl. 4
  • Tiyiseka Leswaku Wa Vuyela

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Tiyiseka Leswaku Wa Vuyela
  • Vutirheli Bya Hina Bya Mfumo—1992
  • Tinhlokomhaka Tin'wana Leti Yelana Na Yona
  • Xana Dyondzo Ya Ku Tiendlekela Ka Swilo Yi Fambisana Ni Bibele?
    Xihondzo xo Rindza Xi Huwelela Mfumo Wa Yehovha—2008
  • Dzunisa Xikwembu Xa Ntumbuluko
    Vutirheli Bya Hina Bya Mfumo—1992
  • Ku Aka Ripfumelo Eka Mutumbuluxi Wa Vanhu
    Vutirheli Bya Hina Bya Mfumo—1994
  • Ku Pfuna Van’wana Leswaku Va Dzunisa Muvumbi Wa Hina
    Vutirheli Bya Hina Bya Mfumo—1994
Vona Swo Tala
Vutirheli Bya Hina Bya Mfumo—1992
km 9/92 tl. 4

Tiyiseka Leswaku Wa Vuyela

1 “Ndzi kulele eKhatoliki, ndzi nghena kereke ya Methodist loko ndza ha ri ekholichi, ndzi tolovelana ni mufana wa Muyuda, ivi ndzi tekana ni Mulutere. A ndzi nga tsakisiwi hi vukhongeri byihi na byihi lebyi, lebyi hambeteke byi ‘cinca minkarhi hinkwayo.’ Ndzi sungule ku hlaya buku leyi nge U Nga Hanya Hi Masiku aParadeyisini eMisaveni, a ndzi kanakana eku sunguleni ni ku hlamala swifaniso swa yona swo xonga. Ndzi tinyiketele ku yi hlaya naswona ndzi hlaye hafu yo hetelela hi tiawara ta mune hi ku chivirika. [Ndzi khensa Xikwembu] hikwalaho ka vutivi bya mina lebyintshwa ni ku rhula ka le ndzeni.” U tsarise xisweswo wansati lontshwa wa le U.S.A., hi laha Xihondzo xo Rindza xa February 1, 1988, tluka 32, xi swi vikeke ha kona.

2 Hikwalaho ka xiengetelo xo tano xa buku leyi, xana hinkwerhu a hi fanelanga hi lava ku nyika nseketelo wa mbilu hinkwayo leswaku hi nyika vanhu vo tala hi laha swi kotekaka ha kona buku leyi nge Hanya Hi Masiku? Kutani hi fanele hi tiyiseka leswaku hi endla maendzo yo vuyela leswaku hi pfuxa ku tsakela loku engetelekeke eka buku leyi yo hlawuleka.

3 Tanihi leswi buku leyi nge Hanya Hi Masiku yi kunguhateriweke ku fambisa tidyondzo ta Bibele ha yona, hi nga vulavulela buku leyi hi ku hiseka, hi tiya ni nhlana. U nga hlweli ku vuyela eka vanhu lava tsakelaka. Hambi leswi va tekeke buku leyi, mintshikilelo ya vutomi bya siku na siku ni ku vilela loku nga kona swi nga dlaya ku tsakela hi ku hatlisa, hi laha swi kombisiweke ha kona eka xikombiso xa Yesu xa mubyari. (Mt. 13:18-23) Swi nga ha teka maendzo yo vuyela yo talanyana leswaku hi sungula dyondzo.

4 Ku Tirhisa Buku Leyi Nge Hanya Hi Masiku Leswaku U Sungula Dyondzo Ya Bibele: U nga ha ringeta ku tshinelela loku loko u vuyela eka vanhu lava tsakelaka: “Buku leyi yi hlamula swivutiso swo tala swa xisekelo leswi vanhu va talaka ku swi vutisa malunghana ni Xikwembu ni Bibele. Hi xikombiso, vukhongeri byo tala byi dyondzisa leswaku tihele i ndhawu ya ku xanisiwa ka vanhu vo biha hi ndzilo, hi laha ku nga heriki. I yini lexi wena u xi pfumelaka emhakeni leyi? [Yimela nhlamulo.] Xana u nga swi tsakela ku tiva nhlamulo ya ntiyiso leyi humaka eBibeleni ya xivutiso xexo?” N’wi kombele leswaku a pfula eka tluka 81 eka kopi yakwe ya buku leyi nge Hanya Hi Masiku ivi u hlaya nhloko-mhaka leyi nga eka ndzima 9. Rhamba n’wini wa muti leswaku a languta tindzimana ti nga ri tingani to sungula swin’we na wena. Mi nga ha siyerisana ku hlaya tindzimana. Hlaya swivutiso leswi gandlisiweke, u pfuna n’wini wa muti ku kuma tinhlamulo eka tindzimana leti ta ha ku hlayiwaka. Endzhaku ko hlanganisa tindzimana ti nga ri tingani to sungula, kombela n’wini wa muti loko a ta swi tsakela leswaku u vuya vhiki leri taka mi ta yisa bulo emahlweni. N’wi kombe leswaku a nga lunghiselela njhani hi ku fungha tinhlamulo ta swivutiso leswi gandlisiweke ni ku pfula matsalwa eBibeleni yakwe.

5 Kumbexana u nga ha ku:

◼ “Loko ndzi ku endzerile eka masikunyana lama hundzeke hi bule hi xitshembiso xa Bibele xa leswaku rifu a ri nge he vi kona. Xana u tshame u anakanya hi ku hanya hi masiku? [Yimela nhlamulo.] Kavula, vo tala a va nge yi twisisi mianakanyo yoleyo, hikwalaho ka ku xaniseka, madzolonga ni ndlala, leswi swi hi karhataka.” Loko u ri karhi u pfula eka matluka 11-13 u nga ha ku: “Kambe, a hi nge, swi nga ha koteka leswaku u hanya eka swiyimo swo tanihi leswi—xana a swi nga ta tsakisa? [Yimela nhlamulo.] Hambi swi ri tano, leswaku hi endla sweswo ku laveka xin’wana eka hina. Xiya leswi ndzimana 19 yi swi vulaka. [Hlaya.] Ndzi lava ku ku komba ndlela leyi buku leyi yi lunghiseleriweke ha yona leswaku yi ku pfuna u endla sweswo.”

6 Buku leyi leyinene yi pfune magidi ya vanhu leswaku ma kuma ndlela ya vutomi. U nga hluleki ku vuyela, u landzelela ku tsakela loku u ku kumeke. Kombela Yehovha a ku pfuna, kutani u endla xiphemu xa wena hi ku tirhisa xipfuneto lexi lexinene xa Bibele hi ndlela leyinene hi ku pfuna un’wana a dyondza hi tshembo wa ku hanya hi masiku aParadeyisini emisaveni.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela