Minhlangano Ya Ntirho Ya March

Vhiki Leri Sungulaka Hi March 2

Risimu 3

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri leswaku va vika ntirho wa vona wa February hi ku hatlisa.

15 min: “Tshamani Mi Ri Karhi Mi Endla Leswi Leswaku Mi Ndzi Tsundzuka.” Nkulumo hi nkulu. Endla nhlamuselo yo koma leyi humaka ebukwini leyi nge Vutirheli Bya Hina, matluka 80-1, u kandziyisa nkoka wa ku va kona eXitsundzuxweni.

22 min: “Nghenisa Ntshembo Wa Vutomi Lebyi Nga Heriki Eka Van’wana.” Burisana ni vayingiseri hi xihloko lexi. Hlamusela hi ku komisa malunghana ni ndlela leyi swivutiso swi nga tirhisiwaka ha yona hilaha ku humelelaka leswaku ku yisiwa bulo emahlweni. Nyika swikombiso swa ndlela leyi swivutiso leswi kongomisaka ni leswi lavaka langutelo ra munhu swi nga ha tirhisiwaka ha yona eka xingheniso. (Vona Buku Yo Letela Ya Xikolo, matluka 51-2, tindzimana 10-12.) Vana ni muhuweleri la nga ni vuswikoti a kombisa xin’wana xa swingheniso swo sungula bulo leswi ringanyetiweke kun’we ni riendzo ro vuyela, a kombisa ndlela leyi dyondzo ya Bibele yi sunguriwaka ha yona.

Risimu 88 ni xikhongelo xo pfala.

Vhiki Leri Sungulaka Hi March 9

Risimu 60

8 min: Switiviso swa vandlha. Xiviko xa timali.

15 min: Bokisi Ra Swivutiso. Swivutiso ni tinhlamulo. Nkulu u hlamusela rungula leri nga ebukwini leyi nge Vutirheli Bya Hina, tluka 131, tindzimana 1 na 2.

22 min: “Xana Hi Nga Tlhela Hi Swi Endla?” (Tindzimana 1-11) Swivutiso ni tinhlamulo. Hlamusela tinhla-nkulu ta tsima ra n’wexemu ra maphayona ya nkarhinyana, hilaha swi vikiweke hakona eka 1998 Yearbook, loko yi ri kona. Boxa nhlayo ya lava phayoneke nkarhinyana kwala vandlheni hi nkarhi wolowo. Hlamusela vuyelo lebyi hi byi kumaka eka ntirho wa vuphayona, ivi u kombisa ndlela leyi matshalatshala lama engetelekeke ma hoxaka xandla ha yona eka nhluvuko wa vandlha. Hlamusela malunghiselelo ya ntirho wa nsimu ya April na May lama kunguhatiweke laha vandlheni leswaku ku pfuniwa vo tala va kota ku phayona. Vahuweleri va nga ha kuma tifomo to endla swikombelo endzhaku ka minhlangano.

Risimu 195 ni xikhongelo xo pfala.

Vhiki Leri Sungulaka Hi March 16

Risimu 43

8 min: Switiviso swa vandlha. Khutaza vanhu hinkwavo lava tsakelaka leswaku va va kona eka nkulumo yo hlawuleka ya le rivaleni hi March 29. Nhloko-mhaka ya nkulumo yi ri “Mhaka Leyi U Nga Tshembaka Bibele Ha Yona.”

15 min: Swilaveko swa vandlha.

22 min: “Xana Hi Nga Tlhela Hi Swi Endla?” (Tindzimana 12-19) Swivutiso ni tinhlamulo. Hlamusela timfanelo leti andlariweke ebukwini leyi nge Vutirheli Bya Hina, matluka 113-14. Hlamusela ndlela leyi ntirho wa vuphayona bya nkarhinyana wu endlaka munhu a lunghekela ntirho wa vuphayona bya nkarhi hinkwawo ha yona. Kombela van’wana lava phayoneke nkarhinyana n’wexemu leswaku va hlamusela ndlela leyi va hleleke xiyimiso xa vona ha yona leswaku va fikelela tiawara ta 60. Hi xihi xiyimiso eka leswi nga eka tluka ro hetelela ra xiengetelo lexi xi va pfuneke swinene? Loko nkarhi wu pfumela, hlamusela mintokoto leyi nga eka 1987 Yearbook, matluka 48-9, 245-6. Khutaza vahuweleri leswaku va tikumela tifomo to endla swikombelo endzhaku ka nhlangano.

Risimu 224 ni xikhongelo xo pfala.

Vhiki Leri Sungulaka Hi March 23

Risimu 94

10 min: Switiviso swa vandlha. Khutaza hinkwavo leswaku va sungula ku rhambela vanhu lava tsakelaka eXitsundzuxweni, hi April 11. Kombisa xiphephana xa xirhambo, ivi u khutaza hinkwavo ku tikumela mphakelo wa swona ni ku sungula ku swi hangalasa vhiki leri. Tivisa mavito ya hinkwavo lava nga ta phayona nkarhinyana hi April. Hlamusela leswaku nkarhi wa ha ri kona wa ku endla xikombelo. Kombisa xiyimiso hinkwaxo xa minhlangano ya ntirho wa nsimu leyi kunguhateriweke April.

20 min: Pfuna Vanhu Lavantshwa Leswaku Va Sungula Ntirho Wa Nsimu. Nkulumo ni bulo ra vayingiseri. Lava fambisaka dyondzo hi ku tirhisa buku leyi nge Vutivi va fanele va ehleketisisa hi ku lunghiselela swichudeni swa vona leswaku swi hlanganyela entirhweni wa nsimu. Kombisa leswi hlamuseriweke ebukwini leyi nge Vutivi, matluka 105-6, ndzimana 14, na tluka 179, ndzimana 20. Hlamusela endlelo leri nga eka Xihondzo xo Rindza xa November 15, 1988, matluka 16-17, tindzimana 7-10, malunghana ni vanhu lavantshwa leswaku va xiyiwa tanihi vahuweleri lava nga khuvuriwangiki. Xiyisisa swiringanyeto leswi nga eka xiengetelo xa Vutirheli Bya Hina Bya Mfumo bya June 1996, ndzimana 19, leswaku ku pfuniwa vahuweleri lavantshwa lava nga siki khuvuriwaka leswaku va sungula ntirho wa nsimu.

15 min: Vuyeriwa Swinene Eka 1998 Yearbook. Tatana u burisana ni ndyangu wakwe hi matluka 3-6, 31 lama hlamuselaka nhluvuko wa ntirho wa swa le tilweni emisaveni hinkwayo wa lembe leri nga hundza. Bulani hi mimbuyelo leyi ndyangu wu tiphineke ha yona hikwalaho ka ku hlaya ni ku burisana hi ndzimana ya siku ni swiyenge swa Yearbook hi nkarhi wa swakudya, ni ku tiyiseka leswaku wu ta endla tano lembe hinkwaro. Loko mi nga si yi kuma 1998 Yearbook, nyikelani nkulumo leyi katsaka swilaveko swa vandlha.

Risimu 47 ni xikhongelo xo pfala.

Vhiki Leri Sungulaka Hi March 30

Risimu 29

12 min: Switiviso swa vandlha. Tsundzuxa hinkwavo leswaku va yisa swiviko swa vona swa ntirho wa nsimu swa March. Kombisa minkandziyiso ya sweswinyana ya timagazini, ringanyeta leswaku i swihloko swihi leswi u nga ha swi kandziyisaka loko ti fambisiwa, ivi u boxa ni tinhla to karhi to vulavula ha tona. Vulavula hi xihloko lexi nge “Switsundzuxo Swa Xilalelo,” ivi u hlamusela malunghiselelo ya Xitsundzuxo ya kwala vandlheni. Hinkwavo va fanele va endla makungu lama tiyeke leswaku va pfuna swichudeni swa Bibele ni vanhu van’wana lava tsakelaka leswaku va va kona. Tsundzuxa hinkwavo leswaku va fambisana ni ku hlaya ka Bibele ka Xitsundzuxo ka April 6-11, hilaha ku kombisiweke hakona eka Ku Kambisisa Matsalwa Siku Na Siku.

13 min: “Vana—Ha Tinyungubyisa Hi N’wina!” Swivutiso ni tinhlamulo. Hlamusela ntokoto lowu nga eka Xihondzo xo Rindza xa August 1, 1987, tluka 25.

20 min: Tindlela To Lwa Ni Ku Hela Matimba Hi Tlhelo Ra Moya. Vakulu vambirhi va burisana hi bokisi leri nga eka Xihondzo xo Rindza xa January 15, 1986 tluka 19. Eka xin’wana ni xin’wana xa “Swikombiso Swa Ku Karhala,” hlamusela hi ku landza Matsalwa malunghana ni ndlela leyi munhu a nga vuyeriwaka ha yona eka “Mimpfuno Yo Tiyisela,” leyi longoloxiweke kwala tlhelo. Kutani burisana ni vahuweleri vambirhi lava hlamuselaka ndlela leyi ku tirhisa tinhla to tano swi va pfuneke leswaku va tshama va tiyile hi tlhelo ra moya.

Risimu 140 ni xikhongelo xo pfala.