Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa September

“Vanhu va tinxaka ni va ripfumelo leri nga faniki va khongela masiku hinkwawo. Xana u ehleketa leswaku Xikwembu xi hlamula swikhongelo hinkwaswo?” Yimela nhlamulo. Nyika n’wini wa muti kopi ya Xihondzo xo Rindza xa September 1 kutani u hlaya na yena rungula leri nga ehansi ka xihlokwana xo sungula lexi nga eka tluka 16 ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza September 1

N’wi kombe xifunengeto xa magazini kutani u ku: “U nga xi hlamula njhani xivutiso lexi? [Yimela nhlamulo.] Xiya leswi Bibele yi swi vulaka. [Hlaya 1 Yohane 5:19.] Hi ku ya hi rungula leri, “lowo homboloka,” kumbe Diyavulosi, u fuma misava. Kambe sweswo swi tlakusa swivutiso swin’wana. Xana Diyavulosi u huma kwihi? Xana i munhu wa xiviri? Xana Xikwembu xi ta n’wi pfumelela nkarhi wo tanihi kwihi ku fuma? Magazini lowu wu kombisa leswi Bibele yi swi vulaka.”

Xalamuka! September

Vanhu vo tala namuntlha va ni ntshikilelo hi swiphiqo swa mali. U ehleketa leswaku ha yini swi tika ku hlayisa mali? [Yimela nhlamulo.] Bibele yi ni marito ya vutlhari lama nga pfunaka vanhu vo tala ku hlela mali ya vona. [Hlaya rin’wana ra matsalwa lama kumekaka eka matluka 8-9.] Magazini lowu wu nyika swiringanyeto eka lava kayakayisiwaka hi swikweleti.”