U Nga Kayeli Ntsombano Wa Muganga Wa “Ririmi Leri Tengeke”!
Masiku ya mune lama vuyerisaka ya ndzetelo wa Bibele ya ku yimerile. Vana kona loko nongonoko wu sungula hi 1:30 p.m. hi Ravumune. Tsakela nkulumo leyi pfuxaka mianakanyo leyi nge “Xana Vanghana Va Wena I Vanghana Va Yehova?” kun’we ni nkulumo-nkulu leyi nge, “Ririmi Leri Tengeke Eka Matiko Hinkwawo” Nkulumo yo dlayelela ya ni ndzhenga leyi nge, “Ku Ponisa Vutomi Bya Wena Hi Ngati—Njhani?,” yi ta hlamula xivutiso lexi nge: Xana ngati hakunene ya laveka ku ponisa vutomi?
Nongonoko wa Ravuntlhanu nimixo wu sungula hi 9:30. Vana kona ku pfuneka ku sukela eka nkulumo leyi kambisisaka leyi nge “Kriste ‘A A Byi Venga Vuhomboloki’—Xana Wa Byi Venga?” ni nkulumo leyi nyanyulaka leyi nge “Ala Mintsako Ya Misava, Landzelela Mintiyiso Ya Mfumo.” Nindzhenga, swiringanyeto leswi tirhaka eka tindlela leti hi nga hanyaka hi mali leyi hi nga na yona ha tona swi ta nyikeriwa. Vatswari va ta kombiwa ndlela leyi va nga humelelaka swinene ha yona eku hetisiseni ka mindzhwalo ya vona, naswona drama ya manguva lawa yi ta nyika vantshwa xiletelo lexinene mayelana ni ku hlanganyela eka mintirho ya le endzhaku ka xikolo.
Nongonoko wa Mugqivela nimixo wu ta nyikela nkulumo hi ku tinyiketela ni nkhuvulo, kun’we ni ku xiya xilaveko xo endla magandzelo leswaku hi ta kota ku endla dyondzo ya Bibele ya munhu hi xiyexe. “Golonyi Ya Le Tilweni Ya Yehova Yi Ya Emahlweni” i nkulumo leyi nyanyulaka ya nongonoko wa nindzhenga. Nakambe, ku ta va ni switsundzuxo swa matimba mayelana ni vutihlamuleri bya hina bya Vukriste ku pfuna lava pfariweke mahlo hi vukhongeri byo hemba, naswona swipfuni leswi tirhaka swi ta nyikeriwa ku hetisisa vutihlamuleri lebyi.
U ta lava ku va kona hi Sonto nimixo ku twa rungula ra matimba leri nga ta nyikeriwa ehenhleni ka Vujagana ni vafundhisi va byona. Leswi swi ta landzeriwa hi xikombiso xa drama leyi nga ni swiambalo swa yona leyi sekeriweke eka swiendlo leswi katsaka vutomi bya Yehu na Yonadab. Kutani, nindzhenga, tiyiseka ku yingisela nkulumo ya le rivaleni leyi nge, “Ku Hlanganisiwa Hi Ririmi Leri Tengeke.”
Hi November na December, mintsombano ya 20 yi kunguhatiwile eAfrika dzonga ntsena, kutani ku ta va ni wun’wana ekusuhi ni kaya ra wena. Tihlanganise ni Timbhoni ta Yehova ta kwalaho leswaku u ta tiva nkarhi ni ndhawu leyi nga kusuhi na wena.