Wa Tsundzuka Xana?

Xana u swi tlangerile ku hlaya minkandziyiso ya sweswinyana ya Xihondzo xo Rindza? Kutani vona loko u ta swi kota ku hlamula swivutiso leswi landzelaka:

▫ Xana malunghelo lama engetelekeke ya ntirho lawa a ma nyikiwa Vanethinimi ni vana va malandza ya Solomoni loko va vuya evuhlongeni eBabilona a ma fanekisela yini?

Namuntlha, tanihi leswi masalela ya Israyele wa moya ma yaka ma hunguteka laha misaveni, tinyimpfu tin’wana ta engeteleka. Van’wana va lava va fanaka ni tinyimpfu, ku fana ni Vanethinimi ni vana va malandza ya Solomoni, sweswi va averiwe vutihlamuleri bya matimba ehansi ka vulanguteri bya masalela. (Esaya 61:5)—4/15, matluka 16-17.

▫ Xana muprofeta Sofoniya a vula yini loko a ku: “Kumbe mi ta tifihla e sikwini ra v̌ukari bya Yehova”? (Sofoniya 2:2, 3)

Leswaku un’wana ni un’wana a sirheleteka enkarhini wa ‘nhlomulo lowukulu,’ a hi mhaka ya leswaku loko u kala u ponisiwa, u poniseriwe makumu. (Matewu 24:13, 21) Ku tifihla ka hina esikwini rero ku titshege hi ku hambeta ka munhu a endla swilo swinharhu: U fanele a lava Yehova, a lava ku lulama naswona a lava ni vutitsongahati.—5/1, matluka 15-16.

▫ Xana Mikayele u ‘yima’ hi ndlela yihi “[e]nkarini wa makumu”? (Daniel 12:1, 4)

Ku sukela loko a vekiwe tanihi Hosi hi 1914, Mikayele a a ‘yimele’ vanhu va Yehovha. Kambe hi ku hatlisa Mikayele u ta ‘yima’ hi ndlela leyi hlawulekeke ngopfu—tanihi Muyimeri wa Yehova eku suseni ka vubihi hinkwabyo emisaveni, naswona tanihi Mukutsuri wa vanhu va Xikwembu.—5/1, tluka 17.

▫ Ntsako wa ntiyiso wu titshege hi yini?

Ntsako wa ntiyiso wu titshege hi vuxaka bya hina lebyinene na Yehovha, ku amukeriwa hi yena, ni mikateko ya yena. (Swivuriso 10:22) Hikokwalaho, ntsako wa ntiyiso a wu kumiwi handle ko yingisela Yehovha ni ku titsongahatela ku rhandza ka yena hi ntsako. (Luka 11:28)—5/15, matluka 16, 19.

▫ Loko Yesu a endla mahlori ya yena yo hanyisa, xana a ku laveka ripfumelo eka loyi a hanyisiwaka?

A ku laveka ripfumelo ro karhi eka vo tala leswaku va ta kota ku ta eka Yesu leswaku va hanyisiwa. (Matewu 8:13) Hambi swi ri tano, a ku nga laveki ndlela yo phofula ripfumelo eka Yesu leswaku a endla mahlori ya yena, tanihi loko a hanyisa munhu la lamaleke loyi a a nga swi tivi ni leswaku Yesu i mani. (Yohane 5:5-13) Yesu u vuyisele ni ndleve leyi vavisekeke ya nandza wa muprista lonkulu, loyi a a ri exikarhi ka ntlawa wa valala va Yesu. (Luka 22:50, 51) Mahlori lawa ma endliwe hi matimba ya moya lowo kwetsima wa Xikwembu, ku nga ri hi ripfumelo ra munhu la vabyaka.—6/1, tluka 3.

▫ I yini lexi yimeriwaka hi “nkukuto” lowu vuriweke exifanisweni xa Yesu eka Matewu 13:47-50?

“Nkukuto” wu yimela xitirho xa laha misaveni lexi tivulaka vandlha ra Xikwembu ni lexi hlengeletaka “tinhlampfi.” Xi katse Vujagana ni vandlha ra Vakreste lava totiweke, laha lava vo hetelela va hambeteke va hlengeleta ‘tinhlampfi letinene,’ ehansi ka nkongomiso wa tintsumi, hi ku pfumelelana na Matewu 13:49.—6/15, tluka 20.

▫ Hi yihi misinya yin’wana ya milawu leyi vaavanyisi va Israyele a va fanele va yi tirhisa eka swiavelo swa vona?

Vululami lebyi ringanaka eka swifumi ni swisiwana, ni ku nga yi hi nghohe ni ku nga amukeli ku fumbarherisiwa. (Levhitika 19:15; Deteronoma 16:19)—7/1, tluka 13.

▫ Vakulu va fanele va ringeta ku fikelela yini hi ku tirhisa vuavanyisi?

Xikongomelo xin’wana i ku kuma mintiyiso ya mhaka, va endla leswi hi rirhandzu. Loko ntiyiso wu tiviwa, vakulu va fanele va endla leswi lavekaka ku sirhelela vandlha ni ku hlayisa mimpimanyeto leyi tlakukeke ya Yehovha hi ku khuluka lokunene ka moya wa Xikwembu. Ku avanyisa nakambe i ka ku ponisa mudyohi la nga ekhombyeni loko swi koteka. (Ringanisa Luka 15:8-10.)—7/1, matluka 18-19.

▫ Ha yini mianakanyo ya hava leyi fambelanaka ni rimbewu leri nga riki enawini yi ri ni khombo?

Hi ku ya hi marito ya Yesu eka Matewu 5:27, 28, hinkwavo lava phikelelaka ni mianakanyo ya hava ya rimbewu leri nga riki enawini va ni nandzu wa vuoswi etimbilwini ta vona. Naswona ku ni khombo ra leswaku mianakanyo yo tano yi nga yisa evungwavaveni.—7/15, tluka 15.

▫ Yehovha a nga hi pfuna hi tindlela tihi leswaku hi languta miringo ya hina kahle, hi yi tiyisela?

Hi nga ha kuma Matsalwa eka vapfumeri-kulorhi kumbe hi nkarhi wa dyondzo ya Bibele. Swiendlakalo leswi susumeteriwaka hi nkongomiso wa Xikwembu swi ta hi pfuna ku vona leswi hi nga swi endlaka. Tintsumi ti nga hlanganyela eku hi kongomiseni, kumbe hi kuma nkongomiso hi ku tirhisiwa ka moya lowo kwetsima. (Vaheveru 1:14)—7/15, tluka 21.

▫ Xana Huvo ya le Nicaea yi simeke kumbe ku tiyisa dyondzo ya Vunharhu-un’we hi 325 C.E.?

Doo, Huvo ya le Nicaea yi ringanise ntsena N’wana na Tatana tanihi “munhu un’we.” Mianakanyo ya leswaku Tatana, N’wana ni moya lowo kwetsima hinkwavo a va ri Xikwembu xa ntiyiso—swinharhu eka Xikwembu xin’we—a yi sunguriwanga hi huvo yoleyo kumbe hi Vatatana va Kereke yo sungula.—8/1, tluka 20.

▫ Xana Yobo a a ri yena ntsena loyi a a tshembeka eka Yehovha enkarhini lowu a nga hanya hi wona? (Yobo 1:8)

Doo, buku ya Yobo hi yoxe yi kombisa leswaku Elihu u amukeriwe hi Xikwembu. Nakambe, enkarhini lowu Yobo a nga hanya hi wona, a ku ri ni Vaisrayele vo tala lava a va tshama aEgipta, kutani a swi twali ku ehleketa leswaku hinkwavo a va nga tshembeki ni leswaku a va nga amukeleki eka Xikwembu.—8/1, tluka 31.