Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • wp19 No. 2 matl. 10-11
  • Loko U Ri Ni Vuvabyi Lebyi Nga Ni Khombo

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Loko U Ri Ni Vuvabyi Lebyi Nga Ni Khombo
  • Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2019
  • Swihloko
  • Tinhlokomhaka Tin'wana Leti Yelana Na Yona
  • NDLELA LEYI VAN’WANA VA LANGUTANEKE NI XIYIMO LEXI HA YONA
  • Vuvabyi Lebyi Nga Tshungulekiki Hi Ku Olova—Mhaka Ya Ndyangu
    Xalamuka!—2000
  • Ku Hanya Ni Vuvabyi Bya Wena Hilaha Ku Humelelaka—Njhani?
    Xalamuka!—2001
  • Ndlela Leyi Mindyangu Yi Langutanaka Ha Yona Ni Vuvabyi Lebyi Nga Tshungulekiki Hi Ku Olova
    Xalamuka!—2000
  • Ha Yini Ndzi Vabya Swonghasi?
    Xalamuka!—1997
Vona Swo Tala
Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2019
wp19 No. 2 matl. 10-11

Loko U Ri Ni Vuvabyi Lebyi Nga Ni Khombo

“Loko ndzi tive leswaku ndzi ni khensa ya hahu ni khensa ya rhumbu lerikulu, a ndzi tibyela leswaku swi herile hi mina. Loko ndzi vuya hi le ka dokodela, ndzi te, ‘A hi swona leswi a ndzi swi languterile kambe a ndzi fanele ndzi kuma tindlela to lwisana ni xiyimo xexo.’”—Linda, loyi a nga ni malembe ya 71.

“Ndzi khomiwe hi vuvabyi lebyi tsanisaka misiha ya le ximatsini xa xikandza xa mina. Mikarhi yo tala loko ndzi twa ku vava swi endla leswaku ndzi tshikileleka. Hakanyingi, ndzi twa ndzi ri ni xivundza lerova ndzi ehleketa ni ku tisunga.”—Elise, loyi a nga ni malembe ya 49.

Wanuna la vabyaka a ri eka wheelchair a ri ni vandyangu wakwe

LOKO u khomiwe hi vuvabyi lebyi xungetaka vutomi kumbe byi khome un’wana loyi u n’wi rhandzaka wa swi tiva leswaku swa tshikilela. Ku engetela kwalaho vuvabyi na byona byi nga endla leswaku u khunguvanyeka hi ku olova. Loko u ya eka madokodela, u nga ri na mali yo hakelela mirhi ya vutshunguri kumbe mirhi ya kona yi nga ku khomi kahle, swi nga ha ku chavisa u tlhela u tshikileleka. Ku ehleketa ngopfu hi vuvabyi swi nga ku vangela ntshikilelo.

I yini lexi nga hi pfunaka? Vo tala va xiye leswaku ku tshinela eka Xikwembu hi xikhongelo ni ku hlaya Bibele swa va chavelela. Xin’wana lexi nga ku pfunaka i ku va maxaka ni vanghana va ku kombisa rirhandzu.

NDLELA LEYI VAN’WANA VA LANGUTANEKE NI XIYIMO LEXI HA YONA

Robert, loyi a nga ni malembe ya 58 u ri: “Loko u vabya, va na ni ripfumelo eka Xikwembu xi ta ku pfuna. Khongela eka Yehovha. Phofula ndlela leyi u titwaka ha yona. Kombela leswaku a ku nyika moya lowo kwetsima. N’wi kombele leswaku a ku pfuna u va ni langutelo lerinene hi vandyangu wa wena u va khutaza ni ku lehisa mbilu loko u ri karhi u hlakarhela.

Swa pfuna swinene loko vandyangu wa wena va ku seketela va nga ku lahleli mavoko. Siku ni siku a va ndzi fonela va ndzi vutisa leswaku, ‘U titwa njhani?’ A ndzi khutaza hi vanghana lava humaka etindhawini to hambanahambana. A va ndzi endla ndzi titwa ndzi antswa naswona sweswo swi ndzi pfune leswaku ndzi kota ku tiyisela.”

Loko u endzela munghana wa wena loyi a vabyaka xiya leswi Linda a swi vuleke: “Muvabyi swi nga n’wi tshikilela ngopfu ku khomiwa tanihi munhu la vabyaka naswona a nga swi rhandzi ku vulavula hi vuvabyi bya yena. Vulavulani hi swilo leswi a mi tolovele ku vulavula ha swona.”

Hambiloko u ri ni vuvabyi lebyi nga ni khombo u nga tiyiseka leswaku Xikwembu xi ta ku nyika matimba, xi ku chavelela hi ku tirhisa Matsalwa, vanghana ni vandyangu wa wena kutani u ta swi xiya leswaku vutomi i bya nkoka.

Tindzimana Ta Bibele Leti Nga Ku Pfunaka

Titshege hi Xikwembu.

“Ndzi vutise Yehovha, kutani a ndzi hlamula, U ndzi kutsurile eku chaveni ka mina hinkwako. Loyi a xanisekaka u vitanile, Yehovha a n’wi twa.”—Pisalema 34:4, 6.

Linda, loyi a boxiweke eku sunguleni u ri: “Loko ndzi khongela, a ndzi xi byeli leswaku, ‘Xi ndzi pfuna ndzi antswa.’ Kambe ndzi kombela leswaku, ‘Xi ndzi nyika matimba ni ku ndzi pfuna leswaku ndzi tiyisela vuvabyi bya mina.’”

Kuma matimba eRitweni ra Xikwembu.

“Ku hava munhu la tshamaka kona la nga ta ku: ‘Ndza vabya.’”—Esaya 33:24.

Ku anakanyisisa hi switshembiso swa Xikwembu, swi ta ku pfuna leswaku u va ni ntshembo ni ku ku nyika matimba yo tiyisela.

Kombela ku pfuniwa eka swirho swa ndyangu ni vanghana va wena.

“Nakulorhi wa ntiyiso u ni rirhandzu nkarhi hinkwawo, naswona i makwerhu la velekiweke loko ku ri ni maxangu.”—Swivuriso 17:17.

Elise, loyi a boxiweke eku sunguleni, u ri: “Pfumelela vanghana va wena va ku pfuna. Mikarhi yin’wana u nga ha titwa u ri ni xivundza naswona u vona onge Xikwembu a xi ku yingisi, kambe u nga tihambanisi ni van’wana.”

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela