Xitsundzuxo Eka Matsalana Ni Mulanguteri Wa Ntirho

Lembe rin’wana ni rin’wana enkandziyisweni wa Vutirheli Bya Hina Bya Mfumo bya February xitiviso xi kongomisiwa eka matsalana ni mulanguteri wa ntirho leswaku va “pfuxeta ntirho wa maphayona hinkwawo ya nkarhi hinkwawo.” Xana hi xihi xikongomelo xa ku pfuxetiwa loku? I ku kambisisa lava va nga ha lavaka mpfuno malunghana ni ku fikelela xilaveko xa tiawara ku nga si hela lembe ra ntirho.

Maphayona ya nkarhi hinkwawo ma languteriwa ku heta tiawara ta 1 000 evutirhelini lembe rin’wana ni rin’wana. Eku heleni ka February, maphayona man’wana ma tikuma ma sale endzhaku, naswona leswi swi nga ha va heta matimba. Hakanyingi vakulu va nga va mpfuno eka maphayona, hi ku va nyika xikhutazo ni swiringanyeto leswi tirhaka. Leswi swi nga endla leswaku maphayona ma fikelela swilaveko swa wona swa lembe ni leswaku ma nga tshiki ntirho wa wona.

Entiyisweni maphayona ma ta tlangela nkhathalelo wa xiviri wa vakulu emhakeni leyi. Na rona vandlha ri ta vuyeriwa hi ku va ni maphayona lama tsakeke evutirhelini bya wona, ni lama namarhelaka xiavelo xa wona hi ku tshembeka.