Xitsundzuxo Eka Mulanguteri Wa Doroba

Eka Vutirheli Bya Hina Bya Mfumo bya June 1996, ku ni Bokisi Ra Swivutiso leri tlakuseke xivutiso lexi nge: “Xana nxaxamelo wa mavito ya Timbhoni ta Yehovha wu fanele wu tsarisiwa ku yini ebukwini ya nxaxamelo wa lava nga ni tinqingho?” Xivutiso lexi xi hlamuriwe hi ndlela leyi landzelaka: “Emadorobeni lamakulu laha ku nga ni mavandlha yo tlula rin’we, hi bumabumela malongoloxelo lawa: Jehovah’s Witnesses, (Doroba-nkulu), ivi ku landzela nxaxamelo wa mavito hi ku landzelana ka maletere [alphabetical], adirese ya Holo ya Mfumo, ni nomboro ya riqingho ra holo ya vandlha rin’wana ni rin’wana.”

Ku vikiwe leswaku mavito ya mavandlha yo hlayanyana a ma tsariwanga enxaxamelweni wa mavito ya Tiholo ta Mfumo, ebukwini ya tinomboro ta tinqingho kumbe niloko ma tsariwile, a ma tsariwanga hi ndlela leyi faneleke. Leswi swi vange swiphiqo, ngopfu-ngopfu emadorobeni lamakulu lama nga ni mavandlha yo hlayanyana. Hi kombela leswaku valanguteri va doroba va teka goza ro kambela mavito hinkwawo lama xaxametiweke endhawini leyi va yi ungamelaka. Emadorobeni lamatsongo, ma ta kamberiwa hi mulanguteri la ungamelaka. Loko mavito ma nga tsariwanga kahle kumbe ni ku tsariwa ma nga tsariwanga, mulanguteri wa doroba (kumbe mulanguteri la ungamelaka emadorobeni lamatsongo) u fanele a byela vakandziyisi va nxaxamelo wa mavito ya tinqingho leswaku va lulamisa kumbe va engetela leswi kayivelaka, hi ku pfumelelana ni nkongomiso lowu nga eka Vutirheli Bya Hina Bya Mfumo lebyi.