Leswi U Nga Swi Vulaka Hi Timagazini

Xihondzo xo Rindza Feb. 15

“Xana u tshama u tivutisa leswaku u nga byi kongomisa njhani vutomi bya wena u tlhela u endla swiboho leswikulu? [Yimela nhlamulo.] Bibele yi tamele yin’wana ya minkongomiso leyinene ngopfu, yo fana ni Nawu wa Nsuku. [Hlaya Matewu 7:12.] Hi yihi milawu yin’wana ya Xikwembu leyi nga hi vuyerisaka hi ku kongoma? U ta kuma nhlamulo eka magazini lowu.”

Xihondzo xo Rindza Mar. 1

“Loko hi vona swilo hinkwaswo leswi endlekaka namuntlha, vo tala va hina hi lava ku tiva leswi vumundzuku byi hi khomeleke swona. Exikhongelweni lexi dumeke, Yesu Kreste u paluxe xivangelo xa leswaku ha yini hi nga va ni ntshembo hi vumundzuku. [Hlaya Matewu 6:9, 10.] Swihoxo leswi vanhu va swi endlaka sweswi, swi tshame swi endliwa enkarhini lowu hundzeke. Kambe enkarhini wolowo, vanhu lava a va tirhela Xikwembu a va langutele vumundzuku lebyi tsakisaka. Magazini lowu wu kombisa ndlela leyi na hina hi nga byi langutelaka ha yona.”

Xalamuka! Mar. 8

“Ndza tshemba u swi xiyile leswaku tindhawu to tala leti vanhu va tirhaka eka tona se ti ni khombo swinene. Magazini lowu wu ni swiringanyeto leswinene swa ndlela leyi ti nga endliwaka leswaku ti va leti hlayisekeke ku antswa. Wu tlhela wu kombisa leswaku vuhlayiseki bya hina byi fambisana ni loko hi ri ni langutelo leri ringaniseriweke hi ntirho wa ku tihanyisa. Ndzi kombela u wu hlaya.”

Xingheniso Xin’wana: “Bibele yi kandziyisa nkoka wa ku va ni dyondzo leyinene. [Hlaya Swivuriso 2:10, 11.] Vo tala va hina ha wu xiya nkoka wa leswaku vana va va ni vadyondzisi lava fanelekaka. Xalamuka! leyi yi kandziyisa ntirho wa nkoka lowu endliwaka hi vadyondzisi, ndlela leyi hi faneleke ku tlangela ku tinyiketela ka vona ni leswi vatswari va nga swi endlaka ku va pfuna eka xiphiqo xo tika lexi va langutaneke na xona.”