Tirhisa Buku Leyi Nge Gandzela Xikwembu Leswaku U Fambisa Tidyondzo Ta Bibele

Buku leyi nge Gandzela Xikwembu Xi Ri Xin’we Xa Ntiyiso yi endleriwe ku pfuna vanhu lavantshwa leswaku va tiya entiyisweni ni ku engetela vutivi bya vona hi Yehovha ni nhlengeletano yakwe. Yi nga ha tirhisiwa tanihi buku ya vumbirhi yo dyondza ha yona ni swichudeni swa Bibele. Vutirheli Bya Hina Bya Mfumo bya June 2000 eka tlula 4, byi hlamuserile byi ku: “Loko swi ri erivaleni leswaku munhu yoloye u endla nhluvuko, hambiloko a wu endla hi ku nonoka, ni loko a tlangela leswi a swi dyondzaka, yana emahlweni u dyondza Bibele na yena hi buku yin’wana endzhaku ko heta broxara leyi nge Leswi Xi Swi Languteleke ni buku leyi nge Vutivi. . . . Eka swiyimo hinkwaswo, broxara leyi nge Leswi Xi Swi Languteleke ni buku leyi nge Vutivi, ku ta tirhisiwa tona ku sungula. Dyondzo yoleyo ya Bibele, maendzo ya ku vuyela ni nkarhi lowu hetiweke yi fambisiwa, swi ta vikiwa hambiloko xichudeni xexo xi khuvuriwa ku nga si hela buku ya vumbirhi.”

I vamani van’wana lava nga vuyeriwaka eka dyondzo ya Bibele leyi fambisiwaka hi ku tirhisa buku leyi nge Gandzela Xikwembu? Xihloko lexi xi ye emahlweni xi ku: “Loko u tiva van’wana lava dyondzeke [broxara leyi nge Leswi Xi Swi Languteleke ni] buku leyi nge Vutivi enkarhini lowu hundzeke kambe va nga tinyiketelalanga ni ku khuvuriwa, u nga rhandza ku va vutisa loko va nga tsakela ku tlhela va yisa dyondzo ya vona ya Bibele emahlweni.” A hi endleni matshalatshala yo hlawuleka yo sungula tidyondzo hi buku leyi nge Gandzela Xikwembu ni vanhu vo fana ni lava hi April na May.