Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 8/04 tl. 1
  • Xiyenge 2: Ku Lunghiselela Ku Ya Fambisa Dyondzo

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Xiyenge 2: Ku Lunghiselela Ku Ya Fambisa Dyondzo
  • Vutirheli Bya Hina Bya Mfumo—2004
  • Tinhlokomhaka Tin'wana Leti Yelana Na Yona
  • Xiyenge 4: Letela Swichudeni Ku Lunghiselela
    Vutirheli Bya Hina Bya Mfumo—2004
  • Ku Fambisa Tidyondzo Ta Bibele Leti Endlaka Nhluvuko
    Vutirheli Bya Hina Bya Mfumo—2005
  • Tilunghiselele Hi Ku Helela Leswaku U Ta Dyondzisa
    Vutirheli Bya Hina Bya Mfumo—2009
  • Ndlela Yo Endla Vadyondzisiwa Hi Buku Leyi Nge Vutivi
    Vutirheli Bya Hina Bya Mfumo—1996
Vona Swo Tala
Vutirheli Bya Hina Bya Mfumo—2004
km 8/04 tl. 1

Xiyenge 2: Ku Lunghiselela Ku Ya Fambisa Dyondzo

Ku Fambisa Tidyondzo Ta Bibele Leti Endlaka Nhluvuko

1 Ku dyondzisa xichudeni xa Bibele hi ndlela leyi humelelaka a swi vuli ntsena ku dyondza na xona rungula ro karhi ni ku hlaya matsalwa lama kombisiweke. Hi fanele hi hlamusela rungula rero hi ndlela leyi nga ta khumba mbilu ya xona. Leswi swi lava leswaku hi lunghiselela hi rixaladza hi ri karhi hi anakanya hi xichudeni xexo.—Swiv. 15:28.

2 Ndlela Yo Lunghiselela: Rhanga hi ku khongelela xichudeni xa wena eka Yehovha u khongelela ni swilaveko swa xona. Kombela Yehovha leswaku a ku pfuna u kota ku fikelela mbilu ya xona. (Kol. 1:9, 10) Leswaku u kota ku yi twisisa kahle mhaka leyi mi dyondzaka ha yona, anakanyisisa hi xihloko xa ndzima kumbe dyondzo ni swihlokwana swin’we ni swifaniso loko swi ri kona. Tivutise, ‘Xana hi yihi yinhla-nkulu eka dyondzo leyi?’ Leswi swi ta ku pfuna ku kandziyisa tinhla-nkulu loko u ri karhi u fambisa dyondzo.

3 Hlaya ndzimana ha yin’we hi vukheta. U kuma tinhlamulo, ivi u fungha marito kumbe swiga leswi hlamulaka swivutiso leswi tsariweke. Kambisisa ndlela leyi matsalwa lama kombisiweke ma nghenaka ha yona eka yinhla-nkulu ya ndzimana yoleyo, kutani u hlawula lawa u nga ta ma hlaya loko u ri karhi u dyondzisa xichudeni. Swa pfuna ku tsala marito lama nga ta ku tsundzuxa matsalwa wolawo emakumu ka tluka. Xichudeni xi fanele xi swi vona kahle leswaku leswi xi swi dyondzaka swi huma eRitweni ra Xikwembu.—1 Tes. 2:13.

4 Endla Leswaku Dyondzo Yi Pfumelelana Ni Swilaveko Swa Xichudeni: Kutani lunghiselela dyondzo u ri karhi u anakanya hi ndlela leyi u nga ta yi hlamusela xichudeni xa wena ha yona. Ringeta ku ehleketa swivutiso leswi xi nga ha swi vutisaka ni tinhla leti swi nga xi tikelaka ku ti twisisa kumbe ku ti pfumela. Tivutise: ‘I yini leswi xi faneleke xi swi twisisa kumbe hi kwihi laha xi faneleke xi antswisa kona leswaku xi ta kota ku endla nhluvuko hi tlhelo ra moya? Xana ndzi nga yi fikelela njhani mbilu ya xona?’ Kutani u endla leswaku leswi u xi dyondzisaka swona swi dzika eka tinhla leti. Minkarhi yin’wana, ku nga ha laveka leswaku u lunghiselela xifaniso, nhlamuselo, kumbe swivutiso swo karhi leswaku u pfuna xichudeni xi twisisa leswi yinhla kumbe tsalwa ro karhi ri vulaka swona. (Neh. 8:8) Kambe papalata ku nghenisa rungula leri nga xi pfuniki nchumu emhakeni leyi dyondziwaka. Ku endla mpfuxeto wo koma loko mi heta dyondzo swi ta xi pfuna ku tsundzuka tinhla-nkulu.

5 Kunene ha tsaka loko vanhu lavantshwa va humesa mihandzu ya ku lulama leswaku va dzunisa Yehovha! (Filp. 1:11) Leswaku u pfuna vanhu volavo, u fanele u lunghiselela hi rixaladza nkarhi na nkarhi loko u ya fambisa dyondzo ya Bibele.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela