Leswi Hi Nga Swi Vulaka Loko Hi Fambisa Timagazini
Xihondzo xo Rindza June 1
“Vanhu vo tala va tirhisa swilo leswi vulavulaka hi tinyeleti loko va nga si endla swiboho. U ehleketa leswaku tinyeleti ta byi khumba vutomi bya wena? [Yimela nhlamulo.] Lexi tsakisaka, hileswaku Bibele na yona yi vulavula hi nhlengeleto wa tinyeleti. [Hlaya 2 Tihosi 23:5.] Xihloko lexi xi hlamusela leswi Bibele yi swi vulaka emhakeni leyi.” N’wi kombe xihloko lexi sungulaka eka tluka 18.
Xalamuka! June
“Minkarhi yo tala tikereke ti hakerisa vanhu loko ti fanele ti va khuvula, ti va catisa niloko ti va fambisela minkosi. Xana u ehleketa leswaku leswi swi fanerile? [Yimela nhlamulo.] Twana swiletelo leswi Yesu a swi nyikeke vadyondzisiwa vakwe. [Hlaya Matewu 10:7, 8b.] Xihloko lexi xi kombisa leswi Bibele yi swi vulaka hi ku va vanhu va lava ku hakeriwa loko va endla mintirho ya vukhongeri.” N’wi kombe xihloko lexi sungulaka eka tluka 22.
Xihondzo xo Rindza July 1
“Loko vanhu vo tala va vitana Lowa Matimba Hinkwawo va ri i Xikwembu. Xana a wu swi tiva leswaku Bibele yi vula leswaku Xikwembu xi ni vito? [Yimela nhlamulo kutani u hlaya Esaya 42:8a.] Magazini lowu wu nyikela swivangelo leswi endleke leswaku vito ra Xikwembu ri susiwa eka vuhundzuluxeri byin’wana bya Tibibele ni leswi swi vulaka swona ku tiva vito ra Xikwembu.”
Xalamuka! July
“Xiyimo xa ikhonomi xi vilerisa vanhu vo tala. Lava va nga tirhiki va lava mintirho, kasi lava tirhaka va vilerisiwa hileswaku va nga ha heleriwa hi mintirho. U ehleketa leswaku xitsundzuxo lexi, xi nga hi pfuna leswaku hi langutana ni xiyimo lexi? [Hlaya Matewu 6:34 kutani u yimela nhlamulo.] Magazini lowu wu nyikela switsundzuxo swa xiviri leswi nga hi pfunaka leswaku hi kota ku hlayisa mali ni ku antswisa ndlela leyi hi titwaka ha yona.”