Xana Xikwembu I Vunharhu-un’we?

Nhlamulo ya Bibele

Tikereke to tala ta Vukreste ti dyondzisa leswaku Xikwembu i Vunharhu-un’we. Hambiswiritano, Encyclopædia Britannica yi ri: “Rito Vunharhu-un’we ni dyondzo ya kona ya leswaku ku ni swikwembu swinharhu leswi vumbaka xikwembu xin’we a swi kona eka Testamente Leyintshwa . . . Dyondzo leyi yi sungule hakatsongo-tsongo eka malembe-xidzana yo hlayanyana lama hundzeke naswona ku ve ni minjhekanjhekisano yo tala malunghana na yona.”

Entiyisweni, Xikwembu xa le Bibeleni a xi si tshama xi hlamuseriwanga tanihi xiphemu xa Vunharhu-un’we. Xiya tindzimana leti ta Bibele:

“Yehovha Xikwembu xa hina i Yehovha un’we.”—Deteronoma 6:4.

“Wena loyi vito ra wena u nga Yehovha, Wena u ri wexe u La nge Henhla-henhla emisaveni hinkwayo.”—Pisalema 83:18.

“Leswi swi vula vutomi lebyi nga heriki, ku nghenisa ka vona vutivi ha wena, Xikwembu xi ri xin’we xa ntiyiso, ni loyi u n’wi rhumeke, Yesu Kreste.”—Yohane 17:3.

“Xikwembu i xin’we ntsena.”—Vagalatiya 3:20.

Ha yini tikerete to tala ta Vukreste ti vula leswaku Xikwembu i Vunharhu-un’we?