MIHLAMULO YA BIBLIA

Xana a misava ya hina yi mahelwe kungo go kari?

A misava ya hina wutshamu ga gi nene ga kuhanya kona. Xi na ni mati yo tala, ma nga ya lisima kasi kuva ni wutomi. Lezi a xirenzelekwani xa misava xi nga byekelisa zona, lezi xi hunzulukisako zona, ni lezi xi renzelekisako zona, zontlhe lezo zi maheka hi ndlela ya kuva zi vikela a mati lezaku ma nga womi hi xirami kutani kupshwa hi kuhisa. Niku a atmosfera ya misava ni campo magnético zi yi vikela ka kuwoninga ko hisa ku dayako. Lezi a zihari ni tisinya zi tirisanisako zona kasi zi kota ku hanya za hlamalisa. Hi kota ya zontlhe lezo, a vanhu vo tala va tekela ku zi wona khwatsi lezaku a misava leyi yi mahelwe kungo go kari. — Gonza Isaya 45:18.

Kanilezi u nga ha ti wutisa: ‘Xana a kuxaniseka ni wubihi zi maha xipanze xa kungo lego?’ — Gonza Deuteronome 32:4, 5.

A kungo ga misava gi ta tatiseka?

A misava yi mahelwe kuva muti wo tsakisa wa vanhu va kombisanako xichawo va tlhela va ranza Muvangi wabye. Hikwalaho, a wutomi ga vanhu gi na ni kungo ga hombe a ku hunza wutomi ga tisinya kutani ga zihari. Ha zi kota ku zwisisa lezi a Muvangi wa hina a nga zona, hi tsakela hi tlhela hi pimanyisa a liranzo lakwe ni kululama kakwe. — Gonza Mutshawuteli 12:13; Mika 6:8.

A Mumahi wa hina wa zi kota ku tatisa makungo yakwe wontlhe. Hikwalaho hi nga tiyiseka lezaku i ta fuvisa kuxaniseka ni kubiha kontlhe a tlhela a maha misava ya hina yiva muti wa vanhu wo tsakisa nguvu. — Gonza Tisimu 37:11, 29; Isaya 55:11.