“Mu hi ni mahanyela ma nene xikari ka vamatiko”
1. Hikuyini zi nga za lisima a kuva ni mahanyela ma nene laha hi tova ka migotsovanyano?
1 Lembe ni lembe, migotsovanyanweni ya hina ha koka mahlo ya lava va hi wonako, hikwalaho za lisima lezaku a mahanyela ya hina ma komba hi kufaneleko lezaku hi vakhozeli va Nungungulu. (Levi 20:26) A matshamela ya hina zinwe ni maambalela ya hina ni kutisasekisa ka hina zi fanele ku hi kombekisa laha kubaseni kota valanzeli va lisine va Kristu. Laha hi to ngha hi hi ka migotsovanyano ya muganga kutani ya matiko manyingi le’yi tako, hi nga ‘hlayisisa kuyini a mahanyela ma nene xikari ka vamatiko’ zonake hi dumisa Dadani wa hina wa le tilweni ke? — 1 Ped. 2:12.
2. I lungelo muni hi tova nago ga ku kombisa matshamela ya wuKristu gotsovanyanweni?
2 Kombisa wumunhu ga wuKristu: A liranzo leli hi li kombisako ka munwe ni munwani wa hina ni lezi hi tirisanisako zona ni “lava va nga lehandle,” zi komba hi kudlunyatekileko a kuhambana ka hina ni moya wa tiko lo’wu fumako. (Kol. 3:10; 4:5; 2 Tim. 3:1-5) Hi fanele ku kombisa wu nene ni lihlaza-mbilu a xikhati lexi hi tirisanako ni vatiri va hotela ni va restaurante, hambu loku ku humelela zikarato. A matshamela ma nene ma fanele ku tlhela ma hi kuca ku nyikela a mali ya kubonga ka la’va tirako laho.
3. Xialakanyiso muni xi nyikwako vapswali, niku hikuyini?
3 A vapswali va fanele a ku wonelela vana vabye ka wutshamu ga gotsovanyano, restaurante, ni le hotela. (Mav. 29:15) A muwoneleli wa hotela yo kari i lo byela a patswa wo kari aku: “Ha mu ranza. A mingango ya nwina ni vana va nwina va na ni wumunhu ni xichawo. A vatiri vontlhe va wa kari va bhula hi nwina, hi xuva lezaku muta laha kumbheleni ka viki ginwe ni ginwani.”
4. Hi fanele ku ambala hi ndlela muni gotsovanyanweni?
4 Maambalela ya xichawo: A maambalela ya hina gotsovanyanweni ma fanele kuva ma nene ni ya xichawo, mava lawa ma nga kombisiko a timoda to hunza mpimo le’ti tolovelekileko nguvu tikweni. (1 Tim. 2:9) Hambu loku hi hi kuhloleni ka hotela, xikhatini xa ku humula ku ngava mahlweni kutani nzhako ka longoloko, hi lava ku potsa maambalela yo kala xichawo. Hikwalaho hi tava ni matshanza ya kuva hi boha a karaxa ga gotsovanyano wa hina hi tlhela hi ngave na tingana ta ku nyikela wukustumunyu loku hi kuma lungelo. A kucuwukeka ka hina ni matshamela ma nene ka migotsovanyano yi tako zi nga ta koka vanhu va timbilu ti nene ntsena ka mahungu ma ponisako wutomi ya Biblia kanilezi zi ta tlhela zi tsakisa Jehova. — Zef. 3:17.