Chiuta Wakutumbika Uyo Wakovwira Ŵakusuzgika

Ŵanthu ŵanandi pa charu chose ŵakusoŵa chakurya na pakukhala. Ŵanji ŵakukhumbikwira kuŵawovwira kumanya kuti vinthu viŵenge makora munthazi. Chiuta wangatitumbika Usange tikuyezgayezga kovwira ŵanthu ŵakusoŵerwa.

IVYO MALEMBA GHAKUPATULIKA GHAKUYOWOYA

“Uyo wakulongora lusungu kwa mukavu wakubwerekeska Yehova, ndipo wamuwezgerenge pa ivyo wachita.”—ZINTHARIKA 19:17.

UMO MUNGAWOVWILIRA ŴAKUSOŴERWA

Yesu wakayowoya ntharika ya munthu uyo vigeŵenga vikamutimba ndipo wakakhala pachoko kufwa. (Luka 10:29-37) Munthu munyake uyo wakajumphanga wakayima ndipo wakamupwelelera munthu wakupwetekeka yura. Munthu uyu wakachita ivi nangauli wakaŵa wa fuko linyake.

Munthu walusungu yura wakakaka vilonda vyake, kumovwira na ndalama kweniso kumukhozga na kumupembuzga.

Kasi ntharika iyi yikutisambizga vichi? Apa Yesu wakasambizganga kuti tikwenera kovwira ŵakusuzgika mwakuyana na umo tingakwaniskira. (Zintharika 14:31) Malemba Ghakupatulika ghakuti sonosono apa Chiuta wamazgenge ukavu na masuzgo ghanyake. Kweni nyengo zinyake tingafumba kuti, wazamumazga wuli masuzgo agha, kweniso pawuli? Nkhani yakulondezgapo yilongosorenge vinthu viwemi ivyo Mlengi withu wa chitemwa wamunozgerani munthazi.