1 Berɛsosɛm
12 Yeinom ne wɔn a wɔbaa Dawid nkyɛn wɔ Siklag+ berɛ a Kis ba Saul nti na ɔntumi nkɔ baabiara+ no; wɔka nnɔmmarima+ a wɔboaa no akodie mu no ho. 2 Wɔyɛ mmarima a wɔkurakura agyan na wɔtumi de wɔn nsa nifa ne wɔn nsa benkum+ nyinaa to aboɔ+ ne agyan,+ Saul nuanom, Benyamin asefoɔ. 3 Deɛ ɔda wɔn ano ne Ahiesa, ne Yoas a wɔyɛ Gibeani+ Semaa mma ne Asmawet+ mma Yesiel, Pelet, Beraka ne Anatotni+ Yehu, 4 ne Gibeonni+ Yismaia, dɔmmarima a ɔka aduasa+ no ho, na ɔda aduasa no ano; ne Yeremia, Yahasiel, Yohanan ne Gederani+ Yosabad, 5 ne Elusai, Yerimot, Bealia, Semaria ne Harifni Sefatia, 6 ne Kora asefoɔ+ Elkana, Yisiya, Asarel, Yoeser ne Yasobeam, 7 ne Gedorni Yeroham mma Yoela ne Sebadia.
8 Gadfoɔ no bi nso dane bɛdii Dawid akyi wɔ baabi a ɛhɔ korɔ yɛ den no wɔ serɛ no so,+ mmarima akokoɔdurofoɔ a wɔn ho yɛ den, asraafoɔ a wɔkɔ ɔsa; mmarima a wɔayɛ akyɛm akɛseɛ ne mpea krado+ a wɔn anim te sɛ agyata+ na wɔn ho yɛ hare sɛ bepɔ so adowa.+ 9 Eser na ɔda wɔn ano, Obadia na ɔtɔ so mmienu, Eliab na ɔtɔ so mmiɛnsa, 10 Mismana na ɔtɔ so nnan, Yeremia na ɔtɔ so nnum, 11 Atai na ɔtɔ so nsia, Eliel na ɔtɔ so nson, 12 Yohanan na ɔtɔ so nwɔtwe, Elsabad na ɔtɔ so nkron, 13 Yeremia na ɔtɔ so du, Makbanai na ɔtɔ so dubaako. 14 Yeinom nyinaa yɛ Gad+ asefoɔ, asraafoɔ so mpanimfoɔ. Wɔn mu kumaa mpo te sɛ nnipa ɔha, na wɔn mu kɛseɛ te sɛ nnipa apem.+ 15 Yeinom na bosome a ɛdi kan no wɔtwaa Yordan+ berɛ a na ayiri asram soɔ;+ wɔpamoo wɔn a wɔtete asasetamaa no soɔ no kɔɔ apueeɛ ne atɔeɛ.
16 Benyamin ne Yuda asefoɔ no bi baa Dawid nkyɛn wɔ baabi a ɛhɔ korɔ yɛ den+ no. 17 Ɛnna Dawid kɔɔ wɔn anim kɔka kyerɛɛ wɔn sɛ: “Sɛ asomdwoeɛ+ so na mobaa sɛ morebɛboa me a, ɛnneɛ me ne mo bɛyɛ akoma korɔ.+ Na sɛ mobaa ha sɛ morebɛyi me ama m’atamfo berɛ a bɔne biara nni me nsam a,+ ɛnneɛ yɛn agyanom Nyankopɔn+ nhwɛ mmu ho atɛn.”+ 18 Ɛhɔ ara na honhom+ sii Amasai, aduasa so panin no soɔ, na ɔkaa sɛ:
“O Dawid, yɛyɛ wo dea, na w’afã na yɛwɔ,+ O Yese ba.
Asomdwoeɛ, asomdwoeɛ na ɛnka woɔ, na asomdwoeɛ nka wo boafoɔ,
Ɛfiri sɛ wo Nyankopɔn na waboa woɔ.”+
Enti Dawid gyee wɔn too mu, na ɔde wɔn kaa asraafoɔ mpanimfoɔ no ho.+
19 Na Manase asefoɔ no bi dane kɔɔ Dawid afã berɛ a ɔne Filistifoɔ+ reba ne Saul abɛko no; nanso wammoa Filistifoɔ no, ɛfiri sɛ wɔn ahemfo+ tuu agyina pamoo no kaa sɛ: “Anhwɛ a ɔbɛsan akɔdi ne wura Saul akyi, na ɔde yɛn ti atwa so.”+ 20 Berɛ a ɔbaa Siklag+ no, Manase asefoɔ Adnah, Yosabad, Yediael, Mikael, Yosabad, Elihu ne Siletai a wɔyɛ Manase apem apem so ahwɛfoɔ+ no dane baa n’afã. 21 Wɔn na wɔboaa Dawid maa no ko tiaa afomfoɔ no,+ ɛfiri sɛ na wɔn nyinaa yɛ nnɔmmarima+ a wɔn ho yɛ den; wɔbɛyɛɛ asraafoɔ no so atitire. 22 Adeɛ rekye a adeɛ resa nyinaa na nkurɔfoɔ reba+ Dawid nkyɛn bɛboa no. Ɛyɛɛ saa kɔsii sɛ afei wɔbɛyɛɛ dɔm kɛseɛ+ sɛ Onyankopɔn asafo.+
23 Mmarima a wɔkɔ ɔsa a wɔbaa Dawid nkyɛn wɔ Hebron+ sɛ wɔde Saul ahennie+ no bɛma no sɛdeɛ Yehowa asɛm+ kyerɛ no dodoɔ na ɛdi soɔ yi: 24 Yuda asefoɔ a wɔkurakura akyɛm akɛseɛ ne mpea, wɔyɛ mpemnsia ahanwɔtwe a wɔkɔ ɔsa. 25 Simeon asefoɔ mu, asraafoɔ nnɔmmarima a wɔn ho yɛ den, mpemnson ne ɔha.
26 Lewi asefoɔ mu, mpemnan ahansia. 27 Yehoiada na ɔda Aaron+ asefoɔ no ano,+ na nnipa mpem mmiɛnsa ahanson ka ne ho. 28 Aberanteɛ kokoɔdurofoɔ Sadok+ ne n’agyanom fiefoɔ nso, wɔyɛ atitire aduonu mmienu.
29 Saul+ nuanom, Benyamin+ asefoɔ, wɔyɛ mpem mmiɛnsa; ɛde bɛsi saa berɛ no na wɔn mu dodoɔ no ara rewɛn Saul fie. 30 Efraim asefoɔ mu, mpem aduonu ne ahanwɔtwe, nnɔmmarima a wɔn ho yɛ den,+ mmarima a wɔwɔ din wɔn agyanom abusuafie.
31 Manase+ abusuakuo fã nso, nnipa mpem dunwɔtwe na wɔbɔɔ din somaa wɔn sɛ wɔmmɛsi Dawid hene. 32 Isakar+ asefoɔ mmadwemma a wɔhunu deɛ ɛreba+ na wɔnim deɛ ɛsɛ sɛ Israel yɛ+ no yɛ atitire ahanu, na wɔn nuanom nyinaa tiee wɔn. 33 Sebulon+ asefoɔ mu, wɔn a wɔkɔ ɔsa na wɔde akodeɛ nyinaa bi kɔ mpasua soɔ yɛ mpem aduonum; wɔn na wɔboom de akoma korɔ baa Dawid nkyɛn. 34 Naftali+ asefoɔ mu, atitire apem, na nnipa mpem aduasa nson a wɔkurakura akyɛm akɛseɛ ne mpea ka wɔn ho. 35 Dan asefoɔ mu, wɔn a wɔkɔ ɔsa yɛ mpem aduonu nwɔtwe ne ahansia. 36 Aser+ asefoɔ mu, wɔn a wɔkɔ ɔsa, na wɔkɔ mpasua soɔ yɛ mpem aduanan.
37 Ruben ne Gad asefoɔ ne Manase abusuakuo fã a wɔwɔ Yordan agya+ no mu, wɔn a wɔde akodeɛ nyinaa bi kɔ ɔsa yɛ mpem ɔha aduonu. 38 Yeinom nyinaa yɛ mmarima a wɔkɔ ɔsa, wɔbom kɔ mpasua so; wɔde akoma a ɛdi mũ+ baa Dawid nkyɛn wɔ Hebron bɛsii no Israel nyinaa so hene; na Israel nkaeɛ nyinaa de akoma korɔ penee Dawid so sɛ ɔhene.+ 39 Na wɔdii Dawid nkyɛn nnansa; wɔdidiiɛ na wɔnomeeɛ+ ɛfiri sɛ na wɔn nuanom asiesie wɔn akyi. 40 Na wɔn a wɔtete bɛn hɔ nyinaa kɔsi Isakar+ ne Sebulon+ ne Naftali+ de nnuane guu mfunumu+ ne yoma ne mfunumupɔnkɔ ne anantwie so baeɛ; esiam+ nnuane ne borɔdɔma a wɔabɔ no ntoantoa+ ne bobe taterɛ+ ne bobesa+ ne ngo+ ne anantwie+ ne nnwan+ bebree pa, ɛfiri sɛ na anigyeɛ+ aba Israel.