2 Berɛsosɛm

7 Na Solomon wiee ne mpaebɔ+ no ara pɛ, egya firi soro+ bɛhyee ɔhyeɛ afɔdeɛ+ ne afɔrebɔdeɛ no nyinaa, na Yehowa animuonyam+ hyɛɛ fie no mã. 2 Yehowa animuonyam a ɛhyɛɛ Yehowa fie no mã nti, asɔfoɔ no antumi ankɔ Yehowa fie no mu.+ 3 Berɛ a egya no firi soro baeɛ, na Yehowa animuonyam baa fie no soɔ no, Israel mma nyinaa hunuiɛ, na ntɛm ara wɔbɔɔ wɔn mu ase+ de wɔn anim butubutuu fam,+ ɛkwan a aboɔ sam soɔ no so, na wɔdaa Yehowa ase sɛ, “ɔyɛ,+ na n’adɔeɛ wɔ hɔ daa.”+

4 Na ɔhene ne ɔman no nyinaa bɔɔ afɔdeɛ Yehowa anim.+ 5 Ɔhene Solomon de anantwie mpem aduonu mmienu ne nnwan mpem ɔha aduonu na ɛbɔɔ afɔdeɛ+ no. Enti ɔhene ne ɔman no nyinaa buee nokorɛ Nyankopɔn fie no ano.+ 6 Ná asɔfoɔ+ no gyinagyina wɔn nnwuma so, na Lewifoɔ+ no nso kurakura Yehowa nnwontoɔ nneɛma+ a Ɔhene Dawid+ yɛeɛ sɛ wɔmfa nna Yehowa ase sɛ, “n’adɔeɛ wɔ hɔ daa” no; saa na wɔyɛeɛ berɛ biara a Dawid nam wɔn nsa so yii Onyankopɔn ayɛ no. Asɔfoɔ no nso gyinagyinaa wɔn anim hyɛnee ntotorobɛnto+ dendeenden berɛ a na Israelfoɔ nyinaa gyinagyina hɔ no.

7 Ɛnna Solomon yɛɛ Yehowa fie adihɔ no mfimfini hɔ kronkron,+ ɛfiri sɛ ɛhɔ na ɔbɔɔ ɔhyeɛ afɔdeɛ+ no, na asomdwoeɛ afɔdeɛ ho sradeɛ no nso, ɛhɔ na ɔhyee no; ná kɔbere afɔrebukyia+ a Solomon yɛeɛ no sua dodo sɛ ɔbɛbɔ ɔhyeɛ afɔdeɛ ne aduane afɔdeɛ+ na wahye sradeɛ+ no wɔ soɔ. 8 Saa berɛ no, Solomon dii afahyɛ+ nnanson, ɔne Israel nyinaa,+ badwa kɛseɛ paa+ a wɔfiri Hamat+ hyeɛ so kɔsi Egypt subɔn ano.+ 9 Na da a ɛtɔ so nwɔtwe no, wɔyɛɛ afahyɛ nhyiamu titire,+ ɛfiri sɛ afɔrebukyia no so hyira no dii nnanson, ɛnna wɔdii afahyɛ no nso nnanson. 10 Na bosome a ɛtɔ so nson no da a ɛtɔ so aduonu mmiɛnsa no, ɔgyaa ɔman no kwan maa wɔkokɔɔ wɔn afie, na wɔde anigyeɛ+ ne akomatɔyam na ɛkɔeɛ, adepa+ a Yehowa ayɛ ama Dawid ne Solomon ne ne man Israel nti.+

11 Enti Solomon wiee Yehowa fie+ ne ahemfie+ no; biribiara a ɛbaa Solomon akomam sɛ ɔbɛyɛ no Yehowa fie ne ɔno ara ne fie ho no, ɔtumi yɛɛ ne nyinaa. 12 Ɛnna Yehowa yii ne ho adi+ kyerɛɛ Solomon anadwo, na ɔka kyerɛɛ no sɛ: “Mate wo mpaebɔ+ no, na mayi+ ha afa sɛ afɔrebɔ fie.+ 13 Sɛ meto ɔsoro mu na nsuo antɔ,+ na sɛ mehyɛ mmɛbɛ ma wɔbɛwe asase no so nnɔbaeɛ,+ na mema yaredɔm ba me man so,+ 14 na sɛ me man+ a me din+ da wɔn soɔ no brɛ wɔn ho ase+ na wɔbɔ mpaeɛ+ hwehwɛ m’akyiri kwan,+ na wɔdane firi wɔn akwammɔne+ ho a, ɛnneɛ me nso mɛfiri ɔsoro atie+ na mede wɔn bɔne akyɛ+ wɔn, na masa wɔn asase yareɛ.+ 15 Na mɛbue m’ani+ ama mpaeɛ a wɔbɛbɔ no ha no na mayɛ asõ+ atie. 16 Afei mayi+ fie yi ayɛ no kronkron sɛ me din+ ntena hɔ afebɔɔ,+ na m’ani ne m’akoma bɛtena hɔ daa.+

17 “Na wo, sɛ wonante m’anim sɛdeɛ wo papa Dawid+ nantee m’anim no, na woyɛ deɛ mahyɛ woɔ+ nyinaa, na wodi m’ahyɛdeɛ+ ne m’atemmusɛm+ so a, 18 ɛnneɛ me nso, mɛma w’ahennie adwa atim,+ sɛdeɛ me ne wo papa Dawid yɛɛ apam no,+ sɛ, ‘Obusuani a ɔbɛdi Israel soɔ remmɔ wo.’+ 19 Na mo, sɛ modane mo ho,+ na mogya m’ahyɛdeɛ+ ne me mmara nsɛm+ a mede asi mo anim no, na mokɔ kɔsom anyame foforɔ+ na mokoto wɔn+ a, 20 ɛnneɛ me nso mɛtutu mo ase afiri asase a mede ama mo no so,+ na efie a mayɛ no kronkron+ ama me din yi, mɛto afiri m’anim atwene,+ na wɔde aka asɛm+ asere adi ho fɛ aman nyinaa mu.+ 21 Na sɛ fie yi dane amamfõ+ a, obiara a ɔtwam no de ahodwirie+ bɛhwɛ na waka sɛ, ‘Ɛyɛɛ dɛn na Yehowa yɛɛ asase yi ne efie yi sei?’+ 22 Na wɔbɛka sɛ, ‘Wɔagya Yehowa,+ wɔn agyanom Nyankopɔn a ɔyii wɔn firii Egypt asase soɔ+ no ntira; wɔagya no hɔ akɔdi anyame foforɔ akyi+ na wɔakoto asɔre wɔn.+ Ɛno nti na ɔde amanehunu yi nyinaa aba wɔn soɔ no.’”+