2 Berɛsosɛm

9 Na Saba+ hemmaa tee Solomon ho asɛm, na ɔbaa Yerusalem sɛ ɔde aborɔme rebɛsɔ no ahwɛ.+ Ɔreba no, ɔde dɔm kɛseɛ paa ne yoma+ a wɔsosõ balsam ngo+ ne sika+ pii pa ne aboɔden aboɔ+ baeɛ. Ɔde nkakrankakra bɛduruu Solomon nkyɛn, na ɔkaa biribiara a ɛda n’akoma so kyerɛɛ ɔhene.+ 2 Ɛnna Solomon nso buaa no ne nsɛm no nyinaa,+ na biribiara nni hɔ a ɛkyeree Solomon so a wantumi ankyerɛ no.+

3 Berɛ a Saba hemmaa hunuu Solomon nyansa,+ ne efie a wasie,+ 4 ne ne pono so nnuane,+ ne ne nkoa atenaeɛ, ne n’asomfoɔ a wɔsom ɛpono ho ne wɔn ntadeɛ,+ nsahyɛfoɔ+ ne wɔn ntadeɛ, ne ɔhyeɛ afɔdeɛ+ a ɔbɔ daa wɔ Yehowa fie+ no, asɛm no mee ɔhemmaa no. 5 Enti ɔka kyerɛɛ ɔhene sɛ: “Wo nyansa ne wo ho nsɛm a metee no m’asase soɔ nyinaa yɛ nokorɛ.+ 6 Mannye wɔn nsɛm no anni+ kɔsii sɛ me ara mede m’ani bɛhunuiɛ;+ deɛ wɔka kyerɛɛ me no, nokwasɛm nie, ɛnnuru wo nyansa fã mpo!+ Deɛ mabɛhunu yi boro deɛ meteeɛ no koraa.+ 7 Anigyeɛ+ ne wo nkurɔfoɔ, na anigyeɛ ne wo nkoa yi a wɔgyina w’anim daa tie wo nyansa no.+ 8 Nhyira+ nka Yehowa wo Nyankopɔn; ɔno na ayɛ no fɛ+ sɛ ɔde wo bɛtena n’adwa so+ ayɛ wo ɔhene ama Yehowa wo Nyankopɔn;+ wo Nyankopɔn dɔ+ Israel, na ɔpɛ sɛ ɔman no gyina daa nti na ɔde wo asi wɔn so hene+ sɛ bu atɛn+ na di asɛntenenee.”+

9 Ɛnna ɔmaa ɔhene sika+ dwetikɛseɛ ɔha aduonu, ne balsam ngo+ pii pa, ne aboɔden aboɔ.+ Balsam ngo a Saba hemmaa de maa Ɔhene Solomon no dodoɔ nni ano.+

10 Ɛno da nkyɛn a, Hiram nkoa+ ne Solomon nkoa a na wɔde sika+ firi Ofir brɛ no no, na wɔde algum nnua+ ne aboɔden aboɔ+ nso ba. 11 Na ɔhene de algum nnua yɛɛ ntwedeɛ+ wɔ Yehowa fie ne ahemfie,+ na ɔde bi nso yɛɛ asankuo+ ne asankuten+ maa nnwontofoɔ+ no; ná wɔnhunuu ɛso bi da wɔ Yuda asase so.

12 Ɔhene Solomon nso de deɛ Saba hemmaa+ bisaeɛ nyinaa maa no, na ɔhene de akyɛdeɛ a ne dodoɔ te sɛ deɛ ɔde baeɛ no kaa ho maa no. Enti ɔsan n’akyi kɔɔ n’asase so, ɔne ne nkoa.+

13 Sika a na Solomon nya no afe baako no mu duro yɛ sika dwetikɛseɛ ahansia aduosia nsia;+ 14 ɛsono nneɛma a na akwantufoɔ ne adwadifoɔ+ no de ba, ne sika ne dwetɛ a na Arabiafoɔ ahemfo+ nyinaa ne asase no so amradofoɔ de brɛ Solomon.

15 Na Ɔhene Solomon de sika mfrafraeɛ yɛɛ akyɛm+ akɛseɛ ahanu (ɔde sika mfrafraeɛ nnwetɛbena ahansia guu akyɛm no biara ho),+ 16 na ɔde sika mfrafraeɛ yɛɛ nkataboɔ ahasa (ɔde sika mmɛnnaa mmiɛnsa guu nkataboɔ no biara ho).+ Na ɔhene de guu Lebanon Kwaeɛfie+ hɔ.

17 Afei nso ɔhene yɛɛ asommɛn ahennwa kɛseɛ bi, na ɔde sika amapa guu ho.+ 18 Atwedeɛ a ɛwɔ so nsia na wɔforo de kɔ ahennwa no anim; ɛnan ntiasoɔ a wɔde sika ayɛ wɔ ahennwa no anim (wɔayɛ abom), na baabi a wɔtena no, nsa wɔ ha ne ha, na agyata+ mmienu gyinagyina nsa no ho.+ 19 Agyata+ dumienu gyinagyina atwedeɛ a ɛwɔ so nsia no so; baako wɔ ha, na baako nso wɔ ha. Wɔnyɛɛ bi saa da ahennie biara mu.+ 20 Adeɛ a Ɔhene Solomon nom mu+ nyinaa, wɔde sika na ɛyɛeɛ,+ na Lebanon Kwaeɛfie+ hɔ anwenneɛ nyinaa, wɔde sika amapa na ɛyɛeɛ. Wɔamfa dwetɛ anyɛ emu biara, ɛfiri sɛ Solomon nna mu no, na wɔmfa nyɛ hwee.+ 21 Ná ɔhene wɔ ahyɛn a Hiram nkoa+ de kɔ Tarsis.+ Mfeɛ mmiɛnsa biara, na Tarsis ahyɛn de sika ne dwetɛ+ ne asommɛn+ ne nkontromfi ne koohaa+ ba.

22 Enti Ɔhene Solomon yɛɛ kɛseɛ senee asase so ahemfo a aka nyinaa, ahonya+ ne nyansa+ mu. 23 Asase so ahemfo nyinaa baa Solomon anim bɛtiee+ nyansa+ a nokorɛ Nyankopɔn de ahyɛ n’akomam+ no. 24 Obiara de n’akyɛdeɛ baa+ afe biara:+ dwetɛ ne sika nneɛma+ ne ntadeɛ,+ akodeɛ, balsam ngo, apɔnkɔ ne mfunumupɔnkɔ. 25 Na Solomon nyaa apɔnkɔdan+ mpemnan ne nteaseɛnam+ ne apɔnkɔ mpem dumienu, na ɔde ne nyinaa kɔɔ nteaseɛnam nkuro+ mu ne ɔhene nkyɛn wɔ Yerusalem. 26 Ɔdii ahemfo nyinaa so, ɛfiri asubɔnten kɛseɛ no ho kɔsi Filistifoɔ asase so ne Egypt hyeɛ so.+ 27 Bio nso ɔhene maa dwetɛ dɔɔso pii wɔ Yerusalem sɛ aboɔ, na ɔmaa ntweneduro dɔɔso pii+ sɛ sikamɔɔ nnua+ a ɛwɔ Sefela.+ 28 Ebinom nso de apɔnkɔ+ firi Egypt+ ne nsase a aka no nyinaa so brɛɛ Solomon.

29 Solomon ho nsɛm a aka,+ ne mfitiaseɛ kɔsi n’awieeɛ, wɔatwerɛ ne nyinaa wɔ odiyifoɔ Natan+ ne Siloni+ Ahiya+ nkɔmhyɛ nsɛm mu. Ɛwɔ ɔdehunufoɔ Ido+ anisoadehunu ho twerɛtohɔ nso mu, anisoadehunu a ɛfa Nebat+ ba Yeroboam+ ho no. 30 Solomon dii Israel nyinaa so hene wɔ Yerusalem mfeɛ aduanan. 31 Na Solomon ne n’agyanom kɔdaeɛ, na wɔsiee no ne papa Dawid Kuro+ mu, na ne ba Rehoboam+ bɛdii n’adeɛ.+