Mmebusɛm
19 Ohiani a ɔnam ne mũdie* mu no yɛ+ sene deɛ ɔwɔ ano kɔntɔnkye, ne ɔkwasea.+
2 Ɔkra a nimdeɛ abɔ no nyɛ,+ na deɛ ɔpere ne ho wɔ ne nanteɛ mu no yɛ bɔne.+
3 Ɔdasani nkwaseasɛm na ɛkyea ne kwan,+ na n’akoma huru tia Yehowa.+
4 Ahodeɛ ma onipa nya nnamfoɔ pii,+ na ohiani deɛ, ne nnamfo mpo twe wɔn ho firi ne ho.+
5 Ɔdansekunumufoɔ remfa ne ho nni,+ na deɛ ɔkeka atosɛm remfa ne ho nni.+
6 Nnipa pii na wɔhwehwɛ otitire anim adom,+ na deɛ ɔkyɛ adeɛ yɛ obiara yɔnko.+
7 Ohiani nuanom nyinaa tan no.+ Ne nnamfo mpo atwe wɔn ho kɔ akyirikyiri!+ Ɔrehwehwɛ wɔn aka biribi akyerɛ wɔn, nanso ɔnnya wɔn.+
8 Deɛ ɔnya adwempa+ no dɔ ne kra. Deɛ ɔkora nhunumu no bɛhunu papa.+
9 Ɔdansekunumufoɔ remfa ne ho nni,+ na deɛ ɔkeka atosɛm bɛyera.+
10 Asetena pa mfata ɔkwasea.+ Sɛ́ akoa bɛdi mpanimfoɔ so+ deɛ, ɛnyɛ koraa!
11 Onipa nhunumu twentwɛn n’abufuo ase,+ na ɛyɛ animuonyam ma no sɛ ɔbɛbu n’ani agu bɔne soɔ.+
12 Ɔhene abufuo te sɛ gyata a ɔbobom,+ na n’anim adom te sɛ wura so bosuo.+
13 Ɔba kwasea ma ne papa hunu amane,+ na ɔyere gyegyefoɔ te sɛ ɛdan a ɛnwunu na ɛpamo onipa.+
14 Efie ne ahodeɛ yɛ agyapadeɛ a papanom de gya wɔn mma,+ na ɔyere badwemma firi Yehowa.+
15 Aniha ma obi da hatee,+ ɔkwadwofoɔ kra di kɔm.+
16 Deɛ ɔkora mmara nsɛm no kora ne kra;+ deɛ ɔbu n’ani gu n’akwan soɔ no, wɔbɛku no.+
17 Deɛ ɔdom ɔbrɛfoɔ no de fɛm Yehowa,+ na deɛ ɔde ama no, Ɔbɛtua no ka.+
18 Anidasoɔ wɔ hɔ yi, tea wo ba;+ mma ne wuo nnyɛ wo akɔnnɔ.+
19 Deɛ n’abufuo sõ no, ɛka na wɔbɔ no;+ na sɛ wotwitwa gye no a, wobɛtwitwa agye no, atwitwa agye no bio.+
20 Tie afotuo na gye ntenesoɔ,+ na woahunu nyansa daakye.+
21 Onipa akomam nsusuiɛ dɔɔso,+ na Yehowa agyina na ɛbɛtim.+
22 Adeɛ a ɛyɛ fɛ wɔ ɔdasani ho ne n’adɔeɛ;+ na ohiani yɛ sene ɔtorofoɔ.+
23 Yehowa suro ma nkwa,+ na ɛma onipa da ma n’asom dwo no;+ adebɔne bi remma ne so.+
24 Ɔkwadwofoɔ de ne nsa ato ayowa mu;+ ɔntumi mfa nkɔ n’ano mpo.+
25 Bɔ fɛdifoɔ+ na ogyimfoɔ no ani nte;+ ma onipa a ɔwɔ nteaseɛ kasakyerɛ, na ɔbɛnya nimdeɛ.+
26 Deɛ ɔdi ne papa ani na ɔpamo ne maame+ no, ɔyɛ aniwuo ne animguaseɛ ba.+
27 Me ba, sɛ wogyae ntenesoɔ tie a, ɛbɛyi wo afiri nimdeɛ nsɛm ho.+
28 Ɔdanseni huhuni di atɛntenenee ho fɛ,+ na amumuyɔfoɔ ano memene bɔne.+
29 Atemmuo tim hɔ ma afɛdifoɔ,+ na mmaa nso wɔ hɔ ma nkwaseafoɔ akyi.+