Mmebusɛm

18 Deɛ ɔte ne ho no hwehwɛ deɛ ɔno ara pɛ;+ ɔtwe ne ho firi nyansa nyinaa ho.+

2 Ɔkwasea mfa nhunumu nyɛ hwee,+ na mmom n’akoma na ɔyi no adie.+

3 Ɔbɔnefoɔ ba a, animtiabuo nso ba;+ na animguaseɛ+ ne ahohorabɔ na ɛnam.

4 Onipa anom nsɛm yɛ nsuo a ɛmu dɔ.+ Nyansa abura yɛ asutene a ɛbu fa soɔ.+

5 Ɛnyɛ sɛ wobɛyɛ animhwɛ adi ama ɔbɔnefoɔ,+ na woadane ɔteneneeni asɛm ani, atemmuo mu.+

6 Ɔkwasea anom asɛm de ɔham ba,+ na n’ano frɛfrɛ mmaa.+

7 Ɔkwasea ano na ɛsɛe no,+ na n’anom asɛm sum ne kra fidie.+

8 Dinsɛefoɔ nsɛm te sɛ aduane a wɔmemene no ntɛmntɛm,+ na ɛkɔ nsono mu tɔnn.+

9 Deɛ ɔntene ne ho nyɛ adwuma+ nso—ne nua ne ɔdesɛefoɔ.+

10 Abandenden ne Yehowa din.+ Emu na ɔteneneeni dwane korɔ, na ɔnya ahobammɔ.+

11 Ɔdefoɔ ahonyadeɛ ne ne kuro a ɛyɛ den,+ ɛte sɛ fasuo a ɛyɛ den wɔ n’ani so.+

12 Deɛ ɛdi asehweɛ anim ne sɛ onipa akoma bɛma ne ho soɔ,+ na deɛ ɛdi animuonyam anim ne ahobrɛaseɛ.+

13 Sɛ obi bua asɛm ansa na wate a,+ ɛyɛ nkwaseasɛm ne animguaseɛ ma no.+

14 Onipa honhom tumi soa ne yareɛ,+ na honhom a ɛyareɛ deɛ, hwan na ɔbɛtumi asoa?+

15 Onipa a ɔwɔ nteaseɛ no, n’akoma nya nimdeɛ,+ na anyansafoɔ aso hwehwɛ nimdeɛ.+

16 Onipa akyɛdeɛ bɔ kwan kɛseɛ ma no,+ na ɛde no kɔ nnipa akɛseɛ mpo anim.+

17 Deɛ ɔdi kan bɔ ne nkuro yɛ ɔteneneeni,+ na ne yɔnko ba a, ɔbɛhwehwɛ ne mu.+

18 Ntonto ma ntɔkwa gyae,+ na ɛpata atumfoɔ mpo.+

19 Onua a wɔafom no sene kuro a ɛyɛ den;+ na mansotwe te sɛ abankɛseɛ akyi mmeamu.+

20 Onipa anom aba na ɔde bɛhyɛ ne yafunu ma;+ n’anom nnɔbaeɛ+ na ɛbɛmee no.

21 Owuo ne nkwa wɔ kɛtrɛma nsam,+ na deɛ ɔdɔ no no bɛdi ɛso aba.+

22 Woanya ɔyere pa+ anaa? Ɛnneɛ woanya adepa,+ woanya Yehowa anim adom.+

23 Ohiani de n’adesrɛ to dwa,+ na ɔdefoɔ ma mmuaeɛ a emu yɛ den.+

24 Ayɔnkofoɔ bi wɔ hɔ a wɔsɛe wɔn nnamfo,+ na adamfoɔ bi nso wɔ hɔ a ɔfam ho sene onua.+