Leviticus

20 Yehowa toaa so kasa kyerɛɛ Mose sɛ: 2 “Ka kyerɛ Israelfoɔ sɛ, ‘Israelni anaa ɔhɔhoɔ biara a ɔte Israel a ɔde ne ba bɛma Molek+ no, wɔnku no. Asase no sofoɔ nsi no aboɔ nku no. 3 Mɛma m’ani asã onipa a ɔte saa na matwa no afiri ne man mu,+ ɛfiri sɛ ɔde ne ba ama Molek de agu me kronkronbea+ ne me din kronkron no ho fĩ.+ 4 Na sɛ ɔde ne ba ma Molek na asase no sofoɔ bu wɔn ani gu so na wɔanku no+ a, 5 ɛnneɛ mɛma m’ani asã saa nipa no ne n’abusua,+ na mɛtwa ɔne wɔn a wɔdii n’akyi ne Molek bɔɔ adwaman+ no nyinaa afiri wɔn man mu.

6 “‘Ɔkra biara a ɔbɛfiri m’akyi ne adebisafoɔ+ anaa asumanfoɔ+ akɔbɔ adwaman no, mɛma m’ani asã ɔkra a ɔte saa no na matwa no afiri ne man mu.+

7 “‘Monte mo ho na monyɛ kronkron,+ ɛfiri sɛ mene Yehowa mo Nyankopɔn. 8 Monkora m’ahyɛdeɛ so na monni so.+ Me Yehowa na merema mo ho ateɛ.+

9 “‘Obiara a ɔbɛdome ne papa anaa ne maame+ no, wɔnku no.+ Ne papa ne ne maame na wadome wɔn, enti ɔno ara ne mogya bɛgu ne tiri so.+

10 “‘Ɔbarima a ɔne ɔbarima foforɔ yere bɛsɛe awareɛ, kyerɛ sɛ ɔne ne yɔnko yere bɛda+ no, wɔnku no. Wɔnku ɔbarima ne ɔbaa awaresɛefoɔ no nyinaa.+ 11 Ɔbarima a ɔne ne papa yere bɛda no ayi ne papa adagya so.+ Wɔnku wɔn mmienu nyinaa. Wɔn ara wɔn mogya bɛgu wɔn tiri so. 12 Sɛ ɔbarima ne n’asebaa, kyerɛ sɛ ne ba yere da a, wɔnku wɔn mmienu nyinaa.+ Wɔayɛ akyiwadeɛ. Wɔn ara wɔn mogya bɛgu wɔn tiri so.+

13 “‘Sɛ ɔbarima ne ne yɔnko barima da sɛdeɛ ɔne ɔbaa da a, wɔn mmienu nyinaa ayɛ akyiwadeɛ.+ Ɛsɛ sɛ wɔku wɔn. Wɔn ara wɔn mogya bɛgu wɔn tiri so.

14 “‘Sɛ ɔbarima fa ɔbaa ne ne maame nyinaa a, ɛyɛ ahohwibra.+ Ɛsɛ sɛ wɔhye ɔne wɔn nyinaa wɔ gya mu+ na ahohwibra+ antena mo mu.

15 “‘Ɔbarima biara a ɔde ne ho nsuo bɛma aboa no,+ ɛsɛ sɛ moku ɔne aboa no nyinaa. 16 Na sɛ ɔbaa bi de ne ho ma aboa sɛ ɔmfa no+ a, monku ɔbaa no ne aboa no nyinaa. Owuo ara na ɛsɛ sɛ wɔwuo. Wɔn ara wɔn mogya bɛgu wɔn tiri so.

17 “‘Sɛ ɔbarima bi fa ne nuabaa a ɔyɛ ne papa ba anaa ne maame ba na ɔhunu n’adagya na ɔbaa no nso hunu n’adagya a, ɛyɛ aniwudeɛ.+ Enti ɛsɛ sɛ wɔku wɔn wɔ wɔn man mufoɔ anim. Ɛyɛ ne nuabaa adagya na wayi soɔ, enti ɔbɛsoa ne bɔne.

18 “‘Sɛ ɔbarima ne ɔbaa a wayɛ bra da ma no yi n’adagya so a, ɛyɛ ɔbaa no mogya abura na wɔn mmienu abue soɔ.+ Enti wɔntwa wɔn mfiri wɔn man mu.

19 “‘Nyi wo maame nuabaa anaa wo papa nuabaa adagya so,+ ɛfiri sɛ obi yɛ saa a, wayi ne busuani ho.+ Wɔbɛsoa wɔn bɔne. 20 Sɛ obi ne ne papa nua yere da a, ɛyɛ ne papa nua adagya so na wayie.+ Wɔbɛsoa wɔn bɔne. Wɔbɛwu a wɔnni mma.+ 21 Sɛ obi fa ne nua yere a, ɛyɛ abofonodeɛ.+ Ne nua adagya so na wayie. Wɔrennya mma.

22 “‘Monni m’ahyɛdeɛ+ ne m’atemmusɛm+ nyinaa so na asase a mede mo rekɔ soɔ no amfe mo angu.+ 23 Na monhwɛ na moanyɛ aman a merepamo wɔn afiri mo anim no amanneɛ,+ ɛfiri sɛ yeinom na wɔyɛ a wɔn ho yɛ me abofono no.+ 24 Yei nti na meka kyerɛɛ mo sɛ:+ “Mobɛfa wɔn asase, na me nso mede asase a nufosuo ne ɛwoɔ sene soɔ bɛma mo ayɛ mo agyapadeɛ.+ Mene Yehowa mo Nyankopɔn; me na mate mo afiri aman a aka no ho.”+ 25 Momma nsonsonoeɛ nna mmoa a wɔn ho teɛ ne wɔn a wɔn ho nteɛ ntam, ne nnomaa a wɔn ho teɛ ne wɔn a wɔn ho nteɛ ntam.+ Na mommfa mmoa anaa nnomaa anaa biribiara a ɛwea fam a mayi asi hɔ sɛ wɔn ho nteɛ no nngu mo kra ho fĩ.+ 26 Monyɛ kronkron,+ ɛfiri sɛ me Yehowa meyɛ kronkron,+ na merete mo afiri aman a aka no ho de mo ayɛ m’agyapadeɛ.+

27 “‘Sɛ ɔbarima anaa ɔbaa di asumansɛm anaa ɔwɔ akɔm honhom+ a, wɔnku wɔn.+ Wɔnsi wɔn aboɔ nku wɔn. Wɔn ara wɔn mogya bɛgu wɔn tiri so.’”+