Yeremia
30 Asɛm a ɛfiri Yehowa hɔ baa Yeremia nkyɛn nie: 2 “Deɛ Yehowa, Israel Nyankopɔn no aka nie, ‘Twerɛ nsɛm a mɛka akyerɛ wo no nyinaa wɔ nwoma mu. 3 Na “hwɛ! Nna bi reba,” Yehowa asɛm nie, “mɛboaboa me nkurɔfoɔ a wɔakye wɔn kɔ no ano, Israel ne Yuda,”+ Yehowa asɛm nie, “na mɛsan de wɔn aba asaase a mede maa wɔn agyanom no so, na wɔbɛsan abɛtena so bio.”’”+
4 Wei ne nsɛm a Yehowa ka kyerɛɛ Israel ne Yuda.
5 Deɛ Yehowa aka nie:
“Yɛate nnipa a wɔn ho repopo nne;
Ehu nko ara, asomdwoeɛ biara nni hɔ.
6 Mepa mo kyɛw, mommisa nhwɛ sɛ ɔbarima bɛtumi akyem awo anaa.
Ɛnneɛ, adɛn nti na mehunu sɛ ɔbarima hoɔdenfoɔ biara de ne nsa ato n’afuru so*
Te sɛ ɔbaa a awoɔ aka no yi?+
Adɛn nti na obiara anim ayɛ hoyaa yi?
Ɛso bi mmaa da;
Ɛyɛ amanehunu berɛ ma Yakob.
Nanso wɔbɛgye no afiri mu.”
8 “Na ɛda no,” asafo Yehowa asɛm nie, “mɛbubu kɔndua no mu afiri wo kɔn ho, na wo nhoma nso, mɛte mu mmienu; na ahɔhoɔ* remfa no* nyɛ wɔn akoa bio. 9 Wɔbɛsom Yehowa, wɔn Nyankopɔn ne wɔn hene Dawid a mɛyi no ama wɔn no.”+
Ɛfiri sɛ mɛgye wo afiri akyirikyiri,
Na magye wo mma afiri asaase a wɔakye wɔn kɔ so no so.+
Na Yakob bɛsan aba; ɔbɛtena hɔ dwoodwoo, na obiara renteetee no,
Na obiara renhunahuna wɔn.”+
11 “Ɛfiri sɛ meka wo ho, na mɛgye wo,” Yehowa asɛm nie,
Mɛtene wo so sɛdeɛ ɛfata,
Na meremma womfa wo ho nni da.”+
12 Na deɛ Yehowa aka nie:
“Pira a woapira no, wɔsa a ɛrenyɛ yie.+
Wo kuro nni aduro.
13 Obiara nni hɔ a ɔbɛka bi ama wo,
Wɔrentumi nsa wo kuro no.
Ayaresa biara nni hɔ mma wo.
14 W’adɔfoɔ a wɔnte wo ho gyae no nyinaa werɛ afi wo.+
Wɔnhwehwɛ w’akyiri akwan bio.
Ɛfiri sɛ ɔtamfo abaa na mede abɔ wo,+
Na otirimuɔdenfoɔ asotwe na mede atwe w’aso,
Ɛsiane sɛ wo bɔne so, na w’amumuyɛ dɔɔso nti.+
15 Adɛn nti na pira a woapira nti, woresu?
Wo yea no renkɔ da!
Ɛsiane sɛ wo bɔne so, na w’amumuyɛ dɔɔso nti+
Na mayɛ wo saa no.
Wɔn a wɔfom wo nneɛma no, wɔbɛfom wɔn nneɛma,
Na wɔn a wɔsesa wo nneɛma no, wɔn nso mɛma nkurɔfoɔ asesa wɔn nyinaa nneɛma.”+
Nanso mɛma wo ho atɔ wo na masa w’akuro no,”+ Yehowa asɛm nie.
18 Deɛ Yehowa aka nie:
“Hwɛ, mereboaboa Yakob ntomadan mufoɔ a wɔakye wɔn kɔ no ano,+
Na mɛhu ne ntomadan no mmɔbɔ.
Wɔbɛsan akyekyere kuro no asi ne bepɔ no so,+
Na abantenten no bɛsan asi baabi a na ɛsi no bio.
19 Na wɔbɛte aseda ne sereɛ wɔ wɔn mu.+
Me ne wɔn a wɔhyɛ ne so no nyinaa bɛdi.+
21 Ne tumfoɔ bɛfiri ɔno ara nkurɔfoɔ mu,
Na ne mu na ne hene bɛfiri aba.
Mɛma no abɛn na waba me nkyɛn.”
“Anyɛ saa a, hwan na ɔbɛsi ne bo* aba me nkyɛn?” Yehowa asɛm nie.
22 “Na mobɛyɛ me man,+ na me nso mayɛ mo Nyankopɔn.”+
23 Hwɛ! Yehowa ahum de abufuo bɛtu.+
Ɛbɛyɛ sɛ mframa denden a ɛpra nneɛma; ɛbɛtwa ne ho wɔ abɔnefoɔ apampam.
Awieeɛ nna no mu na mobɛte wei ase.+