Yeremia
31 “Saa berɛ no,” Yehowa asɛm nie, “mɛyɛ Israel mmusua nyinaa Nyankopɔn, na wɔn nso ayɛ me man.”+
2 Deɛ Yehowa aka nie:
“Nnipa a sekan ankunkum wɔn no nyaa adom wɔ serɛ so
Berɛ a Israel nam kwan so rekɔ ne homebea no.”
3 Yehowa yii ne ho adi kyerɛɛ me wɔ akyirikyiri, na ɔkaa sɛ:
“Ɔdɔ a ɛnni awieeɛ na mede adɔ wo.
Ɛno nti na mede ɔdɔ a ɛnni hwammɔ atwe wo aba me nkyɛn no.*+
4 Mɛsan ama wo so asi hɔ ama woagyina bio.+
6 Na ɛda bi reba a awɛmfoɔ a ɛwɔ Efraim mmepɔ so bɛteam sɛ:
‘Monsɔre, momma yɛmforo nkɔ Sion, na yɛnkɔ Yehowa, yɛn Nyankopɔn no nkyɛn.’”+
7 Ɛfiri sɛ deɛ Yehowa aka nie:
“Momfa anigyeɛ nni ahurisie wɔ Yakob ho.
Mommɔ ose ɛfiri sɛ moadi kan wɔ amanaman no mu.+
Mommɔ no dawuro; monyi Onyankopɔn ayɛ, na monka sɛ,
‘O Yehowa, gye wo man, Israelfoɔ a aka no.’+
8 Mede wɔn bɛfiri atifi fam asaase so asan aba.+
Mɛboaboa wɔn ano afiri asaase ano akyirikyiri.+
Wɔn a wɔbɛka ho bi ne anifirafoɔ ne mmubuafoɔ,+
Apemfoɔ ne wɔn a awoɔ aka wɔn. Mɛboaboa wɔn nyinaa ano.
Na wɔbɛsan aba ha sɛ asafo kɛseɛ.+
Mɛdi wɔn anim berɛ a wɔresrɛ hwehwɛ adom.
Ɛfiri sɛ meyɛ Israel Agya, na Efraim yɛ m’abakan.”+
“Deɛ ɔbɔɔ Israel hweteeɛ no, ɔbɛboaboa wɔn ano.
Na ɔbɛhwɛ wɔn sɛdeɛ odwanhwɛfoɔ hwɛ ne nnwan.+
12 Wɔbɛba abɛbɔ ose wɔ Sion bepɔ so,+
Na wɔadi Yehowa papayɛ* ho ahurisie,
Hwiit* ne bobesa foforɔ+ ne ngo ho,
Ɛne nnwan mma ne anantwie ho.+
Mɛma wɔn awerɛhoɔ adane anigyeɛ.+
Mɛkyekye wɔn werɛ, na mɛma wɔadi ahurisie; wɔbɛfiri wɔn awerɛhoɔ no mu.+
15 “Deɛ Yehowa aka nie:
‘Wɔte nne bi wɔ Rama,+ awerɛhoɔ su ne esu yayaaya:
Ɛyɛ Rahel na ɔresu ne mma mmarima.*+
Wɔkyekye ne werɛ wɔ ne mma mmarima no ho a, ɔmpene,
Ɛfiri sɛ wɔnni hɔ bio.’”+
16 Deɛ Yehowa aka nie:
“‘Gyae su na pepa w’ani ase nisuo,
Ɛfiri sɛ w’adwuma so akatua wɔ hɔ,’ Yehowa asɛm nie.
‘Wɔbɛsan afiri ɔtamfo no asaase so aba.’+
17 ‘Anidasoɔ wɔ hɔ ma wo,’+ Yehowa asɛm nie.
‘Wo mma mmarima bɛsan aba wɔn asaase so bio.’”+
18 “Mate paa sɛ Efraim redi abooboo sɛ,
‘Woatene me so, na magye ntenesoɔ no atom
Te sɛ nantwie ba a wɔntetee no.
San fa me bra, na mɛsan aba dodo,
Ɛfiri sɛ wone Yehowa me Nyankopɔn.
19 Na berɛ a mesan baeɛ no, menyaa adwensakra;+
Na berɛ a wɔmaa metee aseɛ no, mede awerɛhoɔ bɔɔ me srɛ ho.
Mefɛree, na m’ani wui,+
Ɛfiri sɛ mesoaa me mmeranteberɛm animguaseɛ.’”
20 “Efraim nyɛ me ba a ɔsom bo ma me anaa? Ɔnyɛ me dɔba anaa?+
Mekasa tia no mprɛ pii mpo a, meda so kae no.
Ɛno nti na me yam* hyehye me wɔ ne ho no.+
Deɛ ɛteɛ biara, mɛhu no mmɔbɔ,” Yehowa asɛm nie.+
Hwɛ kwantempɔn no yie, ɛkwan a wobɛfa so no.+
San bra, O Israel ɔbaabunu, san bra wo nkuro yi mu.
22 Ɔbabaa nkontomponi, wobɛkɔ ha akɔ ha akɔsi da bɛn?
Ɛfiri sɛ Yehowa abɔ ade foforɔ wɔ asaase so. Ɛne sɛ:
Ɔbaa bɛyere ne ho ahwehwɛ ɔbarima.”
23 Deɛ asafo Yehowa, Israel Nyankopɔn no aka nie: “Sɛ meboaboa wɔn a wɔakye wɔn kɔ no ano a, wɔbɛsan aka asɛm yi bio wɔ Yuda asaase ne ne nkuro mu sɛ: ‘O tenenee tenabea,+ bepɔ kronkron,+ Yehowa nhyira wo.’ 24 Na Yuda ne ne nkuro nyinaa bɛbom atena mu, akuafoɔ ne wɔn a wɔhwɛ nnwan nyinaa.+ 25 Na mɛma deɛ wabrɛ* ahome, na mahyɛ obiara* a wayɛ hahaaha ma.”+
26 Ɛnna menyaneeɛ, na mebuee m’ani, na mehuu sɛ mada ama me ho abae me.
27 “Hwɛ! Nna bi reba,” Yehowa asɛm nie, “na mɛma nnipa ne nyɛmmoa adɔɔso wɔ Israel fie ne Yuda fie.”*+
28 “Na sɛdeɛ mede m’ani sii wɔn so sɛ mɛtu wɔn ase, na madwiri wɔn agu, na mabubu wɔn, na masɛe wɔn ayɛ wɔn bɔne no,+ saa ara na mɛma m’ani aba wɔn so na mama wɔn so asi hɔ na madua wɔn,”+ Yehowa asɛm nie. 29 “Saa berɛ no, wɔrenka bio sɛ, ‘Agyanom adi bobebunu,* na mma na wɔn se afem.’+ 30 Mmom obiara bɔne nti na ɔbɛwu, na obiara a ɔbɛdi bobebunu no, ɔno ara na ne se bɛfem.”
31 “Hwɛ! Nna bi reba,” Yehowa asɛm nie, “na me ne Israel fie ne Yuda fie bɛyɛ apam foforɔ.+ 32 Ɛrenyɛ sɛ apam a me ne wɔn agyanom yɛɛ no da a mesosɔɔ wɔn nsa dii wɔn anim firii Egypt asaase so no;+ ‘ɛwom sɛ na meyɛ wɔn wura* ankasa deɛ, nanso wɔbuu m’apam so,’+ Yehowa asɛm nie.”
33 “Na wei ne apam a me ne Israel fie bɛyɛ wɔ saa nna no akyi,” Yehowa asɛm nie. “Mede me mmara bɛhyɛ wɔn mu,+ na matwerɛ no wɔ wɔn akomam.+ Na mɛyɛ wɔn Nyankopɔn, na wɔn nso ayɛ me man.”+
34 “Na obiara renkyerɛ ne yɔnko ne ne nua bio sɛ, ‘Monhunu Yehowa!’+ Ɛfiri sɛ wɔn nyinaa bɛhu me, ɛfiri kumaa so kɔsi ɔkɛseɛ so,”+ Yehowa asɛm nie. “Ɛfiri sɛ mede wɔn mfomsoɔ bɛkyɛ wɔn, na wɔn bɔne nso, merenkae bio.”+
35 Yehowa a ɔma awia hyerɛn awia,
Deɛ wahyehyɛ mmara ama bosome ne nsoromma sɛ ɛnhyerɛn anadwo,
Deɛ ɔkanyan ɛpo ma n’asorɔkye bu fa so,
A ne din de asafo Yehowa no,+
Deɛ waka nie:
36 “‘Ɛsiane sɛ saa ahyɛdeɛ yi bɛyɛ adwuma daa nti,’ Yehowa asɛm nie,
‘Israel asefoɔ nso bɛkɔ so ayɛ ɔman wɔ m’anim daa.’”+
37 Deɛ Yehowa aka nie: “‘Sɛ obi bɛtumi asusu ɔsoro, na wahwehwɛ asaase fapem a, ɛnneɛ me nso mɛpo Israel asefoɔ nyinaa, deɛ wɔayɛ nyinaa nti,’ Yehowa asɛm nie.”+
38 “Hwɛ! Nna bi reba,” Yehowa asɛm nie, “na wɔbɛkyekyere kuro no+ ama Yehowa afiri Hananel Abantenten ho+ akɔsi Ntwea So Pono no ho.+ 39 Na susuhoma+ no bɛpue akɔ tẽẽ akɔduru Gareb kokoɔ so, na adane akɔ Goa. 40 Na ɛbɔn a wɔto afunu ne nsõ* gu mu,* ne mfuo a ɛgu mmepɔ so no nyinaa, de kɔsi Kidron Bɔn mu+ kɔsi Apɔnkɔ Pono ntwea so+ wɔ apueeɛ fam no bɛyɛ ade kronkron ama Yehowa.+ Wɔrentutu aseɛ, na wɔrennwiri ngu bio da.”