Yeremia
51 Deɛ Yehowa aka nie:
2 Mɛsoma wɔn a wɔhu hwiit so akɔ Babilon,
Na wɔbɛhu no ama n’asaase ada mpan.
Na wɔbɛba ne so wɔ afã nyinaa, amanehunu da no.+
3 Deɛ ɔkuntunu agyan mu* no, mma ɔnnkuntunu mu bio.
Na mma obiara nnsɔre mmfa dadeɛ ataadeɛ nnhyɛ.
Monnhu ne mmeranteɛ mmɔbɔ.+
Monsɛe n’asraafoɔ nyinaa.
Nanso bɔne ahyɛ wɔn asaase* no so ma wɔ Israel Kronkronni no ani so.
Monhwɛ na ne bɔne nti, moanwuwu.
Ɛfiri sɛ berɛ a Yehowa de bɛtua bɔne so ka aso.
Ɔretua no ka wɔ deɛ wayɛ ho.+
7 Babilon ayɛ sika kɔkɔɔ kuruwa wɔ Yehowa nsam;
Wama asaase nyinaa abobo.
Amanaman no anom ne nsã no.+
Ɛno nti na amanaman no abobɔ adam no.+
8 Babilon ahwe ase mpofirim, na wabubu.+
Ne nti, monsu nteateam!+
Ne yea no nti, mompɛ balsam ngo mma no; ebia ne ho bɛtɔ no.”
9 “Yɛyɛɛ biara sɛ yɛbɛsa Babilon yareɛ, nanso ne ho antɔ no.
Monnya no hɔ, na momma yɛnkɔ; obiara nkɔ n’asaase so.+
Ɛfiri sɛ n’atemmuo akɔduru soro;
Akɔ ara akɔduru mununkum mu.+
10 Yehowa abu atɛntenenee ama yɛn.+
Mommra, momma yɛnka Yehowa yɛn Nyankopɔn no adwuma ho asɛm wɔ Sion.”+
11 “Monse agyan ano;+ momfa akyɛm.*
Yehowa akanyan Media ahemfo no honhom,+
Ɛfiri sɛ ɔpɛ sɛ ɔsɛe Babilon.
Ɛyɛ Yehowa na ɔretua bɔne so ka; ɔretua bɔne so ka ama n’asɔrefie.
12 Momfa ahyɛnsodeɛ*+ nsi Babilon fasuo so.
Momma ɔwɛn no mu nyɛ den. Momma awɛmfoɔ nnyinagyina hɔ.
Mompɛ wɔn a wɔbɛkɔ akɔtetɛ.
Ɛfiri sɛ Yehowa afa adwene,
Na deɛ wahyɛ bɔ sɛ ɔde bɛyɛ Babilonfoɔ no, ɔbɛyɛ.”+
14 Asafo Yehowa aka ɔno ara ne ho* ntam sɛ,
‘Mɛma mmarima ayɛ wo mu ma; wɔbɛdɔɔso te sɛ ntutummɛ,
Na wo nti, wɔbɛbɔ ose.’+
15 Ɔno na ɔde ne tumi yɛɛ asaase,
Na ɔde ne nyansa maa asaase tim hɔ;+
Ɔno na ɔde ne nhunumu trɛɛ ɔsoro mu.+
17 Nnipa nyinaa yɛ wɔn adeɛ te sɛ deɛ wɔnni adwene ne nimdeɛ.
18 Wɔyɛ adehunu,*+ biribi a nkurɔfoɔ hwɛ sere.
Sɛ wɔn akontabuo da ba a, wɔbɛsɛe.
19 Yakob Kyɛfa deɛ, ɔnte sɛ weinom,
Ɛfiri sɛ Ɔno na ɔyɛɛ nneɛma nyinaa,
N’agyapadeɛ poma no mpo, ɔno na ɔyɛeɛ.+
Asafo Yehowa ne ne din.”+
20 “Woyɛ m’aporibaa a mede kɔ ɛko, m’akodeɛ,
Ɛfiri sɛ wo na mede wo bɛbubu amanaman.
Wo na mede wo bɛsɛe ahennie ahodoɔ.
21 Wo na mede wo bɛbubu pɔnkɔ ne deɛ ɔte ne so.
Wo na mede wo bɛbubu ɛko teaseɛnam ne deɛ ɔte mu.
22 Wo na mede wo bɛbubu barima ne ɔbaa.
Wo na mede wo bɛbubu akɔkoraa ne abarimaa.
Wo na mede wo bɛbubu aberanteɛ ne ababaawa.
23 Wo na mede wo bɛbubu odwanhwɛfoɔ ne ne nnwan.
Wo na mede wo bɛbubu okuafoɔ ne ne mmoa a ɔde wɔn funtum asaase.
Wo na mede wo bɛbubu amradofoɔ ne asoafoɔ.
24 Na mɛtua Babilon ne Kaldeafoɔ nyinaa ka,
Bɔne a wɔayɛ wɔ mo anim wɔ Sion no nyinaa nti,”+ Yehowa asɛm nie.
Mɛtene me nsa wɔ wo so, na mamunimuni wo afiri abotan mu abɛhwe fam,
Na mɛma woayɛ bepɔ a ahye.”
26 “Nnipa remfa ɛboɔ a wɔde bɛto ntwea so ne ɛboɔ a wɔde bɛto fapem mfiri wo mu,
Ɛfiri sɛ wobɛdane amamfo afebɔɔ,”+ Yehowa asɛm nie.
27 “Momma ahyɛnsodeɛ* so wɔ asaase no so.+
Mommɔ abɛn wɔ amanaman mu.
Monyi* amanaman no mma wɔne no nkɔko.
Momfrɛfrɛ Ararat+ ne Mini ne Askenas+ ahennie nkɔ ne so.
Mompɛ obi a ɔbɛboaboa dɔm ano akɔ ne so.
Momma apɔnkɔ mmra sɛ ntutummɛ manyamanya.
Media ahemfo,+ n’amradofoɔ ne n’asoafoɔ nyinaa,
Ne nsaase a wɔdi so nyinaa mma wɔne no nkɔko.
29 Na asaase bɛwoso na ahinhim,
Ɛfiri sɛ adwene a Yehowa afa wɔ Babilon ho no bɛba mu
Ama Babilon asaase ayɛ biribi a ɛyɛ hu, na obiara rentena hɔ.+
30 Babilon mmarima a wɔnim ko no agyae ko.
Wɔtete wɔn abandenden mu.
Wɔn ahoɔden asa.+
Wɔayɛ sɛ mmaa.+
Wɔde gya ato n’afie mu.
Wɔabubu deɛ ɔde abrambram n’apono akyi no.+
31 Mmirikatufoɔ baako tu mmirika kɔhyia mmirikatufoɔ foforɔ,
Na ɔsomafoɔ baako kɔhyia ɔsomafoɔ foforɔ,
Na wɔkɔbɔ Babilon hene amanneɛ sɛ nkurɔfoɔ adi ne kuro no nyinaa so,+
32 Na wɔafa baabi a wɔfa twa nsuo no nyinaa,+
Na wɔde gya ahye akodoɔ a wɔde mmɛwa* ayɛ no,
Na asraafoɔ no abɔ hu.”
33 Na deɛ asafo Yehowa, Israel Nyankopɔn no aka nie:
“Babilon babaa te sɛ ayuporobea.
Berɛ aso sɛ wɔtiatia ne so tim fam.
Ɛrenkyɛ koraa na ne twaberɛ aduru.”
Wama mayɛ sɛ adeɛ a hwee nni mu.
Wamene me te sɛ ɔwɔ kɛseɛ bi;+
Ɔde me nneɛma pa ahyɛ ne yafunu ma.
Wahohoro me kɔ.
35 Deɛ ɔte Sion no ka sɛ, ‘Ayayadeɛ a wɔde yɛɛ me* no, ebi mmra Babilon so!’+
Na Yerusalem nso ka sɛ, ‘Me mogya mmra Kaldeafoɔ so!’”
36 Enti deɛ Yehowa aka nie:
Mɛma ɛpo a ɛda ne hɔ no awe, na mama ne mmura awewe.+
37 Babilon bɛdane aboɔ asum hɔ,+
Na ayɛ sakraman tenabea,+
Na ɛbɛdane biribi a ɛyɛ hu ne biribi a nkurɔfoɔ bɛtɛɛ wɔn anom ahwɛ,*
Na obiara rentena hɔ.+
38 Wɔn nyinaa bɛbobom sɛ agyata;*
Wɔbɛpɔ te sɛ agyata mma.”
39 “Ɛda a wɔn akɔnnɔ bɛba no, mɛto wɔn pono na mama wɔabobo,
Sɛdeɛ ɛbɛyɛ a wɔn ho bɛsɛpɛ wɔn.+
Afei wɔbɛda afebɔɔ,
Na wɔrensɔre bio,”+ Yehowa asɛm nie.
40 “Mede wɔn bɛsiane aba te sɛ nnwan mma a wɔrekɔku wɔn,
Te sɛ adwennini ne mpɔnkye.”
Hwɛ sɛdeɛ Babilon adane biribi a ɛyɛ hu wɔ amanaman no mu!
42 Ɛpo atwi afa Babilon so.
N’asorɔkye bebrebe no akata ne so.
43 Ne nkuro adane biribi a ɛyɛ hu, asaase a nsuo nni so ne anwea pradadaa.
Asaase a obiara rentena so, na onipa biara rentwam mfa hɔ.+
Amanaman remmom yuu nkɔ ne nkyɛn bio,
Na Babilon fasuo bɛdwiri agu.+
Monnwane mpere mo nkwa*+ mfiri Yehowa abufuhyeɛ mu!+
46 Mommma mo akoma nntu, na mommmɔ hu, amanneɛbɔ a mobɛte no wɔ asaase no so nti.
Afe baako, amanneɛbɔ no bɛba,
Na afe a ɛdi hɔ no, mobɛte amanneɛbɔ foforɔ,
Ɛyɛ awudisɛm a ɛwɔ asaase no so ne sodifoɔ a wasɔre atia sodifoɔ foforɔ ho amanneɛbɔ.
47 Enti hwɛ! nna bi reba,
Saa berɛ no, mɛtu m’ani asi Babilon ahoni no so.
N’asaase nyinaa anim bɛgu ase,
Na nkurɔfoɔ a wɔbɛkunkum wɔn no bɛtotɔ wɔ ne mu.+
48 Ɔsoro ne asaase ne deɛ ɛwom nyinaa
Bɛto Babilon ho ahurisi dwom,+
Ɛfiri sɛ asɛefoɔ no bɛfiri atifi fam aba ne so,”+ Yehowa asɛm nie.
49 “Ɛnyɛ Israelfoɔ a wɔakunkum wɔn no nko ara na Babilon maa wɔtotɔeɛ,+
Na mmom asaase sofoɔ a wɔakunkum wɔn no nyinaa nso totɔɔ wɔ Babilon.
50 Mo a moadwane afiri sekan ano, monkɔ. Monnnyina hɔ!+
Momfiri akyirikyiri nkae Yehowa,
Na monkae Yerusalem nso wɔ mo akoma mu.”+
51 “Wɔagu yɛn anim ase, ɛfiri sɛ yɛate adapaatwa.
52 “Enti hwɛ! nna bi reba,” Yehowa asɛm nie,
“Saa berɛ no mɛtu m’ani asi n’ahoni no so,
Na wɔn a wɔapirapira no bɛpenepene* wɔ n’asaase nyinaa so.”+
Na ɔma n’abantenten yɛ den sɛ deɛn mpo a,
Me nkyɛn na n’asɛefoɔ no bɛfiri aba,”+ Yehowa asɛm nie.
54 “Tie! Wɔte nteateamu wɔ Babilon,+
Ɔsɛeɛ kɛseɛ nnyegyeeɛ wɔ Kaldeafoɔ asaase so,+
55 Ɛfiri sɛ Yehowa resɛe Babilon,
N’ano dendeenden no, ɔbɛma no aka atom,
Na wɔn asorɔkye bɛbu afa so te sɛ nsuo pii.
Wɔbɛte wɔn nne nnyegyeeɛ no.
56 Na ɔsɛefoɔ no bɛba Babilon so;+
Wɔbɛkye ne mmarima a wɔnim ko no.+
Wɔbɛbubu wɔn agyan mu pasaa,
Ɛfiri sɛ Yehowa yɛ Onyankopɔn a ɔtua bɔne so ka.+
Deɛ ɛteɛ biara, ɔbɛtua ka.+
57 Mɛma ne mpanimfoɔ ne n’anyansafoɔ abobo,+
N’amradofoɔ ne n’asoafoɔ ne ne mmarima a wɔnim ko no.
Na wɔbɛda afebɔɔ,
Na wɔrensɔre bio,”+ Ɔhene a ne din de asafo Yehowa no na aka.
58 Deɛ asafo Yehowa aka nie:
“Babilon fasuo trɛ, nanso wɔbɛdwiri ne nyinaa agu,+
N’apono yɛ atenten, nanso wɔde gya bɛhye.
Aman no bɛbrɛ agu kwa;
Amanaman no bɛbrɛ wɔn ho ayɛ adwuma, nanso egya na ɛbɛhye no.”+
59 Akwankyerɛ yi na odiyifoɔ Yeremia de maa Maseia ba Neria ba+ Seraia, berɛ a ɔne Yuda hene Sedekia kɔɔ Babilon, n’ahennie afe a ɛtɔ so nnan mu no. Seraia na na ɔhwɛ ɔhene nneɛma so.* 60 Yeremia twerɛɛ mmusuo a ɛbɛba Babilon so no nyinaa wɔ nwoma baako mu, nsɛm a ɔtwerɛ tiaa Babilon yi nyinaa. 61 Bio nso, Yeremia ka kyerɛɛ Seraia sɛ: “Sɛ woduru Babilon, na wohunu kuro no a, kenkan nsɛm yi nyinaa den. 62 Na ka sɛ, ‘O Yehowa, wo na wokaa sɛ kuro yi bɛsɛe, na obiara rentena mu, onipa ne aboa nyinaa. Na ɛbɛdane amamfo afebɔɔ.’+ 63 Na sɛ wokenkan nwoma yi wie a, fa kyekyere ɛboɔ na to to Eufrate bunu mu. 64 Afei ka sɛ, ‘Saa na Babilon bɛmem a ɛrensɔre bio da,+ mmusuo a mede reba ne so no nti; na wɔbɛboto.’”+
Ɛha na Yeremia nsɛm no si.