2 “Ɔbarima biara a ɔbue yafunu ano wɔ Israel, ne aboa nini biara a ɔdi kan no, hyira so ma me. Ɛyɛ me dea.”+

19 “Deɛ ɛbue yafunu ano biara yɛ me dea,+ na wo mmoa nso, nantwie oo, odwan oo, onini biara a ɔdi kan no yɛ me dea.+

26 “‘Aboa biara abakan deɛ, ɛnsɛ sɛ obi hyira soɔ, ɛfiri sɛ ɛyɛ Yehowa dea+ dada. Nantwie oo, odwan oo, ɛyɛ Yehowa dea.+

13 Hwɛ, abakan biara yɛ me dea.+ Da a mekum Egypt asase so mmakan+ nyinaa no, mehyiraa mmakan a wɔwɔ Israel nyinaa so faeɛ, nnipa ne mmoa nyinaa.+ Enti wɔyɛ me dea. Mene Yehowa.”

15 “Onipa anaa aboa a ɔbue yafunu ano+ biara a wɔde no bɛma Yehowa no bɛyɛ wo dea. Nanso nnipa mu mmakan+ deɛ, ma wɔntua sika nnye wɔn. Saa ara na aboa a ne ho akum abakan nso ma wɔntua sika nnye no.+

17 Nanso nantwinini anaa odwennini anaa abirekyie a ɔyɛ abakan deɛ, mfa sika nsesa,+ ɛfiri sɛ ɔyɛ kronkron. Fa ne mogya+ petepete afɔrebukyia no so, na hye ne sradeɛ sɛ egya afɔdeɛ hwamhwam ma Yehowa.+